教育王國
標題: 培僑近況 [打印本頁]
作者: Fatta 時間: 11-6-14 15:10 標題: 培僑近況
培僑一直係我心儀將來俾小女入讀的學校。一來佢係一條龍，老實講香港教育的制度實在太唔掂，為左小朋友讀乜學校，父毋同小朋友的壓力實在不小，幾年一次的叩門，interview諗起都驚。另外其實我侄女現正在培僑讀書，看到佢英文同普通話程度亦好好，而學校又有好多幾特別有趣的活動安排倒俾小朋友。最重要係佢現在好enjoy睇書。尼樣我覺得好重要，始終書本的知識係無限的。但係最近喺bk睇倒好多關於培僑的消息，換校長啦，行政混亂啦••••，我有問過我侄女換左校镸後覺得學校同以前有無分別，佢又唔覺有問題，仍然讀得好開心。有無家長覺得到底培僑換左校長後有無大改變？另外我記得當年曾陪侄女返陪僑，在校的老師全講英語或普通話，而因為學校係好自由的，所以小朋友都好肯講（我侄女本來好怕羞同無乜自信的，但因學校環境令佢肯講，所以語言進步得好快。到底現在倍僑仲係咪咁？點解會有d人話培僑英文好差呢？雖然小女只係兩歲多，但我仍然想多解此校，有無家長可以share下培僑的現況呢？
作者: ptherbal 時間: 11-6-14 19:08
原帖由 Fatta 於 11-6-14 15:10 發表 
培僑一直係我心儀將來俾小女入讀的學校。一來佢係一條龍，老實講香港教育的制度實在太唔掂，為左小朋友讀乜學校，父毋同小朋友的壓力實在不小，幾年一次的叩門，interview諗起都驚。另外其實我侄女現正在培僑讀書，看到佢英文同 ...
校長換了差不多一個學年, 行政大有改善, 功課多了點, 學生紀律好了些, 英普雙語無變過 - 謠言止於智者.
作者: jojolam_ma 時間: 11-6-16 08:44
功課多左, 老師嚴左. 有D家長好鍾意. 不過, 我就有D失望.
原帖由 ptherbal 於 11-6-14 19:08 發表
校長換了差不多一個學年, 行政大有改善, 功課多了點, 學生紀律好了些, 英普雙語無變過 - 謠言止於智者.
作者: gorillawing 時間: 11-6-16 16:46
sorry!理解錯了!
[ 本帖最後由 gorillawing 於 11-6-16 08:51 編輯 ]
作者: ptherbal 時間: 11-6-16 20:07 標題: 回復 3# jojolam_ma 的帖子
有個別的老師嚴到當一兩個同學頑皮就全班罰, 有D似紀律部隊訓練, 結果有幾個:
1. 全班的確靜咗
2. 頑皮的同學被杯葛排擠
3. 學生在賞罰不明是非不分的環境下成長
作者: JadeW 時間: 11-6-18 08:35
我個人認為這"集體負責制"...可以快速有效改善課堂質素.
是非黑白....本來係呢個社會都吾係咁清楚. 同TEAM做錯野, 搞WOK左個PROJECT. 吾通你可以獨善其身話吾關自己事?
PS: 我不是此校學生家長, 只是小兒K2正考慮此學校, 有感留言而已.
[ 本帖最後由 JadeW 於 11-6-18 08:37 編輯 ]
作者: bodadami 時間: 11-6-18 13:22 標題: 以子之矛 攻子之盾
有趣!
你是在說笑罷!?
因為 "本來係呢個社會都吾係咁清楚" , 就可以不分 "是非黑白", 咁仲駛勿返學呢?
如果同學A和同學B在課室內互相追打鬧事, 被老師發現, 就全班罰企一堂(包括班內的貴公子 - 假設), 這是公平嗎? 有效嗎? 合理嗎? 作為班內的一分子, 根本無法阻止同學A和同學B在課室追打, 卻仍要被罰.
能不能倒轉頭呢做, 假如有一個老師犯錯, 就全級老師被炒? 假如有一個特區司長犯錯, 就全個領導班子被炒? ....
作者: bodadami 時間: 11-6-18 13:27
請參看蘇東坡 刑賞忠厚之至論.
作者: bjdadishe 時間: 11-6-20 11:59
這種罰法我最近聽過, 是出自一個學生都很怕的女老師, 動不動就罰, 以前不是這樣的, 最近可能家裡出了些事罷. 希望她早日...
作者: NormalGuy 時間: 11-6-20 12:42 標題: 回覆 1# bjdadishe 的文章
這種制不是個別老師的問題, 而是全間學校的問題. 請往地下小禮堂旁邊的"學生留言"板看看, 很多學生留言反對這種叫"X水"的制度(一時記不起正確名稱), 包括中小學生. 不知校方接收了這麼多一面倒的意見後會否作出改善?
補充:這是我之前回校看到的留言, 不知這些便條式的留言現時給清除了沒有. 不過大家去看看也無妨, 可對學校有多些了解, 尤其是孩子三緘其口的家長和中學部家長.
[ 本帖最後由 NormalGuy 於 11-6-20 12:54 編輯 ]
作者: jojolam_ma 時間: 11-6-20 14:30
facebook上都有很多學生在討論...學校改變太大, 讓他們接受不了...以前老師們都很喜歡學校, 現在跟他們聊起大家都欲言又止...臉上的笑容也減少了, 這正是我擔心的所在
原帖由 NormalGuy 於 11-6-20 12:42 發表
這種制不是個別老師的問題, 而是全間學校的問題. 請往地下小禮堂旁邊的"學生留言"板看看, 很多學生留言反對這種叫"X水"的制度(一時記不起正確名稱), 包括中小學生. 不知校方接收了這麼多一面倒的意見後會否作出改善? ...
作者: ptherbal 時間: 11-6-20 17:12
個別有問題的老師是要處理, 但無需上綱上線一刀切, 不必扣上 "體制" 問題等大帽子 - 不但無助於解決問題(這類問題那間學校都有), 反而會引起誤解.
作者: poonpoon 時間: 11-6-20 21:22
睇黎都唔似係個別問題.
大家有無覺得好似改變得嚴左,
似公家學校多D呢?
讀直資其中一個原因就係比較開放,
如果變成正苦云云樣板學校其中一間,
似乎唔會係好多人心中既希望.
作者: bodadami 時間: 11-6-20 22:11
以前學生一年到晚被批評無紀律, 課室內嘈到堂都上唔到, 而家有紀律了, 就話嚴.
以前家長投訴無功課, 而家就話太多.
以前行政混亂, 而家好咗就理所當然.
總之, 點都有人講.
作者: ha! 時間: 11-6-21 08:56 標題: 回復 14# bodadami 的帖子
提示: 作者被禁止或刪除 內容自動屏蔽
作者: jojolam_ma 時間: 11-6-21 10:02
我地入去之前, 學校講明了對學生的要求會較人性化, 大部份家長都係預左咁. 亦唔覺得好無紀律. 大家知道學習不是靠做功課, 而是要促進思考, 放學後比多D時間小朋友同家長相處, 做下自己鍾意做的野. 反而係少數不了解學校, 有錯誤期望的家長有落差. 依家反而係大多數人唔認同, 唔習慣.
原帖由 bodadami 於 11-6-20 22:11 發表
以前學生一年到晚被批評無紀律, 課室內嘈到堂都上唔到, 而家有紀律了, 就話嚴.
以前家長投訴無功課, 而家就話太多.
以前行政混亂, 而家好咗就理所當然.
總之, 點都有人講. ...
作者: ptherbal 時間: 11-6-21 11:57
原帖由 bodadami 於 11-6-20 22:11 發表
以前學生一年到晚被批評無紀律, 課室內嘈到堂都上唔到, 而家有紀律了, 就話嚴.
以前家長投訴無功課, 而家就話太多.
以前行政混亂, 而家好咗就理所當然.
總之, 點都有人講. ...
完全同意你(bodadami 於 11-6-20 22:11 發表)的睇法.
有些今年將報讀的人也爭取機會製造一些負面言論. 如JOJOLAM_MA曾話:
[Normal Guy培僑家長, 我上來兩年, 都看過他不少回帖了, 他為什麼要自己中傷自己學校呢? ]
作者: NormalGuy 時間: 11-6-21 14:57
大家來這裏討論是為了甚麼? 是希望知道別人的想法? 找出問題所在? 改善學校?還是來罵戰?
我所提供的資料通常都指明來自那個活動, 誰說, 在那裏可以找到..., 有佷多人出席同一活動的,如果我說假話,其他人是會知道的. 如你們沒有參加那些公開活動, 也可以問問其他家長, 使自已得到正確的信息. 你們有看過我說的”學生留言板”或者問問其他學生嗎? 你們想知道真相還是”吹水”而已?
有誠意的討論是要提供資料和分析理據的,例如功課太多或太少, 究竟是多少? X班和Y班的情況是否不一樣? A君和B君的想法有何不同? 如何才能取得平衡? 如何包容? 這樣的討論才有意思, 否則只是在”發幅氣”吧了.
排除異也有不是好辦法. 有些人胡亂猜想我是誰, 叫人不要信這個那個, 看來仇口真不少, 為何要這樣? 有點胸襟吧! 不為甚麼, 只為兒女作個榜樣, 修身齊家..
作者: jojolam_ma 時間: 11-6-21 15:11
是否有點誤會?
我是G2家長. 不是今年將報讀的人.
另外, 我上次這樣說是想說明, 我們不是想中傷學校, 只是實話實說. 說出我們的想法, 希望校方能聽見, 如此而已.
原帖由 ptherbal 於 11-6-21 11:57 發表
完全同意你(bodadami 於 11-6-20 22:11 發表)的睇法.
有些今年將報讀的人也爭取機會製造一些負面言論. 如JOJOLAM_MA曾話:
[Normal Guy培僑家長, 我上來兩年, 都看過他不少回帖了, 他為什麼要自己中傷自己學校 ...
作者: Fatta 時間: 11-6-21 15:23
多謝各位的分享！無論各位的意見係正面定負面，多聽，對我地尼d target培僑的家長都係有益既。咁其實現任新校長係咪仍然主張"開心學習"呢？尼個都係我喜歡培僑既其中一個主要原因。另培僑除$2100學費外，多雜費嗎？課外活動又貴唔貴呢？
作者: ptherbal 時間: 11-6-21 15:36 標題: 回復 19# jojolam_ma 的帖子
那句話 {[Normal Guy培僑家長, 我上來兩年, 都看過他不少回帖了, 他為什麼要自己中傷自己學校呢? ]} 是你於 {11-6-8 23:42 } 在本討論欄貼文上抄出來的, 如果你看法有改變, 可到你的原貼文刪去或編輯修改.
可能真的有誤會, 因為你只是和其他好多發言者一樣發表看法, 即使看法各有不同, 時有天壤之別, 但你絕非像某人般將問題無限擴大.
作者: AlanHKW 時間: 11-6-21 15:42
Normal Guy, 我支持你.
作者: JadeW 時間: 11-6-21 16:22
不是不分 "是非黑白", 而是事情並非"非黑即白". 你看是黑, 而我看來只是灰色而已.
"如果同學A和同學B在課室內互相追打鬧事, 被老師
發現, 就全班罰企一堂(包括班內的貴公子 - 假設), 這是公平嗎? 有效嗎? 合理嗎? 作為班內的一分子, 根本無法阻止同學A和同學B在課室追打, 卻仍要被罰."
能不能倒轉頭呢做, 假如有一個老師犯錯, 就全級老師被炒? 假如有一個特區司長犯錯, 就全個領導班子被炒? ...."
世界本來就不公平! 為什麼現時小學係世襲制? 點解係大抽獎? 就是不公平, 不合理!
這種做法其實是真的有效. 因為A以及B, 又或其他的同學都會知道後果, 大家會互相監督, 仲會排擠不合作者, 呢D都係呢個做法既一D結果. 做到左之後, 就算吾使老師在場, 都會有其效用, 而且仲係好快就可以達到目標既一種手法.
你有冇想過, 呢個老師可能只係學校特別為控制一D有紀律問題班級"政策" 而產生的呢?
如果以"公平"來說, 一兩個學生在上課時打架或做其他事而影響了全班學生上課的進度, 也算是一種不公平, 不合理!
"假如有一個特區司長犯錯, 就全個領導班子被炒? ...."集體負責制原本概念的是這樣的吧! 不過, 實行又是另一回事了! 而現實更是犯了錯也不一定會被炒呢!
[ 本帖最後由 JadeW 於 11-6-21 16:27 編輯 ]
作者: lfcdhsbc 時間: 11-6-21 18:10 標題: 回復 23# JadeW 的帖子
路過八下, 想問：
- 是否因為 [世界本來就不公平!] 就索性不用維持課室內的公平環境？
- 如果一兩人犯規而罰全班是 [可以達到目標既一種手法], 你會否進一步建議嚴厲體罰以收即時效果?
- 如有些老師可能為某些學生而 [產生], 是否同樣有些穿鑿會為討論而產生嗎?
作者: JadeW 時間: 11-6-21 22:00
- 是否因為 [世界本來就不公平!] 就索性不用維持課室內的公平環境？
就是因為 要公平, 所以去用方法去維持課室內的公平環境.
- 如果一兩人犯規而罰全班是 [可以達到目標既一種手法], 你會否進一步建議嚴厲體罰以收即時效果?
你認為體罰可以收即時效果嗎? 我個人不太同意!
- 如有些老師可能為某些學生而 ... [/quote]
咁我又吾知wor. 我又相信各位家長自然有眼睇亦會諗,慢慢就會知.
作者: poonpoon 時間: 11-6-21 23:22
原帖由 Fatta 於 11-6-21 15:23 發表
多謝各位的分享！無論各位的意見係正面定負面，多聽，對我地尼d target培僑的家長都係有益既。咁其實現任新校長係咪仍然主張"開心學習"呢？尼個都係我喜歡培僑既其中一個主要原因。另培僑除$2100學費外，多雜費嗎？課外活動又貴 ...
答下爹先 :
多雜費嗎 >>> 無乜,雜費一年$300
>>> 記憶中無其他必收費用
>>> 一年 total $2,100x10期 + $300
課外活動又貴唔貴
>>> 印象中無強制課外活動,
而D課外活動本身費用唔算貴 lu
個人意用 :
培僑本身既語言環境係一大好處,煲冬瓜會好過
同區另一間直資,洋文就可能另一間強D,
不過差唔幾.
作者: poonpoon 時間: 11-6-21 23:35
樓上幾位好興高彩烈咁喎~~~
小弟咁睇,入培僑前聽過簡介會,無論當時校長,其它學生家長都有唔少篇幅講過培僑學生會"比較活潑",呢個係小弟幾個意屬培僑原因之一.
試問大家小時,有無試過"比較活潑"?今時今日講番係咪都會有 D 回味?
小朋友無傷大雅既頑皮,唔須要執得咁嚴.
至於連坐法,老實講,好多時辦公室都會見到,通常係 D 無 management 能力既上級先會採用.
[ 本帖最後由 poonpoon 於 11-6-21 23:37 編輯 ]
作者: ha! 時間: 11-6-23 00:11
提示: 作者被禁止或刪除 內容自動屏蔽
作者: Zata 時間: 11-6-23 11:10
no! G6 going up to G7 directly
原帖由 ha! 於 11-6-23 00:11 發表
PK needs to have TSA ?
作者: elle0elle 時間: 11-6-23 20:21
新校長果然有非常高的領導能力! 將成間培僑書院改變了! 佩服佩服!
原帖由 Zata 於 11-6-23 11:10 發表
no! G6 going up to G7 directly
作者: ha! 時間: 11-6-23 22:39
提示: 作者被禁止或刪除 內容自動屏蔽
作者: elle0elle 時間: 11-6-30 10:53 標題: 回復 2# elle0elle 的帖子
有興趣入讀的家長真的要考慮清楚培僑是否真的是"你杯茶", 培僑也許仍是很不錯的學校, 但今天的培僑已經不是以前的培僑. 變好變差, 各位拭目以待, 但很多老師今年不離開明年也會離開. 了解清楚以免期望與實際不同.
作者: cancancamcam 時間: 11-6-30 23:07
請問有冇人知道校長炒咗幾多個好老師？原因何在！現在的培僑已經唔係以前的培僑啦！
作者: cancancamcam 時間: 11-6-30 23:13
要入讀的話請考慮清楚，如果要現在的模式不如讀間不用交學費的，恐怕入了PK你一定覺得貨不對辨！
作者: rinapang 時間: 11-7-2 01:41
前面兩位"新加入"朋友, 你們好像知道很多學校的改變, 不如講清楚點, 詳細點, 不用家長們估估下!
作者: rinapang 時間: 11-7-4 00:14
今天與朋友傾談, 真的感到學校與以前很不同, 感到不是當初辦學的那種理念, 培僑是培僑, 當初選她是因為"國際視野", 我們不需要跟人, 學校是獨特的, 不是別校的影子!
孩子不知道太多, 仍舊開開心心去上學, 對他也是好事.
作者: Roroma 時間: 11-7-4 01:46
好耐無上來，乜大家咁多吾同意見！我平日係學校都少參與家教活動，但可以分享呀女的事。
我女讀Ｇ３，吾覺功課多左，佢每日都係學校做完，除非要默書就係屋企溫下，成續中上。
我覺得曳的學生間間學校都有，兩個學生曳攪到全班受罰呢樣野我女都有講過，係其中一個老師咁做，佢覺得係個老師的問題。
我就覺得個女識得獨立思考呢件事，我己經幾滿意，加上佢仍然係開心返學，我都會比佢繼績讀。
作者: lfcdhsbc 時間: 11-7-4 11:01
原帖由 Roroma 於 11-7-4 01:46 發表
好耐無上來，乜大家咁多吾同意見！我平日係學校都少參與家教活動，但可以分享呀女的事。
我女讀Ｇ３，吾覺功課多左，佢每日都係學校做完，除非要默書就係屋企溫下，成續中上。
我覺得曳的學生間間學校都有，兩個學生曳攪到全班受罰呢樣 ...
有道理, 事實的確如此, 完全同意.
作者: A-Mum 時間: 11-7-4 16:47
My boy's Maths improves a lot this year. I think that's mainly because of the lively way teachers teach Maths.
They have booth games, competitions and gifts for correct homeworks...
My boy's asking us to enroll him into 2 Maths classes this summer!
Good teachers -> arouse interests -> eager learners 
作者: who530 時間: 11-7-6 16:14
想請問培僑的家長, 培僑是否用英語為主要授課語言, 中文科用普通話? 謝謝!
作者: A-Mum 時間: 11-7-6 16:42
主要授課語言 = 普通話
作者: ringolau98 時間: 11-7-7 23:24
小女巳是G5的學生，試考PET，已孝取pass with merit, 是否代表英文巳跟Band 1 英文可以比較呢?
作者: A-Mum 時間: 11-7-8 17:04
小女巳是G5的學生，試考PET，已孝取pass with merit, 是否代表英文巳跟Band 1 英文可以比較呢?
Congratulations!
你女兒的英文程度，在班中算是中上？是頭幾名？
作者: ringolau98 時間: 11-7-9 00:28
應該萛是中上吧,不知是頭幾名，因沒有排名，不能比較
作者: Pulmma 時間: 11-7-9 23:48
温校長曾經同我地家長講過:
愉快學習唔=有效學習.
新校長上場, 佢會推動勤快學習.
勤力+快樂.
老老實實, 我個人覺得新校長好D.
功課係多咗D, 不過我覺得可以接受.
佢亦講出功課的重要性, 有聽過温校長的簡介的家長們, 就會明白點解新校長上場會多咗功課
作者: Joycemom 時間: 11-7-10 07:59
勤快學習的好例子
http://hk.news.yahoo.com/%E9%AB%98%E8%80%83%E7%8B%80%E5%85%83%E5%BF%83%E5%BE%97-%E6%84%9B%E7%8E%A9%E6%89%8D%E6%9C%83%E8%B4%8F-220954493.html
希望培僑的小朋友都有好成績！
作者: bjdadishe 時間: 11-7-10 17:01
校網有公布但睇唔明.
[ 本帖最後由 bjdadishe 於 11-7-10 17:18 編輯 ]
作者: bjdadishe 時間: 11-7-10 17:18
原帖由 bjdadishe 於 11-7-10 17:01 發表
校網有公布但睇唔明.
通告話 [家長校董代表亦因此事件懸空], 但又無講要懸空幾耐?
通告話[何xx先生所提的指控部不成立], 但又無講是什麼[指控], 為什麼唔成立?
跟住又話[家教會將吸取經驗教訓], 究竟是什麼經驗什麼教訓, 又無講.
又話要[檢討選舉規則], 又話要家長就選舉規則提供[寶貴意見].
家長都唔知發生咗什麼事, 點可能就選舉規則提供[寶貴意見].
家教會主席有必要出來公開澄清.
尋日有個外籍家長係禮堂外聽講後即用手機上校網, 但找不到英文版通告.
作者: parentwan 時間: 11-7-13 01:13 標題: 回復 16# cancancamcam 的帖子
本人係沉默既一個，個仔讀左三年，好少發表。
培僑同一般津校無分別啦，每個月比2100蚊，不如讀下邊間劉伯乐啦。唔洗比錢。
培僑都有優勢既，有泳池同一條龍，貪佢中學唔洗煩。
作者: parentwan 時間: 11-7-13 01:20
原帖由 cancancamcam 於 11-6-30 23:07 發表
請問有冇人知道校長炒咗幾多個好老師？原因何在！現在的培僑已經唔係以前的培僑啦！
好似話20幾個喎。好似話唔止，上邊唔like，咁就炒少左。
乜d老師真係咁廢咩﹖再唔係就…
作者: lfcdhsbc 時間: 11-7-13 09:25 標題: 回復 50# parentwan 的帖子
50# parentwan
繼續作, 橫掂都係不如講大D, 作夠80幾個。
繼續搭, 棚可以越搭越大, 有本事就唔用新國民呢搭.
想知真實情況, 呢兩晚返去聽下問下.
作者: rinapang 時間: 11-7-13 18:54 標題: 回復 1# lfcdhsbc 的帖子
唔好意思, 呢兩日學校有什麼活動, 可以知道學校近況嗎?
作者: bodadami 時間: 11-7-13 21:56 標題: 回復 52# rinapang 的帖子
我估是7月8日的通告, 內容有 [... 本校將安排兩場家長會，於7月13日星期三﹙小學﹚及7月14星期四﹙中學 ﹚ ...]
但我剛收工明又沒空, 無法聽.
作者: ringolau98 時間: 11-7-13 23:16
剛剛聽完校長解釋學校來年的事宜，覺得非常正確，因本女兒成績比較好，如學校再不改變，將打算中一時離開，現可放心一點。在此呼籲，如有家長不接受改變而投訴，可能培橋已不適合閣下的子女，離開是比較好的選擇
作者: bodadami 時間: 11-7-13 23:34 標題: 回復 54# ringolau98 的帖子
能不簡述一下講話內容, 不方便可以PM. 謝謝.
作者: rinapang 時間: 11-7-13 23:57 標題: 回覆 3# bodadami 的文章
點解有家長會我唔知架!我真係好想知學校發生之事, 有沒有去過家長會的朋友可以分享一下, 呀囝升小六啦!
不過最新真係好多"新國民"有唔同嘅消息, 愈睇愈混亂!
作者: lfcdhsbc 時間: 11-7-14 07:47
原帖由 rinapang 於 11-7-13 23:57 發表
點解有家長會我唔知架!我真係好想知學校發生之事, 有沒有去過家長會的朋友可以分享一下, 呀囝升小六啦!
不過最新真係好多"新國民"有唔同嘅消息, 愈睇愈混亂! ...
通告以電郵發, 上校網可以check返.
如果收唔到電郵, 打返學校問下電郵地址有無打錯字改翻就得.
作者: A-Mum 時間: 11-7-14 13:20
There's another forum tonight at 7pm, contents will be the same as last night.
作者: lfcdhsbc 時間: 11-7-14 22:26
聽了校長和副校長, 就明白到校長的魄力.
課程編排上將更有效益, 學生學習上更有針對性, 學生成長將會更為全面, 行政上將更有效率, 資源運用上更不浪費, 時間和節數重新的安排調動應可讓學習和音體藝成績更一步.
回校聽清楚, 絕對好過在這裡聽些流言蜚語.
作者: VIRUS 時間: 11-7-15 00:14
今晚既講座真係非常精彩,個個家長都好似唔捨得走咁. 值得一讚溫校長和即將上任既梁副校長明顯見到佢哋心中有火.一心為培僑而改頭換面更上一層樓. 個人較喜歡現在的培僑因為教學方針較為實際.
另外我諗真係無邊個校長可以企足三粒幾鐘去回答大家既題問.另外梁副校真係估佢唔到.年紀輕輕來頭也不少.真係絶對唔簡單.
作者: rinapang 時間: 11-7-15 18:33
剛好撞了時間要返工, 去唔到晚會, 但睇返家長先前留言, 對學校新人事新作風也有好的評論, 最重要係小孩能夠在學校繼續學習知識, 新的政策對孩子影響是好是壞, 也因人而已, 即管正面啲去睇, 咁對大家都好!
原帖由 A-Mum 於 11-7-14 13:20 發表
There's another forum tonight at 7pm, contents will be the same as last night.
作者: elle0elle 時間: 11-7-17 02:03
建制派本色，利用互聯網發動宣傳機器了！勁！
應該唔係因為多人離職，多人放棄學位，而力挽狂瀾吧！
[ 本帖最後由 elle0elle 於 11-7-17 02:14 編輯 ]
作者: ringolau98 時間: 11-7-17 09:22
本人百份百是grade 5的家長，如有需要，可於學校有活動時，一齊商討，亦不是什麼建制派，亦不希望給人亂扣帽子。只希望有point, 學校有先生及離開亦不關本人的事。本人只是覺得舊那一種方法不太適合要取得好成績的學生。尢其是高年級希望在本港升讀。因考試需要Time management, 如平時沒有訓練，跟其他學校學生比較，已經輸了。
原本本人亦打算中一時離開學校，但覺得新校長的改革，正好改變問題。本人亦不排除改革成績不好，會再一次打算離開。
在此呼籲不接受新校長那一方法，就請盡快離開，只是不希望不接受新改革，就不停的投訴，阻了校長的時間，亦減低了改革的熱情。
作者: honglish 時間: 11-7-17 09:26
由於中學音體藝不再全擠在下午, 場地使用效益培增, 小學的音體藝課外活動和校隊練習的靈活性應大增, 好事.
作者: A-Mum 時間: 11-7-17 12:36
建制派本色，利用互聯網發動宣傳機器了！勁！
應該唔係因為多人離職，多人放棄學位，而力挽狂瀾吧！
有興趣入讀的家長真的要考慮清楚培僑是否真的是"你杯茶", 培僑也許仍是很不錯的學校, 但今天的培僑已經不是以前的培僑. 變好變差, 各位拭目以待, 但很多老師今年不離開明年也會離開. 了解清楚以免期望與實際不同.
Dear elle0elle,
如果你是不喜歡新校長這一套的家長，不如考慮轉校？香港好的學校多的是，何必苦了自己又令孩子無所適從。
如果你是不獲續約或不備重用的老師，我衷心多謝你一直為學生的付出，即使你沒有教過我的孩子，說不定你在操場有扶過他，在走廊有教訓過他。老師，一個人要做幾十年工，換老闆轉方向其實好平常，放開胸襟啦！
我聽第一場講座的，席上兩次長長的掌声是家長們對温校長的多謝和肯定。改革課程是辛苦的，不適應的，瀟灑的離開吧。
作者: HKdevil 時間: 11-7-19 23:41
i like pk very much, I have two children studying there, my daughter is going to g7 this year and this year she got 12 awards and all excellent grades especially in English, she is also one of the head prefects...she is happy there and is looking forward to secondary school this Sept.
As for my son, he did not speak a word of mandarin before he goes there (he was in p1 last year and going to p2 ths year) and now he speak perfect mandarin with me and his english is so good that he is promoted to p3 next year.
I like pk for the way they teach children and know how to appreciate their individual talents and needs.
I am glad that I have chosen this school for my children and I am a lawyer by the way, and I know how important Chinese is nowadays.
作者: HKdevil 時間: 11-7-19 23:43
my son is going to p2 next year but only English is in p3.
作者: Roroma 時間: 11-7-21 01:49
無時間返去聽講座，真係聽少好多tim!
早兩日學校有聯校音樂比賽，我老公有去睇，佢話睇左好耐只係見到溫校長同張副校長，令佢對校長好有好感。
呢的活動絕對吾需要校長去而佢出現，係對參加比賽的同學有好大的鼓勵，見到佢對學校的確有心。
作者: poonpoon 時間: 11-7-23 15:42
原帖由 ringolau98 於 11-7-17 09:22 發表
在此呼籲不接受新校長那一方法，就請盡快離開，只是不希望不接受新改革，就不停的投訴，阻了校長的時間，亦減低了改革的熱情。
咁係咪,唔中意 凸手 ,就要離開 HK ?
改革有時候需要修正,咁咪聽下人講 law
而唔係一言堂去管冶.
唔知通識有無咁教呢???
作者: bjdadishe 時間: 11-7-24 14:24 標題: 回復 69# poonpoon 的帖子
我地做家長, 又唔係做老師, 又唔係做副校, 關心既當言唔係一言堂或十言堂的事, 都會理會唔會一個當擔水食二個抬水食三個無水食等問題.
做家長, 最關心是學校將會怎樣做, 而做的事又係唔係為學生好, 有到學校聽校長同新副校講座的家長, 好多都用熱烈的掌聲呢表咗態.
我也都唔係話以前唔好, 不過當新管理層見到有要改善的地方, 有理有據地提出建議加以實行, 家長們怎會不歡迎呢?
權力鬥力的事間間學校都有, 家長們都不必火上澆油.
作者: ringolau98 時間: 11-7-24 20:54
如去吃一間餐廳，換了大廚，現做中東菜，如喜歡食，給予意見改善，完全沒問題。但如各自用心中的尺，要將餐廳變成中東香港菜，不斷投訴。這是否一個好的選擇，為何不選一間適合自己的餐廳。
家教會不是一個機制去給予意見，平衡及監察校長的權利嗎？
作者: poonpoon 時間: 11-7-24 22:53
原帖由 ringolau98 於 11-7-24 20:54 發表
如去吃一間餐廳，換了大廚，現做中東菜，如喜歡食，給予意見改善，完全沒問題。但如各自用心中的尺，要將餐廳變成中東香港菜，不斷投訴。這是否一個好的選擇，為何不選一間適合自己的餐廳。
家教會不是一個機制去給予意見，平衡及監察 ...
去了間西餐廳,換了大廚,現做中東菜,
但門口係仲寫住西餐廳喎.........
呢個比喻 唔o岩~~~~
作者: elle0elle 時間: 11-7-24 23:43
極是極是!
掛羊頭賣狗肉之人,
對客人說, 我地呢度係叫呢D做"羊",
你唔岩食就過主啦!
非常清楚! 算啦! 唔走留起度都冇乜意思.
再講多兩講又比人CUT文.
原帖由 poonpoon 於 11-7-24 22:53 發表
去了間西餐廳,換了大廚,現做中東菜,
但門口係仲寫住西餐廳喎.........
呢個比喻 唔o岩~~~~
作者: bodadami 時間: 11-7-25 00:11
是非自有公論.
我第一晚聽校長講座, 大禮堂最少三百人, 現場家長多次表態支持不容置疑.
第二晚我無聽, 但聽同班家長講最少也二百多人, 情況也差不多.
沒空到場的家長可向相熟家長問吓, 不必理會那些搭起來的無聊話.
作者: MYbbzone 時間: 11-7-25 11:48
兩文三語系教得幾好, 其他就唔系好清楚
作者: poonpoon 時間: 11-7-26 22:41
原帖由 MYbbzone 於 11-7-25 11:48 發表
兩文三語系教得幾好, 其他就唔系好清楚
如果好彩,由外籍老師教英文,重好添.
眼見佢地既外籍老師係好生鬼,D學生好中意架~~~
作者: Roroma 時間: 11-7-30 01:03
我女個班英文吾係外籍老師教，但 English performance arts就係，呀女好鐘意老師架．
English performance arts 呢樣其他學校未必有，加埋中藝我覺得小朋友有機會接觸都係好事。
作者: bjdadishe 時間: 11-8-1 13:27
英語課程自編, 學生敢聽敢講敢寫, 英語自信強, 但因不像傳統英語教學般把文法硬套到學生, 真坐低考英文筆試, 有可能稍遜.
我六年級個仔同同學去睇功夫熊貓2都係揀英文版.
[ 本帖最後由 bjdadishe 於 11-8-1 13:31 編輯 ]
作者: my_dear 時間: 11-8-31 17:25
原帖由 Fatta 於 11-6-14 15:10 發表
培僑一直係我心儀將來俾小女入讀的學校。一來佢係一條龍，老實講香港教育的制度實在太唔掂，為左小朋友讀乜學校，父毋同小朋友的壓力實在不小，幾年一次的叩門，interview諗起都驚。另外其實我侄女現正在培僑讀書，看到佢英文同 ...
我都想多了解一下.
作者: Ernesten 時間: 11-9-21 22:27
frankly, I'm quite dissapointed. There're more and more homeworks each day and they sometimes rush contents or texts. It's getting more and more like public school. And I was told that now it will be detention which I feel unnecessary. I will not be a part of the detention thingy. It's just so degrading, I mean to the school.
作者: amychangsy 時間: 11-9-22 08:29
For the homework :
開左學都1個月, 功課真係唔多! 我囡囡P.1,每日大約1-3樣功課, 唔駛1個鐘就做完!!
For me the work load is totally acceptable!!!
作者: lam.lam 時間: 11-10-3 18:03
7月中温校長的講座中, 介紹了梁副校長, 當時確有打一枝強心針的感覺。
但9月開學後, 小學家長會温校長又再介紹另一位新的副校長, 不知是否我坐的位置太後, 沒有看到7月才上任的梁副校長, 請問有沒有家長知道現在學校是有2位副校長, 還是3位副校長呢?
作者: A-Mum 時間: 11-10-3 21:44
七月有介紹兩位新副校的，梁副校有現身，董副校當時好似未上任。
二新一舊=3位
作者: lam.lam 時間: 11-10-4 15:18 標題: 回復 1# A-Mum 的帖子
Thanks A-Mum 回覆.
作者: evayeung815 時間: 12-3-11 22:46
我本人就覺得以前校長親民好多...每樣活動必定參加,同家長分享一切有關校內心声,,,但新來校長我真的甚少見到....而校內的親子活動就買少見少呀,,,好像上年羅校長都有攪下盤菜宴啦....萬盛節都會扮鬼扮馬,,,非常親切,,,,但新來的校長什麽活動都沒有....><......好快就復活節假同五月中期假到了,,,,我估都係無親子遊活動....失望!
作者: mummom 時間: 12-3-12 13:12
吓！ 親子活動應該大部份都係家教會攪嫁喎！
你可以今個星期六去“家教會週年會員大會”講講你的意見。
萬盛節晚會，我之前問過，好似話有老師想攪但有老師吾想，最後人手吾夠，所以最後無左。只是小道消息， 吾知係吾係真的。
作者: Joycemom 時間: 12-3-12 19:36
回復 mummom 的帖子
舊年家教會有搞到萬聖節活動喎，而且反應好好，大人同小朋友都玩得好開心，當日因校長與副校長要去外地開教育會議，所以才沒有出現。當然，我都希望校方能舉辦多些活動，但首要是學校能改善校政，令學校各方面都有改善，有進步，而我感覺上學校是在持續進步中！
作者: wankwok 時間: 12-3-20 11:12
如果pk功課都算多, 真係唔可能接受一日十幾樣功課的傳統學校呀!呢方面我好有經驗, 因尚有仔女就讀傳統學校, 真係功課多到暈
學校一直都唔錯, 小朋友開心, 但小朋友成績亦好睇家長的付出, 我付出少, 所以小兒成績一直普通, 因明知自己小朋友資質有限, 亦唔苛求佢會飛
但眼見好多同學仔英文都神般進步
家校合作, 家長自己責任好大, 如果發現孩子唔適合此學校就快點轉, 真係唔好拖
怨都無用,自己想辦法解決,人地蜜糖, 或係你的砒霜
作者: sunday123 時間: 12-3-20 12:45 標題: 回覆：wankwok 的帖子
同意。現任校長跟据過往一些不足之處，進行一些改善工程，其中一項就是讓學生有責任地學習，所以功課必須依期繳交。並且家課是讓鞏固已學知識而設，個人而言，我可從小朋友的家課中了解到他的學習進度和情況，加深對小朋友的學習能力的認識，況且培僑的家課真的不太多。相反，從課外尋找學習資料的機會卻不少，所以小朋友自行上網及從課外書籍，報章等尋找資料已成習慣。
作者: sabina_bb 時間: 12-5-15 15:23
可否告知培僑的學習程況. 本人打算幫小兒(小三)轉校. tks
作者: karencml 時間: 12-6-6 17:05
我都好想了解下倍橋而家最新既情況, 因為我而家要準備幫仔仔報讀小一喇~~~唔該各位有心既家長提供下寶貴既意見, THANKS!
作者: kakagilbert 時間: 12-7-1 02:42 標題: karencml 的帖子
如果平時只跟小朋友講廣東話，想選讀培僑，英語需要出外另補嗎?請問有否正在讀培僑的小朋友要另外補英文的? 謝謝
作者: bb007 時間: 12-7-1 22:02
好想亞囝有閱讀習慣，奈何佢對睇書興趣不大，培僑有幫助嗎？
作者: Heather 時間: 12-7-2 12:46
bb007 發表於 12-7-1 22:02 
好想亞囝有閱讀習慣，奈何佢對睇書興趣不大，培僑有幫助嗎？
作者: JadeW 時間: 12-7-11 22:41 標題: 回覆：Heather 的帖子
報告下今日小一家長會重點，俾有意既家長參考。
中文：老師話就算吾識普通話，半年後佢地口音及能力肯定叻過好多家長。會用2個月時間教拼音！書本用繁體版人教書，字語都很優美，亦會教唐詩，仲有中國藝術課，教相聲、京劇、詩詞等。功課需要每天朗讀1文、會有工作紙練習咁。很重視閱讀！
英文：用專題教學！很多閱讀寫作機會及需要。每天日記、周記，寫作老師批改會按教學目標修改注重部分，教拼音、需朗讀，每周規定書籍閱讀報告，另有自行選讀書籍需每天閱讀，會按孩子程度分級做閱讀，並紀錄進度，亦有線上閱讀課程。會有英文表演活動，教音樂、話劇、朗誦、跳舞等。
作者: JadeW 時間: 12-7-11 23:21 標題: 回覆：JadeW 的帖子
本帖最後由 JadeW 於 12-7-11 23:30 編輯
數學：感覺有點像中文版enopi, 教授核心計算技巧（enopi式的加減）、解題技巧、數學規律、邏輯、綜合應用。有線上數學常識練習可免費做！以互動、活動小組活動及探究學習，令小孩互相幫助，加深課題認知！
成長：可理解作常識。分6專題學習。5、6年級開始一半用英文上堂。會有參觀、外出考察、探索等。
藝術：感覺很專業。冇家課。有藝術欣賞導賞。
音樂：1-2 學敲擊，3-6專注一樂器。學費已包專業老師授課。仲會按皇家音樂學院的樂理考試課程教授，方便學生考試。有合唱團、節奏樂團、中樂團、西樂團同中鼓團。定期有音樂會供學生表演。
體育：1-2一般項目，3-4開始教6項核心項目：足球、籃球、排球、羽毛球、游泳（按能力分班）、田徑，仲有體能。5-6專注其中一項，再加認識其他新派運動。
課外活動：聽來不多。話已融入教學裡。有校隊、制服團隊、奧數及科學。
英文有精靈班，會讀高一級。由1下開始入2年級一起上課。由老師按能力挑選。
作者: MATTHEWLOK 時間: 12-7-11 23:23 標題: 回覆：JadeW 的帖子
JadeW好多謝你的分享
，我個仔仔今年升K3,亦即是開始準備申請小一面試，現在的心情非常緊張 ，最近我們亦專登去過培僑門口兩次，真係很喜歡。
希望仔仔可以有機會在培僑讀書
作者: JadeW 時間: 12-7-11 23:32
本帖最後由 JadeW 於 12-7-12 00:52 編輯
仲有教學語言:
中、數:普 (高小:數好似會轉英)
英:英
成長: 粵為主、小部份係普、高小一半英一半普/粵
其他: 好似主要係粵、小部份係普。但佢地既POWERPOINT又用英文既, 所以吾係好知係點。
中英都有教拼音、要學生朗讀給父母聽, 同有書寫字體訓練。
聽完覺得真係要睇好多書: 中英數3科都有要睇既書。
好岩我地教學既理念, 吾係做練習去學語文, 而係要睇書、講同寫去學習。
作者: patrickBB 時間: 12-7-12 14:59
回復 JadeW 的帖子
JadeW, a very good summary !
作者: sunday123 時間: 12-7-12 15:39
回復 JadeW 的帖子
謝謝你,你是個很有心的家長.
| 歡迎光臨 教育王國 (/) |
Powered by Discuz! X1.5 |