教育王國

標題: 請放出津小學位 [打印本頁]

作者: heungwah 時間: 11-6-20 14:44 標題: 請放出津小學位

一心讀私校的家長, 請你地唔好去叩門同個d大抽獎失敗者槍津小學位啦; 以及請你地快d放返個津小位俾經濟無你地咁好的家長及小朋友, 四處叩門等消息的心情實在很難受!!

你地當日考私小時相信都是找個後備, 大抽獎唔得就讀私校咩!! 將心比已, 請放出津小學位, 很多家長活於膽顫心驚中已經3個星期, 請給他們一個機會!

作者: Lovely-Boy 時間: 11-6-20 15:01

提示: 作者被禁止或刪除內容自動屏蔽

作者: heungwah 時間: 11-6-20 15:48

實在太多家長欲哭無淚了, 淚水流乾了, 一點兒消息也沒有, 請有私小在手的家長放出 **津校** 學位啦!!

我相信一心相讀私小的家長, 津小的所有事物都不是你們那杯茶吧, 不要再與我們搶位好吧!!

再者, 如我這些信實的家長, 真真實實是住在該區的, 就算叩到學校但不是在區內, 要小朋友每日山長水遠上學一點都不仁道, 亦不符合分區派位的理念!

回到基本步, 請放出 **津小** 學位

作者: wongkf 時間: 11-6-20 17:29

其實都唔明點解教育局唔可以同私校溝通得好些, 將私校好似直資咁做, 接受左私校就唔比大抽獎. 現在有錢報私校就可以博到盡搶間津貼. 無私校在手就要好小心選.

作者: onecm 時間: 11-6-20 18:59

政府只要早d大抽獎, 所有私校又好, 直資又好, 官津又好同步announce,每個適鹷兒童只得一張小一入學証交比最心儀既一間, 就可以慳番好多家長"朴"位既辛苦, 可以早d決定小朋友去向
但係有咁完美咩?!

作者: wu_winky 時間: 11-6-20 19:27

我都幫手拜下啲自私鬼,放手啦,積下德啦!

作者: wu_winky 時間: 11-6-20 19:29

人在做,天在看

作者: lrxsam 時間: 11-6-20 21:26

叩門一D消息都冇...灰!
冇辨法之下第六志願都要照殺...

作者: heungwah 時間: 11-6-21 14:28

請已選定學校的家長, 盡快將你手上多出的學位放出來, 特別是 **官津小學學位**

有很多普通家庭根本付不起私校學費, 只能靠派位, 請給他們一個叩門的希望!

多行善德, 眼見bk上很多人問xx學校與yyy學校同zzz學校的比較, 請你們盡快決定啦, 很多家長一個選擇都無, 不但自己心情灰多少都會影響小朋友!!

求求大家合作！！

作者: prettygirls 時間: 11-6-21 17:41

真係太多，我去叩門／面試時，聽到身邊好多家長已經有好出名的私校在手。不過又要去叩津校。

我都想求你地不要再與我們搶位好嗎？？？？？？？

作者: leedorean 時間: 11-6-21 18:29 標題: 回復 1# prettygirls 的帖子

提示: 作者被禁止或刪除內容自動屏蔽

作者: wu_winky 時間: 11-6-21 19:27

叩門又失敗

作者: heungwah 時間: 11-6-22 17:08

如題!!

唔該一心讀私校的家長, 請盡快放出學位, 心情實在好灰, 請給予他們多一分希望!

私校都應該要在本星期內交學校啦, 唔好再拖住個位唔放啦, 我地尼d普通家庭, 真係好需要個學位.

作者: Lovely-Boy 時間: 11-6-22 17:20 標題: 回復 4# prettygirls 的帖子

提示: 作者被禁止或刪除內容自動屏蔽

作者: 玩火 時間: 11-6-22 17:26

我去見叩門校時，排隊聽到前而家長傾計，兩個SRL 收左又來考，有SFA 係手又來考。其實，佢地知吾知自已要咩呀！吾通真係儲多幾間學校位好威! :;pppp: 香港人真係太喜歡同你人搶。

作者: constanceng 時間: 11-6-22 18:10

大家冷靜少少. 不要敵視有私校back up既家長.

我自己派不到心儀學校, 但有一間好既私校back up, 手上沒有任何津校offer. 我都有份去叩門, 因為我都想我個囡囡可以享有免費又優良的教育, 而且私校既學校真係貴. 講真, 我都只是一個中產家庭, 生活一樣有負擔, 仲有兩個小朋友, 難道就因為我俾得起, 就唔可以去叩門?

而且, 好坦白講, 叩不到門, 是因為競爭大, 學校要求又高. 我叩了好幾間, 也是全軍覆沒. 因為有私校back up, 一直沒有刻意去train個女去interview. 好明顯, 高下立見, SC, KV & 劍明這類學校的學生是有優勢的, 一去完interview, 我已經知道女兒一定是無望了.

作者: heungwah 時間: 11-6-22 22:28

唔好誤會, 全無針對敵視, 亦無叫有私校在手的人唔可以去叩門! 我只想乎預大家早日作出決定之後放津小學位.

作者: akina_yeung 時間: 11-6-23 11:14

大家都有去過叩門, 既然自己已經為心愛既子女揀定咗學校, 就放出''多''出來的學位..

歡迎光臨教育王國 (/)