教育王國

標題: 請比意見 [打印本頁]

作者: fatpam 時間: 11-6-11 17:10 標題: 請比意見

小朋友(3歲幾)派了S位，中心老師好有愛心，口碑好。

自己私人導師話佢情況擲界，有部分能力ok，可認圖形、顏色、認中文字一般、認英文字不錯，能數數(1-10)，可跟簡單指令做事但唔會自動波，可說短句，未能準確一問一答，自理、認知、表達當然未完全得，手肌較弱，專注一般，唔明白故事，在學校無攪事，有少少固執。

本來留左位重讀k1，點知派到位，心大心細，錯過了就無。

作者: bbricky 時間: 11-6-11 18:07

梗係讀S位依家努力幾年有密集式服務，如果真係擲界五歲半返CAC應可上主流，而且一位難求！

作者: pocoyo123 時間: 11-6-11 18:32

我兩年前同你一樣1516, 成日覺得自己個小孩都唔係咁差嗜, 應唔應該比佢讀S位, 最後, 我比左佢讀, 今年佢已回歸主流,想當日, 我點解比佢讀, 因為, 如果小學前都追唔番D差距, 到小學就會一路在后, 我見過有小朋友追唔到, 到中學要上特殊, 絕對唔係講笑,因一個人年齡月大, 相對學習能力月強, 當大家仲係幼兒階段, 已有咁大差距啦, 當佢上到小學后, 學校要求是一個有相當能力的小孩, 就算點樣調息, 都係無用, 我見過有一個13歲仲讀緊小五, 學校好包容, 比佢留班又調息, 但中學都係要上特殊, 所以, 現實係要面對, 不是去逃避, 面對只有幫到小孩, 逃得一時根本逃不到一世

原帖由 fatpam 於 11-6-11 17:10 發表
小朋友(3歲幾)派了S位，中心老師好有愛心，口碑好。

自己私人導師話佢情況擲界，有部分能力ok，可認圖形、顏色、認中文字一般、認英文字不錯，能數數(1-10)，可跟簡單指令做事但唔會自動波，可說短句，未能準確一問一答，自理、認知、 ...

作者: samantha_yuen 時間: 11-6-11 18:41

我囝囝而家返緊樂天, 8月會去環翠伴我童樂, 唔知自己有無揀錯, 因為係樂天返左1星期, 我覺得好大進步.......怕去到環翠........我囝囝而家1歲11個月..

原帖由 pocoyo123 於 11-6-11 18:32 發表
我兩年前同你一樣1516, 成日覺得自己個小孩都唔係咁差嗜, 應唔應該比佢讀S位, 最後, 我比左佢讀, 今年佢已回歸主流,想當日, 我點解比佢讀, 因為, 如果小學前都追唔番D差距, 到小學就會一路在后, 我見過有小朋友追唔 ...

作者: pocoyo123 時間: 11-6-11 21:31

樂天OR 伴我同樂都係私人的, 你可試下兩邊再比較誰對你囝囝有進步而再挑選一間, 除非係政府就無得選擇, 派左就一定要, 但如果係環翠協康都相當好, 其實, 如小朋友在主流學不到野, 試下讀一年, 再睇下小朋友進步而再決定出唔出番去, 不用担心學術上的停滯, 你可到晝店買一些練習(按小孩年齡能力), 在家練習, 我小朋友都係咁樣做下練習, 現佢和同齡小孩相差很小, 比心機

原帖由 samantha_yuen 於 11-6-11 18:41 發表
我囝囝而家返緊樂天, 8月會去環翠伴我童樂, 唔知自己有無揀錯, 因為係樂天返左1星期, 我覺得好大進步.......怕去到環翠........我囝囝而家1歲11個月..

作者: fatpam 時間: 11-6-11 22:56

有無家長可分享一下小朋友由S位到主流幼稚園/小學經驗，學術上追到嗎?社交方面有改善嗎?

作者: autunmbb 時間: 11-6-12 18:28

原帖由 fatpam 於 11-6-11 17:10 發表
小朋友(3歲幾)派了S位，中心老師好有愛心，口碑好。

自己私人導師話佢情況擲界，有部分能力ok，可認圖形、顏色、認中文字一般、認英文字不錯，能數數(1-10)，可跟簡單指令做事但唔會自動波，可說短句，未能準確一問一答，自理、認知、 ...

小朋友還小，可以有多點訓練是好的，S位教師比例細，可以多點照顧，有3T的訓練，會全面一點。小朋友如果讀半年後覺得情況好，就可以同 CAC 申請轉E位或I位，讀下睇下點，唔好比S位的那個「特殊」的名字嚇親，都係比小朋友多點密集訓練。

作者: anan3388 時間: 11-6-14 12:56

試下同依家間 S 位了解下佢地點睇你的孩子, 以及有可能分到咩程度既班, 咁你會比較容易作出決定

不過就你所講若有些仍弱的話, S 位照顧得比較全面, 應最少讀一年先再出黎, 因為若唔早些解決那些問題, 再上去會越來越困難的

若你擔心學術上追不上, 就參加興趣班或自己教多些

作者: fatpam 時間: 11-6-22 07:12

S位中心老師好有愛心，口碑好。但最近認識左幾個家長，小朋友已讀左2年幾，眼神情緒社交表達都唔太理想，我唔係逃避型家長，只係想怎樣先可以最幫到佢有大d進步。又想試左睇吓點。

1.維持現況+私人trainning+自己trainning

2.s位+私人trainning+自己trainning

作者: autunmbb 時間: 11-6-22 11:20

原帖由 fatpam 於 11-6-22 07:12 發表
S位中心老師好有愛心，口碑好。但最近認識左幾個家長，小朋友已讀左2年幾，眼神情緒社交表達都唔太理想，我唔係逃避型家長，只係想怎樣先可以最幫到佢有大d進步。又想試左睇吓點。

1.維持現況+私人trainning+自己trainning

2 ...

我估你心中都有了選擇，其每個小朋友的情況都唔同，每個家長都會因自己的情況有不同的選擇，最清楚s位情況和私人trainning的表現都只有作為媽咪的你，各方面你都去了解過，又有咁多媽咪比過意見比你，你覺得ok就照著自已所安排的做。

作者: autunmbb 時間: 11-6-22 11:21

同埋，加油加油加油，你並不孤單。

作者: Cinken 時間: 11-6-22 20:39 標題: 回復 4# samantha_yuen 的帖子

既然你小朋友已在樂天上學，亦有進步，為何会轉另一間呢?只是好奇多口問下

歡迎光臨教育王國 (/)