教育王國

標題: 聖道明vs聖安娜國際幼兒樂園 [打印本頁]

作者: olivia_kyk 時間: 11-6-23 16:02 標題: 聖道明vs聖安娜國際幼兒樂園

囝囝下年2歳, 今年9月要為囝囝報幼兒園啦, 都唔知邊間好d!

聖道明同聖安娜國際幼兒樂園好似係同一機構,聖道明口埤好, 但聖安娜就有非本地課程, bb可以以全英語受課, 對佢語文好d, 不過就唔知派小學方面好唔好? 有無家長可以俾d意見呀?

[ 本帖最後由 olivia_kyk 於 11-6-23 16:47 編輯 ]

作者: ol_bb 時間: 11-6-25 17:06

聖道明 better

作者: happy+ 時間: 11-6-27 11:30

聖道明 had international stream before, my kid studied there. It only has local stream now?

作者: olivia_kyk 時間: 11-6-27 14:51 標題: 回復 1# happy+ 的帖子

聖道明而家只有本地課程, 早前打去問下d資料, 職員d態度麻麻地, 好似唔想答我咁, 都係叫我9月再打過黎. 相返聖安娜d職員就好得多, 有問有答, 慢慢解釋俾我聽~

請明係聖道明畢業o既小朋友通常會派去邊d小學多呢?

作者: Aaby 時間: 11-6-27 17:44

我個女係2010年2月出世，聖道明收左佢2012年3月插班pn。
聖道明o個個主住好好，有問必答。
我上個月上過幾堂playgroup，亞女都好開心，o係學校會守紀律。
我都參觀過聖安娜，設施好似好過聖道明，不過就要上一條長樓梯，同埋小朋友等入學校都係要o係o個條樓梯度等。相比聖道明o既獨立校舍，聖安娜好似就差d。

作者: happy+ 時間: 11-6-27 23:10 標題: 回覆 4# olivia_kyk 的文章

聖道明依家無左國際班是一件好事，因為當年我仔讀國際班時因不可用學券，所以有好多同學仔轉左去讀有學券的雙語班，於是佢竟然將所有k1至k3的國際班學生group 成一班一齊上堂。

所以我對聖道明的印象麻麻地。另，小學派位是大抽獎的，並非取決於讀邊間幼稚園。以我仔嗰屆，佢有同學仔考自己考入蘇浙、華仁、港大同學會及漢華等小學。Olivia,你住邊度？其實都有其他選擇。

作者: olivia_kyk 時間: 11-6-28 14:43 標題: 回復 5# Aaby 的帖子

你囡囡2010年2月出世, 佢哋咁快就收插班既? 係未因為係大仔呀?

同埋playgroup係返星期幾架? 咩時間? 同學費幾多呀? 上堂程況係點呀? 因為我都有興趣! 我而家係多多返緊playgroup, 我老公覺得貴, 想轉! thanks!

作者: olivia_kyk 時間: 11-6-28 14:51 標題: 回覆 6# happy+ 的文章

我住柴灣架~ 原來之前係咁架, 唔怪得我問佢點解無非本地課程佢就唔想答我啦!

我心目中想幫BB報聖道明同聖安娜之外, 仲有蘇浙, 明我同民生! 但報晒5間好似好多, 所以要取捨! happy 你有咩意見可以俾我呀! 有無邊間好過我簡個d呀? thanks

作者: Aaby 時間: 11-6-28 16:57 標題: 回復 2# olivia_kyk 的帖子

我又唔知係咪因為大仔，但因為我想佢足兩歲就番學，所以四圍搵邊間收插班。最後我只搵到聖道明。
我都未決定係咪真係o係聖道明讀pn，定話考過第二間。不過我估k1我就想轉去心儀o既學校。
pg 星期一至四1:15pm-2:30pm @$100，我就選擇只上星期二、四，因為開頭唔想個女太辛苦。
上堂係會唱歌、學color、學人物、做運動、勞作、茶點...
上左幾堂我覺得個女合群左，自理又好似好左d。
我打算暑假後俾佢番足4日

作者: happy+ 時間: 11-6-28 18:32 標題: 回復 8# olivia_kyk 的帖子

後來，當我個女要入pn時，我就報左蘇浙和小西灣迦南，兩間都收，咁就揀讀蘇浙。到k1時，因蘇浙無直升制，所以我報多一間上書房pm打底，最後好彩地蘇浙收左我個女，咁我就比佢原校升讀。

作者: olivia_kyk 時間: 11-6-28 23:28 標題: 回復 9# Aaby 的帖子

原來聖道明pg係平日上架......咁我呀仔就上唔到啦, 我同我老公都係返工, 我又唔放心俾工人帶佢出去上堂......我而家上緊個d pg都係星期六!!

作者: olivia_kyk 時間: 11-6-28 23:35 標題: 回覆 10# happy+ 的文章

我想問報蘇浙pn駛唔駛in架? 同埋我都知蘇浙pn上k1唔係直升要再in過, 咁難唔難in架, in d咩架? 仲有我蘇浙係主打係國語, 咁英文方面會唔會無咁注重呢?

唔好意思~ 好多問題

作者: happy+ 時間: 11-6-29 00:50 標題: 回覆 12# olivia_kyk 的文章

蘇浙pn都要in，以我囡個屆就千多人爭百幾個位。我覺得pn最主要in家長，而幼維園就主要in小孩子，題目你可在討論區內找到。英文方面，佢每日都有大約二十分鐘由NET老師教導，比起聖道明由印度老師教為好。

作者: olivia_kyk 時間: 11-6-29 11:22 標題: 回復 13# happy+ 的帖子

我都知蘇浙難入架啦~

聖道明用印籍老師我都聽聞過, 但全部都係印藉? 一個net老師都無呀?

作者: happy+ 時間: 11-6-29 14:34 標題: 回復 14# olivia_kyk 的帖子

As I remember, there was not net teacher there. Even my kid was in international stream, he was taught by Indian teacher.

作者: olivia_kyk 時間: 11-6-29 14:50 標題: 回覆 15# happy+ 的文章

咁唔知係未連聖安娜都係得印藉老師呢? 如果係我就唔報啦! 因為由柴灣去太古返工學都唔係咁方便, 加上話要上樓梯先入到學校.....

happy, 你囝囝而家讀緊k1呀? 會唔會考慮蘇浙小學呀?

作者: happy+ 時間: 11-6-29 15:18 標題: 回覆 16# olivia_kyk 的文章

Concerning 聖安娜, I dont know, u better call to ask.
My kid is in 蘇浙pn and will promote to its kindergarten in coming sept. I will consider to apply its primary school too, since the allocation of secondary school for 蘇浙 students are good.

作者: Aaby 時間: 11-6-29 21:31

原帖由 olivia_kyk 於 11-6-28 23:28 發表
原來聖道明pg係平日上架......咁我呀仔就上唔到啦, 我同我老公都係返工, 我又唔放心俾工人帶佢出去上堂......我而家上緊個d pg都係星期六!!

我開頭都唔放心工人同佢上，但佢平日實在太得閒(因為佢daytime係唔會瞓覺)，我又唔想佢淨係對住工人，所以唯有俾佢同工人一齊去上堂。

我都想報蘇浙，大家comment都好好~

作者: olivia_kyk 時間: 11-6-30 00:19 標題: 回復 18# Aaby 的帖子

Aaby 你bb幾大呀? 我呀仔今日足十個月, 不過聖道明d pg好似要夠15個月先可以報!

多多個pg我老公覺得貴($1950得4堂), 所以打算轉, 不過又無唔知邊度好! 蘇浙有無pg架?

作者: Aaby 時間: 11-6-30 10:22

原帖由 olivia_kyk 於 11-6-30 00:19 發表
Aaby 你bb幾大呀? 我呀仔今日足十個月, 不過聖道明d pg好似要夠15個月先可以報!

多多個pg我老公覺得貴($1950得4堂), 所以打算轉, 不過又無唔知邊度好! 蘇浙有無pg架? ...

我個女16個月，聖道明pg好似要16個月先收，但主要係bb行得穩就可以上。我個女好早識行，所以~12個月就上聖道明pg。
聖道明宜家放暑假，要9月先再有pg。

多多係咪o係杏花村要俾入會費o個間?

作者: olivia_kyk 時間: 11-6-30 11:33 標題: 回復 20# Aaby 的帖子

多多唔係o係杏花村架, 港島有兩間, 一間係寶馬山, 一間係西半山堅道, 呀b而家係寶馬山係間上緊pg!

聖道明gp上課程況係點呀? 老師講中文定英文架?

作者: Aaby 時間: 11-6-30 15:17

原帖由 olivia_kyk 於 11-6-30 11:33 發表
多多唔係o係杏花村架, 港島有兩間, 一間係寶馬山, 一間係西半山堅道, 呀b而家係寶馬山係間上緊pg!

聖道明gp上課程況係點呀? 老師講中文定英文架?

聖道明係用廣東話，主要係唱歌跑跑跳跳、教顏色、人物、做運動、室外playground、勞作、茶點...
都教好多野!

作者: olivia_kyk 時間: 11-6-30 16:41 標題: 回覆 22# Aaby 的文章

你小朋友下年3月插pn班, 咁佢未會讀年半pn班lor?

我個仔8月尾出世, 係細仔(對於只係收31/8出世前既bb), 我好驚佢interview比人弱......

作者: Aaby 時間: 11-6-30 17:22 標題: 回復 1# olivia_kyk 的帖子

係呀，佢會讀年半pn。
我有諗過會唔會o係聖道明讀半年，之後轉去讀第二間。但我覺得對個女好似唔太好咁，我估我都係k1先轉。
我有朋友係2009超細仔，迦南都收佢，唔洗驚啦。我估最緊要佢interview唔好喊，唔好怕人就ok。
我會俾多d bb gathering個女，or多d帶佢去會所玩，等佢接觸多d小朋友，咁佢就會冇咁驚。

作者: tania0324 時間: 11-7-1 12:47

聖道明四年前轉非牟利幼稚園時, 當時嘅尹校長無幫雙語班申請用學券, 所以好多學生走咗, 之後真係將得翻14-15人嘅 k1-k3合埋一班上課, 我個大仔就係其中一位學生. 不過係九月開課時, 聖安娜幼稚園嘅蕭校長就接任 (同一辦學機構), 而且立即幫當時嘅雙語班申請翻可以用學券, 並安排雙語班嘅家長觀課, 等我哋家長一邊睇上堂, 一邊解釋三級係不影響對方學習時嘅分組上課情況, 睇完之後都無咁驚亞仔學唔到野. 第二年已經分開班上課. 我同啲家長都好鍾意蕭校長, 有問必答同會立即處理問題, 唔似以前個校長!
細女今年都係度讀n班, 大約二三月咗有, 佢哋已經出咗通告, 係新學年會全校行雙語班制喇!英語老師雖然唔係金髮嘅外籍人士, 但她們嘅英語發音都好標準 (我真係接觸過的夾雜鄉音的外籍人士講英文, 好難聽), 我有個外國親戚返嚟香港探親, 聽過的仔女講英文, 佢都話佢哋嘅英語發音好好!

作者: happy+ 時間: 11-7-1 14:08 標題: 回復 25# tania0324 的帖子

雙語班是指本地課程，一向都有學券的。國際班最初是沒有學券的，後來才可用學券，但學費都比雙語班貴，所以學生不多。聽說現在只有雙語班（本地課程），已經沒有國際班了。

作者: tania0324 時間: 11-7-1 20:06

要享用學券就要符合教育局的要求, 就是給主要以母語教學的本地課程幼稚園, 所以用全英語教學的國際班是不能取學券的, 而國際班已改名為雙語班, 而以前的雙語班即更正為中英文班, 學校在校務處門口的告事版也有張貼出教育局批準收費証明書, 列明學校的本地課程分別為中英文班同雙語班.
中英文班同雙語班每天都有普通話堂, 但中英文班每天只有30分鐘英語活動時間, 而雙語班除了這30分鐘英語活動時間外, 還於一小時的分組時間協助分組, 等小朋友多聽英文同以英文溝通. 今年就係因為大部份家長申請讀雙語班, 造成中英文班同雙語班學生人數好唔平均, 有啲雙語班就有27,28人, 而有啲中英文班則只有10人左右, 所以校長咪係新學期全校改雙語班制, 等每班人數平均啲, 而學費就以中英文班收.

作者: happy+ 時間: 11-7-1 22:55 標題: 回覆 27# tania0324 的文章

多謝你的分亨！看來很抵讀喎。

作者: olivia_kyk 時間: 11-7-1 23:46

原來有段故~ 聖道明以前個尹校長俾人感覺麻麻地, 咁點解都間學校仲咁有口碑? 而聖安娜個校長咁好, 又好似無乜口碑咁, 點解會咁呢?

聖安娜而家仲有非本地課程(國際班), 反正pn班係唔係都無學券, 都係要俾貴學費, 所以我想佢可以全英文受課, 到上k1先同佢轉聖道明or其他學校, 咁好唔好呢? 有無人可以俾下意見?

作者: tania0324 時間: 11-7-2 15:02

原帖由 happy+ 於 11-7-1 22:55 發表
多謝你的分亨！看來很抵讀喎。

Happy+:

係呀!我都同校長了解過詳細情況, 校長話無理由要中英文班家長多交費用, 而雙語班家長減少交費就無問題.

作者: tania0324 時間: 11-7-2 15:46

原帖由 olivia_kyk 於 11-7-1 23:46 發表
原來有段故~ 聖道明以前個尹校長俾人感覺麻麻地, 咁點解都間學校仲咁有口碑? 而聖安娜個校長咁好, 又好似無乜口碑咁, 點解會咁呢?

聖安娜而家仲有非本地課程(國際班), 反正pn班係唔係都無學券, 都係要俾貴學費, 所 ...

聖道明勝在有個室外有蓋操場, 小朋友有個好好的讀書環境, 而聖安娜就輸蝕係校舍環境方面, 唔係獨立校舍 (幫個女報幼兒園時都參觀過聖安娜).
我個仔係太古城曾經學過鋼琴同芭蕾舞, 就係這時聽到家長講小朋友讀書情況, 嗰陣時都唔認識聖安娜幼稚園, 只係聽到家長講聖安娜覺得有啲特別, 成個餅店名咁, 於是好有印象. 就係這段時間, 時時聽到啲家長讚蕭校長好人, 聽講由開校做到而家, 所以太古城有好多家長都識佢. 直至07年學券只可以用係非牟利幼稚園, 而當時聖道明同聖安娜都係私立幼稚園, 係一次爭取私立幼稚園都可享用學劵的遊行中, 蕭校長就帶聖安娜嘅家長同學生, 而我哋聖道明嘅尹校長就無出席, 由蕭校長負責帶埋聖道明嘅主任,教師同學生家長出席遊行, 亦因為咁先知聖道明同聖安娜兩間學校係有關係嗁.
幼兒園唔可以用學劵, 所以係邊間讀真係無所謂. 最緊要老師有愛心!話晒都係小朋友第一次離開我哋(父母).

作者: sarboylee 時間: 12-5-28 14:42

即是而家聖道明 n班全都是雙語班, 對嗎?

歡迎光臨教育王國 (/)