教育王國

標題: 請各位抽空評論 ......真的可以嗎 ? (故事比較長,不好意思) [打印本頁]

作者: 水杯 時間: 11-7-7 17:39 標題: 請各位抽空評論 ......真的可以嗎 ? (故事比較長,不好意思)

話說6月4日A家長派得好差好差,立即忙於到48綱各學校或上綱取叩門表格,B家長致電A家長說有什麼可以幫手, (因為B家長派到第一志願,XXX(旧校),而A &B 家長己結識三年了,B家長是一位好熱心 & 好講義氣),A家長叫B家長代取XXX(旧校)表格,到下午B家長交給一張粉紅色申請表格給A家長.晚上A家長回到家填寫叩門表格,發覺粉紅色表格是XXX(新校),而A家長己上綱下載了XXX(新校)表格.所以沒有用粉紅色表格.

A家長的小朋友自6月4 日發高燒,帶病考了大約10間學校,作為家長非常之心痛,心酸,現在回想起都流淚.一個不足六歲小孩8-13號每天來回不同學校考試,又晒又熱.又病....好在上天可憐A家長,14號己收到XXX(新校)錄取通知,好開心,好感恩.
大約22號,B家長致電A家長說" 我朋友告之,佢幫助三個小朋友入了XXX(新校),B家長的小朋友是其中一位,B家長說粉紅色表格"Mark "了一些東西,一定可以入xxx(新校).但當時B家長完全沒有明示或暗示,提示這份"粉紅色表格的重要性".
各位這間學校是48綱區熱門學校,叩門只有10-12個位,
最少有二三佰多人考.一個人真可以帶三個小朋友入學校嗎 ?
最後A家長放棄了XXX(新校),入了佢最心儀另一間小學.

作者: Yukyuk 時間: 11-7-7 17:51 標題: 回復 1# 水杯的帖子

冇好意思!

請問下你係唔係A家長呀?

既然入到最心儀另一間小學，又可必理這些無謂的事。

人地點講理得佢! 是真是假，搵審死官查!

同佢講: 我係唔信，你耐我咩何? 呢D人，慌話連篇，最好唔好同佢交往好D!

[ 本帖最後由 Yukyuk 於 11-7-7 17:56 編輯 ]

作者: thomasha 時間: 11-7-7 17:52

Long story but too little information to comment on.

E.g.
1. Which school? (Subjectivity of each school differs)
2. What is the position of Friend B's friend? Is he/she a principal or holding a senior position in the school?
3. Did Friend A give up XXX upon hearing this incident?

Whether Friend B is innocent regarding the red form is irrelevant - after all, Friend A's child was accepted.

原帖由水杯於 11-7-7 17:39 發表
話說6月4日A家長派得好差好差,立即忙於到48綱各學校或上綱取叩門表格,B家長致電A家長說有什麼可以幫手, (因為B家長派到第一志願,XXX(旧校),而A &B 家長己結識三年了,B家長是一位好熱心 & 好講義氣),A家長叫B家長代取 ...

作者: chloecolin 時間: 11-7-7 22:30 標題: 回復 2# Yukyuk 的帖子

認同，一針見血呀!
叩到咪請強囉！小人所為，少見好！
介紹？親戚都無情講呀!何況仲三個，你估佢係校監咩?

作者: kathykat 時間: 11-7-8 09:16

想請問XXX(新校)有無second in? 因為我都聽人講話有個家長既小朋友9 號in..10 號收左..無second in 或見埋家長 (但10號仲有好多小朋友in)..有d 家長話果位家長應該識人..所以先會咁快收..唔知真定假 @@

作者: kathykat 時間: 11-7-8 09:27

原帖由 chloecolin 於 11-7-7 22:30 發表
認同，一針見血呀!
叩到咪請強囉！小人所為，少見好！
介紹？親戚都無情講呀!何況仲三個，你估佢係校監咩?

其實一帶三唔出奇..如果果個帶人係學校係有份量..而學校又容許..

作者: 水杯 時間: 11-7-8 09:59 標題: 回復 6# kathykat 的帖子

是呀,如果是校監 or 校懂or 校長一定可以.

作者: 水杯 時間: 11-7-8 10:24

原帖由 Yukyuk 於 11-7-7 17:51 發表
冇好意思!

請問下你係唔係A家長呀?

既然入到最心儀另一間小學，又可必理這些無謂的事。

人地點講理得佢! 是真是假，搵審死官查!

同佢講: 我係唔信，你耐我咩何? 呢D人，慌話連篇，最好唔好同佢交往好D! ...

其實A家長只是覺得小朋友帶病好辛苦去叩門考試,成功後,反而被"屈", 感覺好心痛.

作者: Yukyuk 時間: 11-7-8 10:34 標題: 回復 1# 水杯的帖子

我明白A家長之囝囝是用自己實力入果間 XXX(新校)，所以A家長可好大聲咁話，我沒有用果張粉紅色做了手腳的申請表。

我唔覺得有被屈的感覺，反而覺得為個囝咁叻而自豪！

係叻怕咩認！

[ 本帖最後由 Yukyuk 於 11-7-8 10:37 編輯 ]

作者: 水杯 時間: 11-7-8 10:35

原帖由 chloecolin 於 11-7-7 22:30 發表
認同，一針見血呀!
叩到咪請強囉！小人所為，少見好！
介紹？親戚都無情講呀!何況仲三個，你估佢係校監咩?

多謝支持 , A 家長估計佢其實只是該校家長.

作者: thomasha 時間: 11-7-8 10:47

換個角度，A家長個小朋友唔駛靠關係成功叩門，證明佢有實力，A家長應該好欣慰同自豪。計我話，走捷徑一d都唔馨香，B家長咁講唔知係咪想表達佢有d好有影響力o既朋友黎抬高自己。

原帖由水杯於 11-7-8 10:24 發表

其實A家長只是覺得小朋友帶病好辛苦去叩門考試,成功後,反而被"屈", 感覺好心痛.

作者: ziyi 時間: 11-7-8 12:17

但係樓主其中一句說B家長是一個熱心幫助人,又講義氣

所以都唔明樓主想評論什麼
如果是我,只有2樣想法:
1. 直接對B家長說實話,"對不起,因為唔知道原來那份表有唔同,而你俾我之前我填了網上下載的,沒有用"
2. 啞子食黃蓮,客氣說多謝幫忙,(如果B家長真的如樓主說的是一個熱心幫助人,又講義氣的人,那B家長都只是真心希望幫到而已),又有什麼好介意.

原帖由 thomasha 於 11-7-8 10:47 發表
換個角度，A家長個小朋友唔駛靠關係成功叩門，證明佢有實力，A家長應該好欣慰同自豪。計我話，走捷徑一d都唔馨香，B家長咁講唔知係咪想表達佢有d好有影響力o既朋友黎抬高自己。 ...

作者: miffy 時間: 11-7-8 12:58

提示: 作者被禁止或刪除內容自動屏蔽

作者: 6853849 時間: 11-7-8 13:42

同意ziyi.

作者: To_Ma 時間: 11-7-8 13:55 標題: 回復 1# 6853849 的帖子

我都同意ziyi,其實自己心照咪算，何苦多個敵人？呢個世界好細。恭喜A家長！

作者: 水杯 時間: 11-7-8 15:31

原帖由 ziyi 於 11-7-8 12:17 發表
但係樓主其中一句說B家長是一個熱心幫助人,又講義氣

所以都唔明樓主想評論什麼
如果是我,只有2樣想法:
1. 直接對B家長說實話,"對不起,因為唔知道原來那份表有唔同,而你俾我之前我填了網上下載的,沒有用"
2. 啞子食 ...

一個熱心幫助 & 講義氣人,當佢朋友告訴她,她帶了三個人入到學校,B家長是否要考慮事情的可信性!!!
想法1 ,我有做.

作者: panbaby 時間: 11-7-8 15:50 標題: 回復 1# ziyi 的帖子

X2

其實有時由另一個角度想會唔會有另一番睇法?

B家長沒講用粉紅色會唔會是以下原因? 是A叫B去取表, 咁B 會唔會根本未想過A自己會DOWNLOAD? 所以B只會想佢給你張表是唯一一張? 要寄都只會寄B個張粉紅色, 唔會寄其他色?? 所以連提都沒有提? 如果有咁可能, 插B會唔會不公道?

如 ziyi 所講, B 真係有幫A , 即使佢吹水作大, 佢都係幫A (除非張粉紅色表是假, 交上去會出事), 係B要人幫時有人幫會唔會是件好事. B幫完A 自己作吓大由佢囉, 個問題是冇影响A 嗎, 認叻呢個世界大把...好過撓埋雙手睇住A死唔幫呀, 係咪?

作者: Yukyuk 時間: 11-7-8 16:09

首先，B家長事前沒有講張APPLICATION FORM 劃左記號的事告訴給A家長;跟住，B家長又要話佢所提供的PINK FORM不是普遍APPLICATION FORM, 仲要係收硬。呢一種都係認叻!

到後來，A家長又用了網上下載的FORM 都入到，A家長囝囝病住去考，都入到。與A家長之囝囝比較，呢一種叻好似光彩好多LAW!

我想講就係咁!

原帖由 Yukyuk 於 11-7-8 10:34 發表
我明白A家長之囝囝是用自己實力入果間 XXX(新校)，所以A家長可好大聲咁話，我沒有用果張粉紅色做了手腳的申請表。

我唔覺得有被屈的感覺，反而覺得為個囝咁叻而自豪！

係叻怕咩認！ ...

作者: ziyi 時間: 11-7-8 16:09

如果做了第1點,而B家長仍舊四處唱她協助了3個小朋友入讀(即包括了A家長的小朋友)
那B家長就唔可以說"熱心幫助&講意氣"的人
咁你咪當認識清楚這個人的真面目

如果B家長只對A家長說了這說話,但沒有在外面再說,那A家長怎麼知道B家長沒有此能力?
只是抽水?

很多時,開心是在予放下執著
而且,如Thomsha說,另一角度,自己小朋友叻
可苦要想咁多其他人有沒有能力

呢個世界,很多奇人異士,外表看不出來的

原帖由水杯於 11-7-8 15:31 發表

一個熱心幫助 & 講義氣人,當佢朋友告訴她,她帶了三個人入到學校,B家長是否要考慮事情的可信性!!!
想法1 ,我有做.

作者: fanwong29 時間: 11-7-8 16:13

故事中Ａ家長無用到B家長所提供果份表來叩門,上天想比Ａ家長知道証明你孩子是o.k有實力。
另一方面可以咁睇,B家長真係想幫Ａ家長,攞份"必收"取錄表格給Ａ家長,當初Ｂ家長唔一早講明,或怕給Ａ家長壓力,和有什麼特發事情而未能取錄,就真係唔好意思,所以知道咗結果才講出來,未必是認叻或真的有辦法可成功叩"後門",最後點都好,諗開少少點都會開心d。

作者: milkonline2 時間: 11-7-8 16:15

That's very true! WHy don't we choose to think of the positive side more!

Then we will live happily!

原帖由 ziyi 於 11-7-8 04:09 PM 發表
如果做了第1點,而B家長仍舊四處唱她協助了3個小朋友入讀(即包括了A家長的小朋友)
那B家長就唔可以說"熱心幫助&講意氣"的人
咁你咪當認識清楚這個人的真面目

如果B家長只對A家長說了這說話,但沒有在外面再說,那A家長 ...

作者: 水杯 時間: 11-7-8 17:56

原帖由 fanwong29 於 11-7-8 16:13 發表
故事中Ａ家長無用到B家長所提供果份表來叩門,上天想比Ａ家長知道証明你孩子是o.k有實力。
另一方面可以咁睇,B家長真係想幫Ａ家長,攞份"必收"取錄表格給Ａ家長,當初Ｂ家長唔一早講明,或怕給Ａ家長壓力,和有什麼特發事情而未能取錄 ...

A家長現在沒有不開心,因小朋友己入了一間心儀學校,
A家長只是覺得派得差,唯有叩門,但剛好小朋友又病,好心痛小朋友,不開心,好徬徨,,怕入吾間好學校,這般心情無法形容.......
多謝各位見解......希望小朋友努力讀書 !加油 !

歡迎光臨教育王國 (/)