教育王國

標題: 面試考的咩 [打印本頁]

作者: Nique 時間: 11-7-6 13:17 標題: 面試考的咩

提示: 作者被禁止或刪除內容自動屏蔽

作者: Charlotte_mom 時間: 11-7-6 13:43

第一round係小組活動, 有大路野如:砌puzzle,找不同,看圖說故事, 創作, 讀中英文書, 亦有聽過類似除數既概念問題, 聽音樂做動作等
不過應該每年都有d唔同

原帖由 Nique 於 11-7-6 01:17 PM 發表
請問各位家長面試考的咩

作者: Nique 時間: 11-7-6 15:39

提示: 作者被禁止或刪除內容自動屏蔽

作者: Ahbee02 時間: 11-7-14 14:56 標題: 回復 2# Charlotte_mom 的帖子

Charlotte_mom,

若然英文差D，面試中是否較為輸蝕？

作者: ziyi 時間: 11-7-14 15:01

唔會...過來人經驗
我囡只是讀普通的屋材幼稚園,還要是半天那種
都一樣是正取生入
反而...收了後跟其他準家長分享及出來玩才發覺,原來大家的囡囡的性格都有一些相似的地方

"夠大膽,唔怕羞,把口駁咀一流"

原帖由 Ahbee02 於 11-7-14 14:56 發表
Charlotte_mom,

若然英文差D，面試中是否較為輸蝕？

作者: Ahbee02 時間: 11-7-14 15:05 標題: 回復 5# ziyi 的帖子

多謝ziyi爸爸。

甘我阿女就悶水D啦，阿女稍慢熱，社交能力麻麻。不過都會報港同試下。

作者: ziyi 時間: 11-7-14 17:12

我個囡社交能力係超差的,死淨把口jar

原帖由 Ahbee02 於 11-7-14 15:05 發表
多謝ziyi爸爸。

甘我阿女就悶水D啦，阿女稍慢熱，社交能力麻麻。不過都會報港同試下。

作者: Ahbee02 時間: 11-7-15 10:45

原帖由 ziyi 於 11-7-14 17:12 發表
我個囡社交能力係超差的,死淨把口jar

作者: ziyi 時間: 11-7-15 12:18

如果今年interview都是跟上年類似的,那活潑,八卦的有advantage
因上年第1輪second part是跟校長玩校長話及問答
而第2輪家長及小朋友再跟校長面談時,校長會問返跟上一次的校長室有什麼分別的
而且,也會做心理測驗,看小朋友選什麼,家長見唔到有什麼選的,所以仟萬不要過份逼迫小朋友

原帖由 Ahbee02 於 11-7-15 10:45 發表

作者: Ahbee02 時間: 11-7-16 11:53

原帖由 ziyi 於 11-7-15 12:18 發表
如果今年interview都是跟上年類似的,那活潑,八卦的有advantage
因上年第1輪second part是跟校長玩校長話及問答
而第2輪家長及小朋友再跟校長面談時,校長會問返跟上一次的校長室有什麼分別的
而且,也會做心理測驗,看 ...

收到，ziyi爸爸。再次多謝甘有心的爸爸。

作者: Charlotte_mom 時間: 11-7-18 10:48

勁呀下, 連ziyi係爸爸你都知

我讚成, 就我見"入圍"既小朋友, 都係主動外向friendly果類, 港同唔係咩傳統模式, 平時學生都習慣會同老師傾計, 不妨叫小朋友開放d, 真係當去玩, 有咩唔明想知, 即管講, 唔識咪話唔識lor, 最緊要肯試, 有時"溜"老師傾計都得架!

原帖由 Ahbee02 於 11-7-16 11:53 AM 發表

收到，ziyi爸爸。再次多謝甘有心的爸爸。

作者: ziyi 時間: 11-7-18 12:52

係你眼大睇過龍

我的名後面有remark我係爸爸架

原帖由 Charlotte_mom 於 11-7-18 10:48 發表
勁呀下, 連ziyi係爸爸你都知
我讚成, 就我見"入圍"既小朋友, 都係主動外向friendly果類, 港同唔係咩傳統模式, 平時學生都習慣會同老師傾計, 不妨叫小朋友開放d, 真係當去玩, 有咩唔明想知, 即管講, 唔識咪 ...

作者: Charlotte_mom 時間: 11-7-18 17:06

係WOR係WOR

原帖由 ziyi 於 11-7-18 12:52 PM 發表
係你眼大睇過龍
我的名後面有remark我係爸爸架

作者: Ahbee02 時間: 11-7-19 12:28

Charlotte_mom,
我嚮BK潛左好耐水嘎拉，梗系知道ziyi有個甘好的爸爸啦！你同ziyi爸爸真系教左我地好多野。

其實我主要target的學校是活動教學的學校，想請教一下，其實真道同港同在理念上，教与學等方面會不會都幾相似呢（真道11年學製不計）？

原帖由 Charlotte_mom 於 11-7-18 10:48 發表
勁呀下, 連ziyi係爸爸你都知
我讚成, 就我見"入圍"既小朋友, 都係主動外向friendly果類, 港同唔係咩傳統模式, 平時學生都習慣會同老師傾計, 不妨叫小朋友開放d, 真係當去玩, 有咩唔明想知, 即管講, 唔識咪 ...

作者: Charlotte_mom 時間: 11-7-20 13:01

真道既課程比較UNIQUE, 佢地係5年小學就升中, 中學除左考本地新中高, 仲會考埋IB, 所以聽講真道小學課程都深的, 因為5年時間要學6年既野

比較起黎港同就"傳統"

得多了, 6年小學, 升中後考新高中, 只係當中會滲入IB教學元素

我又唔識比較2間學校, 因為我小朋友只讀左一間, 道聽途說對邊個都唔公平啦~所以我只講港同
港同小學會有校本課程, 亦有用本地書同外國書, 中文似內地教法, P1 11月左右已學晒拼音, 跟住高年班會著重BOTH實用性同埋點去深入睇文章(所以本地D練習唔多岩駛架); 亦有用READER去教中文
英文除左一般GRAMMAR, 亦好著重READING, 舊年我仔P1已經用DR SEUSS做教材, 仲有PROJECT TIM! 比圯傳統學校, 會多FREE WRITING
數學就無咩特別, 都貼近一般課程, 我女考試我都係買坊間學林啟思果D俾佢做, 平時功課會多"星星題", 要求多思考, 3(定4)年班開始會按程度分小班教

作者: ziyi 時間: 11-7-20 17:11

真道自己的OFFERICAL解釋係,整個學期,除了考試外,全部都會教書的,淨係6月份大考後那差不多一個月的時間都要教書,所以她們才有信心11年讀12年的

而她們是分3個段階的, 2年基礎, 5年拓展, 4年通達
去到拓展階段,是會培養小朋友探索,自行追求的
所以,跟傳統的一d的唔同
去到通達更像undergrade般做project,好睇自己

原帖由 Charlotte_mom 於 11-7-20 13:01 發表
真道既課程比較UNIQUE, 佢地係5年小學就升中, 中學除左考本地新中高, 仲會考埋IB, 所以聽講真道小學課程都深的, 因為5年時間要學6年既野

比較起黎港同就"傳統" 得多了, 6年小學, 升中後考新高中, 只係當中 ...

作者: Ahbee02 時間: 11-7-22 11:39

多謝Charlotte_mom, ziyi爸爸的詳細講解。

看了你們的回複及學校的小學評鑒報告，感覺上港同特別在基礎的key learning area方面是跟隨教局指引的。而單元及延伸學習則主要屬校本課程來補充key learning area的學習。各種學習都會在趣味性，延展性，互動性上等等与普通的傳統學校有很大的不同。

至於真道就以校本課程為主。具體我尚需再多加瞭解。

作者: bwm 時間: 11-8-11 15:19

今年話要帶一本書去interview, 唔知會點用呢?

作者: 312 時間: 11-8-19 00:24

its was mention on the letter u received ,the book only for them to read while waiting. i call the school to recomfirm it, yes the staff said yes,only one book please ,just beware the loss of book.

作者: ziyi 時間: 11-8-19 10:18

照睇跟上年一樣:
第1輪第1part - 小朋友分組上班房以遊戲方式面試,會問問題,老師會觀察小朋友玩遊戲的表現,家長只可在地下操場/有蓋操場等候 (大約半小時左右)
第1輪第2part - 小朋友大約5個左右去跟校長/副校在校長室玩,如校長話,畫畫,問小朋友問題,本書正常唔會問內容,上年小囡連書名都沒有問,有一些說會問書名,但我認識被取錄的家長全部都說小朋友話沒有問內容(

我相信都幾準,因有30/120的資料)
然後決定約400個入第2round
第2round的面試是家長及小朋友一起面見校長約15分鐘,內容參考同一post的之前的回答)
如果入到second round - 記得學校的4樣口號 - 活潑,好學,思辨,創新
而第2round是沒有得操的,操小朋友的結果是negative的,切記,因問題再不是學術(如中英數等)
因出生率一年比一年高,聽聞上年都有出現細佬妹入唔到second round的情況,所以如果是HKU畢業的家長,應該快D入返HKUGA,加返少少分
第1輪第1round,穿著最好是方便活動的
其餘,女孩可穿裙等比較正式的
基本上記得的就是這樣,希望幫到今年的家長

原帖由 312 於 11-8-19 00:24 發表
its was mention on the letter u received ,the book only for them to read while waiting. i call the school to recomfirm it, yes the staff said yes,only one book please ,just beware the loss of book.

作者: Charlotte_mom 時間: 11-8-19 11:48

根據校方講, 其實第一輪佔既比重好高, 而第2輪影響唔係好大, 最主要係見下家長MAKE SURE大家係對教育小朋友想法一致, 家長們唔需要俾自己太大壓力

作者: mlca1314 時間: 11-8-21 18:17

大家好:想問問大家,係咪所有小朋友都會second in架,我封信度無寫要帶書,係咪個個吾同?thanks!

作者: ziyi 時間: 11-8-22 09:59

以上年來說:
第1輪的2 part 面試是不同日子的
所謂要脅書的是第1輪的second part
而所有小朋友都需要經過第1輪的2次的面試,學校才會從中選擇400個進入第2round

原帖由 mlca1314 於 11-8-21 18:17 發表
大家好:想問問大家,係咪所有小朋友都會second in架,我封信度無寫要帶書,係咪個個吾同?thanks!

作者: filishiaginder 時間: 11-9-10 19:02

My son said he played with cars and there were toy guns... Not sure if he's just joking.

He said it was all english, but I see plenty other kids who aren't fluent speakers.

作者: joanthony 時間: 11-9-10 22:05

提示: 作者被禁止或刪除內容自動屏蔽

作者: yummyyum 時間: 11-9-11 00:10

so does girl need to wear jeans for part 1 first round?

作者: ziyi 時間: 11-9-11 15:21

還有第1輪第2part見校長,我想如果那一part俾到好印象給校長,會重要D.

原帖由 joanthony 於 11-9-10 22:05 發表
唉好無心機...今日我地準時到1:30pm到(係信上面寫的時間) 但睇漏左要早15分鐘去登記!! 個仔話入到課室時人地已開始舉手答問題, 係答關於故事的, 即應該故事都講完了我估? 如果係咁點解唔直情話1:15pm面試時間既? (當 ...

作者: kitty23205 時間: 11-9-12 09:29

Ziyi(daddy)
我是住將軍澳的,印象中你好似又係
想請問港同有校車到達嗎
港同中學在黄竹坑,你認為會太遠嗎?
thank you!

作者: mimi1102 時間: 11-9-12 09:52

容許我講句老實話, 有好多人去interview 都鍾意早d 到, 約15分鐘或早更多, 等小朋友可以warm up 一下, 而我就鍾意只早5-10分鐘到, 因為我怕太早到, 反而會令到我同小朋友都緊張.

學校已經明確講明面試時間係幾點, 亦有溫馨提示叫家長要早15分鐘到, 所以上年我係早左20分鐘到, 而相信亦會有家長更早到, 例如30分鐘前到.

如如你所說, 學校寫1:15開始, 有人又可能會再早15-30分鐘到, 那麼成間學校都係人, 到時又會有人投訴學校side 家長時間要等咁耐, 明明1:30 先開始, 又要佢地白等15-30分鐘.

去年我自己就覺得港同响時間上的安排好好, 唔需要我地白等, 準時開始, 準時結束, 唔係好多間學校可以做得到. 家長有責任睇清楚通告上每一隻字, 臨出門口前, 再check 一次有冇帶留野, 尤其是準時問題, 係父母的責任, 責無旁貸. 希望你今次引以為鑑, 往後的面試順順利利.

原帖由 joanthony 於 11-9-10 22:05 發表
唉好無心機...今日我地準時到1:30pm到(係信上面寫的時間) 但睇漏左要早15分鐘去登記!! 個仔話入到課室時人地已開始舉手答問題, 係答關於故事的, 即應該故事都講完了我估? 如果係咁點解唔直情話1:15pm面試時間既? (當 ...

作者: jwoo 時間: 11-9-12 11:02

阿囡話老師叫佢認字，佢話一個都唔識:(

作者: ziyi 時間: 11-9-12 12:55

今年有兩部行TKO,最正係我囡搭那部是後加的,2個站後直飛學校...7:13才上車
黃竹坑...到時有MTR,都是1個小時內到

原帖由 kitty23205 於 11-9-12 09:29 發表
Ziyi(daddy)
我是住將軍澳的,印象中你好似又係
想請問港同有校車到達嗎
港同中學在黄竹坑,你認為會太遠嗎?
thank you!

作者: ziyi 時間: 11-9-12 12:57

我係緊張大師...成日怕會塞車等...所以上年面試...我都會預多一些時間...如果早得多...咪在最後行路那段慢慢行

原帖由 mimi1102 於 11-9-12 09:52 發表
容許我講句老實話, 有好多人去interview 都鍾意早d 到, 約15分鐘或早更多, 等小朋友可以warm up 一下, 而我就鍾意只早5-10分鐘到, 因為我怕太早到, 反而會令到我同小朋友都緊張.

學校已經明確講明面試時間係幾點, ...

作者: Charlotte_mom 時間: 11-9-12 14:41

唔緊要啦, 個INTERVIEW有好多PART, 唔係淨係答問題既
不過下次真係要早D喇, 因為太趕, 小朋友心情都會受影響的, 考學校都係一樣幾緊要既事, 為左咁而蝕底就唔好喇!

原帖由 joanthony 於 11-9-10 10:05 PM 發表
唉好無心機...今日我地準時到1:30pm到(係信上面寫的時間) 但睇漏左要早15分鐘去登記!! 個仔話入到課室時人地已開始舉手答問題, 係答關於故事的, 即應該故事都講完了我估? 如果係咁點解唔直情話1:15pm面試時間既? (當 ...

作者: Charlotte_mom 時間: 11-9-12 14:42

TKO係有車的, 但都有可能兜唔晒, 方唔方便講你住咩屋苑?

原帖由 kitty23205 於 11-9-12 09:29 AM 發表
Ziyi(daddy)
我是住將軍澳的,印象中你好似又係
想請問港同有校車到達嗎
港同中學在黄竹坑,你認為會太遠嗎?
thank you!

作者: kitty23205 時間: 11-9-12 16:24 標題: 回復 4# ziyi 的帖子

thank you!

作者: kitty23205 時間: 11-9-12 16:25 標題: 回覆 2# Charlotte_mom 的文章

將軍澳中心
thank you!

作者: ziyi 時間: 11-9-12 19:35

今年沒有站係將軍澳中心,最近的是去到將軍澳廣場的回轉處,再唔係要去調景嶺

原帖由 kitty23205 於 11-9-12 16:25 發表
將軍澳中心
thank you!

作者: SCKnight 時間: 11-9-13 22:19

咁請問ziyi爸爸，校車經清水灣半島同坑口嗎？

作者: SCKnight 時間: 11-9-13 22:22

原帖由 yummyyum 於 11-9-11 00:10 發表
so does girl need to wear jeans for part 1 first round?

有着牛仔褲，亦有着裙，短褲都有！
個look斯文大方同smart，着乜都冇所謂喇！

作者: ziyi 時間: 11-9-13 22:43

今年有站係日出康城,但沒有清水灣半島
而坑口有兩個站..East point City & 文曲里
但有時會加站的...校車公司我far fast覺得ok,
好似我到8月中才報(雖然係正取生,但一直爭札係自己接送定校車).都盡量安排到.而且今年都有因學生加站

原帖由 SCKnight 於 11-9-13 22:19 發表
咁請問ziyi爸爸，校車經清水灣半島同坑口嗎？

作者: SCKnight 時間: 11-9-13 22:52

多謝ziyi爸爸回覆！
又想多口請教，因屋企人都鍾意港同。但睇番校刊，發覺而家嘅校長已經係第三位。校長轉得咁密，會唔會喺政策上有好大改動？有冇影響小朋友呢？
仲有最近有學校因為有派糸斗爭，教師有大量turnover，唔知港同有冇類似情況呢？

作者: SCKnight 時間: 11-9-13 22:56

唔好意思，小朋友都喜歡港同，但又唔識朋友有小朋友喺度讀，希望選擇正確。所以問題比較直接，希望各位港同家長唔好介意。

作者: ziyi 時間: 11-9-14 10:08

係啊...已經是第3個校長...但由個囡K2那一年聽簡介會已經是她了(那時她剛上任).所以沒有接觸過之前的.不能說什麼.

但吳副校都現在都係度.當時做MC的主任,課程發展主任也到現在都係度.

走了另一個副校長,但換了一個我妻子覺得很好的謝副校.

所以..有人走..是事實...有變化..是事實...但個人覺得變化是向好的

原帖由 SCKnight 於 11-9-13 22:52 發表
多謝ziyi爸爸回覆！
又想多口請教，因屋企人都鍾意港同。但睇番校刊，發覺而家嘅校長已經係第三位。校長轉得咁密，會唔會喺政策上有好大改動？有冇影響小朋友呢？
仲有最近有學校因為有派糸斗爭，教師有大量turnover，唔知港同有冇類 ...

作者: SCKnight 時間: 11-9-14 23:06

多謝ziyi爸爸，因為好擔心小朋友會受學校人事改變而受影響。

作者: iwff 時間: 11-9-15 09:20 標題: 回復 44# SCKnight 的帖子

SCKnight,

放心啦, 我仔仔係港同已4年班, 讀得很開心。校長的轉變沒有影響學校的運作, 因為辦學團體的鞏固經驗令學校更日漸成熟。現在的校長有多年辦學經驗, 沒有改變學校的辦學理念 - 仍是活潑,好學,思辨, 創新。

作者: 4eyesDad 時間: 11-9-15 12:52

Deleted on 15/9.

[ 本帖最後由 4eyesDad 於 11-9-15 13:20 編輯 ]

作者: iwff 時間: 11-9-15 13:16

4eyesDad,

你朋友叫你小心什麼呀? 你幫小朋友找小學是憑什麼原則去找的? 我仔仔讀左4年完全唔覺Staffs d態度唔好喎?

iwff

原帖由 4eyesDad 於 11-9-15 12:52 發表
我都有考慮這間小學，但有朋友見到有架深色細Lexus 貼上這間小學的Staff Parking Label，態度唔好，叫我小心，我都唔知點好。

作者: Charlotte_mom 時間: 11-9-15 13:23

咁不如你自己親自去接觸同了解一下學校, 再決定感覺如何?
我仔今年2年班, 2年前我都同你一樣周圍搵學校, O係面試過程中, 見到感受到好多, 有D越見越鐘意, 亦有見完覺得"收我都唔要" (唔係囂張, 係感覺唔好); 由舊年開始港同多左見校長一部分, 係O係WEEKDAY進行的, 你亦可以襯機會親自去學校睇一下, "江湖傳聞"有幾多真幾多假, 到時再決定都唔遲

原帖由 4eyesDad 於 11-9-15 12:52 PM 發表

[ 本帖最後由 Charlotte_mom 於 11-9-15 13:40 編輯 ]

作者: Charlotte_mom 時間: 11-9-15 13:39

我女入黎果年, 任校長上任, 佢係由之前副校長既位升上黎, 做左3年之後就決定返母校做校長, 呢份係任校長對母校既一份心意, 我地都明白
直到而家, 我地一班家長(平時多返學校做義工果班)都有同任校長保持聯絡, 小朋友見到佢都好開心
而家既黃校長, 做左2年, 可能由於佢黎自一間傳統學校, 當初家長都有D擔心的, 2年過去, 發現教學方針無大改變(一D都唔改就無可能, 唔同老闆都有唔同STYLE, 對嗎), 而行政上好明顯地進步左, 始終黃校長係一個好有經驗既校長, 經過2年磨合, 大家互相之間既信任亦建立左; 我地都好放心繼續擺個小朋友O係度
其實學校好開明的, 年年家長夜, 都有宣佈問卷結果, 學校年年都有俾家長做問卷, 包括認唔認同學校教學方針, 老師教學好唔好, 學校設施, 小朋友返學開唔開心, 兩文三語做成點, 對辦學團體既信心等等, 而作為家長, 我都好開心見到絕大部分家長對學校都好有信心, 好相信學校能夠做到佢地CLAIM既教學, 小朋友返學又開心(小朋友都有自己既問卷架), 睇得到學校(包括校董會)都好睇重家長同學生對學校既評價, 亦好樂意公開, 做得唔夠好的, 會去改善
而家呢個校長, 同校董會相處得好好, 我地當然開心, 亦希望佢繼續做落去啦.........不過, 有時實際D唸, 換左3個校長, 港同依然係港同, 証明學校既成功唔係建立O係某一個校長既個人魅力上, 即係可以話, 學校係"實力派"唔係"偶像派", 對嗎?

原帖由 SCKnight 於 11-9-13 10:56 PM 發表
唔好意思，小朋友都喜歡港同，但又唔識朋友有小朋友喺度讀，希望選擇正確。所以問題比較直接，希望各位港同家長唔好介意。

作者: SCKnight 時間: 11-9-15 21:56

好多謝Charlotte_mom嘅回覆，個心定咗好多。我已經一把年紀，比較喜歡實力派。
作為現屆學生家長，可分享一下你對學校頭兩至三年，輕鬆愉快學習到高年班嘅銜接經驗嗎？
因為小朋友生性活潑（即係坐唔定！

）。作為家長一定會努力督促，但驚小朋友慣咗無壓力學習唔識轉mode。你嘅寶貴經驗，一定可以作為參考。

作者: Charlotte_mom 時間: 11-9-16 11:56

港同學生唔係習慣坐唔定, 事實上, INTERVIEW期間, 已經有評估佢地係咪有潛質坐得定, 如果叫都唔停, INTERVIEW真係有影響的, 返學期間, 應有既上堂秩序都一定要有, 寬鬆之餘都有規則的. 例如: 學校俾學生幾時都可以著波鞋返學, 方便跑, 但波鞋都有波鞋既規格, 跑亦有指定既地方, 唔係周圍都可以跑的, 亦唔係真係無罰, 不過唔係傳統既小過缺點, 而係所謂"合理CONSEQUENCE", 例如跑左, 就要去靜思區罰坐, 無做功課就要去205室補做無小息, 等等
雖然小一, 二無測驗考試, 但其實會有評估, 而做評估之前家長根本唔會知, 學校係覺得評估係用黎ACCESS小朋友上堂學左幾多, 而唔係補習班或者家長訓練左幾多, 所以教完就會評, 除左評估, 所有小組討論, 上堂表現等, 全部都會記低寫O係學習報告上, 所以其實去到年尾, 你想知小朋友中英數去到咩位, 同其他小朋友比較點, 老師係絕對答到的, 所以小朋友的確係無壓力, 但老師/家長仍然可以知道佢地去到咩水平
(食飯, 陣間再打)

作者: SCKnight 時間: 11-9-17 00:20

真係好多謝Charlotte Mom咁詳細解說。

作者: Charlotte_mom 時間: 11-9-19 11:27 標題: 回復 52# SCKnight 的帖子

唔好客氣, 簡介會有時難免"講D野好似好深好難明"

, 我相信我地家長D實例會易明D
港同唔係無功課的, 不過功課設計會比較開心D, 用返簡介會既說法就係所謂"誇學科", "活動", 例如: 我女小一時, 英文科其中一個MODULE係童話故事, 教材係一般既故事書(老師揀的), 上課一齊睇, 其中一本係GOLDILOCKS(有個女仔入左個熊屋企食左人D野, 坐左人張鄧, 訓埋人張床, 一見到3隻熊走都走唔切呢), 而個ASSIGNMENT係"假設你係GOLDILOCKS, 請你寫一封道歉信俾3隻熊", 所以呢份功課, 係COVER到唔止英文科, 仲有生命教育, 而小朋友又做得好開心的
而PROJECT APPROACH, 小一要求當然會簡單D, 而父母都要配合的, 例如幫佢地上網搵資料, PRINT出黎, 解釋俾小朋友聽等等(網上搵返黎既資料未必係小一水平的), 然後點去舖排同PRESENT, 就係小朋友既工作; 當小朋友一路升上去, 識得用電腦PRINTER, 睇野又獨立左, 父母既ROLE又唔同, 而家我女小六, 我都唔理佢D PROJECT了, 最多係GROUP PROJECT時, 一班家長睇下點樣約時間架咋
評估: 小一二係無考試, 之前講左咩叫持續評估了, 小3,4有考中英數, 一年2次; 小5,6要考埋常識音樂(因為要呈分), 亦開始引入英文課本準備升中接龍; 所以去到高年班, 其實小朋友都可以READY升中了, 唔駛擔心

作者: blueroselam 時間: 11-9-19 16:35

有無家長試過請假?? 撞岩有事, 唔知可唔可以??

作者: Charlotte_mom 時間: 11-9-19 16:40

你指改interview日期? 學校都肯就的(如果有另一組可以俾你改), 你打去問下丫

原帖由 blueroselam 於 11-9-19 04:35 PM 發表
有無家長試過請假?? 撞岩有事, 唔知可唔可以??

作者: blueroselam 時間: 11-9-19 16:55

多謝你, 我會試下!!

作者: ziyi 時間: 11-9-19 21:07

我那時最後一round interview前的半夜...個囡突然發燒....一早打電話去學校說...發燒..如果退燒就去..唔退燒可唔可以改期..書記姐姐都好好..話沒有問題

原帖由 blueroselam 於 11-9-19 16:35 發表
有無家長試過請假?? 撞岩有事, 唔知可唔可以??

作者: SCKnight 時間: 11-9-19 21:33

原帖由 Charlotte_mom 於 11-9-19 11:27 發表
唔好客氣, 簡介會有時難免"講D野好似好深好難明" , 我相信我地家長D實例會易明D
港同唔係無功課的, 不過功課設計會比較開心D, 用返簡介會既說法就係所謂"誇學科", "活動", 例如: 我女小一時, 英文科其中一個M ...

多謝Charlotte Mom，我另一半越黎越鍾意港同，覺得好適合我地小朋友嘅性格，佢應該會讀得好開心。

作者: Charlotte_mom 時間: 11-9-20 10:45

即係話改期INTERVIEW唔好影響機會啦, GOOD!

原帖由 ziyi 於 11-9-19 09:07 PM 發表
我那時最後一round interview前的半夜...個囡突然發燒....一早打電話去學校說...發燒..如果退燒就去..唔退燒可唔可以改期..書記姐姐都好好..話沒有問題
...

作者: Charlotte_mom 時間: 11-9-20 10:47

祝你面試順利, 遲D有機會O係FB開2012/2013小一群組時可以見到你

原帖由 SCKnight 於 11-9-19 09:33 PM 發表

多謝Charlotte Mom，我另一半越黎越鍾意港同，覺得好適合我地小朋友嘅性格，佢應該會讀得好開心。

歡迎光臨教育王國 (/)