教育王國

標題: 推薦幼童和小童的爵士舞班（新蒲崗） [打印本頁]
作者: csy_ma    時間: 11-6-28 20:48     標題: 推薦幼童和小童的爵士舞班（新蒲崗）

我囡自五歲起跟呢個老師習舞，前年底同三個當年小四、小五既同學仔一齊自編隻舞，參加老師搞既比賽，攞到冠軍，瓜分咗一年獎學金。老師跟住幫佢地報埋全港舞蹈公開比賽，攞到金獎

呢個老師有少少藝術家脾氣，教舞唔只為賺錢。不過佢大學時都讀過幼兒心理，仲曾經有過個過度活躍既囝（而家已經大學），所以對幼童遠較對我囡果班寬鬆

如果有興趣可以參考以下網站http://grandjetehk.com/apply/
（個poster下面左右兩張相都有我個囡 )

[ 本帖最後由 csy_ma 於 11-7-9 21:35 編輯 ]
作者: csy_ma    時間: 11-6-29 19:47     標題: 回復 1# csy_ma 的帖子

補充：
爵士舞都有得考試，呢位老師亦會搵好多表演機會俾小朋友去試
每年都會參加全港舞蹈公開比賽

呢位老師揀既音樂節奏向來偏強勁，尤其係pop jazz果班
作者: jenny_mom    時間: 11-6-30 00:42

我覺得新蒲崗有一間比呢間更加好，叫做『臻雅舞集』，d老師又有禮貌又專業~ 佢地都有參加全港舞蹈公開比賽，都係拎金獎~

『臻雅舞集』個校監係香港非常有名o既老師，我覺得好信得過~
作者: Pertra    時間: 11-6-30 09:53     標題: 回復 1# jenny_mom 的帖子

提示: 作者被禁止或刪除 內容自動屏蔽
作者: csy_ma    時間: 11-6-30 13:20

原帖由 jenny_mom 於 11-6-30 00:42 發表
我覺得新蒲崗有一間比呢間更加好，叫做『臻雅舞集』，d老師又有禮貌又專業~ 佢地都有參加全港舞蹈公開比賽，都係拎金獎~

『臻雅舞集』個校監係香港非常有名o既老師，我覺得好信得過~ ...


E，我囡近幾年都有參加全港舞蹈公開賽，我年年都有本場刊，但好似留意唔到"臻雅舞集"個名喎？ 妳地跳中國舞架？

校監係掛名既，佢有幾多時候出現響學校？我囡既老師，響行內一樣有名氣，近幾年都係全港舞蹈公開賽既評判，佢既學生，年年都有拎金獎，仲攞過迪士尼搞既high school musical比賽亞洲區三甲，咁又算唔算專業？
作者: csy_ma    時間: 11-7-1 00:29

因為有家長來PM查詢，我諗返起舊年表演完睇過既一D評語同資料，摘如下：（以下既家長心聲多半係響老師既facebook中集合既，以前響佢個網都搵到，但而家搵唔返？）
家長演出後心聲:

（九歲學員家長）


（六歲學員家長） （六歲學員家長）
（十歲學員家長）
（六歲學員家長）
（九歲學員家長）
作者: csy_ma    時間: 11-7-1 00:38

仲有以下既郵件部分，係我舊年向一位做傳媒既朋友推薦我囡既導師時寫既：

這次推薦妳採訪的，就是Grand jete藝術總監（http://www.grandjetehk.com/01_01.html），亦是囡囡的舞蹈老師Gloria。女兒是在CCDC（城市當代舞蹈中心）遇上她的，她那時才四歲左右，在上另一個導師的課。她導師因事缺課，由時為CCDC Cafe老闆娘的Gloria代課，我從門上的小窗窺見小朋友們的跳舞氣氛全變了，每個都很投入，於是待導師出來便打聽她有否兒童班，結果卻沒有。到該年最後一季，得知她開班，便趕緊報名。由CCDC跟到現在Gloria擁有自己的舞蹈室，已四年多了。

為什麼那麼積極打算推薦她呢？因為Gloria有心，不單為賺錢。有時還懷疑她的”數口”頗差。像今年的暑期舞蹈夏令營，她已開始收我們的學費了，卻在連續五天的密集課程額外多加了每天免費的一小時，因為她想改善小朋友在音樂劇中的唸白技巧，所以請了位話劇導師上課──如此吧了！

她每年都策劃不只一個的舞蹈表演，每次表演，她會瘋狂加課練習，但她只求表演效果有水準，所有額外排練的課時均完全免費，全日踩台的綵排更奉送午飯；我囡平生第一次靠自己的能力賺錢，也是拜她所賜
──她協助成人高級班的一位學生搞一個規模不大的表演，邀請了幾位她的小朋友班學員助慶，女兒被她選中，自然也得免費加課排練，想不到跳完後，竟還獲”利是＂獎勵；
之前她邀請我們的子女參加舞蹈比賽，代我們張羅舞衣後，我們明言可以給回表演服裝的費用，她卻說不用……以上種種，絕不像是生意人的算盤，怪不得有學生跟了她十多年，還有些學生當了媽媽後，又送子女到她那學舞。

在她的跳舞課學得的，不單是舞蹈技巧，還有責任感、專注、團體合作等，每年的表演，家長都不能到後台協助，那正是讓學生們明白一個團隊得互相幫忙的機會，還有自我發揮的突破關口。

現在她的小學學生中，有上學時屢被老師投訴、經常出位的小女孩，有跟着姐姐上課（單親的姐姐獲一年全免獎學金）、由非常抗拒到很喜歡跳舞的小男孩，有自閉症患者等；還有一位”新”學員，是Gloria成人班學生的女兒，她本來明言對跳舞沒興趣，愛跆拳道，最近卻自行提出要學舞了，因為：”看見你們排舞，覺得你們很開心。＂

Gloria曾到多間中學作舞蹈老師，當中有一群ＸＸＸ中學的學生，跟了她三年多的，以下是當她們贏了舞蹈比賽時在facebook的對話：（五月了，太久找不着，大概是Gloria改變咗佢一生之類。）
聽講G教佢地時，她們是F3，她們有來自綜援家庭的，亦有的是社工跟進個案，經常因要與社工會談而缺課的，而現在，她們會為參加迪士尼High School Musical舞蹈比賽（去年她們參加過，亞洲區內入三甲），自行租場排舞，自行編舞，再請Gloria免費指點，以及幫她們拍參賽的錄影短片等。舞蹈，成為她們要向上的凝聚力和向心力。
作者: Pertra    時間: 11-7-2 00:16     標題: 回復 7# csy_ma 的帖子

提示: 作者被禁止或刪除 內容自動屏蔽
作者: csy_ma    時間: 11-7-2 11:54

原帖由 Pertra 於 11-7-2 00:16 發表
How is the "I am a dancer" course ? for 3-4.5 years old ?


幅相果班小朋友應已全部升晒班，佢地表演果陣都應該六歲左右了？（我囡都係著I am a dancer套制服，著咗好似有年幾兩年？）

我囡有時早返見到幼班上課，會有好多道具。我囡以前倒未試過。個老師以前響CCDC上堂果陣，佢果班學生去考CCDC既獎學金課程，會有好多人入選（我囡考果次有5個，約佔入選學生既四分一左右），因為老師幾注重訓練幼童既手腳協調。做marching，都唔係好多四五歲小朋友可以做得好。

以前老師未開2-3歲班時，有D家長俾學生既細佬妹上出面既舞班，但係覺得果D班差好遠：幾百呎既課室就困住廿幾人，小朋友連四圍探索既空間都冇，於是向Gloria訴苦，叫佢開個幼班俾佢地。

Gloria既舞室夠大，都是透明玻璃，光猛。出面有沙發俾家長任坐任睇，書架上又有好多適合唔同年齡既中英文圖書同玩具，好有家既氣氛。
所以佢有班同明愛學障小組合辦既班（由明愛出部分錢資助學費，舊年佢地都有份參演舞劇，因為資金係由小黃花資助既，楊采妮都有黎睇演出，佢都讚班細佬演得好OK，上咗近一年，水準都同我地呢班上咗幾年既有得揮。果次演出多得楊采妮，結果上咗好多張報紙娛樂版），D小朋友好鍾意提前返舞室玩，我見佢地都有攞《黑貓白貓》漫畫雜誌黎睇，都有D安慰 （果D係我囡帶返去既，佢仲帶咗之前好辛苦先集齊既六十期《Princess》雜誌同幾十本＂喜羊羊＂漫畫書返去）。至於英文既圖書，多半係Gloria成人班既一個做印刷既學生攞過去既。
男仔玩具則係張poster中著白衫打呔既有型男孩攞返去（個男仔好鍾意扮MJ，自己編咗隻獨舞參加咗老師既比賽，結果輸咗俾我囡果隊攞到銀獎，參加全港公開舞蹈比賽都係得銀獎，但佢既MJ舞好有型，都上過報紙做咗大半版古仔架 ）。

一般黎講，Gloria對年紀愈細既學生要求愈鬆（我地以前第一次去大會堂踩場綵排，旁觀佢對成人班既要求，都有少少嚇親，不過成人班D學生跟咗佢好耐，以前響CCDC做學生演出時都係做押軸，好高水準）。佢有講過愈細既小朋友，可能因為父母照顧得太周到，自立能力稍遜，呢個都一樣反映咗響跳舞能力度。

老實講，Gloria係有要求同有火既老師，唔係人人都支持得住，佢有時甚至會同小朋友講，話假如唔係自願、而係家長迫黎既就出聲，佢會同家長講返，勸佢唔駛俾唔係自願者黎上課。
但佢觀察力好，課後亦會同家長主動溝通，到咗我地咁大個，好多時，小朋友驚佢多過驚家長。例如我囡好鍾意周五上完活動後返屋企唔做功課，但會睇書同玩扮演遊戲玩得好夜，第日上Gloria課時沒精神，俾佢話，規定佢之前果晚唔可以夜過十一點瞓，阿囡如果之前要去夜街既話都會好緊張。
其他家長亦會叫佢出口，將家長都叫小朋友唔郁既規矩，由佢把口規定小朋友做，否則唔駛再返黎勒。咁小朋友就真係肯乖乖就範 好多家長亦會將佢既課當作要小朋友努力學業既獎賞（可惜通常係反面既，就係成績差就唔上得）。

[ 本帖最後由 csy_ma 於 11-7-2 12:02 編輯 ]
作者: csy_ma    時間: 11-7-5 22:39

唉！點解我約莫每年推薦佢一次，結果都係得一兩個人有興趣（好彩，我囡而家最老死之一既跳舞同學仔，都係當年因為我當年響BK推介過而跳到而家既 ）
作者: 琬晴B    時間: 11-7-7 10:26

我想請問,有沒有適合5歲男孩的恒常(長期)班?可PM我.
謝謝!!(在網頁找不到)
作者: Crabtree    時間: 11-7-7 13:11

我留意咗呢間一段时間, 請問八歲半有咩course可以報? 其實她心儀Pop Jazz, 但而家學緊那個course要十月尾才完, 咁有咩course可以上住先呢?
作者: csy_ma    時間: 11-7-8 12:00

原帖由 Crabtree 於 11-7-7 13:11 發表
我留意咗呢間一段时間, 請問八歲半有咩course可以報? 其實她心儀Pop Jazz, 但而家學緊那個course要十月尾才完, 咁有咩course可以上住先呢?


八歲半……Gloria對大小朋友既要求會嚴好多，我試過同佢講阿囡有朋友仔想轉去佢度跳，佢通常都要求佢地試堂。對呢一班，佢似乎幾揀人既，所以都唔敢推薦。我囡係上以下既正規課程：

9-14 yrs 跳出我天地 Super Juniors

Super Juniors 課程適合9至14歲及已接受舞蹈訓練至少四年之學員，必​須對藝術表演有濃厚的興趣，學習態度積極、勇敢嘗試新事​物。

課程訓練包括: 芭蕾爵士舞(Ballet Jazz)、C.S.T.D 考試、Pop Jazz。
...其中更會闡釋各類舞術語用法、專門名詞等. 學員會安排參加舞蹈比賽、舞台表演等。藉此加強學員的自​信、團隊合作精神，及培養"make it happen"的策劃能力。"

註：學員必需經導師 Audition 批准以證明程度合乎資格才可報讀。
學員完成至少一年訓練可領取認可證書一張。
學員必需參與表演、比賽及澳洲聯邦爵士舞蹈考試。

星期六 :3- 5 pm


佢地八月初要考爵士舞試，周日先要加堂練習，估計唔會俾人試堂。考完試，為遷就我們要準備呈分試搏殺既準小六生，會到九月至開課，期間只有八月上旬既舞蹈營：去鯉魚門渡假中心過四日三夜，要上最少十堂舞蹈＋音樂劇課。Gloria跟幾位同業夾錢，請了位來自百老匯的黑人女老師來港作短期授課，呢班亦有份受教 。


一般來說，佢響這類舞蹈營會安排小朋友接觸不同類型既舞蹈，例如hip-hop同中國舞。hip-hop既老師以前都係佢學生，而家已響APA畢業好耐，曾做過一段時間演藝人，後來決定留在港以教學為主，都係響hip-hop界響出名堂既，亦係蒲窩中既大師級導師。


至於中國舞。我地好好彩，舊年因為本來約咗既老師臨時甩底，Gloria搵咗響CCDC教開中國舞高級班，亦曾訓練過香港舞蹈團兒童學生既大師級波Sir黎拔刀幫忙。結果佢話鍾意教呢班小朋友，之後舞蹈營都見到佢既身影 。


不過，呢個舞蹈營都幾貴，千六蚊，學費拍得住佢兩個月十六堂既價錢，且小朋友又唔識人，貿貿然同陌生人共度四日三夜，好驚啫。（雖然如特別要求，家長應可陪同）我建議妳都係九月打後先試堂好了。


仲有，上Gloria既課，最好唔好響之前之後貼近既時間安排趕場上其他課。佢遇到表演或比賽或考試前，分分鐘會跳多個幾鐘。試過有次演出前，佢叫我地星期日兩點返去練舞，應承六點放小朋友走，結果要等到七點幾……


就算佢加堂唔駛收錢，但而家D學生日程咁忙，要就到佢既時間亦唔係唔易。佢對呢個年紀既要求絕對唔同，就算我囡係佢有些時候會讚既學生，但一樣試過俾佢話到喊 （不過我囡都幾易喊，佢有D舞伴成日俾老師鬧，都未試過流過一滴眼淚），上之前要有心理準備，佢果度唔可以hea 。

[ 本帖最後由 csy_ma 於 11-7-9 16:03 編輯 ]
作者: csy_ma    時間: 11-7-8 12:09

原帖由 琬晴B 於 11-7-7 10:26 發表
我想請問,有沒有適合5歲男孩的恒常(長期)班?可PM我.
謝謝!!(在網頁找不到)


有。我覺得佢對男孩有小小偏心 ，有時男孩子唔係跳得咁好，都可以做比較重要既角色（亦可能因為男孩子較少，所以佢擺佢地較為突出）。

wOnder kids 兒童舞蹈課程 ( 4 - 6歲幼稚園 K2 + K3

[ 本帖最後由 csy_ma 於 11-7-9 15:57 編輯 ]
作者: csy_ma    時間: 11-7-8 12:11

重覆，刪去

[ 本帖最後由 csy_ma 於 11-7-8 12:13 編輯 ]
作者: 2008tungtung    時間: 11-7-8 14:52     標題: 回復 1# csy_ma 的帖子

Hi csy_ma

我都想要D恆常班既資料, 請PM我呀, 謝謝!
作者: csy_ma    時間: 11-7-8 23:22

原帖由 2008tungtung 於 11-7-8 14:52 發表
Hi csy_ma

我都想要D恆常班既資料, 請PM我呀, 謝謝!


我都係搵返facebook裡間學校post既資料
您要幾歲既？
作者: csy_ma    時間: 11-7-11 10:15     標題: 回復 1# csy_ma 的帖子

周日同阿囡上考試補堂（又係本來話上兩個鐘，搞到兩個半，我囡仲係最早下課既一批，大半班未走得 ），Gloria說其實也有頗多BK家長致電問詢，但她的暑期班時間有改，網上所列已不是那麼update的了。最好給她電話查詢 。

聽說有測量師家長去她Studio參觀，甫上去，就講出其專業觀察：我諗呢度有三千幾呎，係唔係？亦有家長一家大小周六晚上去視察環境， 仲有家長要求其歲多的子女跟哥哥上兩歲幾既班，貪教室夠大可讓囝囝暢快地四圍走？ 幼班小孩果然比較好玩和輕鬆愉快 （呵呀，你地捱到我囡果班就知  ）

但幼班其實不能打針，學上一年都好難做到單腳轉幾個圈同玩空中一字馬（我囡瘦，而家都未似佢D大一年既同學咁做到，地上一字馬就睇先天多D)，好好地左右手腳配合做到步操已經唔錯，家長勿以為Gloria係魔術師

[ 本帖最後由 csy_ma 於 11-7-11 10:19 編輯 ]
作者: csy_ma    時間: 11-7-11 10:21

原帖由 csy_ma 於 11-7-8 12:09 發表


有。我覺得佢對男孩有小小偏心 ，有時男孩子唔係跳得咁好，都可以做比較重要既角色（亦可能因為男孩子較少，所以佢擺佢地較為突出）。

wOnder kids 兒童舞蹈課程 ( 4 - 6歲幼稚園 K2 + K3 ...


佢話而家幼班多數都係男孩子報喎，因為囝囝鍾意走黎走去
作者: csy_ma    時間: 11-7-29 01:02

原帖由 2008tungtung 於 11-7-8 14:52 發表
Hi csy_ma

我都想要D恆常班既資料, 請PM我呀, 謝謝!


唔好意思，我啱啱先收到我囡果班(10-15歲)九月既恆常班資料：

Super Junior 課程適合10 至
15 歲及已接受舞蹈訓練至少四
年之學員，必須對藝術表演有
濃厚的興趣，學習態度積極、
勇敢嘗試新事物。

很可惜好似網上未有，唔知係唔係妳要既野？
作者: siupoponicam    時間: 11-7-29 17:58

我嘗試click個網址,但開唔到. 可吾PM地址同名給我.

原帖由 csy_ma 於 11-7-29 01:02 發表


唔好意思，我啱啱先收到我囡果班(10-15歲)九月既恆常班資料：

Super Junior 課程適合10 至
15 歲及已接受舞蹈訓練至少四
年之學員，必須對藝術表演有
濃厚的興趣，學習態度積極、
勇敢嘗試新事物。

很可惜好似網上未有，唔 ...
作者: hkpwong    時間: 11-7-30 18:15

The link does not work, can you send me detail information.
作者: kylie_mom    時間: 11-7-30 23:21

原帖由 csy_ma 於 29-7-2011 01:02 發表


唔好意思，我啱啱先收到我囡果班(10-15歲)九月既恆常班資料：

Super Junior 課程適合10 至
15 歲及已接受舞蹈訓練至少四
年之學員，必須對藝術表演有
濃厚的興趣，學習態度積極、
勇敢嘗試新事物。

很可惜好似網上未有，唔 ...



此區用作分享課外活動的課程 / 心得, 請必於版面作個人/商業推廣, 如各家長有需要可自行pm 樓主或於網上搜索.

溫馨提示 : 如過份硬銷, 會在不通知下關文, 敬請注意, 多謝合作!!
作者: csy_ma    時間: 11-8-9 02:09

原帖由 kylie_mom 於 11-7-30 23:21 發表



此區用作分享課外活動的課程 / 心得, 請必於版面作個人/商業推廣, 如各家長有需要可自行pm 樓主或於網上搜索.

溫馨提示 : 如過份硬銷, 會在不通知下關文, 敬請注意, 多謝合作!! ...


唔好意思，版主！我都係分享囡囡上課外活動既心得啫，已經刪咗D可能過火位既野架勒
另外，向其他問我或PM俾我既媽咪講聲對不起！ 因為暑假忙，好耐冇上BK，上又睇咗同阿囡最有貼身關係既升中資料，冇再八吓呢度有冇update添。
今次都係因為我懷疑在剛過去既囡囡dancing camp有個陌生妹妹仔，可能係睇咗我響BK既介紹而報名既。嘩，四日三夜噃，大人細佬都唔識人，呢位阿媽真係好勇 ！不過妳阿囡據聞真係好得 ，適應得好好喎 (我囡果組因為第二日留低咗佢，俾Gloria狂炳，喊到收唔到聲，不過之後就汲取教訓，見D相佢都同我囡一齊做圖畫解說，似乎相處得唔錯？ )
我睇佢既表演都跟得唔錯，完全唔似係初學，真係有天分
不過今次係艱苦團，連單周六跟佢地行山既家長都話我知，佢地自己都好辛苦 仲要短短時間排三隻舞表演俾家長睇 加上飯堂D飯又難食，Gloria又踩過界似乎想做埋成長營，所以都真係超辛苦  
可惜我周日至見到妳，臨走又趕時間，都冇時間聊一聊，但謎底好似已揭盅：係妳勒？
各位媽咪：妳地可以以舞蹈學校個名，響facebook度搵就得勒，我近排好少上黎，未及回覆，請諒！
作者: Crabtree    時間: 11-8-9 10:03     標題: 回覆 1# csy_ma 的文章

係我個囡！她八歲半，入咗大啲那組camp, 因高度關係。不過她去過這次camp, 雖然很辛苦，但亦有很多体會和得著。原來我女是同你女同組Tim!
作者: csy_ma    時間: 11-8-14 17:47

原帖由 Crabtree 於 11-8-9 10:03 發表
係我個囡！她八歲半，入咗大啲那組camp, 因高度關係。不過她去過這次camp, 雖然很辛苦，但亦有很多体會和得著。原來我女是同你女同組Tim!

妳小朋友真係好高 。響FB見到妳話十一月會上阿囡果班？咁winter camp有機會見到妳嘞？舊年既winter camp響元旦果朝，佢地要寫低今年既願望同要改善既地方(張紙貼咗響studio既一幅牆度)，今年大概係要秋後算帳的
今次summer camp，我囡竟然肯騎上馬 ，佢之前去過鯉魚門兩次，都試玩過兩次，但冇一次成功。據旁觀既家長話，今次，阿囡都同隻馬用眼神溝通咗好耐，但終於都有所行動，雖然睇相見到佢果樣好似苦瓜乾咁，但上咗馬都好了不起了
至於佢最唔like既，就係要分工食晒D野……我聽講妳阿囡話鍾意食蕃茄，但唔鍾意食皮？之後都有唔只一位小朋友提過妳既醒目囡
作者: csy_ma    時間: 11-8-14 17:50

pm俾我既各位媽咪：
唔好意思！我呢幾日因不在港，沒上BK，遲覆為歉
作者: 032004    時間: 11-9-7 20:42

Thanks for sharing! It's useful, but would you mind PM contact & informations to me, thanks a lot!!



歡迎光臨 教育王國 (/) Powered by Discuz! X1.5