教育王國
標題: 各位一信班家長, 你哋好嘛! [打印本頁]
作者: 星人mama 時間: 11-7-6 13:29 標題: 各位一信班家長, 你哋好嘛!
我個女編咗入一信班, 以後請多多指教呀!
就算唔係一信班, 都入來傾吓啦
作者: BLouie 時間: 11-7-8 00:25
囡囡一信班報到
有冇多d培基小一新一齊傾吓呀
作者: nay 時間: 11-7-8 02:23 標題: 各位一信班家長, 你哋好嘛!
你哋好嗎？我都係一信㗎
作者: nay 時間: 11-7-8 02:25
明早家長日，我都仲要做到依家，聽日實烏烏吓
作者: BLouie 時間: 11-7-8 22:48
好慘喎, 好彩培基多數少功課.
作者: WWJDO 時間: 11-7-9 00:03
Hi 你地好？我仔仔係一望班，多多指教！
原帖由 星人mama 於 11-7-6 13:29 發表 
我個女編咗入一信班, 以後請多多指教呀!
就算唔係一信班, 都入來傾吓啦
作者: dannychow 時間: 11-7-9 00:21
Hello everybody, my son is also 一信班 !! 多多指教呀!!!
作者: nay 時間: 11-7-9 19:54
將來有甚麼課外有益活動既話，大家交流一吓可以嗎？
作者: BLouie 時間: 11-7-9 22:41
nay : 好呀.
係呢你地小朋友依家開始做暑期功課未呀?
作者: 星人mama 時間: 11-7-12 09:45
我已經開始教囡囡做LM 1A, 一日做兩版, 但其他就未開始做
作者: 星人mama 時間: 11-7-12 09:49 標題: 回復 6# BLouie 的帖子
我都聽講話功課唔多, 我初時有啲擔心老師會好嚴, 家長日完咗, 阿囡話啲老師好溫柔, 大家都好開心喎
作者: 星人mama 時間: 11-7-12 09:51
原帖由 WWJDO 於 11-7-9 00:03 發表
Hi 你地好？我仔仔係一望班，多多指教！
WWJDO, 多多指教呀!
作者: 星人mama 時間: 11-7-12 09:53
原帖由 dannychow 於 11-7-9 00:21 發表
Hello everybody, my son is also 一信班 !! 多多指教呀!!!
Hi dannychow, 多多指教呀! 希望佢哋成班都開開心心咁讀書啦!
作者: BLouie 時間: 11-7-12 17:47
原帖由 星人mama 於 11-7-12 09:45 發表
我已經開始教囡囡做LM 1A, 一日做兩版, 但其他就未開始做
我都開始隔2-3日做2版, 隔日做上網中數功課, 要開學前識架英文生字數字大多數都ok默晒, 依家隔日揪問佢生字.
作者: BLouie 時間: 11-7-12 17:47
1A劉老師好好人冇咩火架適合教小一生, 另一位好似姓羅嚴d.
作者: BLouie 時間: 11-7-12 17:52
WWJDO,
作者: 星人mama 時間: 11-7-13 09:39
原帖由 BLouie 於 11-7-12 17:47 發表
我都開始隔2-3日做2版, 隔日做上網中數功課, 要開學前識架英文生字數字大多數都ok默晒, 依家隔日揪問佢生字.
我個女串英文同數字(one-one hundred)好差, 教完好快又唔記得
我仲教緊one - ten... 你咁快教哂
作者: 星人mama 時間: 11-7-13 09:42
原帖由 BLouie 於 11-7-12 17:47 發表
1A劉老師好好人冇咩火架適合教小一生, 另一位好似姓羅嚴d.
劉老師係班主任? 羅老師係副班主任?
1A即係1信班?
作者: BLouie 時間: 11-7-13 13:36
原帖由 星人mama 於 11-7-13 09:39 發表
我個女串英文同數字(one-one hundred)好差, 教完好快又唔記得 我仲教緊one - ten... 你咁快教哂
我第一日默1-10先, 第二日重默+11-20, 第三日重默1-20及教佢31,42,53, 64 ....和100跟住即默1-100, 我個囡都係默完第二日唔記得架, 但每次默前比佢串一次就ok哂.
作者: BLouie 時間: 11-7-13 13:45
原帖由 星人mama 於 11-7-13 09:42 發表
劉老師係班主任? 羅老師係副班主任?
1A即係1信班?
因我當時講緊電話唔知邊個正副, 但只肯定劉老師教我囡, 因為當年小一劉老師都係我囝班住任.
信(A)>望(B)>愛(C)>誠(D) , 所以1A=1信
作者: 星人mama 時間: 11-7-14 13:08 標題: 回復 2# BLouie 的帖子
BLouie, 妳好犀利呀!
而家啲小朋友, 係學識方面真係同我哋嗰代差好遠!
作者: BLouie 時間: 11-7-14 17:10
唔係我犀利係因為知自小女資質差要比人多倍努力快d教佢等佢早d消化.
作者: nay 時間: 11-7-15 21:53
見到各位家長在開學前已經有咁好準備，相信大家都係非常關心子女教育，希望可以一直對子女保持這種態度，尤其是在競爭咁大之下，仲可以入讀這一所咁有愛心的學校，對嗎？
作者: nay 時間: 11-7-17 11:32
星人mama我想問吓邊位家長可以幫忙話我知第一天吾使帶新書，但仍要帶書包嗎？仲有你用甚麼書包？
作者: 星人mama 時間: 11-7-19 13:36
原帖由 nay 於 11-7-15 21:53 發表
見到各位家長在開學前已經有咁好準備，相信大家都係非常關心子女教育，希望可以一直對子女保持這種態度，尤其是在競爭咁大之下，仲可以入讀這一所咁有愛心的學校，對嗎？ ...
係呀! 我都好開心可以入到呢間學校
我真係好希望我個女可以開心咁讀書, 唔好咁大壓, 始終佢哋呢個仲係無憂既年紀嘛!
作者: 星人mama 時間: 11-7-19 13:41
原帖由 nay 於 11-7-17 11:32 發表
星人mama我想問吓邊位家長可以幫忙話我知第一天吾使帶新書，但仍要帶書包嗎？仲有你用甚麼書包？
第一日唔駛帶書呀! 但我會帶書包, 因為會帶水, 毛巾紙巾, 筆盒, 文件夾!
我個女唔肯用SPI書包, 要用有公仔既粉紅色書包喎!
作者: 星人mama 時間: 11-7-19 13:45
原帖由 BLouie 於 11-7-14 17:10 發表
唔係我犀利係因為知自小女資質差要比人多倍努力快d教佢等佢早d消化.
佢1-100都識寫, 資質差極有限啦
我見到啲教科書, 中文同數學方面都仲可以, 但英文真係唔知點教佢, 佢哋呢個年齡, 好難識睇咁多英文... 我讀埋俾佢聽佢就識答, 自己睇就完全唔掂
作者: BLouie 時間: 11-7-19 16:05
我見過好多強者學生所以肯定我女資質平平英文底差我咪又係開頭個女10個有9個我讀同解依家每次做1A之前叫佢由頭中英讀解比我聽, 你地小朋友都得架最緊要搵啱方法教佢, 所以我依家都搵緊英文比佢學補底,你地有冇學其他嘢.
[ 本帖最後由 BLouie 於 11-7-20 09:05 編輯 ]
作者: 星人mama 時間: 11-7-20 13:21
原帖由 BLouie 於 11-7-19 16:05 發表
我見過好多強者學生所以肯定我女資質平平英文底差我咪又係開頭個女10個有9個我讀同解依家每次做1A之前叫佢由頭中英讀解比我聽, 你地小朋友都得架最緊要搵啱方法教佢, 所以我依家都搵緊英文比佢學補底,你地有冇學其他 ...
我個女學緊記憶學, 1星期上3堂, 游水一星期兩堂, 但我無打算俾佢再學其他, 因為而家一星期都學足五日啦!
咁你呢?
作者: BLouie 時間: 11-7-20 19:17 標題: 回復 29# 星人mama 的帖子
1星期2堂Phonic, 1堂游水及鋼琴, 依家唸緊oral或者writing, 重有其他參觀活動, 培基有泳隊如果你女女有興趣可到時比個女参加.
作者: 星人mama 時間: 11-7-21 17:38
原帖由 BLouie 於 11-7-20 19:17 發表
1星期2堂Phonic, 1堂游水及鋼琴, 依家唸緊oral或者writing, 重有其他參觀活動, 培基有泳隊如果你女女有興趣可到時比個女参加.
我個女啱啱學架咋, 因為佢有鼻敏感，學咗兩堂真係好咗好多喎！
我個女計數好差，問佢１０以內既數都ｏｋ，但１０以上，佢就教極都唔識，你有無學過珠心算，聽講學完計數叻好多，因為係用右腦來計喎！搵咗好耐，唔知沙田邊間好呢
作者: BLouie 時間: 11-7-22 00:32
原帖由 星人mama 於 11-7-21 17:38 發表
我個女啱啱學架咋, 因為佢有鼻敏感，學咗兩堂真係好咗好多喎！
我個女計數好差，問佢１０以內既數都ｏｋ，但１０以上，佢就教極都唔識，你有無學過珠心算，聽講學完計數叻好多，因為係用右腦來計喎！搵咗好耐，唔知沙田邊間好呢 ...
呢間口啤幾好"顯徑青少年中心"1/F, 如果你唔怕遠去"胡成"學, 之前我都有唸過學珠算, 但因為培基係英文數我女連基本睇題目都未識所以我依家考慮緊Enopi. 我仔學過公文數覺得好悶.
[ 本帖最後由 BLouie 於 11-7-22 00:38 編輯 ]
作者: nay 時間: 11-7-22 03:34
B Louie: 你小女目前學習緊游泳班？ 其實我隻都不太喜歡游泳，因之前在史丹福個教練太惡，搞到有抗拒感，但我隻同星人mama小朋友一樣有鼻敏感，所以要佢學游泳班，但學咗六堂，發現鼻仔有少許改善，但另一發現是我踫到呢個教鍊隨咗做好呢份工之外，佢仲會捉摸小朋友心理去教，有獎有罰，(獎：學更快既嘢及在教練陪同下玩吓跳深水，既可以訓練小朋友勇氣克服恐懼感之餘，又可以借啲易練吓腳踏水技巧)，(罰：繼續學返當日課程，打好基礎)當見到其他小朋友學得好又有得獎時，自然更比心機啦！仲令我隻無再抗拒喇！而且呢間x天仲係好似培基邀請教學生泳班添。
作者: nay 時間: 11-7-22 03:39
星mama 多謝你意見！
原帖由 星人mama 於 11-7-19 13:41 發表
第一日唔駛帶書呀! 但我會帶書包, 因為會帶水, 毛巾紙巾, 筆盒, 文件夾!
我個女唔肯用SPI書包, 要用有公仔既粉紅色書包喎!
作者: 星人mama 時間: 11-7-22 09:02
原帖由 BLouie 於 11-7-22 00:32 發表
呢間口啤幾好"顯徑青少年中心"1/F, 如果你唔怕遠去"胡成"學, 之前我都有唸過學珠算, 但因為培基係英文數我女連基本睇題目都未識所以我依家考慮緊Enopi. 我仔學過公文數覺得好悶. ...
我媽咪住顯徑架, 等我去打探吓先, 我前兩日都有考慮公文數, 而家睇來都係珠算好啲! 我朋友個女都有讀Enopi, 不過都幾貴吓! 記憶學對我來講已經好貴, 所以唔會再報Enopi住啦!
作者: BLouie 時間: 11-7-22 09:51
原帖由 nay 於 11-7-22 03:34 發表
B Louie: 你小女目前學習緊游泳班？ 其實我隻都不太喜歡游泳，因之前在史丹福個教練太惡，搞到有抗拒感，但我隻同星人mama小朋友一樣有鼻敏感，所以要佢學游泳班，但學咗六堂，發現鼻仔有少許改善，但另一發現是我踫到呢個教鍊隨咗做 ...
nay:X天我仔學都係呢間因為佢鐘意跟司徒sir學識後操水一流, 但呢間初學進度太慢一心唸住個女學識就算.
作者: BLouie 時間: 11-7-22 09:58
原帖由 星人mama 於 11-7-22 09:02 發表
我媽咪住顯徑架, 等我去打探吓先, 我前兩日都有考慮公文數, 而家睇來都係珠算好啲! 我朋友個女都有讀Enopi, 不過都幾貴吓! 記憶學對我來講已經好貴, 所以唔會再報Enopi住啦! ...
記憶學你比晒錢一定要學埋, 但我幾個朋友學完冇幫助.
作者: 星人mama 時間: 11-7-24 15:26
原帖由 BLouie 於 11-7-22 09:58 發表
記憶學你比晒錢一定要學埋, 但我幾個朋友學完冇幫助.
我幫個女報咗星期六啦, 咁近我都唔知有得學, 哈哈!
我連畫班都報埋, 咁有兩個鐘, 我可以順便去埋游水嘛, 多謝你既推介呀
作者: BLouie 時間: 11-7-24 20:10
原帖由 星人mama 於 11-7-24 15:26 發表
我幫個女報咗星期六啦, 咁近我都唔知有得學, 哈哈!
我連畫班都報埋, 咁有兩個鐘, 我可以順便去埋游水嘛, 多謝你既推介呀
呢間跳拉丁舞及中國舞都ok架.
作者: nay 時間: 11-7-25 17:52
B-Louie ma 你女女是否學緊 e-ropie 數呢，幾好嗎？由甚麼情度開始學呀？個位數定雙位數？還是學解題目？
作者: BLouie 時間: 11-7-25 21:23
原帖由 nay 於 11-7-25 17:52 發表
B-Louie ma 你女女是否學緊 e-ropie 數呢，幾好嗎？由甚麼情度開始學呀？個位數定雙位數？還是學解題目？
原本唸住8月份比女女學, 但我有個朋友學緊話唔um我女學進度慢怕我女嚴悶喎(因為我女P1中文數學自己做冇難度) 目前要解決英文題解問題, 我都煩緊轉太學林或數研, 你有冇研究??
[ 本帖最後由 BLouie 於 11-7-26 11:31 編輯 ]
作者: nay 時間: 11-7-27 17:58
在k2已學過e ropi數，發現習作非常基本，連續5堂個位加法，感覺慢並且起初話英語教數，但...，所以我轉去珠心算，兩隻手左右腦一起用嘛，不過差不多轉去學林，事關半年前學林職員希望我仔學埋珠心算除法打根基，先再來學林數，個效果會更理想，小朋友會追住學，下我認識任職老師的家長介紹。
作者: BLouie 時間: 11-7-27 21:24
原帖由 nay 於 11-7-27 17:58 發表
在k2已學過e ropi數，發現習作非常基本，連續5堂個位加法，感覺慢並且起初話英語教數，但...，所以我轉去珠心算，兩隻手左右腦一起用嘛，不過差不多轉去學林，事關半年前學林職員希望我仔學埋珠心算除法打根基，先再來學林數，個效果會更 ...
請問你珠心算學左幾耐, 你囝囝好叻仔喎識珠心算除法"勁".
作者: 星人mama 時間: 11-7-28 09:14
嘩!! 唔係呀嘛! 連除數都學緊啦
我個女而家仲係學緊個位十/一咋
我個女對比起我哋, 已經好叻, 我係由心咁覺得佢好叻! 但而家啲小朋友, 真係叻到超出想像!
[ 本帖最後由 星人mama 於 11-7-28 09:15 編輯 ]
作者: BLouie 時間: 11-7-28 21:54
nay:請問你珠心算和學林在哪裡學?
作者: nay 時間: 11-8-1 10:04
你嘗試「才高八斗」
作者: BLouie 時間: 11-8-10 20:44
原帖由 nay 於 11-8-1 10:04 發表
你嘗試「才高八斗」
nay : Thanks.
你地小朋友有冇番"小一銜接班", 我囡囡番上午你地呢?
作者: 星人mama 時間: 11-8-11 14:02
原帖由 BLouie 於 11-8-10 20:44 發表
nay : Thanks.
你地小朋友有冇番"小一銜接班", 我囡囡番上午你地呢?
我本來報咗上午, get ready打來叫我轉下午, 話上午太多人喎
作者: nay 時間: 11-8-15 19:28
兩位好！ 高興又可以同你哋分享，呀B Louise Ma 今日上午我同你一樣，帶仔仔去參加小一銜接班，佢哋話好開心，老師又有嘢食派(因為我沒有帶來小吃)，係呢你哋小朋友乜嘢隊？我c隊喎。今日英語老師獎咗貼紙仔比我小朋友，話佢有聽話，坐定定！
係呢你小朋友同你分享咗啲乜嘢開心呀！講嚟聽吓，等我讚吓佢吖！星ma你又分享吓！等我又讚吓佢吖！係喎，你點解要轉下午呀！朝早小朋友記性好啲喎！不過我因為小朋友下午要學嘢先要選擇上午，其實無所謂，最緊要小朋友開心，不過下午都幾好，起碼容易搭到車，朝早班班車都滿。
作者: nay 時間: 11-8-15 19:32
仲有呀，想問你哋有無同小朋友第一日返學，穿校服拍照留念呢？無就聽日補返呀！
作者: BLouie 時間: 11-8-16 00:55
原帖由 nay 於 11-8-15 19:28 發表
兩位好！ 高興又可以同你哋分享，呀B Louise Ma 今日上午我同你一樣，帶仔仔去參加小一銜接班，佢哋話好開心，老師又有嘢食派(因為我沒有帶來小吃)，係呢你哋小朋友乜嘢隊？我c隊喎。今日英語老師獎咗貼紙仔比我小朋友，話佢 ...
我都係小朋友下午要學嘢所以只能夠報上午班, 今朝等車時應適左一個男同學, 不過我地等左1個鐘小巴最終搭的士返學, 唉.... 遲到, 囡囡落嚟排隧放學時拖住個男仔好開心一齊行, 呀女同我講呢個男仔一望班xxx一齊學游水架, 佢仲話請左個男仔食嘢, 呀女話今日上堂好開心佢答對問題老師獎貼紙比佢, 係課室坐佢隔離位xxx同學同佢書包一樣, 呀女瞓前叫我聽日早D出門口唔好再遲到要同一誠班xxx一齊搭車, 呀女已經記得幾個同學仔名同班, 我都記唔到.
作者: nay 時間: 11-8-16 23:16
咩話！你地等左1個鐘小巴！
你或者考慮搭火車去火炭再步行十分都得喎，不過只有盛得幾日，你都可以考慮share 搭的士告喎！講返你女女，真係幾好記性喎，咁利害，都係剛剛認識就可以記得同學仔個名，我都吾得呀，而且今日老師仲獎咗個貼紙比你女女添，睇嚟你女女都幾投入喎，恭喜你，我祝福你女女讀書進步，身體健康先，同埋等姨姨加多個叻叻比佢，你記住幫我比你女女喎，吾該，講起今日我可能見到你喎，因為我同仔仔排緊隊時，的確見到有個男同學同媽咪跑到入來，不過淨係留意到個男同學仔，面都紅晒，不過我吾肯定見吾見到你，吾緊要我哋遲早會認識既。係咪？
作者: BLouie 時間: 11-8-17 00:36
nay:多謝你讚我女女等我明早講比佢聽, 如果佢d記性用係讀書方面我緊係開心啦但可惜唔係呢, 因我女性格未撻火都著晒加上佢主動又好多嘢講自動報告上堂行情, 我女係A隊, 聽呀女講中文全普及英數全英上課老師唔會講廣東話每個同學都要用普/英回答問題, 今日上堂分幾組玩問答遊戲, 我地一定有機會相認
作者: 星人mama 時間: 11-8-18 16:23
nay: 佢打來話上午無位想我轉下午嘛, 無計啦!! 我第一日都請假同囡囡返學, 有照相呀, 佢話識到新朋友好開心, 不過佢話俾我聽老師除咗上普通話同英文時, 全廣東話, 好開心咁話喎 哈哈, 你哋相認時, 唔好唔記得我呀!!
作者: nay 時間: 11-8-18 18:27
係呀，我好緊張呀，如果到時見面我哋要盡快分享交流未來小朋友補習班或娛樂意見呀，好嗎？準備迎接配合學校同小朋友給我哋既挑戰，對嗎？
哎呀！BLouie你女女睇嚟認該係個叻叻小朋友，專家話主動又好多嘢講啲小朋友係腦筋轉數快先會咁㗎，可能資優嚟添呀。 恭喜你先。 星ma，上午下午我認為吾緊要，最緊要小朋友開心，五日啫！right？ 其實我都知我小朋友英文吾，普通話更加吾使講，佢自己識聽自己吾識聽人哋 ，不過我自己都係！
不過睇吓點先，睇嚟要搵人惡補，
你哋兩位5星級媽咪唔好唔記得我呀!!
作者: BLouie 時間: 11-8-18 20:34
原帖由 nay 於 11-8-18 18:27 發表
係呀，我好緊張呀，如果到時見面我哋要盡快分享交流未來小朋友補習班或娛樂意見呀，好嗎？準備迎接配合學校同小朋友給我哋既挑戰，對嗎？
哎呀！BLouie你女女睇嚟認該係個叻叻小朋友，專家話主動又好多嘢講啲小朋友係腦筋轉數快先會 ...
nay:我囡囡話好想親自多謝你贊佢喎, 你咪傻啦我女很定唔係資優生, 只不過DNA似爸爸, 囡囡今日上堂成日同隔離位男仔傾計比老師調位, 我唸開學後囡囡係全班女仔最惡攪一個, 真係冇眼睇......
作者: BLouie 時間: 11-8-18 20:56
原帖由 星人mama 於 11-8-18 16:23 發表
nay: 佢打來話上午無位想我轉下午嘛, 無計啦!! 我第一日都請假同囡囡返學, 有照相呀, 佢話識到新朋友好開心, 不過佢話俾我聽老師除咗上普通話同英文時, 全廣東話, 好開心咁話喎 哈哈, 你哋相認時, 唔好 ...
有d唔同喎, 我女報告比我聽中文全普及英和數係全英, 因為我女試過數學文字題其中一題唔明舉手問老師, 老師會用廣東話解釋比佢聽, 佢仲同我講今日數學轉左個呀sir教嚴肅d之前Miss教生鬼d喎, 另外今日囡囡問我點解教佢個位陳老師d普通話好難聽又唔準, 但教聲母和調音好有趣.
作者: 星人mama 時間: 11-8-19 08:49
原帖由 nay 於 11-8-18 18:27 發表
係呀，我好緊張呀，如果到時見面我哋要盡快分享交流未來小朋友補習班或娛樂意見呀，好嗎？準備迎接配合學校同小朋友給我哋既挑戰，對嗎？
哎呀！BLouie你女女睇嚟認該係個叻叻小朋友，專家話主動又好多嘢講啲小朋友係腦筋轉數快先會 ...
我個女撘校車, 頭幾日我想自己送佢返學, 希望見到你哋啦! 而家啲小學真係好挑戰性... 希望開咗學都可以輕輕鬆鬆啦!
作者: 星人mama 時間: 11-8-19 08:54
原帖由 BLouie 於 11-8-18 20:56 發表
有d唔同喎, 我女報告比我聽中文全普及英和數係全英, 因為我女試過數學文字題其中一題唔明舉手問老師, 老師會用廣東話解釋比佢聽, 佢仲同我講今日數學轉左個呀sir教嚴肅d之前Miss教生鬼d喎, 另外今日囡囡問我點解教 ...
我見佢個阿SIR係外國人, 唔明時另一個女老師會用廣東話解釋喎! 我問佢有無學聲母韻母, 佢竟然問我, 咩來架 呢個女真係令人頭痛... 佢今日笑住咁同我講, 答問題時老師聽咗6次都聽唔到佢講咩, 因為佢講嘢細聲到蚊咁喎
不過見佢返得開心, 我都好開心
作者: nay 時間: 11-8-19 09:56
呢兩日都是我老公送佢返學，我要返工，星媽你依家應該感覺舒服哩，吾洗早起身，
星人mama 我問聲母韻母, 小朋友都吾知乜，我話b、p、m、f，佢竟然問我, 咩來架，仲話老師無摸佢，激到我,,,,,
，因為我哋報咗名搭學校巴士，所以我哋第一日要嘗試點搭，個姐姐吾精靈嘛，不過我會同個仔講，嘗試叫我小朋友嘗試搵你哋兩個小朋友出來，幾得意㗎。
作者: 星人mama 時間: 11-8-19 13:33
我個女都係話無教喎
我公司好近屋企, 而家8點起身都得, 但係到咗9月1日, 7點校車, 食埋早餐應該要6點20分到起身我既快樂日子仲有不足兩個星期咋
希望佢功課少啲, 等我可以快啲上床瞓啦
[ 本帖最後由 星人mama 於 11-8-19 13:42 編輯 ]
作者: BLouie 時間: 11-8-19 17:13
大家一齊玩吓嘗試搵兩個小朋友出來, 好計喎! 報到先
1. BLouie (Teri)
[ 本帖最後由 BLouie 於 11-8-29 17:35 編輯 ]
作者: BLouie 時間: 11-8-19 17:21
我住馬鞍山6:45am上車
, 呀女話數學堂有2個老師, 尋日英文學Phonic A E I O U, 今日學左少少Grammar 1Ad嘢, 呀女話數學文字體唔習慣英文有d睇唔明.
[ 本帖最後由 BLouie 於 11-8-19 19:49 編輯 ]
作者: 星人mama 時間: 11-8-23 15:04
原帖由 BLouie 於 11-8-19 17:13 發表
大家一齊玩吓嘗試搵兩個小朋友出來, 好計喎! 報到先
1. BLouie (關映睿 Teri)
2. 未樹Miki
作者: 星人mama 時間: 11-8-23 15:08
原帖由 BLouie 於 11-8-19 17:21 發表
我住馬鞍山6:45am上車 , 呀女話數學堂有2個老師, 尋日英文學Phonic A E I O U, 今日學左少少Grammar 1Ad嘢, 呀女話數學文字體唔習慣英文有d睇唔明.
嘩, 6:45am, 咁你真係要好早起身喎
我個女都睇唔明呀, 我讀俾佢聽就明
唔知你哋有無聽過IPA(國際音標), 我想俾個女讀, 但老公反對, 話佢太細唔會明喎
mouth:" />
[ 本帖最後由 星人mama 於 11-8-23 15:09 編輯 ]
作者: nay 時間: 11-8-23 21:46
日男 James
作者: BLouie 時間: 11-8-26 22:35
未樹Miki , 日男 James , 比你地2個笑死.
星ma : 我有了解過IPA一年前唸住比囡囡學後來轉了Phonic, 因為我女本身英文弱所以要由Phonic 最初學最基本入手待小朋友容易撐握對英文閱讀和默寫有一定自信才轉IPA, 但我知到學Phonic只拼到7成音, 其實最好學IPA一世通用, 但我個人意見應小四學比較好, 因為小四學生有能力獨立查字典, 其他媽咪有咩見解.
作者: Bonnie223 時間: 11-8-27 10:23
想問各位,9月1日開學,除左帶個吉書包返學,仲要帶D乜返學呢,因為我囝係叩門生,所以我冇join 家長會又冇讀適應班,我驚有野 miss 左.請各位家長提點下,謝!
作者: BLouie 時間: 11-8-27 22:07
原帖由 Bonnie223 於 11-8-27 10:23 發表
想問各位,9月1日開學,除左帶個吉書包返學,仲要帶D乜返學呢,因為我囝係叩門生,所以我冇join 家長會又冇讀適應班,我驚有野 miss 左.請各位家長提點下,謝!
無須帶新書, 交暑期作業及功課. 你有冇(新學期開課事宜第216號)及(小一及插班生新家長注意事項)通告, 上面已詳細說明, 如果你冇打去學校Fax比你啦.
作者: nay 時間: 11-8-28 00:00
Bonnie223，代表BLouie、星人ma一同歡迎你先，你放心，我哋會互相關心的，你還有甚麼問題可以問的，我哋會盡量了解後再回覆你的，至於ipa我認為是比phonics較須要時間學習，所以我也認為大先學比較好，何況我也攞緊意見，那間學舍比較好，到時再向大家分享吖！就嚟反學，好緊張呀！以及我要問大家，你哋購買咗保溫飯盒未！大象好嗎？多多指教。
作者: BLouie 時間: 11-8-28 00:42
Bonnie223 : Wellcome
nay:我用過象印, 如果你唸住朝早煮好比佢帶飯返學, 你就要買3層個款有3個size, 最底層只放熱水, 中層放飯最上層放餸(放飯餸前請用熱水浸15-20分鐘保溫時間會耐些), 但如果中午時帶飯給小朋友邊款都可以. 我冬天6:30am煮好比仔帶飯到放學時洗壺仲微暖架, 呀仔話夠熱.
作者: momling 時間: 11-8-28 20:24
When did you get the call from the school? Thanks!
原帖由 Bonnie223 於 11-8-27 10:23 發表
想問各位,9月1日開學,除左帶個吉書包返學,仲要帶D乜返學呢,因為我囝係叩門生,所以我冇join 家長會又冇讀適應班,我驚有野 miss 左.請各位家長提點下,謝!
作者: Bonnie223 時間: 11-8-30 10:04
想問9月1日開學係著裇衫西褲還是運動服?
作者: BLouie 時間: 11-8-30 20:40
著裇衫西褲, 直至9月7日跟時間表上課, 時間表會開學後派發各同學.
作者: 星人mama 時間: 11-8-31 14:55
原帖由 BLouie 於 11-8-26 22:35 發表
未樹Miki , 日男 James , 比你地2個笑死.
星ma : 我有了解過IPA一年前唸住比囡囡學後來轉了Phonic, 因為我女本身英文弱所以要由Phonic 最初學最基本入手待小朋友容易撐握對英文閱讀和默寫有一定自信才轉IPA, 但我 ...
BLouie, 我老公都係咁講呀...咁算啦, 我等佢10歲先啦, 因為有個親子班係星期日, 諗住同個女一齊去返吓嘛!
作者: 星人mama 時間: 11-8-31 14:59
原帖由 nay 於 11-8-28 00:00 發表
Bonnie223，代表BLouie、星人ma一同歡迎你先，你放心，我哋會互相關心的，你還有甚麼問題可以問的，我哋會盡量了解後再回覆你的，至於ipa我認為是比phonics較須要時間學習，所以我也認為大先學比較好，何況我也攞緊意見，那間學舍比較 ...
我諗住俾佢係學校買飯先, 要咁早起身, 邊煮得切呀
作者: 星人mama 時間: 11-8-31 15:02
原帖由 momling 於 11-8-28 20:24 發表
When did you get the call from the school? Thanks!
I got the call from Ms.Lau on Monday.
作者: 星人mama 時間: 11-9-1 11:02
我尋晚緊張到瞓唔著 今朝一早就到學校, 我個女可能唔慣早起身, 係咁
你哋有無去早會呀, 我唔見你哋既
作者: nay 時間: 11-9-1 21:52
你哋好！係喎，今早我同小朋友都有早會，但都見吾到你哋，不過我小朋友話見到miki，teri就未見，miki坐在我小朋友背後，明天再搵，努力！
作者: nay 時間: 11-9-1 21:55
星ma，吾駛緊張，咁快瞓吾到，考試你仲慘，不過我都瞓吾到
作者: BLouie 時間: 11-9-1 23:16
2位我都失眠, 呀女今朝6:20am鬧鐘響快速自理仲等番我6:40am出門口
, 我冇去早會呀, 叻仔James果然好快呀, 我女搵唔到聽日大家努力再搵.
作者: 星人mama 時間: 11-9-2 10:14
nay: 你個仔咁利害既, 我周圍睇名牌, 都唔見你個仔既!
BLouie: 今朝我同你囡囡say hi, 我仲介紹咗我個女佢識呀, 佢好健談呀, 同我講話會養小鳥, 又講起幼稚園, 仲見到你先生同個仔呀!
我都覺得自己好攪笑, 緊張到好似我自己返小學咁呀
作者: BLouie 時間: 11-9-2 10:42
原帖由 星人mama 於 11-9-2 10:14 發表
nay: 你個仔咁利害既, 我周圍睇名牌, 都唔見你個仔既!
BLouie: 今朝我同你囡囡say hi, 我仲介紹咗我個女佢識呀, 佢好健談呀, 同我講話會養小鳥, 又講起幼稚園, 仲見到你先生同個仔呀!
我都覺得自己好攪笑, 緊張到好 ...
我女超多嘢講架, 雀仔啱啱先養係女生日禮物嚟, 我同老公冇去學校喎, 仔晨早番左學(中學)?
[ 本帖最後由 BLouie 於 11-9-2 10:45 編輯 ]
作者: 星人mama 時間: 11-9-2 13:37
原帖由 BLouie 於 11-9-2 10:42 發表
我女超多嘢講架, 雀仔啱啱先養係女生日禮物嚟, 我同老公冇去學校喎, 仔晨早番左學(中學)?
吓! 我見佢同個男人同男同學一齊, 我以為係你先生同個仔添, 唔好意思呀!! 咁佢真係好健談呀, 咁多friends, 哈哈! 我個女就啱啱相反, 縮埋一邊成日話怕醜喎
作者: BLouie 時間: 11-9-2 18:41
原帖由 星人mama 於 11-9-2 13:37 發表
吓! 我見佢同個男人同男同學一齊, 我以為係你先生同個仔添, 唔好意思呀!! 咁佢真係好健談呀, 咁多friends, 哈哈! 我個女就啱啱相反, 縮埋一邊成日話怕醜喎 ...
唔緊要, 呀女對任何人都好熱情主動又好多嘢講男仔頭性格, 好多家長同我講佢地d小朋友本身怕醜慢熱但每個新朋友仔都受呀女感染第一日已經好friend有d仲拖埋手, 等我叫女女多d搵miki玩先
作者: nay 時間: 11-9-4 01:31
星人mama，利害喎, 比你搵到先，你仲介紹咗個女比Teri認識呀！
作者: 星人mama 時間: 11-9-4 20:33
BLouie: Teri好熱情, 性格好開朗, 我都想佢哋一齊現多啲, 等Miki可以受吓佢感染呀嘛!
nay: 我個女話同James一齊分享零食, 係friend來囉喎
我想幫我個女報開心果,醒目女個course, 我見佢啲簡介講得唔錯, 唔知你哋有無聽過呢? 係咪EQ班來架
[ 本帖最後由 星人mama 於 11-9-4 20:37 編輯 ]
作者: BLouie 時間: 11-9-4 23:44
星mama : 冇聽過, 不過健腦操要有恆心做. 我女想報普通話演說家.
你地有冇參加朗誦節比賽.
作者: 星人mama 時間: 11-9-5 10:05
我個女無參加過朗誦, 我都有想佢報普通話朗誦, 但佢話唔想參加, 運動佢又話唔想參加 我同佢一齊睇課外活動表, 佢一見到開心果, 就話想參加, 因為唔駛學習, 淨係玩喎
作者: Bonnie223 時間: 11-9-5 12:49
我覺得開心果個course,佢個簡介寫到好似上左課程就會讀書聰明又提升品格,好似有少少誇,而且學費又唔平,請問有冇家長的小朋友讀過此健腦操,可以比下意見.
作者: nay 時間: 11-9-5 22:30
BLouies，我都冇聽過, 不過我哋都打算報健腦操同埋普通話演說家，咁健腦操我又吾見詳情，點報㗎！星人mama一齊吖。 今日我小朋友講話未樹比老師讚呀，全班同學拍拍手添呀。未樹叻叻， 我個傻仔仲未話到我知teri晌邊！
teri你坐邊行第幾個位呢！
作者: 星人mama 時間: 11-9-6 08:58
nay: 俾老師讚 有啲咁既事, 等佢返來我問吓佢先 我日日都會同佢傾計, 問佢學校既事, 佢淨係話老師叫佢唔好食咁多糖咋
等我同佢講James都參加先, 佢一定好開心
作者: BLouie 時間: 11-9-6 19:59
未樹好叻仔 , 呀女話仲未知2位朋友仔係邊個佢話日日都同好多人傾過計唔知邊個打邊個 , 因為呀女本身有6樣嘢學緊等Phonic學完可能下學期先報普通話演說家, 另外呀女又話想學數學煩死.
作者: BLouie 時間: 11-9-6 20:10
原帖由 nay 於 11-9-5 22:30 發表
BLouies，我都冇聽過, 不過我哋都打算報健腦操同埋普通話演說家，咁健腦操我又吾見詳情，點報㗎！星人mama一齊吖。 今日我小朋友講話未樹比老師讚呀，全班同學拍拍手添呀。未樹叻叻， 我個傻仔仲未話到我知teri晌 ...
開心果 醒目仔/女啟導班 http://www.wholeself.net
作者: 星人mama 時間: 11-9-7 10:33
BLouie : 妳囡囡會話主動想學數學咁乖 我個女問我點解佢要學珠心算咁辛苦喎, 又日日都話唔想返記憶學, 叫我幫佢改為游泳班 Daddy又幫住佢喎, 話我唔應該迫佢學佢唔鐘意既嘢, 唉, 俾佢兩父女激死
作者: 星人mama 時間: 11-9-7 10:49
我睇完個網, 都唔係好明, 啱啱打咗去俾個查詢人黃先生, 佢話係同佢哋玩遊戲, 訓練佢哋啲反應, 又會教佢哋品德同規矩,最啱反應慢同唔出聲既小朋友 我問佢上堂悶唔悶, 佢話話明開心果, 當然會同小朋友玩得好開心架喎
作者: BLouie 時間: 11-9-7 11:48
原帖由 星人mama 於 11-9-7 10:33 發表
BLouie : 妳囡囡會話主動想學數學咁乖 我個女問我點解佢要學珠心算咁辛苦喎, 又日日都話唔想返記憶學, 叫我幫佢改為游泳班 Daddy又幫住佢喎, 話我唔應該迫佢學佢唔鐘意既嘢, 唉, 俾佢兩父女激 ...
記憶學學費好貴比哂錢一定要學埋佢叫囡囡比心機上堂最多學完唔再學, 你囡囡珠心算學左冇耐慢慢嚟, 有時你要同佢玩吓比賽數學等佢贏多d有d成功感再讚下佢會好d, 我囡囡返小一銜接班後叫我幫佢搵定數學班, 囡囡話數學英文題目睇唔明, 不過囡囡話等開左學睇下老師教佢明唔明白先, 如果真係唔明就會出聲叫我補數學喎.
作者: nay 時間: 11-9-8 10:03
請問 General Study 是否等於 科學？
作者: 星人mama 時間: 11-9-8 13:39
BLouie : 我個女咩都唔緊唔緊, 未試過主動話要學嘢同無提出過要我教佢 不過記憶學真係好貴, 所以佢幾唔想都好, 我唔會俾佢半途而費 我報咗奧數, 如果學得好, 最多唔駛佢學珠心算囉
作者: 星人mama 時間: 11-9-8 13:44
原帖由 nay 於 11-9-8 10:03 發表
請問 General Study 是否等於 科學？
General Study應該係科學啦, 我見佢昨日寫手冊:SC Bring Book + WB 3
SC 應該係解Science啩
| 歡迎光臨 教育王國 (/) |
Powered by Discuz! X1.5 |