教育王國

標題: 關於 2011 至 2012 校車車費 [打印本頁]

作者: ZZZ 時間: 11-6-14 18:17 標題: 關於 2011 至 2012 校車車費

今天收到學校通告，講述關於下學年度的校車安排及收費！真的嚇了我一大跳，校車加幅未免太多了吧！
雖然收費已將 ECA 計算在內，但對於不是每天也參加 ECA 的學生來說，起不是要承擔參加 ECA 學生的車資。這未免太不公平吧！

我明白學校想學生每天也參加 ECA ，其實本人也想每天參加 ECA ，但奈何家住得比較遠，回到家已經很晚了！回到家後功課＋溫習也是要做的！

當然如果每天也參加 ECA ，這個收費真的很合理，但這個做法實在沒有理會其他家長了，加幅實在高於通帳很多很多呢！薪金沒有加，還要承擔別人的車費！我對於學校一向支持，但今次的安排，實在令我很失望！

無言........唉.......................

[ 本帖最後由 ZZZ 於 11-6-14 18:25 編輯 ]

作者: Whitepine 時間: 11-6-14 18:49

我反而唔係禁睇。我仔番一日ECA的車費，加埋平日車費，已經費過今日收到通告要收的車費。而下學期，我仔一星期番兩日ECA，計落好抵添!!

不過，如果一日ECA都唔番，當然會貴左好多啦!!

我地都係去學校問清楚D細節好D。

原帖由 ZZZ 於 11-6-14 18:17 發表
今天收到學校通告，講述關於下學年度的校車安排及收費！真的嚇了我一大跳，校車加幅未免太多了吧！
雖然收費已將 ECA 計算在內，但對於不是每天也參加 ECA 的學生來說，起不是要承擔參加 ECA 學生的車資。這未免太不公平吧！

我明 ...

作者: ZZZ 時間: 11-6-14 19:02

原帖由 Whitepine 於 11-6-14 18:49 發表
我反而唔係禁睇。我仔番一日ECA的車費，加埋平日車費，已經費過今日收到通告要收的車費。而下學期，我仔一星期番兩日ECA，計落好抵添!!

不過，如果一日ECA都唔番，當然會貴左好多啦!!

我地都係去學校問清楚D細節好D。

...

我想你可能住得比較近學校吧！我住這區的車費，是最貴的！2010至2011車費 $950，但下年度車費我要交 $1250，我要比多三百大元！

如用今年的車費來計算，ECA 一程 $20！我小朋友參加一天 ECA，每個月大慨交 $80-$100 額外車費，總共 $1050！如果下年度我是每天也參加 ECA 的，那......這收費當然合理，但真的欠缺公平！

我已問過學校了！

作者: bowienvivi 時間: 11-6-14 22:53

先前學校畀左份有關校車服務的問卷調查, 之後沒下文. 我都吾知是否會轉其他校車公司. 今日失驚無神派張新車資表, 不單止加價, 仲將平日車資合併ECA一起計算. 沒理由為左套餐價, 日日要小朋友參加ECA. 況且唔系話參加就參加, 要學校抽籤決定.

如需校車服務, 仲要17日前交九月份車費. 完全不畀時間家長考慮. 安排實欠周全.

PS: 有人知道新舊校舍點安排未?

作者: Whitepine 時間: 11-6-15 09:50

PS: 有人知道新舊校舍點安排未?

未有消息。可能都會係P1、P2去農圃道校舍，而P3-5留在上鄉道校舍。

原帖由 bowienvivi 於 11-6-14 22:53 發表
先前學校畀左份有關校車服務的問卷調查, 之後沒下文. 我都吾知是否會轉其他校車公司. 今日失驚無神派張新車資表, 不單止加價, 仲將平日車資合併ECA一起計算. 沒理由為左套餐價, 日日要小朋友參加ECA. 況且唔系話參加 ...

作者: KimB 時間: 11-6-15 13:42

請問沙田-何文田線, 2011-2012的校車費是多少?因為考慮緊會否自行帶小朋友返學?

作者: bchi 時間: 11-6-16 14:48

條數點計都唔掂.

何文田今年收 $500,  下年度係收 $750, 足足貴左一半 !!! 佢話包埋eca ...
但上年我參加三日eca, total  都只係三佰幾咋, 兩個學期total 唔洗 $700.
家陣每一個月要我比多$250, 十期係比多 $2500.

我都打過去校車同學校嘈, 但佢地好似已達成協議了.....
唔憤氣, 一係自己帶囉... 我計過. 來回唔洗四舊水添, 但一想起打風落雨.... 放學又要老人家幫手, 好似冇得揀咁... 但一想起我地咁被動, 迫住要接受, 就好唔順啊. 耶 !!!

學校解釋話上年高年級家長想拆開黎計, 今年佢地研究過話都係包埋eca, 但其實最主要係校車公司要加價, 我追問但點解仲要同佢續約, 學校話因為現在停了發校車牌.
校車方面就話, 學校因為想增加eca 學位, 鼓勵小朋友多d 參與.
各有各說, 但就搵我地黎開刀.

作者: Whitepine 時間: 11-6-16 16:52

以從最低工資立法後，我都聽到有不少校車的姨姨人工加左好多，所以我都預左今年校車車費會加。而我現在比緊$720，下年會加到$950。我計過如果一星期上兩日ECA，應該同現在車費都差不多，我地影響唔大。

不過我支持你地同學校理論下!!!

原帖由 bchi 於 11-6-16 14:48 發表
條數點計都唔掂.

何文田今年收 $500, 下年度係收 $750, 足足貴左一半 !!! 佢話包埋eca ...
但上年我參加三日eca, total 都只係三佰幾咋, 兩個學期total 唔洗 $700.
家陣每一個月要我比多$250, 十期係比多 $250 ...

作者: KimB 時間: 11-6-16 17:45 標題: 回復 7# bchi 的帖子

嘩! 由$500加到$750, 真係加左好多呀!

雖然自己帶平d, 但我同你一樣都係擔心打風落雨既日子, 再加上放學要老人家接, 所以都好無奈。

作者: bchi 時間: 11-6-16 21:43

白松兄 & kim bb,

我eca 一堂$10, 一星期返兩日, $20, 一個月先係$80, x 10期, $800, 仲未扣除紅期同長假. 現在一個月比多250啊, 我人工都冇加250

問左學校同校車, 都係推來推去... 哎...

kim b, 係囉, 萬一打風落雨d 老人家跌到, 仲麻煩. 我驚出年又係一句話冇車冇牌, 又任由宰割啊.

作者: KimB 時間: 11-6-17 09:37 標題: 回復 10# bchi 的帖子

bchi媽, 想問吓如果開學時唔join校車服務, 到有需要時才join番得唔得呢? 因為想自己試吓帶返學先, 如果真係搞唔掂, 先搭校車。婆婆都話加得太犀利, 佢話寧願幫我接阿囝放學

我比你仲慘, 已經2年冇加過人工啦!!

作者: bchi 時間: 11-6-17 10:20 標題: 回復 11# KimB 的帖子

kim bb,

我唔敢啊, 你知啦, 現在分左幼小同高小, 送左幼小返農圃道再返上鄉道, 我怕到時又話多人, 又話安排已定, 唔比我插返入去, 所以今朝已經比左支票喇

今早同校車叔叔傾, 佢叫我試下搵街車, 但我試過喇, 真係搵唔到, 我話我先生建議打風落雨搭的士, 校車叔叔話, 打車落雨仲難搭的士啊. 哎..... 我地呢d 草根真係命苦

作者: KimB 時間: 11-6-17 10:59 標題: 回覆 12# bchi 的文章

bchi媽, 想問吓學校既校車係細車 (29座) or 大車 (around 55座) ? 如果係大車, 應該唔會坐度啱啱好呀? 真係好煩呀, 簡直係"禁"住黎搶...

我都有諗過搵出面既褓姆車, 但未開始去搵, 聽你咁講, 睇黎都機會唔高

作者: ZZZ 時間: 11-6-17 11:19

我明白校車係有營運開支，但今次咁樣計法，點講都講唔通啦！我預你會加價，但唔洗加成咁啊！而且呢間校車公司不嬲態度差，今年都受氣啦！今次仲比埋寫曬條例既通告，洗唔洗咁啊！我仔有細到大搭校車，從來都唔洗咁快預繳校車費，而且之後唔搭校車，仲要一個月通知！哈...真係笑死人！

我仔小二時學車，將軍澳 $900(唔係呢間校車公司) 已包 ECA，今年 $950 ，如有 ECA 再另收 $20 一日，今次 $1250 包 ECA ！實在太過份！

我都想阿仔學多o的o野，我覺得適量的課外活動係需要，但唔通為o左要比咁多校車費，而每日參加 ECA ，學業唔洗理嗎？小朋友係超人嗎？學 bowienvivi 話齋 ECA 唔係你話參加就參加，要抽籤o架！

作者: bchi 時間: 11-6-17 15:39

Kim BB,

26坐位來架. 你就想喇... 55 位.. 上年九月開學呀, 我地成班家長投訴投到拆天呀, 三個小朋友坐埋兩個位, 仲同我講交通條例, 3 個120cm 以下的小朋友可以咁坐. 咁我幼稚園時, 個個未夠90cm, 都可以坐一個, 人地傻架咩. 哎.. 總之呢間校車公司真係...... 哎... 學校又哎........... 推來推去, 哎...

3z,

咁又係喎. 校車都要比留位費, 仲要貴過學校收的留位貴啊

作者: bowienvivi 時間: 11-6-17 16:27

Dear All,

上次收到校車問卷, 大家仲讚學校安排週到. 依家覺得好諷刺!
學校同校車公司黑箱作業, 實在好不開心!

作者: KimB 時間: 11-6-17 18:16 標題: 回復 15# bchi 的帖子

26座, 咁好容易座滿, 睇黎唔留位真係冇位坐

其實, 今年再多4班小一, 學校應該因應情況同校巴公司商討, 希望唔會再有3個人坐二人位喇

作者: ZZZ 時間: 11-6-17 22:27

原帖由 bchi 於 11-6-17 15:39 發表
3z,

咁又係喎. 校車都要比留位費, 仲要貴過學校收的留位貴啊

bchi,

HA.....HA.......你好有創意啊，差o的唔知你同我講o野o添（我講緊你叫我....... 3z）！

作者: JackyBaBa 時間: 11-6-18 21:39

其實最低工資後都預左加價, 但係又用番呢間校巴公司真係諗佢唔到,學期頭既混亂,校巴既服務又冇顯著既改善,真係有d唔明

查實學校方面同家長做左問卷調查,應該係可以出番份透明度高d既統計結果,等大家都明白理解最終既決定同方向。咁樣唔駛等大家估估下吖...

仲有橫掂都係比呢間校巴加左咁多,其實係咪可以揾番之前果間服務OK但因為加價而被取代既校巴公司呢,又或者可以重新招標,比家長投票決定,咁就算最終決定都係用番呢間校巴,咁樣條氣都順d 吖...
會唔會上年簽份約既時候terms講明三年唔比換公司,所以有難言之隱呀~~真係唔明???

作者: bchi 時間: 11-6-18 23:08

KIM BB,

上年九月我地嘈到拆天之後, 已安排返兩個位坐兩個小朋友, 若佢收750 , 今年九月都咁安排, 我真係會嘔血架. 一間愈辦愈好的學校竟然在最簡單的校車上搞到一鑊泡.

3z,

hahahahah 係你啊衰鬼

jackey baba,

份問卷, 我前日同學校傾時, 佢仲話當初做左問卷, 家長都讚成加價. 我話若你份問卷講明係會加幅50% , 我梗定唔會有人讚成囉. 問卷係話適當地加嘛. 現在係獅子開大口, 學校又話要打去鬧校車, 校車又話要打去鬧學校, 我地就好似一個波咁, 推來推去.

作者: bchi 時間: 11-6-18 23:14

仲有一樣. 學校話, 今次加價, 係高年級家長提議, 上年唔包eca, 今年認為都係加埋費用落去. 係咪低年級的家長就冇份投票 ? 點解只係高年級家長可以做決策權呢 ? 份問卷其實係咪只係做樣 ???

我講到最後, 問到底最後有冇機會減價, 學校答. 冇可能 !!

作者: mimiip 時間: 11-6-19 22:52

加價大家都心裏有數,但係加幅實在..............
馬鞍山要由$850加至$1200, 車程又耐,要包接送油麻地學生,如果加再價可以縮短行車時間,我條氣都順D,但係一切依舊,要不参加EAC同學比額外車費?????
我哋住得遠,番到屋企成5點又要做功課溫習,學校又冇補習班比小朋友完成功課.....我只好選擇不参加.....
依架唔比又驚到時冇校車,
其實我想過夾其他馬鞍山同學一起搭的士,可能平過校車,唔知有冇人有興趣????

作者: 悅兒 時間: 11-6-20 13:00

我都是車費加咗近一半, 其實有沒有人能幫幫我們這班弱勢社群. 感覺好似俾人睇準時機明搶.

作者: KimB 時間: 11-6-20 13:15 標題: 回覆 22# mimiip 的文章

如果冇參加eca, 都要承擔埋d費用, 又真係好慘, 最慘係個小朋友仲要遊車河。

我都係因為唔想個囝遊車河, 所以3年都冇俾佢坐校車,但e+上小一, 我都唔想老人家咁辛苦, 所以會俾佢搭校車。不過, 學校咁是既安排, 真係令家長好氣憤。

作者: bowienvivi 時間: 11-6-20 16:23

bchi,
學校話份問卷有提到是否同意加價? 份卷我交之前copy左.
我check過無這項? 吾通高低年級問卷版本不同?

有無人參加下星期六茶會? 可否幫忙反映?

作者: bchi 時間: 11-6-20 22:04

MIMI and 各位,

我都係咁想以為加左價, 上車地點可以就返我, 又可以八點先上車, 原來唔係囉. 哎...

bow vivi,

你好醒啊, 有copy !!! 我都係唔知架, 係比人大一人, 話... 之前都有問卷架 ? 我仲以為有問過咋, 但我都識反駁, 係啊, 份問卷問左又冇下文, 況且又冇提過一加就加50% 囉.

作者: ZZZ 時間: 11-6-21 10:35 標題: 回復 25# bowienvivi 的帖子

bowienvivi,

你真係叻，有留底！其實我都有比佢大到呢？學校話之前做問卷問過！但我記得，只係問新學年會否搭校車，印象中好似無問到是否同意將校車費跟 ECA 合併！
:;pppp:

作者: bowienvivi 時間: 11-6-21 21:47

我見到學校網站, 小一新生係交$1200學費.

除左校車加價, 學費是否都會加?

作者: bchi 時間: 11-6-21 22:44

bowienvivi,

傻豬豬來架...... 放心啦.
hk$1200 人人有份, 永不落鬆呀 kekek

作者: lieyeemama 時間: 11-6-23 22:15

我係黎緊p1嘅媽媽，我好擔心校車問題，因為我同老公要返工，完全要靠哂校車接送，仲話上落車唔係自己決定！點解煩完學校又要煩校車架！我地7月11曰返去交各様費用包括校車！唉！

作者: oimingoiming 時間: 11-6-24 09:01 標題: 回復 29# bchi 的帖子

Dear bchi,

你好，我都係何文田街坊！我想問下$1200人人有份！永不落鬆？點解呀？

作者: Whitepine 時間: 11-6-24 12:14

$1200 是學費!!

原帖由 oimingoiming 於 11-6-24 09:01 發表
Dear bchi,

你好，我都係何文田街坊！我想問下$1200人人有份！永不落鬆？點解呀？

作者: bowienvivi 時間: 11-6-24 17:28

快報!!!

新通告! 校車車資已調低, 且將ECA車費分開計算.

作者: KimB 時間: 11-6-24 22:33

請問調低多少?

原帖由 bowienvivi 於 11-6-24 17:28 發表
快報!!!

新通告! 校車車資已調低, 且將ECA車費分開計算.

作者: Whitepine 時間: 11-6-25 16:18

東九龍:
油塘、藍田、茶果嶺: $850/月(ECA $25/日)
順利、慈雲山、斧山、觀塘、秀荗坪、寶達: $800/月(ECA$22/日)
九龍灣、牛頭角上邨、鑽石山、新蒲崗、黃大仙、彩雲: $750/月(ECA:20/日)

西九龍:
大窩口、石籬、石蔭、荔景: $940/月(ECA: $25/日)
美孚、荔枝角、長沙灣、大角咀、深水埗: $820/月(ECA:22/日)
黃埔、紅磡、尖沙咀、佐敦、油麻地、何文田: $600/月(ECA: $15/日)

新界區:
馬鞍山、將軍澳、調景嶺、青衣: $1020/月 (ECA: $30/日)
沙田、荃灣: $980/月 (ECA: $25/日)

原帖由 KimB 於 11-6-24 22:33 發表
請問調低多少?

作者: KimB 時間: 11-6-25 18:59 標題: 回復 35# Whitepine 的帖子

thanks! It's really a good news!!

作者: ZZZ 時間: 11-6-26 12:09

革命成功!!!

作者: bchi 時間: 11-6-28 11:24

原帖由 ZZZ 於 11-6-26 12:09 PM 發表
革命成功!!!

YEAH ))))))

真係成個心都鬆晒, 先前真係太唔民主, 真係好唔似lmc 的作風, 現在一天都光晒囉 hohhohohohoho

作者: bchi 時間: 11-6-28 11:27

原帖由 lieyeemama 於 11-6-23 10:15 PM 發表
我係黎緊p1嘅媽媽，我好擔心校車問題，因為我同老公要返工，完全要靠哂校車接送，仲話上落車唔係自己決定！點解煩完學校又要煩校車架！我地7月11曰返去交各様費用包括校車！唉！ ...

lieyeemama,

係關校車從邊度開去你上車地方有關, 要講順唔順路, 你都明... 車都有對面線, 所以若果你的上車點係順路返學校就唔會有問題, 好似我咁, 由於唔順路, 我就要就架校車, 行到去山頂上車了.

oiming,

係 ??? 何文田街坊 ? 咁出年咪一齊上車囉 hohhohohohohhho

作者: bchi 時間: 11-6-28 11:31

eca 加左價, 但起碼唔會硬性迫唔返eca 的家長都要比 $$$$$$$$

作者: py30486 時間: 11-6-29 23:31 標題: 回覆 20# bchi 的文章

唉！舊年我仲直接同校長傾，舊年的問題是上車超早。不過都冇用，佢哋真係夾埋！今年未改車費前我都打算比，因為個女想搭，再問時間，藍田上車要晨早6:45！阿女仲瞓緊未轉側呀！打去問負責老師，佢話學校唔知，佢哋冇專業去決定，語氣想殺人，意思表明認得我個女。創校時啲老師質素高好多，等我仲鬼咁撑現時的校長，佢提倡小朋友要有良好飲食習慣，但佢舊年叫我比個女在學校吃早餐飲維他奶食飽咁。乜呢間校車公司咁把，為佢校長可以無晒原則。點解你哋只投訴車費？上落車時間無問題？校長後來揾咗個「無間道」打电話嚟話想幫手，之後又不了了之都話開唔到線。但佢當時提及將軍澳嗰7個學生，點解你哋開到線但唔載我哋？呢間學校點解冇保良撑吓校車資源？咁今年你哋上落車時間有冇問題？而於家教會主席成班人都係校長老死，冇人幫我哋出聲！

作者: lieyeemama 時間: 11-6-30 00:04

Thanks bchi, 我嚮whitepine個reply見到我個站呀！應該唔會太遠掛！不過真係要多謝各位出過力幫手fight嘅前輩，無想過可以峯回路轉，無你地我地都要捱貴車費，million thanks!（＾∇＾）

作者: bchi 時間: 11-7-5 22:03

PY,

我由何文田返lmc, 只需十分鐘車程, 我都要7:30am 上車, 學校早會係 8:20am,但當我想起住得遠的小朋友, 天未光就要起身, 我就唔敢埋怨喇, 我有朋友為左個女餐lunch 食得健康, 佢朝朝五點起身煮飯比佢帶添.

來年早會, 會改在8:00am. 你住藍田, 6:45都算正常, 荃灣返九龍塘, 藍田返紅磡等等路線都要6:45上車.

文校長果套, 我依然撐, 係校車呢一part 仍然有不足之處囉, 針冇兩頭利, 我打去嘈車費貴,打左三次, 阿老師都講到好似冇得揀咁. 我嬲到加一句, 咁係咪要屈服 ? 最後可以減車費, 相信學校真係有同校車公司傾過的.
但上車落車問題, 真係要問校車, 學校理唔到.

共勉之

作者: Sammiktt 時間: 11-7-14 12:17

我仔仔是LMC今年的小一新生, 早前都收到校車問卷填左並回覆, 理應校車公司大約知道有几多学生住边區. 但令我好嬲:-x 的是11/7去學校交費用時校車公司職員回應我"你住葵涌邨一定要去大窩口西樓角路地鉄A出口上車",我轉身就走.我想問下有無家長會咁样就校車? 之後再打电話問學校話有其他褓母車資料, 只有2間电話但都話無呢条綫. 唉~我倆公婆要返工 ,只有靠校車, 但而家都唔知點算???!!!!

請問有無家長可以幫幫忙呀??

作者: oimingoiming 時間: 11-7-15 12:50 標題: 回復 43# bchi 的帖子

Hi bchi,

我oi ming 九月都係7：30上車！唔知同唔同一站呢？我哋嗰區多唔多同學仔呢？你知唔知邊道補習好呀？

Thanks

作者: JackyBaBa 時間: 11-7-15 21:41

原帖由 Sammiktt 於 11-7-14 12:17 發表
我仔仔是LMC今年的小一新生, 早前都收到校車問卷填左並回覆, 理應校車公司大約知道有几多学生住边區. 但令我好嬲:-x 的是11/7去學校交費用時校車公司職員回應我"你住葵涌邨一定要去大窩口西樓角路地鉄A出口上車",我 ...

唔好太擔心住，我地上年又係咁好多條線都係未開到，都唔知有冇著落，我建議首先同學校報定案先，睇下學校方面幫唔幫到手，因為未到開學報校車既人數同路線都未完全落實到，可以等開左學一個月情況若然都係未有改善，可以試下問隔離牧愛或聖家果邊d校車公司睇有無再就近d位置上落車位，可能會有意外驚喜。

作者: Sammiktt 時間: 11-7-18 12:41 標題: 回復 1# JackyBaBa 的帖子

多謝JackyBaBa前輩的提點, 我會再找多些資料, 學校我已經備左案了, 希望在明天!

作者: JackyBaBa 時間: 11-7-19 22:18

原帖由 Sammiktt 於 11-7-18 12:41 發表
多謝JackyBaBa前輩的提點, 我會再找多些資料, 學校我已經備左案了, 希望在明天!

唔駛客氣,歡迎你加入呢個大家庭,以後大家守望相助,
祝你好運~~~

作者: bchi 時間: 11-7-21 15:47

Oi Ming,

九月加埋你, 就會有三個同學仔在何文田出發囉 ~~

出名如其他名校, 都有校車問題, 又係要自已搭車去某一屋苑上校車, 原來我地唔係冰山一角.

作者: KimB 時間: 11-7-21 17:22 標題: 回復 49# bchi 的帖子

bchi, 我都算係何文田區, 請問阿囝平時係邊處上校車呢??

作者: bchi 時間: 11-7-22 22:29

kimb,

哎, 辛苦囉... 上到山頂呀 !!! 因為佢從愛民村過黎, 在房署轉出來囉.

九月希望佢因為順路行天光道, 會在房署上車啦.

作者: oimingoiming 時間: 11-7-23 23:34 標題: 回復 45# oimingoiming 的帖子

各位前輩，

請問知唔知邊道補習好呀？！我問咗恆x話full 咗！，有無適合LMC小朋友仔？thanks!!!!

作者: KimB 時間: 11-7-24 19:55

吓? 未開學就搵補習喇, 我咩都未打算添

原帖由 oimingoiming 於 11-7-23 23:34 發表
各位前輩，

請問知唔知邊道補習好呀？！我問咗恆x話full 咗！，有無適合LMC小朋友仔？thanks!!!!

作者: bchi 時間: 11-7-24 20:15

原帖由 oimingoiming 於 11-7-23 11:34 PM 發表
各位前輩，

請問知唔知邊道補習好呀？！我問咗恆x話full 咗！，有無適合LMC小朋友仔？thanks!!!!

上學期都好輕鬆下架咋, 不過我下學期開始都搵左補習班, 何文田廣場三樓唔掂, 佢連一年級的英文數都教錯, 後來我轉左去地下果間就好好喇. 你去問下啦.

作者: KimB 時間: 11-8-10 10:27

bchi, 想請問放學坐校車返到何文田大約幾點?因為阿囝有些興趣班係weekdays上的, 所以想睇吓d時間夾唔夾到? thanks!

歡迎光臨教育王國 (/)