教育王國

標題: 有問題, 找意見 [打印本頁]

作者: kwboy 時間: 11-6-23 15:44 標題: 有問題, 找意見

各位:

如果又一村全日班對協和幼稚園上午班, 邊間好d?

作者: lovelinda 時間: 11-6-23 15:47

你自己想上午 or 全日?

作者: bibikids119 時間: 11-6-23 15:48

如果屋企係有人照顧到小朋友的,我個人喜歡半日班~

原帖由 kwboy 於 11-6-23 15:44 發表
各位:

如果又一村全日班對協和幼稚園上午班, 邊間好d?

作者: kwboy 時間: 11-6-23 15:53

上午要請工人姐姐, 全日可能唔洗請, 不過我想知邊間學校好d?

作者: lovelinda 時間: 11-6-23 15:55

我唔清楚協和, 但我會選又一村, 而且你的情況, 是否全日好些?

作者: kwboy 時間: 11-6-23 15:58

但我唔知又一村好唔好, 有沒有意見, 全日班加埋校車貴唔貴? 返幾點?

作者: Mimmy 時間: 11-6-23 16:02

協和就唔清楚, 不過有朋友個囡囡讀緊又一村全日K1, 佢就幾滿意, 學校都教得唔錯, 校舍夠大, 我記得佢話扣左學劵全日班好似都要二千, 校車我就無問佢幾錢

作者: lovelinda 時間: 11-6-23 16:03

我認為是一間讀得開心的幼稚園, 老師有愛心.......不過, 我聽聞有家長話校車有些貴.......

作者: kwboy 時間: 11-6-23 16:24

我估學費加埋校車同雜費要成四千幾一個月, 我想問又一村係返幾多點呀？有沒有 net 教英文同埋係咪每天都有呀？

作者: kwboy 時間: 11-6-24 06:37

仲有沒有人可以俾一些意見呀? 勁急!!
唔該!!

作者: 小曳人 時間: 11-6-24 09:09 標題: 回復 10# kwboy 的帖子

你第時想小朋友讀乜小學呀？
聽過朋友講，又一村好輕鬆架，可憐小朋友入到一間好谷嘅小學，惡夢就開始喇....
如果你心儀較傳統嘅教學法，要考慮呢點呀！

作者: kwboy 時間: 11-6-24 10:15

我得兩個選擇, 又一村或協和幼稚園, 呢度好多人都未聽過協和幼稚園, 所以有點擔心

作者: bee918 時間: 11-6-24 14:47

又一村全日班返9放4點半. 校車約5至6百, 都要睇你住邊度.
協和應該吾係一間太谷既學校. 聽個媽媽講, 英文好一般, 小朋友守規矩方面就ok.

作者: lyhv 時間: 11-6-24 15:28

原帖由 kwboy 於 11-6-24 10:15 發表
我得兩個選擇, 又一村或協和幼稚園, 呢度好多人都未聽過協和幼稚園, 所以有點擔心

急? 兩間都收左你?

作者: kwboy 時間: 11-6-24 16:10 標題: 回復 1# lyhv 的帖子

係呀, 邊間好?

作者: kwboy 時間: 11-6-24 16:15 標題: 回復 3# bee918 的帖子

我覺得又一村好似好商業化同埋係人都收咁, 呢d 係我感覺而已, 協和又冇乜人讀不過平好多!!

作者: lyhv 時間: 11-6-24 16:31

原帖由 kwboy 於 11-6-24 16:10 發表
係呀, 邊間好?

其實我見你好早上年已經問協和, 點解仍未可以作出決定呢? anyway, 學校設施相信你intervierw時都已經見到, 純粹環境, 我會揀又一村! 而且我看過一個blog, 他女兒係讀又一村, 最後有5間好學校收左, 所以, final decision, 我都係會揀又一村!

作者: kwboy 時間: 11-6-24 16:36

因為又一村昨天打俾我話有位, 所以咪要諗下囉, 本來無得選, 現在多一個選擇, 所以得迷網怕選錯!!

作者: lyhv 時間: 11-6-24 16:49

原帖由 kwboy 於 11-6-24 16:36 發表
因為又一村昨天打俾我話有位, 所以咪要諗下囉, 本來無得選, 現在多一個選擇, 所以得迷網怕選錯!!

咁協和又唔係好差, 只不過如果雙方條件一樣, 我應該會揀又一村! 但你個case還需要考慮半日同全日, 依樣我俾唔到意見你!

作者: kwboy 時間: 11-6-25 09:34

多謝您地的意見, 做決定真是很難的!!
若有其它意見, 請分享睇法!!

作者: NICOLE123 時間: 11-6-25 13:42

我會選協和. 一來希望第2時叩門協小有幫助
2來半日請工人可以幫到做屋企野之餘又可以幫手帶小朋友去上興趣班.上全日班浪費金錢同時間.

作者: bee918 時間: 11-6-26 11:42

我會以全日班為考慮，即使有工人，因想小朋友可接觸多d人

作者: kwboy 時間: 11-6-26 23:41

我聽人講協和小學同中學都幾好, 同埋中學係 BRAND 1, 唔知係咪真呢?

作者: sheffield 時間: 11-6-27 08:52

唔使擔心得太遠…

作者: bbeasy25 時間: 11-6-27 15:48

協和無中學, 之前係同銘賢有関連,有一部份人可以升上銘賢, 好似就黎唔可以.

作者: bee918 時間: 11-6-28 13:26

協和小學係派位, 可以話同幼稚園無關連, 或者叩門有優勢吧? 前年問過協和幼稚園既老師, 佢地話都好多學生去左協和小學新校舍果邊.
好多人話又一村係人都收, 但相比其他幼稚園又一村校舍較大, k1上下午加埋可能可以開多D班, 收多D人仔都未定.

作者: kwboy 時間: 11-6-28 14:45

我都有同樣的感覺, 我聽過人話, 去又一村面試, 一句話一條問題都沒有答過, 又一村都照收, 所以都有點擔心, 太商業化.

作者: silvia_ng 時間: 11-6-28 15:19

協和應是崇真下面那間嗎?

如果是, 我覺得相對都幾多新移民家長既, lunch hour係外面麥當當都會見到佢地。聽聞校長會寫信比某d協幼生, 幫佢地考協小(萬一派唔到時用)。其他就唔太清楚了。

作者: kwboy 時間: 11-6-28 16:16

我覺得間間都有好多新移民, 崇真都應該唔少, 不過崇真多人報很多!!

作者: lovelinda 時間: 11-6-28 21:03

我認為又一村一點都不商業化, 我自己認為老師都好有愛心......

作者: bee918 時間: 11-6-29 13:20

點為之商業化呢? 吾收學卷既幼稚園咪重商業化? 但我又吾覺商業化有咩問題, 學校都要收支平衡架.

原帖由 kwboy 於 11-6-28 14:45 發表
我都有同樣的感覺, 我聽過人話, 去又一村面試, 一句話一條問題都沒有答過, 又一村都照收, 所以都有點擔心, 太商業化.

作者: kwboy 時間: 11-6-29 16:28

我只是話感覺而已, d 人成日話老師有愛心, 呢句都可能係感覺而已, 因為人人的感覺也不同, 不過我相信又一村的老師應該不差

作者: MYL0808 時間: 11-6-29 17:57

你最後選擇左邊間未呀?
唔知點解,你好似對於收你小朋友的兩間學校都咁有"意見",其實你真係咁擔心,咪出年再同佢報過囉,如果佢係9月2日後出世的,到左小一時都仲係適齡,有10分架,如果唔係,你做乜仲要咁多憂慮呢?你係冇得揀啦,一係就k2再搵學校插班囉,但機會一樣唔大!

申報利益,我係得又一村收的媽咪,我好感激佢收左我個小朋友,當然,我都會想wait到另外一d更好的學校,但我唔會覺得又一村商業化囉!又一村唯一令我覺得不足的是她的課程淺,但入得去亦預左會出去"進補",你明我想講咩未呀樓主?

(不喜勿插!!!)

作者: goldenbaby 時間: 11-6-29 18:05

提示: 作者被禁止或刪除內容自動屏蔽

作者: MYL0808 時間: 11-6-29 20:40 標題: 回復 34# goldenbaby 的帖子

這個blog在我準備選擇考幼稚園前都曾經有緣拜讀過,當然我不知道寫blog者是何許人,但卻感受到他/她對女兒的著緊!

我所心儀的學校跟blog者幾乎一樣,同樣地,我所得到的結果也是差不多,最心儀的kv到目前仍未有消息,所以說,亦只有kv是我否定又一村的唯一理由!

我只為我的小朋友報了4間,因為我根本知道自己想要的是什麼,st.cat , kv , 又一村 , 啟思(律倫街),結果是2waiting,1reject,reject我的啟思我知道問題所在,因為我連她沒有全日班也不知道(指正校),所以in完我都知道是什麼結果了.......

所以說,樓主,不要以為一定是"不想讀"的人才入又一村,她可是我的第二志願,因st.cat只是人報我報的心態,呵呵~~~

作者: kwboy 時間: 11-6-29 21:24

妳是否只有又一村俾 OFFER 妳呀?

作者: MYL0808 時間: 11-6-29 21:43

我在33樓已申報左啦,我係得又一村呀!

作者: kwboy 時間: 11-6-29 22:27

原帖由 MYL0808 於 11-6-29 21:43 發表
我在33樓已申報左啦,我係得又一村呀!

你會讀全日班定半日呀? 我估全日班

作者: MYL0808 時間: 11-6-29 22:51

半日,從一開始便只打算讀半日班,因為放學後還可以有時間學下別的東西!

原帖由 kwboy 於 11-6-29 22:27 發表

你會讀全日班定半日呀? 我估全日班

作者: kwboy 時間: 11-6-29 23:23 標題: 回復 1# MYL0808 的帖子

你是全聽媽媽?

作者: SaSa930 時間: 11-6-29 23:41

我是協幼和協小的校友，現在已大學畢業，有一份不錯的工作。所以我覚得協幼和協小都好好，係間好有愛心的學校，我媽話當年好出名，好多人排隊考喎，仲叫我今年我個仔k1一定要考，但我個仔巳有其他offer,最好韵係SKH and KV ,最後我揀咗skh.協幼真係唔差架。

作者: kwboy 時間: 11-6-30 12:51

2008年出生率高加上我的小孩說話不流利, 所以真係沒有選擇, 聽完大家的意見後, 可能協和幼稚園會優勝一點！！

作者: lovelinda 時間: 11-6-30 13:06

You are welcome!
It is good to hear you can make the final decision.

作者: MYL0808 時間: 11-6-30 14:07 標題: 回復 40# kwboy 的帖子

我是全職呀!
另,知道你終於有決定真是太好了!其實協幼不差啊,只是現在的名氣不及九龍塘的,想當年真的是要排隊的,我點知?因為養我的c6就係協幼&協小畢業的囉,想問我點解唔報協幼?哈哈,因為她要親身去攞表,我唔想去啊,為左咁我都俾c6嘈左一陣~~~~

作者: kwboy 時間: 11-6-30 14:21

其實呢個決定都好難做架, 又一村都唔差, 協和校舍比較細同埋多新移民不過沒有其它選擇可以選, 見到家長有 KV 都唔要, 真係羡慕死我了!!

你知唔知協和收幾多人呀? 我知佢派申請表有限額, 只有一天取表同埋派完就不會再派, 我記得我去取表那天都幾多人架

作者: sheffield 時間: 11-6-30 15:24 標題: 回復 1# kwboy 的帖子

唔需要介意自己小朋友讀的學校是否多人想入…多人申請又如何，冇人爭申請的又點？？
你想全日定係半日，想比幾多錢學費，想唔想近d屋企，又想唔想入協和小學(不是龍，但總會有幫助)，就係咁簡單！小朋友入唔到名校唔會唔識字，一樣也能開心的成長…可能有個只望後面，唔樂觀面對前面，總是猶豫不決的家長，對他的影響還大！香港有咁多小朋友，讀名校的有幾多？讀唔到的會變壞？會冇工做？讀完名幼稚園上名小學再上名中學，最終又平步青雲，出人頭地，仲要家庭同事業都成功的有幾個？入到名幼稚園可能係一個好的起步，但這不能保証將來！！學習生崖長過馬拉松，起步點也算不是什麼！
你常說冇其他選擇，這個已是事實，為何不就2選一，話比小朋友知將要讀咩學校，開心的幫他預備上學？上學後認為不足的咪自己出面補補囉！家教/輔助遠比學校重要！名校生叻好多時是因為小朋友在外補習補到自己超班，並不是學校教得好好…
最後，你自己都唔樂意接受學校，你想小朋友點能開心上學適應新環境呀？！
唔好介意我咁回應，但見你的情況又真係忍唔住…如你唔鍾意我個回應，你通知我，我delete左佢啦…

作者: kwboy 時間: 11-6-30 15:40

你用咗咁多時間打咗咁多字, 正所謂字字真言, 怎可以delete, 你說得真的岩架, 我真的做不了大決定, 多謝指教!! 希望我可以學會放開一點吧!!

作者: Cutemom0808 時間: 11-6-30 15:46

原帖由 kwboy 於 11-6-30 14:21 發表
其實呢個決定都好難做架, 又一村都唔差, 協和校舍比較細同埋多新移民不過沒有其它選擇可以選, 見到家長有 KV 都唔要, 真係羡慕死我了!!

你知唔知協和收幾多人呀? 我知佢派申請表有限額, 只有一天取表同埋派完就不會 ...

其實讀邊間KG/小學對將來有幾大影響只有天知，好似前面有網有話c6讀協和，大學畢業又有份不錯的工，同比我c6哥哥也是協和畢業但中三就冇讀書而家做藍領，而我c6就連協和都考唔入，去左一間差過協和既小學，但也有大學畢業，份工可養我唔使出去做嘢。有時真係要放開吓唔好睇得太重，爭取了就安心，上天自有安排。

作者: bbeasy25 時間: 11-6-30 15:54

我c6都係協和畢業, 有大學畢業，份工都ok. 估唔到幾多人協和畢業.

作者: sheffield 時間: 11-6-30 16:15 標題: 回復 1# bbeasy25 的帖子

協和小學唔係超級名校，但也算是該區好多人想入嘅學校…啱啱睇家小一選校個forum，有個家長話今日收到協和取錄通知，可以鬆一口氣…如果有查過記錄，大家會發現有多人都係出自協和的呢！亞媽嘅年代，有幾多有錢人可以進出九龍塘同半山區？大把咁多人要讀教會學校…題外話，教會學校對道德觀的教育真的比沒宗教背景的為嚴緊呢！

作者: kwboy 時間: 11-6-30 18:59

乜野叫 C6？

作者: MYL0808 時間: 11-6-30 23:22

分分鐘佢地係同學呀,哈哈~~~
另,樓主,C6=死佬,哈哈哈~~~~~我都係上得BK多才知道,如62=老爺,99=奶奶,C9=師奶,唔知仲有冇其他啦,以前都係睇到我一頭霧水,呵呵~~~~

原帖由 bbeasy25 於 11-6-30 15:54 發表
我c6都係協和畢業, 有大學畢業，份工都ok. 估唔到幾多人協和畢業.

作者: kwboy 時間: 11-7-6 22:10

如果金巴倫英文幼稚園同協和幼稚園, 邊間好D 呀?

作者: MYL0808 時間: 11-7-6 22:20

咁就梗係金巴倫啦!
點呀?金巴倫收左?
但有樣野就係學費都幾金下,我個朋友今年都收左,上午班,3100左右學費喎,冇學券,係咪你杯茶?

原帖由 kwboy 於 11-7-6 22:10 發表
如果金巴倫英文幼稚園同協和幼稚園, 邊間好D 呀?

作者: kwboy 時間: 11-7-6 23:03

係呀, 都好貴呀
金巴倫係咪同根德園, ST CAT 個 D 級數呀? 定係低幾級呀?

作者: haydenden1023 時間: 11-7-7 17:45

其實我唔明白點解D家長會覺得又一村商業化?
有學卷, 校服又唔係貴過人, 搵埋人影學生相都係十元一打)
O甘大間學校, 又擴建, 又翻新, 重收學卷 (我知因為佢唔出名)
我去in時, 問過老師, 師生比率係1:12
好多學校都做唔到
佢都收左我個女, 坦白講如果有其他更好我都會諗諗
我都有其他差不多o既選擇

不過我自己反而好商業化去諗
個校長不斷擴大校舍, 翻新, 其實佢都想做到又一村出名 (如果佢無理想, 點會花$$去搞o甘多野, 為左咩佢心裡有數)
佢地會放好多資源, 我相信呢三年我一定賺得好多
環境好, 老師好, 資源充足, 將來派位學校都會做功夫
(我亦相信到我個女讀k3時, 學校一定比而家出名好多)

總結 : 就算佢出名與否, 其實我係想個女係一個理想o既環境學習，開開心心過三年, 其他野我唔擔心~~

另外協和, 我問過人, 其實佢都係一間好學校, 所以讀邊間都ok, 最緊要係你想半日定全日~~

作者: lovelinda 時間: 11-7-8 01:19

坦白講, 如果這兩間, 我自己會揀又一村, 我知協和都是一間好學校, 不過我對佢認識唔深, 我只能講我對又一村的評價/感覺.......

又一村是我母校, 我覺得佢一點都不商業化, 佢俾我的感覺是佢咁多年都無變, 我到現在仲記得一些幼稚園時期的情景, 我覺得我的班主任和其他老師都好溫柔和慈祥, 我的幼稚園生活是在快樂中渡過.........

我有好多年無返過去探老師, (其實最後一次是讀中學時) 上年帶阿女interview, 雖然已"人面全非", 但那裡的老師依舊是好溫柔, 好慈祥......當日我一行入去, 就好像有個老師全程"磅"住我一樣, 我一行過, 佢就叫我小心, 小心, 我諗佢都講咗5,6次......(因為當時我太緊肚)

在bk見到一些家長in完之後講, 話d老師好溫文, 好像好關心人, 超有禮貌, 甚至"90度"鞠躬, 好假.......其實當時我想講, 我唔覺得出奇/造作, 因為我以前都是這樣, 我只是覺得佢咁多年都無變......

我唔係幫樓主決定, 只係想講一下我的心聲, 以及我幾個月前想講,但無講的說話......

歡迎光臨教育王國 (/)