教育王國

標題: 懷疑專注力失調/過度活躍症 [打印本頁]

作者: 818crystal 時間: 11-6-23 19:57 標題: 懷疑專注力失調/過度活躍症

我今曰帶左呀仔去做評估,佢今年9歲,評估結果係懷疑專注力失調/過度活躍症,心理學家建議轉介兒童精神科,但政府要排1-1年半,心理學家話依家可以睇住私家先,想請問有無媽咪有試過可唔可幫吓我!
Thanks!

作者: leung714 時間: 11-6-23 22:09

提示: 作者被禁止或刪除內容自動屏蔽

作者: 818crystal 時間: 11-6-24 18:23

請問知唔知收費大慨幾多錢.

Thanks!

原帖由 leung714 於 11-6-23 22:09 發表
我的輔導學生同樣有ADHD及學習障礙,家長看何定邦精神科醫生

作者: hoiyan 時間: 11-6-24 18:27

原帖由 818crystal 於 11-6-23 19:57 發表
我今曰帶左呀仔去做評估,佢今年9歲,評估結果係懷疑專注力失調/過度活躍症,心理學家建議轉介兒童精神科,但政府要排1-1年半,心理學家話依家可以睇住私家先,想請問有無媽咪有試過可唔可幫吓我!
Thanks! ...

仔仔今年小一下學期學校評估跟你一様.已排政府,而家睇緊私家,我都係睇何X邦醫生

作者: IwanBB 時間: 11-6-24 18:52

我囝囝都係一邊睇私家醫生林忠鍵, 一邊排政府.

唔好擔心太多, 加油!

作者: 818crystal 時間: 11-6-25 12:49

我都會帶呀仔睇私家醫生,想問下第一次睇流程係點呀!大慨幾多錢?
可唔可分享一下!
Thank you!

作者: perpermom 時間: 11-6-25 12:54

我阿仔都係9歲時評估到佢專注力失調,一邊掛政府(要等到2012年)一邊睇何定邦醫生. 要幫個小朋友, 同佢一齊努力吧!

作者: 818crystal 時間: 11-6-25 12:57

心理學家比左個list我,都有何醫生,我都唔知睇邊個好.咁你係咪朋友介绍你睇架.

原帖由 hoiyan 於 11-6-24 18:27 發表

仔仔今年小一下學期學校評估跟你一様.已排政府,而家睇緊私家,我都係睇何X邦醫生

作者: 818crystal 時間: 11-6-25 13:13

多謝你呀!我會努力!
請問睇醫生外仲有無其他嘢幫到呀仔.
醫生係咪凈係開藥比佢食

原帖由 perpermom 於 11-6-25 12:54 發表
我阿仔都係9歲時評估到佢專注力失調,一邊掛政府(要等到2012年)一邊睇何定邦醫生. 要幫個小朋友, 同佢一齊努力吧!

作者: hoiyan 時間: 11-6-25 15:45

原帖由 818crystal 於 11-6-25 12:57 發表
心理學家比左個list我,都有何醫生,我都唔知睇邊個好.咁你係咪朋友介绍你睇架.

係呀,我朋友介紹,令外我亦搵過睇兒童心理評估醫生,佢問我有冇相熟醫生,我就話我有朋友介紹何醫生,佢就同我講叫我去睇何醫生,因為何醫生係一個好專業既兒童精神科醫生,開藥好準,分量亦會好好,如果你要睇我都會建意你睇佢,但都幾貴,如果你小朋友真係要食藥就越早處理越好,等到有得睇政府小朋已經大咗,你再改佢D行為又難過而家,因小朋友越大他有自己的思想亦越多,而且你睇開私家到排政到睇政府又知小朋友對邊隻藥有效,唔駛由政府D醫生仔再開藥比你個小朋友試藥.

[ 本帖最後由 hoiyan 於 11-6-25 15:48 編輯 ]

作者: 818crystal 時間: 11-6-25 18:46

大慨要幾多錢一次,政府個個心理學家話around $1000到.
同埋係咪第一次就會開藥呀!

原帖由 hoiyan 於 11-6-25 15:45 發表

係呀,我朋友介紹,令外我亦搵過睇兒童心理評估醫生,佢問我有冇相熟醫生,我就話我有朋友介紹何醫生,佢就同我講叫我去睇何醫生,因為何醫生係一個好專業既兒童精神科醫生,開藥好準,分量亦會好好,如果你要睇我都會建意 ...

作者: hoiyan 時間: 11-6-26 00:32

原帖由 818crystal 於 11-6-25 18:46 發表
大慨要幾多錢一次,政府個個心理學家話around $1000到.
同埋係咪第一次就會開藥呀!

第一次見醫生時會做評估,45分鐘二千幾,我忘記咗實數,要睇要評估幾耐先知第一次收費,不過何醫生好專業,佢見你唔知點答D問題佢會引導你答,唔會拖你時間,當何醫生問完你小朋友情況後佢會單獨見你小朋友,然後就可以確定你小朋友須唔須要食藥,何醫生亦會話你知你小朋友見佢時有咩問題,如你小朋友要食藥就會立刻開比你,但每個人都要試藥先知啱唔啱,所以一般會開一星期藥比你,然後再返去覆診,所以你預第一次會幾貴,當你小朋友對隻藥係啱,就可以兩星期至三至四星期先返去覆一次診,那到時就會平D.
有一隻藥政府成日都會開,我見Bk媽咪話一般都係開這種,但我阿仔食咗冇效,而家阿仔食長效12小時這種又得,有日我冇比藥阿仔食,我老公即刻問我係咪冇比藥阿仔食,老公話阿仔冇食藥唔好既行為即刻出返曬!

作者: perpermom 時間: 11-7-6 16:59 標題: 回覆 9# 818crystal 的文章

何醫生除左比蘗仲教左我地改善阿仔做功課嘅環境同習慣嘅方法, 經過一年,成績進步左好多,操行由c升到b,小朋友嘅自信都提高左

作者: heichunmum 時間: 11-7-9 15:53

提示: 作者被禁止或刪除內容自動屏蔽

作者: carmenwg 時間: 11-7-14 01:05

各位媽咪:

   我小朋友剛評估到有輕微過度活躍和專注力不足,心理學家話只有吃藥先幫到我小朋友,我小朋友現在7岁,吃藥有負作用對我來講我不想他吃,因為我小朋友還有其他病,我真不想她吃那么多藥,到底除吃藥還有其他方法嗎?
   到底有没有這方面認識家長或這方面人士給些意見我嗎?
現在也因為專注力不足而學業上很難教,教她教到我人都煩躁晒"皮"氣都差晒,我想我都給小朋友氣到我也需要看精神科,因我還有個細小朋友,大小朋友不好行為而使到細小朋友也學咪,一個小朋友有問題而使第二個也學着他不好行為,我也要看精神科了,我想有這類小朋友都明白我心情,我也不能用筆默可形容自己苦惱.
   如評估了這個問題:1)係咪同學校講會有適當教學呢?
                              2)學校會有"奇是"小朋友嗎?
                              3)轉校又會難些嗎?
4)如吃藥心理學家講一般要吃1-2年其實係咪要吃那么長時間呢?
5)不了吃藥又有什么可以改善方法呢?
6)如吃藥我需要排期半年,那現時係咪需要好像你們所講去看私家醫生做多次評估然后試藥然后吃藥直到排到政府然后轉回政府醫院跟進呢?
7)我還有冇其他漏了問題嗎?

  請大家指教下我和給意見我,感謝萬分!

作者: 12312 時間: 11-7-14 13:23

玩乒乓球

作者: ching1117 時間: 11-8-12 02:14

其實政府心理學家準嗎?因為我朋友話覺得大部份只是靠家長講然後就評估,即姑果講得小朋友頑皮些..就都是度活躍和專注力不足,所以她打算再出去評估...

作者: nanalam 時間: 11-8-12 09:20

原帖由 ching1117 於 11-8-12 02:14 發表
其實政府心理學家準嗎?因為我朋友話覺得大部份只是靠家長講然後就評估,即姑果講得小朋友頑皮些..就都是度活躍和專注力不足,所以她打算再出去評估... ...

我估無論政府/私人, 一樣會 base on 家長所講小朋友平日行為表現作為其中一個評估 factor. 因為醫生做評估時間唔係咁長, 未必見得到家長老師覺得最有問題 gei 情況, 當然我相信醫生從小朋友即場 gei 對答/行為都可以觀察到部分問題.

作者: PARROTMUM 時間: 11-8-28 21:30

原帖由 818crystal 於 11-6-23 19:57 發表
我今曰帶左呀仔去做評估,佢今年9歲,評估結果係懷疑專注力失調/過度活躍症,心理學家建議轉介兒童精神科,但政府要排1-1年半,心理學家話依家可以睇住私家先,想請問有無媽咪有試過可唔可幫吓我!
Thanks! ...

我想問你係私家心理學家做評估呢? 因我女係小學的辦學團體的心理學家做評估, 今年7月頭比結果同轉介信去醫院兒童精神科, 唔駛排咁耐喎, 我女10月中就有得睇啦, 你會否試下叫學校轉介可能係快D的.

作者: HeiHei_Baby 時間: 11-8-30 17:16

我小朋友都排近政府兒童心理己一年, 其實我都好擔心食藥後副作用, 但今年暑假發現佢的問題越來越多, 真的好希望能快d約期紙, 可以及早改善佢的問題。

作者: winniecws 時間: 11-8-30 21:08

想問睇何醫生，平均每個月幾錢？

作者: pingi 時間: 11-9-1 22:58

deleted......

[ 本帖最後由 pingi 於 11-9-2 14:06 編輯 ]

作者: 818crystal 時間: 11-9-1 23:44

你呀仔好叻!
加油!

原帖由 perpermom 於 11-7-6 16:59 發表
何醫生除左比蘗仲教左我地改善阿仔做功課嘅環境同習慣嘅方法, 經過一年,成績進步左好多,操行由c升到b,小朋友嘅自信都提高左

作者: 818crystal 時間: 11-9-1 23:49

我係向政府做評估,我都會問吓學校.
我8月尾睇左第一次何醫生,

原帖由 PARROTMUM 於 11-8-28 21:30 發表

我想問你係私家心理學家做評估呢? 因我女係小學的辦學團體的心理學家做評估, 今年7月頭比結果同轉介信去醫院兒童精神科, 唔駛排咁耐喎, 我女10月中就有得睇啦, 你會否試下叫學校轉介可能係快D的. ...

作者: hoiyan 時間: 11-9-5 08:43

原帖由 818crystal 於 11-9-1 23:49 發表
我係向政府做評估,我都會問吓學校.
我8月尾睇左第一次何醫生,

hi 818crystal,你已經睇咗何醫生,何醫生有冇開藥呀?係咪我講嘅收費?我十號都要帶阿仔返去覆診!

作者: 818crystal 時間: 11-9-9 14:29

唔該哂你

何醫生有開藥.收費同你講嘅差唔多,我今日覆診.

原帖由 hoiyan 於 11-9-5 08:43 發表

hi 818crystal,你已經睇咗何醫生,何醫生有冇開藥呀?係咪我講嘅收費?我十號都要帶阿仔返去覆診!

作者: bb12345 時間: 11-9-16 15:12

hoiyan,

你小朋友食邊隻? 初初食藥點樣覺得d藥有無效?

原帖由 hoiyan 於 11-6-26 00:32 發表

第一次見醫生時會做評估,45分鐘二千幾,我忘記咗實數,要睇要評估幾耐先知第一次收費,不過何醫生好專業,佢見你唔知點答D問題佢會引導你答,唔會拖你時間,當何醫生問完你小朋友情況後佢會單獨見你小朋友,然後就可以確定 ...

作者: hoiyan 時間: 11-9-16 17:55

原帖由 bb12345 於 11-9-16 15:12 發表
hoiyan,

你小朋友食邊隻? 初初食藥點樣覺得d藥有無效?

我阿仔而家食緊CONCERTA 18mg 長效12小時,都係醫生問我同平時有冇咩唔同來決定d藥有無效.

作者: lokhimbb 時間: 11-9-20 15:52

Hi..Hoiyan 請問你仔仔食藥後有冇體重減輕情況......有冇冇胃口...情緒OK嗎??

作者: fionacat 時間: 11-9-20 19:28

想請教食藥後小朋友的表現會點樣改善？唔會「郁身郁勢」？學習時會專注一點？

我星期一會見何醫生，我估佢都會開藥，心裡面有啲忐忑。

亦想問吓小朋友讀主流小學跟得上嗎？我仔可年就讀小一，而家要選校，因發現佢有ADHD，我唔敢棟一間佢一定入到但好谷的小學，霎時間覺得佢嘅前景有些灰暗。唔知你哋當初知道小朋友有ADHD時如何調節自己心情？另外又擔心藥有副作用......

我知道我作為媽媽的心態好緊要，我唔堅強積極，點培育小朋友？不過心中真係有好多問號......

作者: lokhimbb 時間: 11-9-21 08:57

我囝都係睇何醫生...9月頭開始食藥...依家仲係試藥階段...食藥後佢活動量係減少咗...但又唔係定得好緊要...所以仲觀察緊...起碼老師話佢上堂冇騷擾人...係有時發夢...有時要叫一叫佢...當初我同老公都唔想佢食藥...但暑假嘅時候...覺得佢嚴重咗...仲有少少對立行為...見個仔同我哋感情未出現太大問題前..兩公婆商量後...唔想到最壞情況至俾佢食藥...所以作依個決定....因之前識一個家長...佢個仔都係ADHD...但佢個仔個對立行為非常嚴重....個仔做出太曳行為時...阻止期間唔小心整紅咗佢隻手...個仔走去報警話媽咪虐待佢...又講啲好難聽說話...打死媽咪..捉媽咪去坐監等等...我真係唔想個仔會演變成咁...所以食藥係目前最好嘅方法....我都有同個仔去廣華做針灸...周圍搵方法去幫佢...希望佢條路好行啲....喊完..問題始終要面對....大家努力....

歡迎光臨教育王國 (/)