教育王國

標題: 龍懷騫考入加州柏克萊　不怕黑暗　活出光明【短片】 [打印本頁]

作者: elbar 時間: 11-6-28 13:27 標題: 龍懷騫考入加州柏克萊　不怕黑暗　活出光明【短片】

「我唔怕黑，但係我同其他人一樣，我係怕凍嘅」。失明女孩龍懷騫在 03年沙士時期拍攝宣傳片，鼓勵港人熱愛生命。昔日在電視裏跳「開心舞」的小女孩已長大成人，下月滿 19歲，更即將入讀美國著名學府加州柏克萊大學（ UC Berkeley）。她希望畢業後當教師，讓孩子利用知識走出貧窮陰霾，「希望大家都有開心嘅生命，好似我一樣」。

[youtube]FJ61vHFimZk[/youtube]
開心舞妹妹　笑住入名牌 U

懷騫甫出生就患上視網膜腫瘤，必須切除雙眼挽回性命。那一年沙士襲港，她 10歲，應宗教團體邀請拍攝「我熱愛生命」宣傳片，其後隨父母移民美國，今年 8月將升讀加州柏克萊大學，近日她趁暑假回港與學生分享經歷。

「鼓起勇氣同人講嘢」

當年 10歲的懷騫拍「我熱愛生命」宣傳片，呼籲人們珍惜生命。

回想八年前在尖沙嘴旁文化中心外拍攝宣傳片，懷騫昨日接受訪問時說，當時想帶出的訊息是希望港人在沙士時期克服恐懼，「我唔怕黑，但係同其他人唔係太大分別，一樣有 fears（恐懼）。我會喺黑暗嘅時候幫番佢哋」。

下月就滿 19歲的懷騫很介意談及年齡，因她在美國比同級同學大一歲。她初到美國時害羞孤僻，上堂發問時會脹紅了臉，「我不斷同神祈禱，鼓起勇氣同人講嘢。同學都有主動 say hi、同我 hang out」。最初她說英文就口窒，放學回家就拚命翻聽錄音帶和發聲英文書，「聽到厭咗，就搵同學傾偈」。

從香港心光盲人學校到美國一般學校，懷騫要適應與健全孩子一起學習。上數學課，對三角柱、長方形沒有概念。上化學課，又不能看化學符號。老師因為她而學習點字，為她把點字功課轉成文字，方便批改。同學又鼓勵她，懷騫的成績越來越好，中學畢業更考取 GPA滿分 4分，獲頒「美國總統獎」。

在美國讀中學的懷騫（前左一）成績名列前茅，今年畢業 GPA獲滿分 4分。

隨父母移民美國的懷騫，今年 8月將入讀身後的柏克萊大學。

「幫咗人就會好開心」

自小接受點字教育，懷騫曾贏得美國點字挑戰賽冠軍。

懷騫從未看過世界，最想看見顏色，或者玩捉迷藏時看見同學，「同學以為我睇唔到就捉唔到人，不過我識得熄燈嚇佢哋」。她看不見樂譜，靠聽覺和記憶學習小提琴，又參加學校弦樂團，最近喜歡拉梁祝等中國音樂，「我好幸運。每次拉小提琴，個腦就浮起人哋幫我嘅 good memories」。

性格開朗的懷騫臉上時常掛着微笑，她坦言很幸運，也有信仰支持，「我成日叫自己唔好諗唔開心嘅嘢，諗吓我今日幫咗人，就會好開心」。懷騫勉勵年輕人要面對失敗，對未來有期盼才會成功，「讀書係好難，但唔好放棄問問題。生命有好多好禮物，等住年輕人去開。成功唔一定係有好多錢，而係有人因為你而改變，做其他人嘅禮物」。

懷騫獲美國多家名校錄取，最後選了柏克萊大學，「我本來想搵間近啲屋企嘅大學，但係媽咪話我係時候獨立，我都想做大人。我都好感恩，大學有七個老師都攞咗諾貝爾獎」。懷騫期待過獨立的大學宿舍新生活，正在跟媽媽學用洗衣機，「就算睇唔到顏色襯衫唔靚，起碼啲衫乾淨」。

作者: redkoni 時間: 11-6-28 13:56

A touching, inspiring story.

作者: redkoni 時間: 11-6-28 16:09

GPA 4.0 真是佩服佩服! 更令人概歎,健康並不是垂手可得.

作者: talknwrite 時間: 11-6-29 23:25

我對學生講這個新聞, 鼓勵他們要發奮,

佢地當我傻,完全無感覺,對他們來說,好似幸福是必然的

作者: redkoni 時間: 11-6-30 02:05

原帖由 talknwrite 於 11-6-29 23:25 發表
我對學生講這個新聞, 鼓勵他們要發奮,

佢地當我傻,完全無感覺,對他們來說,好似幸福是必然的

10個可能衹有1個體會得到,因為其餘的9個身在福中不知福.

作者: mattsmum 時間: 11-6-30 23:14 標題: 回復 5# elbar 的帖子

那是一個很感人的廣告。

作者: Yanamami 時間: 11-7-2 09:20

原帖由 redkoni 於 11-6-30 02:05 發表

10個可能衹有1個體會得到,因為其餘的9個身在福中不知福.

作者: 197610 時間: 11-7-7 15:18

so touching ~ tks for sharing~

作者: vlui 時間: 11-7-7 21:40

Deepest congratulations to her.
Special congratulations to her great parent.

歡迎光臨教育王國 (/)