教育王國

標題: 各位前輩對LMC有乜評價呀？ [打印本頁]

作者: bbmama1109 時間: 11-6-25 15:04 標題: 各位前輩對LMC有乜評價呀？

請問各位家長對LMC有乜評價呀？例如課程、、老師、小朋友的校內生活、學習情況、子女的同學仔等等，任何事情，有乜意見？
我想在小女入讀前同佢講多d，得佢了解多d:)

作者: JackyBaBa 時間: 11-6-25 18:52

原帖由 bbmama1109 於 11-6-25 15:04 發表
請問各位家長對LMC有乜評價呀？例如課程、、老師、小朋友的校內生活、學習情況、子女的同學仔等等，任何事情，有乜意見？
我想在小女入讀前同佢講多d，得佢了解多d:) ...

媽咪，其實你想知道邊方面多d呀？具體d好播•••就我呀囝而言，佢過去呢年讀得非常開心，好似快樂足球咁，活動教學，呀仔讀得開心，我又自然放心，功課適中，老婆又唔會因為功課考試壓力搞到晚晚家嘈屋閉。問呀囝佢又時常話好鍾意學校和同學仔，校網好，第時升中又唔駛太擔心，唯一就係學校仲新，未會有成績表比到你，但針冇兩頭利，保記有保障，到學校第時派位好似TSL咁勁既時候，我諗又係幾千人爭百幾個位，好與壞，在乎你感受，其他details,你可以參考下其他以往d post 就可以更清楚。

作者: bbmama1109 時間: 11-6-27 10:36 標題: 回復 2# JackyBaBa 的帖子

謝謝你的分享:D
我知道小朋友讀得開心，間學校應該相當唔錯既！
我擔心除左中文科用普通話外，其他學科全部都用英文，囡囡會唔適應，或者係討厭返學就慘啦

其實小朋友跟唔跟到架？？
另一擔心比你講中哂

就係學校仲新，未有派位成績表比人睇，呢個都有心中的忍憂，你個時有乜原因咁有信心入讀既？

作者: bchi 時間: 11-6-28 11:34

因為就讀六年之後, 外語學得好, 出去考直資或叩門個優勢都係返度了 , 係咪 ?!

作者: JackyBaBa 時間: 11-6-28 21:44

原帖由 bbmama1109 於 11-6-27 10:36 發表
謝謝你的分享:D
我知道小朋友讀得開心，間學校應該相當唔錯既！
我擔心除左中文科用普通話外，其他學科全部都用英文，囡囡會唔適應，或者係討厭返學就慘啦其實小朋友跟唔跟到架？？
另一擔心比你講中哂就係學校仲新，未有派 ...

冇錯啦,記得一年前同你一樣,心大心細,你睇下d post 就知嫁啦...

http://forum.edu-kingdom.com/viewthread.php?tid=2168517&extra=page%3D5

其實好多直資學校都仲係好新,真係比唔到d穩定既數據過你睇,我建議你最好揾多d資料,比較下邊一間最適合你小朋友,例如:小朋友屬邊類型嫁?學費駛唔駛考慮呀?學
校同屋企距離可否接受呀...等等...

講真,真係每個人所要既都唔同,而我到而家都覺得LMC係我同呀囝杯茶, 就算比我今年揀多次,都係會係呢間~~~keke

如果仲想知多d,你可以早上早會時係學校觀察下,我記得係學校時都有同d同學仔傾下計,你會感受到佢地既歡樂,感受到佢地既愛,再加上聽埋校長講既簡介會,我就諗都唔駛諗即刻交表啦~~

作者: bbmama1109 時間: 11-6-29 09:51

係喎，真係好好好參考link的討論

講中哂

tkx

作者: lieyeemama 時間: 11-6-30 00:11

Whitepine，你話早上早會可以觀察下，咁家長係咪可以入去學校架！黎緊九月一曰阿女番學我都想請假去實地睇下！係咪第一日就開始番全曰呢？

作者: JackyBaBa 時間: 11-7-1 17:13

原帖由 lieyeemama 於 11-6-30 00:11 發表
Whitepine，你話早上早會可以觀察下，咁家長係咪可以入去學校架！黎緊九月一曰阿女番學我都想請假去實地睇下！係咪第一日就開始番全曰呢？

咳...唔~~~白松兄佢唔得閒,等我答你啦,
早會時段家長係可以入學校睇下既,大約半個鐘到啦,
我記得新生會早一日試番學,上兩堂到啦,
到1/9開學日就同高年班一齊,記得係早放, 不過今年唔知係咪一樣~~~

作者: tulipyk 時間: 11-7-2 12:33

今年同往年一樣, 都係早一, 二日有試番學。通常頭一, 二天是早放的。今年我細仔都讀小一。我問過鍾老師佢話農圃道校舍的學生應會係8:00上早會比高年班的同學仔早D開始。7月11日到時會有通告比新小一生的家長。

作者: lieyeemama 時間: 11-7-2 23:36

唔該哂各位前輩，咁係咪頭兩曰返放學都係校車接架？

歡迎光臨教育王國 (/)