教育王國

標題: 升中放榜結果 [打印本頁]

作者: evayanyan 時間: 11-7-5 14:51 標題: 升中放榜結果

朋友話今年升中放榜有很好的成績, 學生家長感到很滿意,很多人士派安柱. 林護等. 還有些自己考到皇仁,英華女校,九龍華仁,女拔,培英等. 勁呀!

作者: moon11 時間: 11-7-5 21:20

可否告知詳程

作者: kcdada 時間: 11-7-8 17:22

學校巳經將升中派位資料放左嚮校網上，過去望下啦！

作者: Mikiwong 時間: 11-7-9 23:24

Announced below:

http://www.kwmwps.edu.hk/My%20Webs/notice.htm

作者: tramtram 時間: 11-7-10 16:53

今年, 成績比往年更好, 希望越來越好, 年年學校/家長/學生都皆大歡喜.

我都想借個位讚下校長, 由她領導之下短短2年, 明顯有進步, 就好似琴日, OPEN DAY 我參與左3年, 今年, 感覺更認真更專業更有質數.

http://www.kwmwps.edu.hk/My%20Webs/notice.htm　

作者: pakmanman 時間: 11-7-12 18:29

我發現馬基公佈的升中數據只有不夠46% (73/159) 屬於band 1, 與他們所說的大有出入. 他們是正宗好大喜功...

可風中學(嗇色園主辦) 11
荃灣公立何傳耀紀念中學 3
中華傳道會安柱中學 7
聖公會林護中學 1
佛教善德英文中學 3
天主教母佑會蕭明中學 1
保祿六世書院 3
順德聯誼會李兆基中學 3
寶安商會王少清中學 10
保良局八三年總理中學 2
拔萃女書院 1
皇仁書院 1
聖保羅男女中學 1
聖保祿學校 2
英華女學校 1
華仁書院(九龍) 2
英華書院 2
聖士提反書院 5
德望學校 1
寶血會上智英文書院 1
沙田培英中學 6
沙田蘇浙公學 1
聖公會林裘謀中學 1
香港管理專業協會李國寶中學 1
匯基書院（東九龍） 2
保良局胡忠中學 1

作者: 畢加思索 時間: 11-7-12 22:56

學校至少肯列哂數據俾你質疑，又幾好大喜功吖？

作者: pakmanman 時間: 11-7-13 00:01

他們自己說有70% band 1, 但原本只有46%, 他們校長又說自己 TSA 是全港 top 10. 不是好大喜功嗎 ?

作者: 畢加思索 時間: 11-7-13 00:59

可以唔同意他們的計算方法及Band 1學校的歸類，但仍看不出何以好大喜功。

作者: pakmanman 時間: 11-7-13 14:56

他們說自己是全港TSA top 10, 但派位成績根本做不到, 厚顏把派位的 band2 說成 band1, 強硬說自己有70%學生獲派band1, 我真是看不過眼 lor.

好大喜功

釋義好：愛好，喜歡；功：功績，成就。指不管條件是否許可，一心想做大事立大功。多用以形容浮誇的作風。

作者: paulhawk 時間: 11-7-14 00:18

原帖由 pakmanman 於 11-7-13 00:01 發表
他們自己說有70% band 1, 但原本只有46%, 他們校長又說自己 TSA 是全港 top 10. 不是好大喜功嗎 ?

我認為你與學校對band 1校有不同見解
例如我認為以下都是band 1中
東華三院陳兆民中學和賽馬會體藝中學

不果每間小學所例升band 1數字的可信性,
要靠家長自己理智的分析, 否則容易被誤導.

[ 本帖最後由 paulhawk 於 11-7-14 00:46 編輯 ]

作者: pakmanman 時間: 11-7-14 02:35

原帖由 kswiss 於 11-6-7 18:33 發表
所以學校所 quote 的數字的可信性, 真要靠家長自己理智的分析, 否則容易被誤導. 我都唔明, 這些地區學校總喜歡把區外的直資中學全算入 band1, 可知這些其實係 band 2, 更不是家長喜歡的學校. 以我個人認為, 佢諗住自 ...

原帖由 kswiss 於 11-6-7 18:39 發表
還有, 最有興趣睇呢d數字同最受影響既係揀小一既家長, 上咗小學既就未必對人地學校既派位數字咁有興趣. 學校諗住呢班家長唔係咁知中學既情況囉!

還有, 成日都話幾多 percentage 派首3志願, 都係費話. 大家都知, 入 ...

原帖由 kinheimom 於 11-6-7 21:47 發表
我就2睇囉,因為我覺得學校領導在簡介會講得太"行",有些家長未必上BK去verify, 就會令到人misleading ~

看他派位比率,因為160個人,所以band 1 百分比會被拉高,這個都5所謂,各有各做,但如果將一些數據演繹成 ~ 全港T ...

[ 本帖最後由 pakmanman 於 11-7-14 02:39 編輯 ]

作者: moon11 時間: 11-7-14 21:24 標題: 回復 10# pakmanman 的帖子

好奇問 pakmanman一聲?? 你是否馬基的家長????
又或者係其它學校的家長或教職員。

作者: pakmanman 時間: 11-7-14 21:58

我不是從事教育行業
更慶幸不是他們家長
只不過看不過眼他們
強如喇沙軒官都不會自誇top 10

作者: moon11 時間: 11-7-14 23:06

原帖由 pakmanman 於 11-7-14 21:58 發表
我不是從事教育行業
更慶幸不是他們家長
只不過看不過眼他們
強如喇沙軒官都不會自誇top 10

甘你又係邊間小學的家長呢???

作者: sunbee 時間: 11-7-14 23:33

原帖由 pakmanman 於 11-7-14 21:58 發表
我不是從事教育行業
更慶幸不是他們家長
只不過看不過眼他們
強如喇沙軒官都不會自誇top 10

嘩..依位家長都...
其實學校只係公佈數據..
所有學生升讀什麼中學都一一展示出來..有BAND123
都好客觀..你有什麼疑問你咪提出數據..
好似有D係BAND1的中中..你都無計算在內啦..其實個D學校都是BAND1..所以佢話70%BAND1..OK呀..無問題..
主要是你自己點諗..正所謂主觀的心客觀的事..你可以覺得學校好大喜功..我可以覺得學校積極進取.透明度高..你自己打依D野出來..只是反映你自己的心態..唔通你無把陳兆民和體藝計算在內..我就話你存心抹黑嗎?

作者: sunbee 時間: 11-7-14 23:40

pakmanman..你點知馬基是TOP10..
我都唔知..你點知..??很好奇...什麼場合..是誰講呀?
你又唔係馬基家長..你的消息怎來的呀???

作者: pakmanman 時間: 11-7-15 08:16

不如你把你認為是70% band1 數據排列出來, 等我們一起客觀地分析吧.

159x0.7=111.3

我怎計都沒有啦!

原帖由 sunbee 於 11-7-14 23:33 發表

嘩..依位家長都...
其實學校只係公佈數據..
所有學生升讀什麼中學都一一展示出來..有BAND123
都好客觀..你有什麼疑問你咪提出數據..
好似有D係BAND1的中中..你都無計算在內啦..其實個D學校都是BAND1..所以佢話70%B ...

作者: kk615 時間: 11-7-15 22:08 標題: 回復 1# pakmanman 的帖子

我很開心我的小女在馬基讀書,她在校內得到多元化的發展,每天她都帶著笑臉上學,且她的自信心亦日漸增強,實在很多謝馬基對小女的培育,

馬基的升中派位結果,作為地區小學,已算不錯,校方亦已公報所有升中的數字,表現得十分透明,

憑這位外校家長(pakmanman)在此發表的言論,敢問貴子女現時在那間小學就讀,貴校對升中派位結果的處理是否同樣的公開和透明,

可否公開貴子女學校的名稱,好讓大家可以討論一下,否則單憑你的一番說話,有欠公平,

作者: kcm 時間: 11-7-15 22:47

這句話是什麼意思? 請尊重別人.

原帖由 pakmanman 於 11-7-14 21:58 發表
我不是從事教育行業
更慶幸不是他們家長
只不過看不過眼他們
強如喇沙軒官都不會自誇top 10

作者: 畢加思索 時間: 11-7-16 02:37

據我瞭解，學校只在其網站公佈小六派位成績，學校家長亦借在教育王國學校的園地分享喜悅，竟落得給人形容為「好大喜功」、「厚顏」、「浮誇」，更揶揄說「慶幸不是他們家長」。我早前已說「可以唔同意他們的計算方法及Band 1學校的歸類」，但不可侮辱別人學校。
至於「他們校長又說自己 TSA 是全港 top 10」，在基慧網卻找不到出處。你是在哪裏得知？TSA成績只是代表基本能力，與小六派位成績無甚關係，但卻惹來「強如喇沙軒官都不會自誇top 10」的惡評。

作者: pakmanman 時間: 11-7-16 04:17

馬基不只在網上公開升中派位資料, 更大大隻字寫上 "

[size=+2]獲派首三志願達90% 獲派英文中學達65% 獲派Band 1中學達70%

" , 請你細閱

我想應比你們的更公開更細膩, 但我們不會浮誇自己有多少band 1 !!!

http://hra.hkcampus.net/~amit/index.php?action=sec

認叻唔緊要呀, 但要係事實. 由其是做教育工作的.
band 1 學校都分好多級啦, 但馬基派到band 1 頭既 (林護, 荃官...)真係唔多lor... 更何況佢有D所謂band 1根本只係band 2 頭
如果你們憑良心仍然認為馬基今年升中有70% band 1 是事實, 我無野好講lor, 原主祝福你們

至於tsa top10言論是我朋友(馬基家長)告訴我的, 我會再向他了解.

[ 本帖最後由 pakmanman 於 11-7-16 04:33 編輯 ]

作者: pakmanman 時間: 11-7-16 04:30

公道自在人心, 不再跟你們糾纏了. 話不投機半句多, 忠言逆耳, 哈哈

作者: kk615 時間: 11-7-16 16:46

[quote]原帖由 pakmanman
於 11-7-14 21:58 發表
我不是從事教育行業
更慶幸不是他們家長
只不過看不過眼他們

貴校成績真不錯, 但可措的是閣下個人修養有問題, 不懂尊重別人。原主祝福你。

各位家長, 請引以為鑑。

作者: sunbee 時間: 11-7-16 20:47

原帖由 pakmanman 於 11-7-16 04:17 發表
馬基不只在網上公開升中派位資料, 更大大隻字寫上 "
獲派首三志願達90% 獲派英文中學達65% 獲派Band 1中學達70%" , 請你細閱

我想應比你們的更公開更細膩, 但我們不會浮誇自己有多少band 1 !!!

http://hra.hkc ...

貴校派位成績係好, 這是由於學校及學生的努力,但地區也很重要,貴校處於港島,傳統名校林立,學生的選擇自然多。
馬基是一間地區學校,荃灣區本身極少名校,先天不足,但老師們在上任關校長的帶領下,於短短幾年間(好像是約5年)打響名堂,成為荃灣區受家長歡迎的小學之一,別忘記它是在孤島上呢,而且我看見這2、3年的派位一年比一年好,也多了學生衝出荃灣,順利考入市區傳統名校,作為家長的都好開心。

作者: pakmanman 時間: 11-7-16 21:31

講真我是絕對沒有想冒犯各位家長之意思
大家如果唔係有世襲關係, 在現時呢個小學派位制度下根本是身不由己, 命運控制在電腦手中.
而我係尼度發表下睇法
只不過因為覺得馬基所講既70%BAND1是不正確的, 是沒有數據支持的, 是誤導的
而作為教育工作者的馬基校方是責無旁貸的.
大家不如嘗試平心靜氣地多看一次他們的公佈, 看看我有沒有說錯.
我一路針對的是馬基的校方而不是學生家長們!!!

作者: pakmanman 時間: 11-7-16 21:43

原帖由 kk615 於 11-7-16 16:46 發表
[quote]原帖由 pakmanman
於 11-7-14 21:58 發表
我不是從事教育行業
更慶幸不是他們家長
只不過看不過眼他們

貴校成績真不錯, 但可措的是閣下個人修養有問題, 不懂尊重別人。原主祝福你。

各位家長, 請引以為 ...

我不覺得有問題喎
小兒因世襲關係有幸入讀大家公認的成績較好學校
而不用入讀一些由"做事浮誇"之教育工作者管理的學校,
我只針對POST "70% BAND1" 的人

作者: CurrieCheung 時間: 11-7-18 14:53

Open day 個日我都有去學校, 見到個派位結果都好興奮, 因為見到個result 有成70% 入band one, 因為小女今年升小六, 所以對住個notice board嘅派彩都望咗好耐, 不過當我睇咗好一陣子時都發覺有d奇架, 正如pakmanman所講, 如果有70%入band one, 咁咪考頭個110 名都入哂band one, 又好似唔多對路囉, 當時有個老師企咗係個board 前, 我都忍唔住問佢條數點計, 佢個答案話包括埋自己考嘅直資學校, 咁唔通對直資=band one 呢?
我無再問落去, 只有信囉, 因為邊間中學係band one, 我地又點會咁清楚, 而且可能不段有中學升咗’呢’或跌咗’呢’!! 最update都係行內人士先知囉!!!

作者: tramtram 時間: 11-7-20 16:41

pakmanman

睇來妳都幾得閒, 專登為馬基事宜費心思,

我地家長不單為學校成績進步而開心, 眼見校長/老師/各職員出心出力教導自已子女, 無論學習 & 品格同樣大大進步, 身邊家長們都十分滿意同信任學校.

不過, D個福份妳應該感受唔到嫁啦.

好多謝妳個人見解同分析, 其實我地一班家長都有智慧同能力去分別是非黑白, 有/沒有被詐騙/善意/惡意攪破壞.

近年, 在小一派位/升中成績學校都會受都好多比較 & 評論, 我估都係近年學校成績越來越好, 引來樹大招風.

[ 本帖最後由 tramtram 於 11-7-21 10:45 編輯 ]

作者: pakmanman 時間: 11-7-22 00:05

本來我真的只針對登 70% band1 個d人
不過原來尼個世界真係好多無知婦孺是不懂分辨事非

什麼 "近年學校成績越來越好, 引來樹大招風" ... 真好笑. 正如之前有位家長話 "...當時有個老師企咗係個board 前, 我都忍唔住問佢條數點計, 佢個答案話包括埋自己考嘅直資學校, 咁唔通對直資=band one 呢?...."
原來尼位 tramtram 家長已經與貴校老師的心靈相通了, 但卻跟全港其他正常人的思維有很大的出入

我最鍾意睇數據, 講就天下無敵, 唔該拿出d大眾接受既升中派位數據出來分響下啦, 唔該.

升中自行收生是不受區域限制的, 如貴校真係教得好, 身處邊區都可派到好學校, 但在貴校升中派位數字上卻看不到

作者: tramtram 時間: 11-7-22 16:33

D個世界都好多中意攪是攪非的小人,

跟全港其他正常人的思維有很大的出入 >>> 連我思維都要批評, 妳不懂尊重人, 就算妳有幾叻又如何 ?

唔該妳啦, 學校升中派位, 我地家長都末出聲擔心過, 有問題我地會同學校了解, 學校登得出來, 都預左要解答大家問題, 妳局外人下下針對住學校, 好難令人唔覺得妳無目的, 再講更令人反感.

原帖由 pakmanman 於 11-7-22 00:05 發表
本來我真的只針對登 70% band1 個d人
不過原來尼個世界真係好多無知婦孺是不懂分辨事非

什麼 "近年學校成績越來越好, 引來樹大招風" ... 真好笑. 正如之前有位家長話 "...當時有個老師企咗係個board 前, ...

[ 本帖最後由 tramtram 於 11-7-22 18:06 編輯 ]

作者: pakmanman 時間: 11-7-23 02:00

我向來最鍾意串d無料扮有料既人
邊鬼個唔知醜話自己派位有70% band 1 先,
講d與事實不符既事, 預左比人插:tongue:
你當然可以繼續活在你認為非常"美好"的井底世界裡, 繼續發你既"名校"夢
但夢就係夢, 最後是要醒的, 中一派位你便知
每年7月就要醒醒吧, 到時要四處叩門就慘啦

作者: tramtram 時間: 11-7-23 11:49 標題: 回復 1# pakmanman 的帖子

馬基家長們沒有一人發"名校"夢, 只是妳作出來, 大家明白馬基是一間普通資助小學, 沒有什麼特別, 正係咁, 又真係好奇怪, 會引來咁來是是非非 (小一/升中派位), 特別受外人關注/指點/比較 ????????

在妳眼中, 就算我地幾婦孺都明白升中唔只靠學校, 都要自已仔女成績為前題, 就算什麼一條龍/聯繫有幾高機會率, 成績唔爭氣, 無你份就無份啦, 不如, 做好自已本份教導好仔女, 有好入場卷在手, 去邊處都有書讀.

我覺得品格更重要......正正學校比到我, 是親身感受, 唔係發夢

我地日後苦/甜都唔關妳事, 唔好聯想得我地咁可憐, 咁樣只表現妳更黑心更有目的, 可能, 妳好彩唔使在D個教育遊戲中煩惱, 都唔使講咁多風涼話.

D 個 TOPIC 留返妳自已自吹自答啦......

[ 本帖最後由 tramtram 於 11-7-23 12:34 編輯 ]

作者: pakmanman 時間: 11-7-23 14:28

正如你所講 "大家明白馬基是一間普通資助小學, 沒有什麼特別" 但何故有人竟話自己 "70% band 1" !!!!!
我都未聽過有d大眾公認既名校會敢講, 就是馬基敢厚顏地講.
我都好明白當家長們見到自己學校比人插會好唔開心, 但我所提出的是事實.
為何你們一路都不肯正面回應我有關"70% band 1", 唔好答我觀點與角度"禁行", 唔該列出70%計法

唔肯接受批評及接受現實, 品格唔方高得去邊
厚顏,嘩眾取寵既教師, 品格更不用多提

講多無謂, 睇數據最實際
好學校+叻學生 , 一定有好派位, 但你們沒有

[ 本帖最後由 pakmanman 於 11-7-23 14:41 編輯 ]

作者: kk615 時間: 11-7-25 00:29

各位馬基家長,對於這種目空一切,自視過高,缺乏修養的人,大家無謂再爭論下去,

因為我覺得品格重於成績,希望這位家長能為子女立下榜樣,放棄惡言惡語,大家不要再爭論下去吧!

各自教好自己的孩子,不要成為孩子的壞榜樣....

作者: kk615 時間: 11-7-25 00:40 標題: 回覆 34# pakmanman 的文章

願主祝福大家, 希望大家不要再無止境爭論下去吧!

作者: pakmanman 時間: 11-7-25 01:56

現在是有人不肯接受現實
死撐自己學校有 70% band 1

你們連抗辯的理據都沒有
只能係道話批評者怎麼怎麼
正一懦夫

不如快D返去叫學校收返有關言論

[ 本帖最後由 pakmanman 於 11-7-25 02:01 編輯 ]

作者: FungKristy 時間: 11-7-25 18:27

原帖由 pakmanman 於 11-7-25 01:56 發表
現在是有人不肯接受現實
死撐自己學校有 70% band 1

你們連抗辯的理據都沒有
只能係道話批評者怎麼怎麼
正一懦夫

不如快D返去叫學校收返有關言論
...

其實馬基真是一間很好的學校, 老師對學生很有HEART, 我的孩子每天上學也覺得很開心.

而至於中學派位, 其實只要是入到適合自己孩子的中學在家長心目中便是BAND 1. 而且中學BANDING也沒正式LIST 那一間是BAND 1那間是BAND 2. 因此pakmanman你心目中的BAND 1 學校和馬基心目中可能是有所分別. 你何必要對70%如此在意呢? 我們這些馬基家長也沒有介意! 你又何必如此在意呢!

真不明白你為何要花時間來批評馬基 ? 如你真的有空,為何不多花在孩子身上或做義工行善!

[ 本帖最後由 FungKristy 於 11-7-25 18:33 編輯 ]

作者: tramtram 時間: 11-7-26 16:18

D個都係佢一個工作 = 有目的的任務.

不過, 就肉酸D成日掛係口中扮識野抬高自已踩低人地 (學校/家長), 自以為事, 下下要求人地 LAW 數據又D又個樣, 都唔知憑什麼身份 ????

咁有事實証據唔使係到發烚風, 大把途徑比佢認叻

忍唔住再答咀, 又會比人借題發揮......

原帖由 FungKristy 於 11-7-25 18:27 發表

其實馬基真是一間很好的學校, 老師對學生很有HEART, 我的孩子每天上學也覺得很開心.

而至於中學派位, 其實只要是入到適合自己孩子的中學在家長心目中便是BAND 1. 而且中學BANDING也沒正式LIST 那一間是BAND 1那 ...

[ 本帖最後由 tramtram 於 11-7-26 17:54 編輯 ]

作者: pakmanman 時間: 11-7-26 23:50

to FungKristy:

你話 "而且中學BANDING也沒正式LIST 那一間是BAND 1那間是BAND 2. 因此pakmanman你心目中的BAND 1 學校和馬基心目中可能是有所分別."

這樣是不對的, 你這樣講band 1沒有標準, 可不可以話貴校有100% band1. band 1定義是以大眾公認的標準來衡量的. 正如之前有位貴校家長問貴校職員, 他回應band1定義=band1 + 直資.
直資 = band1, 這樣你們認同嗎?

to tramtram:

我覺得"D個都係佢一個工作 = 有目的的任務" + "抬高自已踩低人地" 係你law

我覺得你係貴校d職員多過家長, 你收左幾多報酬呀?

請問我有邊句"抬高自已"呢? 請指教, 唔好空口講白話.

作為一個過路人, 我當然沒有權要馬基做什麼, 但是如果馬基是一個負責任的教育機構, 是否需要為自己言論負責呢?

大家係道爭論野時, 唔羅數據, 唔通齊吹

作者: tramtram 時間: 11-7-27 11:16

我覺得"D個都係佢一個工作 = 有目的的任務" + "抬高自已踩低人地" 係你law (係呀, 有好大任務, 我身成馬基家長, 有義務阻止有人故意沫黑學校/校長/老師 & 貶低我地一班家長智慧, 其實, 我地家長有讀過書嫁, 識字...唔係妳眼中無知"婦孺").

我覺得你係貴校d職員多過家長, 你收左幾多報酬呀?
請問我有邊句"抬高自已"呢? 請指教, 唔好空口講白話.

作為一個過路人, 我當然沒有權要馬基做什麼, 但是如果馬基是一個負責任的教育機構, 是否需要為自己言論負責呢?

(咁妳又係哪間貴校家長/身份, 收左什麼報酬 (自已問良心得啦.....我地都唔想知) ? D個問題有家長之前問過人, 不過, 妳無勇氣直接答, 其中只是答, "更慶幸不是他們家長" & "不過原來尼個世界真係好多無知婦孺是不懂分辨事非" = 咁不尊重別人, 唔係想抬高自已有幾叻又係咩呢? ) (都係自已問良心得啦, 我地都唔知) 橫掂....妳咁得閒, 搵返自已出過 D POST, 反省下啦

大家係道爭論野時, 唔羅數據, 唔通齊吹

妳咪正正得過吹 LAW, 不過, 妳係要人地答/相信妳,

妳D所為數據, 都係吹, 無任何法定文件支持, 大家信邊個都得啦, 不過, 應該唔會係妳 LAW.....路人甲乙丙

哎, 妳要講/做都做齊 (不論真心假意), 任務完成, 是/非大家心中有數, 真係唔好咁煩啦......

咁想吹回歸去: 小兒因世襲關係有幸入讀大家公認的成績較好學校, D處岩妳多d, 有大把同妳同聲同氣的人樂意吹"名校數據夢".

BYE BYE............後會無期.

[ 本帖最後由 tramtram 於 11-7-27 20:38 編輯 ]

作者: tramtram 時間: 11-7-27 11:38

妳放心啦, 我地學校透明度好高, 任何一位家長有問題學校都會盡量解答, 妳唔使教我地掂做, 唔好拾住人地一句話, 無限擴大, 好有 "搬弄是非" 之疑.

我地一班家長們好.....好.....好感激妳如此超過份關心我地學校/家長事宜.

妳太費神了, 休息吧 !

原帖由 pakmanman 於 11-7-26 23:50 發表
to FungKristy:

你話 "而且中學BANDING也沒正式LIST 那一間是BAND 1那間是BAND 2. 因此pakmanman你心目中的BAND 1 學校和馬基心目中可能是有所分別."

這樣是不對的, 你這樣講band 1沒有標準, 可不可以話貴校有100% ...

[ 本帖最後由 tramtram 於 11-7-27 15:23 編輯 ]

作者: gracelam 時間: 11-7-27 18:17 標題: 回復 3# pakmanman 的帖子

貴子弟能入讀一間出名小學而且升中派位好真替你高興。可能你從朋友當中對馬基有所誤會，因而作出種種的評擊。
作為一個家長、成年人應該清楚自己的言行十分影響下一代，由衷地盼望貴子弟將來能升往心儀的中學！

作者: Iris 時間: 11-7-28 00:07

本人是馬基家長，見到 pakmanman 身為不相關人士，路見不平，為一眾被蒙騙的馬基家長，細心分析，大膽假設，踢爆馬基天地不容、無恥下流、好大喜功、十惡不赦的造假惡行，本人由衷感激流涕，全体馬基家長皆無以為報。

pakmanman成功揭發馬基虛報升中資料如此滔天惡行，功績媲美「中途島戰役」美軍偵破日軍密碼，亦令一眾愚鈍婦孺矛塞頓開，彷如觀音點化。

鄙人强烈建議， pakmanman首先應於全港報章刊登頭版廣告，將馬基好大喜功、厚顏無恥之劣行公諸於世，引發全城關注；再去信教育署，投訴馬基一眾教職員品格低下、欠缺操守，理應註銷其教學資格；繼而報料廉政公署，指控馬基虛報資料爭取收生從中獲益，須當調查全校職員，上至校監、校董、校長，下至校工，有否從中收取利益、貪污受賄；最後，再去警署落案馬基涉嫌偽造虛假文件意圖詐騙，務必將肇事者繩之以法，莫讓一干騙徒逍遙法外；如有必要，更可上訪中央，將馬基之腐敗，提升至國際層面。

此等義舉，鄙人靜待pakmanman出手相助，鄙人定必舉腳支持。鄙人在此發起募捐運動，呼籲所有馬基苦主家長集腋成裘，為大恩人pakmanman籌集資金，與「馬基」及「中華基督教會」力抗到底，為我輩伸張公義、為香港、為中國、為全人類所有家長而戰。

Pakmanman，我們為您三歡呼！！！

[ 本帖最後由 Iris 於 11-7-28 11:42 編輯 ]

作者: tramtram 時間: 11-7-28 09:30

我唔敢講大多野...費是令人 ????

好多謝馬基家長的團結, 支持.

原帖由 Iris 於 11-7-28 00:07 發表
本人是馬基家長，見到 pakmanman 身為不相關人士，路見不平，為一眾被蒙騙的馬基家長，細心分析，大膽假設，踢爆馬基天地不容、無恥下流、好大喜功、十惡不赦的造假惡行，本人由衷感激流涕，全体馬基家長皆無以為報。

pakmanman成功 ...

[ 本帖最後由 tramtram 於 11-7-28 20:21 編輯 ]

作者: pakmanman 時間: 11-7-28 11:50

真係要引用梁耀忠議員一句經典明句「臭罌出臭草」來形容「你們尼班馬基家長」.

作者: Iris 時間: 11-7-28 12:19

pakmanman 您好，借問聲，「臭罌」話誰？「臭草」又話誰？

作者: Iris 時間: 11-7-28 17:25

容許我打個比方：「從前有一家人開開心心去酒樓開了一間廂房食飯，大家談天說地、閒話家常。中途突然衝入一個閒人，對席間餸菜大肆批評，又話條魚唔足砰、又話隻雞唔夠鮮，總之食果D人都係傻嘅。有人好言相勸，話我地喺小酒家食飯，唔係要咩山珍海味，但求開開心心，無乜所謂。但某人仍然死纏爛打、潑婦罵街，硬要話間酒樓貨不對辦。」

試問，食，妳又無份食？意見，又無人叫妳俾？咁，又與妳何干呢？俗D講，係「關妳屁事」。

妳三番四次要人回應數據，大姐呀，公佈數據唔係我地D家長，係校方，我地點回應妳呀？妳話數據有錯，妳可以去馬基校園嗌大聲公、示威、靜坐、絕食，甚至自焚都得，但唔該妳唔好喺度阻人食飯、破壞安寧。

簡單講句，「狗捉老鼠」，「多管閒事」咪就係妳呢D人咯。

妳話妳向來最鍾意串D無料扮有料既人，我都最鐘意串D諸事八卦兼無禮貌嘅人，尤其果D自命正義，實質唯恐天下不亂既人，我更鍾意將佢串爆。

最後，妳話妳聽朋友講話馬基「校長」自言馬基TSA 是全港「top 10」，我翻查妳曾引述討論標題: 「荃灣區成績最好小學」討論內容，入面講法係話「馬基個「校監」公開講，話馬基 TSA成績在全香港係排頭10%內。」

究竟係「校長」講，定「校監」講？係「top 10」定係「top 10%」先？全港小學共有631間，「top 10」係頭10間，「top 10%」係頭63間。差之毫釐，分別可以好大。

其實，邊個講？點樣講？同實質有冇講？都只不過係道聽途說，不必太認真，但妳硬要講數據、講實據、講分析，咁就唔該妳搞清楚先出嚟發表，免得有人要妳回應時妳啞口無言，失禮街坊。

[ 本帖最後由 Iris 於 11-7-29 00:16 編輯 ]

作者: gracelam 時間: 11-7-28 18:43

原帖由 pakmanman 於 11-7-28 11:50 發表
真係要引用梁耀忠議員一句經典明句「臭罌出臭草」來形容「你們尼班馬基家長」.

人必自侮，然後人侮之。人必自重，然後人重之。

這位家長已經失控地將普通討論平台變作指罵別人的場地，其他家長可以不再理會！

作者: tramtram 時間: 11-7-28 20:05

唔該妳啦, 一睇妳文筆就知斤兩幾多 ? 唔夠人講, 無料, 係到發爛....:;pppp: :;pppp: 真係好好笑,

咁無品, 學麥野出來串人呀 !

妳再唔改下個品「臭罌出臭草」>>> 會係妳貴子弟身上出現.
唔好咁害下一代好喎 !

教出害群之馬, 危害社會, 天理不容.

搵齊料再出來串人啦 >>> 無就 "收檔" 吧.

有時間, 自我增值下...唔好獻醜.

如果唔係以妳內涵 (狗口長不出象牙), 好難在 "小兒因世襲關係有幸入讀大家公認的成績較好學校 " 立足.

人地真係無我地咁有品, 留妳一線

原帖由 pakmanman 於 11-7-28 11:50 發表
真係要引用梁耀忠議員一句經典明句「臭罌出臭草」來形容「你們尼班馬基家長」.

[ 本帖最後由 tramtram 於 11-7-28 23:03 編輯 ]

作者: tramtram 時間: 11-7-28 20:10

佢比妳嚇到失晒控, 驚佢理解唔到

....
又要搵人 "口水尾" 出來頂住.

發爛

原帖由 Iris 於 11-7-28 17:25 發表
容許我打個比方：「從前有一家人開開心心去酒樓開了一間廂房食飯，大家談天說地、閒話家常。中途突然衝入一個閒人，對席間餸菜大肆批評，又話條魚唔足砰、又話隻雞唔夠鮮，總之食果D人都係傻嘅。有人好言相勸，話我地喺小酒家食 ...

[ 本帖最後由 tramtram 於 11-7-28 23:00 編輯 ]

作者: tramtram 時間: 11-7-28 20:14

yes.

原帖由 gracelam 於 11-7-28 18:43 發表

人必自侮，然後人侮之。人必自重，然後人重之。

這位家長已經失控地將普通討論平台變作指罵別人的場地，其他家長可以不再理會！

作者: edea 時間: 11-7-29 00:05

原帖由 pakmanman 於 11-7-28 11:50 發表
真係要引用梁耀忠議員一句經典明句「臭罌出臭草」來形容「你們尼班馬基家長」.

就雙方觀點角度有差異爭議版主可以理解, 呢以上一句嚴重侮辱人的字句無論如何不能接受, 此會員現禁言三天.

edea

歡迎光臨教育王國 (/)