教育王國
標題: 請教發音唔正問題...煩惱中! [打印本頁]
作者: ccssww22 時間: 11-6-29 09:46 標題: 請教發音唔正問題...煩惱中!
提示: 作者被禁止或刪除 內容自動屏蔽
作者: honeylky 時間: 11-6-29 13:15
你或者等多半年先, 我個囡 3.5, 佢的發音"F" 的都唔得, 上星期assessment, 今個星期正式開始. 你等返K1, 佢會再講多d野, 又可以問下老師意見先再定下一步.
原帖由 ccssww22 於 11-6-29 09:46 發表 
小朋友快到3歲, 做左言語評估, 表達能力比同齡快, 可以講到一大段說話, 但發音唔正, M音/G音/K音...講唔到!
返(工) 講成 返(風)
(朱)古力 講成 (知)古力
(咁)樣 講成 (緊)樣
上左一堂言語治療, 佢又 ...
作者: ttlucky0303 時間: 11-6-30 01:13
可以等佢k!先啦~~而家先仲係2歲幾, 你可以係屋企同佢訓練, 你個口形誇張0的, 叫佢望住你, 自然會好, 我個女都係咁學緊...
作者: wootaitai 時間: 11-7-5 11:30
提示: 作者被禁止或刪除 內容自動屏蔽
作者: michelle1222 時間: 11-8-4 16:50
兩歲幾...又真係唔駛太心急嘅...日常聽到小朋友讀錯, 可以示範一次, 叫佢跟你讀, 睇下佢得唔得...(因四歲前未能清楚咬字都叫正常)
返(工) 講成 返(風)
k音-->f音....先試小朋友可唔可以發咳咳音 (k音)...因k是舌後音, f係舌尖音...可以提小朋友條脷要縮去後面
(朱)古力 講成 (知)古力
呢個係個母音錯(vowel)...將 /u/(烏)讀成/i/ (依)....可提小朋友讀時要圓咀
(咁)樣 講成 (緊)樣
呢個係讀完無合埋咀...提小朋友讀完要合實咀仔呀
作者: ccssww22 時間: 11-8-19 15:47
提示: 作者被禁止或刪除 內容自動屏蔽
作者: michelle1222 時間: 11-8-27 11:46 標題: 回覆 6# ccssww22 的文章
yes!
係可以試下協康的青蔥或耀能的兒童發展服務...其實有好多ngo都有架!
作者: Kanax 時間: 11-8-30 00:29
我個女已經5歲喇，之前佢有幾個音讀唔到，諗住佢大d就會識，但到今時今日仲係讀唔到「哥」(讀成「多」)，間中提佢練已經無咁多「d」音，但係有咩辦法幫佢練到發音準確呢？
佢細細個已經好注意咬字，老師無論教佢讀咩佢都會好認真，所以口形有d誇張添。
作者: michelle1222 時間: 11-8-31 22:27
"哥"變"多"...係條脷仔無縮去後面...
你叫佢讀多一次或模仿你的正確讀音時, 佢可唔可以讀啱呢??
你試下提佢讀時條脷仔要縮去後面...
如果都唔得...可以做下一D訓練舌頭後縮的口肌訓練...如吹氣, 用飲管等....然後再做發音訓練
原帖由 Kanax 於 11-8-30 00:29 發表
我個女已經5歲喇，之前佢有幾個音讀唔到，諗住佢大d就會識，但到今時今日仲係讀唔到「哥」(讀成「多」)，間中提佢練已經無咁多「d」音，但係有咩辦法幫佢練到發音準確呢？
佢細細個已經好注意咬字，老師無論教佢讀咩佢都會好認真， ...
作者: irenelwl 時間: 11-9-21 23:56
我個女都有發音不正的問題, 讀K1時還小, 觀察下先, 到K2發現佢有小小改善但還有很多字發不到音, 於是打去健康院講有關問題(我去粉嶺個間), 個間健康院好好丫, 聽左我的問題, 好快按排時間比我見姑娘, 去到先比姑娘做測試, 類似BB D智能測驗咁, 姑娘比D指令佢做, 睇佢做唔做到, 咁我女又咩都做到, 姑娘就話咁證實佢聽力沒有問題, 跟住問下佢平時係家講野的情況。最後我女同個姑娘熟左, 開口講一連串的話, 姑娘也聽到他發音很多不正, 便安排睇健康院的醫生, 醫生再搵左幾張有圖片的單字比佢讀, 我女都好多讀唔正, 就證實左佢係發音不正, 寫左信佢去政府排期, 但要排一年LAW, 所以快點去排會好點,越早接受治療越好 。所以健康院無理由話唔受理的, 一次打去唔理, 打到佢理為止!我另外都有同我女排協康, 但都排左半年仍沒有消息
作者: michelle1222 時間: 11-10-1 23:30
無法...政府條龍真係好長........最快都要一年啦.....有D要兩三年TIM!!
作者: phy-phy 時間: 11-10-2 18:33
提示: 作者被禁止或刪除 內容自動屏蔽
作者: gnahgnah 時間: 11-10-3 10:13
等得政府都已經冇得救.... 呢d愈早醫愈好
作者: monster_cps 時間: 11-10-5 03:50
- 我囡囡2歲半都係有發音問題，請問可以去邊度做語言評估？
作者: Cman626 時間: 11-10-7 15:05
提示: 作者被禁止或刪除 內容自動屏蔽
作者: 恩林 時間: 11-10-26 15:19
我細仔5歲半, 上年排左政府, 今年11月有得睇喇~~ TT
其實佢又唔係發唔到某d音, 但總係覺得唔說話清楚, 好似d肥肉"左"住d音發出黎咁!
其實係咪都係問題呢~~!
作者: ChattyST 時間: 11-10-28 11:07 標題: 回復 14# monster_cps 的帖子
2 歲半其實重細, 口肌發展都未成熟, 有啲聲母讀唔正都係正常嘅!
例如S音(水,書, 笑, 三)TS音(子,爪) KW音(龜, 瓜)..
不過如果你好擔心.去見ST, CHECK下都係好嘅
作者: 4001cc 時間: 11-11-8 17:42
我囡2歲10個月, 都係有此問題, "心" 讀DUM, "S" "F"音出不到. 唉!! 我都有擔心, 每次都慢慢讀一次, 要她看著我的口形一次. 希望大一點會好D. 她自己都知讀音要注意, 她也有盡量改善.
作者: 恩林 時間: 11-11-22 10:24
今日我帶我細仔(5歲)睇左威院嘅言語治療, 姑娘話佢ng未音冇咬清, 講野講得快, 但個口又唔開, 所以兩個月後又要番去上堂.....
但姑娘話dd case好快好, 上半年到應該冇問題了~~!
作者: lokchingbaby 時間: 12-2-7 17:23
我囝三歲半，讀"青草"會讀成"星數"，可以點教? thx
作者: Kanax 時間: 12-3-2 08:32
後來我個女嘅老師幫我問人，教我用雪條棍按住佢條脷仔，真係讀到！練左幾星期，而家講得好正，無再有問題喇！
作者: Happylily2 時間: 12-3-15 19:35 標題: 回覆：請教發音唔正問題...煩惱中!
我囡囡26個月，佢條脷唔能夠上下郁動，所有L音都發唔到，如：奶，啦，你，有冇方法？
作者: lyhv 時間: 12-3-19 15:34
michelle1222 發表於 11-8-31 22:27 
"哥"變"多"...係條脷仔無縮去後面...
你叫佢讀多一次或模仿你的正確讀音時, 佢可唔可以讀啱呢??
你試下提佢 ...
作者: ctyying 時間: 12-3-21 01:07
係咪應該查下耳仔呢?聽唔清可能就講話唔正
作者: michelle1222 時間: 12-4-3 10:08
lokchingbaby 發表於 12-2-7 17:23 
我囝三歲半，讀"青草"會讀成"星數"，可以點教? thx
青草-->星數, 係 "刷牙音" (切)讀左 "蛇仔音"(沙), 你試下叫小朋友讀字時咬實牙齒,唧D氣出黎, 由單字開始練習 睇下是否OK. (較簡單會係: 叉, 車, 痴, 初)
同時小朋友知唔知兩者有分別? 佢分唔分到媽媽讀緊" 草"定"數", "叉"還是"沙"
作者: michelle1222 時間: 12-4-3 10:09
lyhv 發表於 12-3-19 15:34
請問是否當小朋友說話時有多餘的"d"音, 教他將舌頭後縮便可以?
點為之"說話時有多餘的d音??
作者: michelle1222 時間: 12-4-3 10:14
Happylily2 發表於 12-3-15 19:35
我囡囡26個月，佢條脷唔能夠上下郁動，所有L音都發唔到，如：奶，啦，你，有冇方法？
不過, 小朋友仲細, 未發到 "啦啦音"又真係唔駛太緊張!
作者: lyhv 時間: 12-4-4 09:34
michelle1222 發表於 12-4-3 10:09
點為之"說話時有多餘的d音??
例如說"污糟"會說成"污都", 說"乖仔"會說成"乖抵", 說"著衫"會說成"剁衫"~不過如果指出小朋友會更改, 但要次次指出, 而且我又覺得好難張大個口型示範以上幾個字~~
作者: michelle1222 時間: 12-4-12 16:53
lyhv 發表於 12-4-4 09:34
例如說"污糟"會說成"污都", 說"乖仔"會說成"乖抵", 說"著衫"會說成"剁衫"~不過如果指出小朋友會更改, 但 ...
咁係佢未掌握發"刷牙音"的技巧, 將ts 音讀成d音, 如果你指出後小朋友會更改, 代表小朋友的能力發展中, 你又唔駛刻意張大個口示範, 因為呢個音係咬實牙唧d氣讀出黎嘅, 你只要示範正確讀音, 叫小朋友讀字時咬實牙唧d氣出黎就ok了
作者: lyhv 時間: 12-4-12 17:07
michelle1222 發表於 12-4-12 16:53
咁係佢未掌握發"刷牙音"的技巧, 將ts 音讀成d音, 如果你指出後小朋友會更改, 代表小朋友的能力發展中, 你 ...
明白, 唔該哂妳!
作者: blackgarlic 時間: 12-4-23 06:15
michelle1222 發表於 12-4-3 10:09
點為之"說話時有多餘的d音??
我個仔都有咬字不清既問題.
我估 lyhv 既意思即係讀"色" 字時, 最尾會多左個 "d" 音或者"k" 音??
作者: JHsbb 時間: 12-5-30 22:18
我個女舊年9月去麗港城個度做評估, 發音不正, 說話能力比人遲半年, 理解能力遲3個月, 收到轉介去政府後, 當日即去排期, 排8個月即今日5月30日, 之前我地去過私家個d升唔知2月定3月), 上左2堂已經有進步, 但因為治療師時間上配合唔到我個女, 原本由星期六11am見變左, 星期五5pm先見, 佢朝早又早起身返學, 去到跟本唔合作太攰, 所以只上左4堂就無再上....今日去到政府, 治療師話佢理解無問題, 肯講, 只係發音不準, 仲要好多都唔準, 所以係一定要定期見佢, 佢話我地舊年9月排伉年5月有得睇已經係好快個隻因為舊年9月同一時期唔知點解好多case, 9月個批已經排到今年12月先有得睇...佢話我地好快, 今日見完後佢教左我教個女先學發一個f音先, 就係上排牙咬住下唇, 跟住吹風, 治療師用活動方式扮兔仔, 我個女好鐘意, 佢係完全唔識整, 我係返到屋企慢慢教佢依傢識得自己咬住下唇吹風係度同佢玩.......下次再見佢係7月24日....唉我都好擔心佢第時算p1時比同學仔笑佢.......
作者: dette 時間: 12-7-10 13:36
發音唔準好多都係口肌唔好，言語治療師教要咀嚼多些較大件硬少少的食物，可以增加口肌力量的。
作者: Florida 時間: 12-7-11 13:57 標題: 回覆：請教發音唔正問題...煩惱中!
我個小朋友的口肌也很弱，治療師每次上課時給他咬一支叫chewy tube的下顎骨治療工具來作口腔肌肉練習，情況已有改善。
作者: JHsbb 時間: 12-10-8 02:29
我分享返, 我個女5月第1次見政府, 7月第2次, 呢段時間有進步, 第3次見係9月頭, 比7月個時進步超大, 連治療師都話無諗過佢今次返黎叻左咁多, 連半個鐘見面時間都有剩5分鐘, 第4次見係後日, 睇吓到時又點講再同大家分享.
| 歡迎光臨 教育王國 (/) |
Powered by Discuz! X1.5 |