教育王國

標題: 宣小/軒小(上午),你會選那一間? [打印本頁]

作者: 胡桃媽 時間: 11-6-10 10:48 標題: 宣小/軒小(上午),你會選那一間?

如題,你會選那一間?請幫忙,謝謝!

作者: cheben 時間: 11-6-10 12:57

你是否住九龍區呢?
學費會是你考慮的重點嗎?

作者: 胡桃媽 時間: 11-6-10 13:13

多謝你的回覆，家住將軍澳，兩間都咁遠。我想知那一間會好的，聽聞宣小好谷，又要有樂器，軒小(上午)似乎輕鬆的，小朋友是女孩，如果不是最叻嗰班，九龍塘校網是否好過灣仔呢?

原帖由 cheben 於 11-6-10 12:57 發表
你是否住九龍區呢?
學費會是你考慮的重點嗎?

作者: cheben 時間: 11-6-10 13:55

咁都會睇下你中意灣仔定九龍城既中學...
兩個區都有好多BAND 1 中學
宣小可能會辛苦o的,因為沒有任何直屬或聯繫中學做back up, 完全係靠自己, 佢近年的派位亦十分標青, 而且, 我覺得個校長好有power...
至於軒小, 有聯繫既中學不少, 男既有皇仁, 女既有庇利羅氏, 真好好既中學, 仲要免費!

作者: 愛愛地球 時間: 11-6-10 14:27

你女兒喜歡學音樂嗎? 有冇一種樂器在手? 你不要只預備學費, 雜項你預多1000元啦 (不包括自己校內及校外課外活動), 好多學樂器的,不會只學校內課外活動,仲要搵外面老師(有好多私下再聘任教樂團的老師,費用有數得計), 學校有表現, 你阿女冇份表演,都鼓勵你們買票, 最平的票,通常冇晒, 貴票尚有. 3年班最好考埋5級樂理喇,再遲,冇時間架喇. 定時要去欣賞音樂會做下報告,把門票釘埋入去. 家長有冇這樣高雅興呢.
喜歡音樂的家庭,又讀倒書的,俗得的, 的確是好選擇,因為小朋友會開心.
默書測驗攞90幾分,不要太開心,因為攞100分行出去老師度攞獎品的,是班內大部份. 學業方面,一定要陪太子女讀書,跟得好貼.

時間,金錢,不可或缺.

原帖由 胡桃媽 於 11-6-10 10:48 發表
如題,你會選那一間?請幫忙,謝謝!

作者: Anpanmama 時間: 11-6-10 15:03

原帖由 愛愛地球 於 11-6-10 14:27 發表
你女兒喜歡學音樂嗎? 有冇一種樂器在手? 你不要只預備學費, 雜項你預多1000元啦 (不包括自己校內及校外課外活動), 好多學樂器的,不會只學校內課外活動,仲要搵外面老師(有好多私下再聘任教樂團的老師,費用有數得計), ...

係咪宣小？

作者: TTMA 時間: 11-6-10 15:10

off course choice 宣小...

原帖由 Anpanmama 於 11-6-10 15:03 發表

係咪宣小？

作者: MAYANGUSPO 時間: 11-6-10 15:13

睇完"愛愛地球"既留言, 真係冇晒雅興去考

作者: Jannet 時間: 11-6-10 15:20

講得好!! 我會選軒小. 如果在小學階段咁多年都keep到top的話,最後都可以入到名中學.

原帖由 愛愛地球 於 11-6-10 14:27 發表
你女兒喜歡學音樂嗎? 有冇一種樂器在手? 你不要只預備學費, 雜項你預多1000元啦 (不包括自己校內及校外課外活動), 好多學樂器的,不會只學校內課外活動,仲要搵外面老師(有好多私下再聘任教樂團的老師,費用有數得計), ...

作者: 胡桃媽 時間: 11-6-10 15:23

多謝你回覆。看完你的回覆，好驚我同亞女都頂唔順。亞女有時係愈戰愈勇型，但有時遇到失販，唔釋得釋放自己，所以唔係幾敢選那些谷得勁的學校。

原帖由 愛愛地球 於 11-6-10 14:27 發表
你女兒喜歡學音樂嗎? 有冇一種樂器在手? 你不要只預備學費, 雜項你預多1000元啦 (不包括自己校內及校外課外活動), 好多學樂器的,不會只學校內課外活動,仲要搵外面老師(有好多私下再聘任教樂團的老師,費用有數得計), ...

作者: 愛愛地球 時間: 11-6-10 15:57

其實每間學校都有優點, 最緊要從小朋友的角度去考慮. 因為子女入讀小一的時候是6歲,他/她是否真的投入音樂? (因為不只是去欣賞它,而是要實踐它) 宣小有很多fans,身邊很多人讀,高至低班都有, 讀得好的,當然有. 我自己去年漁翁撒網式阿女都有考倒宣小,但我唔知阿女能否如此投入音樂, 就算之後她真的是可造之材,我一樣可以找好老師教她, 與她欣賞音樂會,比賽,考試....但我希望以她的步伐去進行,不是因為有形無形之"壓力"底下去強行. 相反,如果阿女真的有天份,我讓她讀普通的小學,攪得掂學業, 專攻某樂器, 可能仲多時間騰出來練習! 不是也可取嗎. (個人感受,非喜勿插

)

原帖由 MAYANGUSPO 於 11-6-10 15:13 發表
睇完"愛愛地球"既留言, 真係冇晒雅興去考

作者: anteater 時間: 11-6-10 16:53

軒小(上午)
總覺得香港島D學校勁D,識好多勁人,真正專業人事都係在港島區讀書

作者: lyhv 時間: 11-6-10 17:04

雖則常聽到人說宣小好谷，又要有樂器，但亦希望樓主需要明白依個世界無不勞而獲, 就當軒小(上午)唔谷, 但佢嘅派位成績亦絕非呃返黎, 校內勁人都唔少, 如果小朋友力有不逮, 無論入到宣小或軒小都未必係好事!

作者: ok_ko 時間: 11-6-10 17:08

艱難但開心的選擇。

作者: 金毛B媽 時間: 11-6-10 17:09

原帖由 MAYANGUSPO 於 11-6-10 15:13 發表
睇完"愛愛地球"既留言, 真係冇晒雅興去考

宣小年年都有3000人去考, 唔係你話去考, 人地就收你的

收了你, 才說, 會唔會好一點

作者: 金毛B媽 時間: 11-6-10 17:31

原帖由 愛愛地球 於 11-6-10 14:27 發表
你女兒喜歡學音樂嗎? 有冇一種樂器在手? 你不要只預備學費, 雜項你預多1000元啦 (不包括自己校內及校外課外活動), 好多學樂器的,不會只學校內課外活動,仲要搵外面老師(有好多私下再聘任教樂團的老師,費用有數得計), ...

我是小一生家長, 經過一年的時間, 我發覺, 宣小不是外人所想咁恐怖的 , 容許我再解釋清楚, 在宣小, 學樂器, 不是必須的, 我們用另一個角度想, 如果入了宣小, 不學樂器, 我覺得會好浪費, 因為這間學校, 對音樂氣氛好濃厚, 在音樂上, 學校很多支持的, 會令小朋友喜歡音樂的, 當然, 也有很多人, 加鐘再上多幾堂, 無求令小朋友突出, 不過我認為這是不必須的

音樂欣賞 --> 我又覺得我帶小朋友去睇管弦樂, 是一種減壓的活動, 前幾日, 我還帶我小朋友去看 Mickey concert, 真的很好看, 需要學校每學期叫小朋友去看一次音樂會, 去做一份簡單報告, 但我覺得是一種輕鬆的功課呢 (不知道高年級做的音樂報告是否深很多)

默書, 測驗 100 分有獎 -->是真的, 不過那些獎, 只是一粒糖, 一支原筆, 是老師鼓勵小朋友的, 我阿仔就是因為這樣鼓勵方法, 他很認真溫習呢, 我覺得是很好的推動力, 不過可能, 有些小朋友覺得這樣, 令他們起了壓力

凡事兩面睇, 會有意想不到的喜悅的

[ 本帖最後由金毛B媽於 11-6-10 17:38 編輯 ]

作者: Cherry+DC 時間: 11-6-10 17:33

看下你要什麼? 兩間小學都要谷
如果你想要BAND 1 中學，但軒小條路好似容易D，有保障D，因為有聯繫的BAND 1 中學，而宣小就只可靠自己

同一目標，我取易不取難，何況有6年要"頂"!

作者: MAYANGUSPO 時間: 11-6-10 17:37 標題: 回復 1# 金毛B媽的帖子

我言詞中絕無寫導佢必會收我小朋友, 只係自我表達梗應唔應去考!!! 而唔係收唔收!!! 去考前(學"愛愛地球"話齋)先要評估自己及小朋友既心理素質先去考, 以免自己同小朋友其實未去到呢個level而去考, 不是浪費精神時間? 甚至金錢嗎? 而且考之前, 唔係應有自我準備先假設佢收OR唔收會如何辦? 而唔係一味盲頭烏英咁衝去考? 您呢一席話...未免有失家長信心...呢d時期...係咪理應給予家長更大鼓勵, 而唔係係樹講埋d廢話?

難道我又要係樹話, 您地叩到門先算la咁呀?

真令人費解

作者: MAYANGUSPO 時間: 11-6-10 17:42 標題: 回覆 2# Cherry+DC 的文章

非常同意...好實質既意見!!

作者: 金毛B媽 時間: 11-6-10 17:43

原帖由 MAYANGUSPO 於 11-6-10 17:37 發表
我言詞中絕無寫導佢必會收我小朋友, 只係自我表達梗應唔應去考!!! 而唔係收唔收!!! 去考前(學"愛愛地球"話齋)先要評估自己及小朋友既心理素質先去考, 以免自己同小朋友其實未去到呢個level而去考, 不是浪費精神時間? ...

當然要考慮自己, 和自己小朋友是否可以適合才報讀學校, 我相信, interview 期間, 老師, 校長都能夠揀選適合的小朋友入讀

作者: MAYANGUSPO 時間: 11-6-10 17:51

其實我都絕對明白每間學校既要求都唔同, 亦清楚聽未必100%如事實般, 自己當然會有個平衡點, 純粹聽多d意見為將來作好準備, 起碼得個知字, 您地既意見對我地後輩非常重要

作者: 愛愛地球 時間: 11-6-10 18:19

你好. 有宣小家長分享真好.
我自己是很緊張的人,所以如果我阿女真的讀私校 , 相信頂不住的,是我自己. 我個女4歲多開始學小提琴,參與很多次表演, 雖然沒有考級,但老師話有1級同2級之間水準,可能因為這個原因,考宣小ok左. 但回想起當時與她練琴, 真係出盡法寶,正一皇帝唔急太監急. 她不是沒有天份, 只是未開暁. 成日話好攰. 4歲5歲人,又真係辛苦架,我都好心痛架.後來放慢腳步,卻又跟同學有距離,好像練極都趕不上他們. 沒有成功感. 我同佢都好氣餒. 所以我不想為著練習,與她傷感情. (現在只專注學琴了)
另外默書100分有獎是推動力,我女現在的學校也是這樣的(但只是貼子,連糖都冇). 朋友仔在宣小,默書就是90幾分, 阿媽讚阿仔,你咁叻,90幾分,但阿仔話,90幾分,好叻咩,大把同學100分. 阿媽聽到好唔舒服. 聽落又幾sad. 不過朋友仔都讀得好ok同開心嘅.

讀邊間都好, 讀得開心就得.

原帖由 金毛B媽 於 11-6-10 17:31 發表

我是小一生家長, 經過一年的時間, 我發覺, 宣小不是外人所想咁恐怖的 , 容許我再解釋清楚, 在宣小, 學樂器, 不是必須的, 我們用另一個角度想, 如果入了宣小, 不學樂器, 我覺得會好浪費, 因為這間學校, 對音樂氣氛 ...

作者: CrabPincers 時間: 11-6-10 19:14

原帖由 胡桃媽 於 11-6-10 13:13 發表
多謝你的回覆，家住將軍澳，兩間都咁遠。我想知那一間會好的，聽聞宣小好谷，又要有樂器，軒小(上午)似乎輕鬆的，小朋友是女孩，如果不是最叻嗰班，九龍塘校網是否好過灣仔呢?

...

女仔就吾好揀軒小啦
你就諗下, 點解男女生不成正比?
另外, 你住TKO, 點解會覺得, 抽得中軒小? 定係父母係舊生?

作者: redkoni 時間: 11-6-10 20:00

原帖由 CrabPincers 於 11-6-10 19:14 發表

女仔就吾好揀軒小啦
你就諗下, 點解男女生不成正比?
另外, 你住TKO, 點解會覺得, 抽得中軒小? 定係父母係舊生?

女仔就吾好揀軒小啦 x 2

作者: 胡桃媽 時間: 11-6-10 22:56

何解女仔唔好揀軒小呢?
我的情況是插班，所以無地區限制。

原帖由 CrabPincers 於 11-6-10 19:14 發表

女仔就吾好揀軒小啦
你就諗下, 點解男女生不成正比?
另外, 你住TKO, 點解會覺得, 抽得中軒小? 定係父母係舊生?

作者: 金毛B媽 時間: 11-6-10 23:30

原帖由 愛愛地球 於 11-6-10 18:19 發表
你好. 有宣小家長分享真好.
我自己是很緊張的人,所以如果我阿女真的讀私校 , 相信頂不住的,是我自己. 我個女4歲多開始學小提琴,參與很多次表演, 雖然沒有考級,但老師話有1級同2級之間水準,可能因為這個原因,考宣小o ...

你囡囡現在讀那一間學校呀, 點解放棄了宣小呢?

其實你囡囡在小提琴裹, 有那麼多的演出經驗, 為何要放棄呢, 她沒有興趣嗎? 雖然學兩種樂器, 真的要付出很多時間, 不過係值得呢

回想, 我囝囝初初學圓號, 都心力交瘁, 不過我同我囝囝都沒有放棄, 給很多鼓勵給他, 現在他喜歡了

在宣小這一年裹, 我仔很開心上學, 老師真的很好呀

作者: 金毛B媽 時間: 11-6-10 23:33

原帖由 胡桃媽 於 11-6-10 22:56 發表
何解女仔唔好揀軒小呢?
我的情況是插班，所以無地區限制。

我對軒小沒有研究, 不過聽聞很多男仔入去皇仁, 當然入到那麼好的一間中學, 大人和小朋友都要付出, 我相信同宣小都一樣, 沒有不勞而獲的事

作者: redkoni 時間: 11-6-10 23:57

原帖由 胡桃媽 於 11-6-10 22:56 發表
何解女仔唔好揀軒小呢?
我的情況是插班，所以無地區限制。

胡桃媽:軒小受歡迎主要因為聯繫兩間名官中-皇仁,庇理羅士.因為軒小皇仁聯繫學額比庇理羅士多,而在灣仔校網皇仁公開非保留位比庇理羅士更多,做成男仔讀軒小博抽皇仁的優勢比女仔博抽庇理羅士更大.況且軒小女仔因為要保住庇理羅士,只能把其他心儀中學放在统派乙部的第二志願,抽庇理羅士機會巳經小,抽輸了抽第二志願時機會更小,你說不像雞肋嗎?

作者: overview 時間: 11-6-11 08:37

我會揀宣小, 兩間都要為爭中學而煩惱, 講真邊個可以guarantee自己小朋友係軒小可以keep住最top呢? 如果唔係最top, 咁又有排煩.

宣小水準高, 學校德育好好, 大部份d學生都好乖, 家長將小朋友放入私校, 大多有要求, 我識朋友個囡, 係宣小係band3, 但考入一間唔錯既直資, 中,英,數既名次都係最top, 因為係宣小真係基礎打得好穩.

再講音樂, 間間學校都要一體一藝, 小朋友如果知道學校係有要求, 反而會勤力d練習, 冇天份但夠勤力, 一樣可以有好成績, 學校感染力夠強, 小朋友自然上心, 學校既音樂攪得好好.

如果本身妳小朋友成績都好叻, 咁讀宣小考入好的中學更較軒小好. 我相信前30名內真係唔洗憂.

如果錢唔係考慮的因素, 我會揀宣小.

原帖由 胡桃媽 於 11-6-10 15:23 發表
多謝你回覆。看完你的回覆，好驚我同亞女都頂唔順。亞女有時係愈戰愈勇型，但有時遇到失販，唔釋得釋放自己，所以唔係幾敢選那些谷得勁的學校。

...

[ 本帖最後由 overview 於 11-6-11 08:41 編輯 ]

作者: 愛愛地球 時間: 11-6-11 09:32

主要是金錢的考慮 :(

六年的費用真的對我來說不少. 學費+補習班+學樂器....每月1萬以上. (宣小課程深,我識的人都科科補

先KEEP得住上游位置. )

當初給她試樂器時,先選小提. 而家主要學琴先,有一定基礎先再考慮其他. 怕兩樣樂器同步學卻冇項精. 學琴較小提輕鬆, 佢再冇藉口話攰就比佢放棄.

原帖由 金毛B媽 於 11-6-10 23:30 發表

你囡囡現在讀那一間學校呀, 點解放棄了宣小呢?

其實你囡囡在小提琴裹, 有那麼多的演出經驗, 為何要放棄呢, 她沒有興趣嗎? 雖然學兩種樂器, 真的要付出很多時間, 不過係值得呢

回想, 我囝囝初初學圓號, 都心力交 ...

作者: 胡桃媽 時間: 11-6-11 10:56

多謝各位家長的寶貴意見，我會認真，認真考慮，謝謝！

作者: survivor 時間: 11-6-11 11:31

It depends on the gender of your son.

If your kid is a boy, I would pick Hennessy, instead of APS. I agree that both primary schools do not have a through train advantage. But, as far as I know, if your boy is ranked top 40, you already have a good chance to King's. You have actually a clearer picture of where you are when your son gets to P4-6.

原帖由 胡桃媽 於 11-6-11 10:56 發表
多謝各位家長的寶貴意見，我會認真，認真考慮，謝謝！

作者: overview 時間: 11-6-11 12:17

面對cut班及政府不停變既政策, 六年後仲有幾多位比軒小都係未知數, 所以最緊要裝備好小朋友, 本身叻更要搵間程度較高既學校, 津校課程又點及私校呢!

原帖由 survivor 於 11-6-11 11:31 發表
It depends on the gender of your son.

If your kid is a boy, I would pick Hennessy, instead of APS. I agree that both primary schools do not have a through train advantage. But, as far as I know, if ...

作者: CrabPincers 時間: 11-6-11 13:53

原帖由 redkoni 於 11-6-10 23:57 發表

胡桃媽:軒小受歡迎主要因為聯繫兩間名官中-皇仁,庇理羅士.因為軒小皇仁聯繫學額比庇理羅士多,而在灣仔校網皇仁公開非保留位比庇理羅士更多,做成男仔讀軒小博抽皇仁的優勢比女仔博抽庇理羅士更大.況且軒小女仔因為要 ...

答晒我所講既野
同埋如果有留意近幾年BPS 比軒小的聯繫位, 係一年小過一年, 今年, 如果我無記錯, 得7個, 還要係上下午班分

QC, 因為係同區關係, 所以就算搏吾到聯繫位, 都可以搏下同區抽獎, 但BPS, 無呢支歌仔唱, 她比灣仔區的跨區位得3個

作者: redkoni 時間: 11-6-11 15:51

原帖由 CrabPincers 於 11-6-11 13:53 發表

答晒我所講既野
同埋如果有留意近幾年BPS 比軒小的聯繫位, 係一年小過一年, 今年, 如果我無記錯, 得7個, 還要係上下午班分

QC, 因為係同區關係, 所以就算搏吾到聯繫位, 都可以搏下同區抽獎, 但BPS, 無呢支歌仔唱, ...

CrabPincers講得啱,重要係軒上軒下一齊爭.2011年庇理羅士在灣仔校網(乙部)的升中统派學位分配是非保留位3人,聯繫保留位9人,另外全港跨網非保留位(甲部)6人,自行收生則有54人.

作者: TTMA 時間: 11-6-11 18:34

宣小

作者: workingmom 時間: 11-6-12 12:14

聽說宣小留班(特別是五年級)比例很高,對小朋友做成極大壓力,甚至互相排擠。

作者: cheben 時間: 11-6-12 18:50

胡桃媽:你會點為個仔選擇?

作者: redkoni 時間: 11-6-12 19:42

原帖由 cheben 於 11-6-12 18:50 發表
胡桃媽:你會點為個仔選擇?

胡桃媽為囡囡選校.

作者: TTMA 時間: 11-6-13 11:17

女仔讀宣小好d !!

作者: cheben 時間: 11-6-13 13:49

原帖由 redkoni 於 11-6-12 19:42 發表

胡桃媽為囡囡選校.

O, 對不起...
我覺得如果係囡囡, 都會比較容易決定既...

如果係仔仔呢? 我仲未可以好肯定會選邊一間...
我只可以話, "經濟負擔"真係一個重點...當好認真地想選軒小時, 又怕會浪費左入讀好似宣小咁好既學校...
魚與熊掌也...

作者: overview 時間: 11-6-13 14:03 標題: 回復 5# workingmom 的帖子

朋友既仔留完班第二年男拔收左!

作者: redkoni 時間: 11-6-13 14:13

原帖由 cheben 於 11-6-13 13:49 發表

O, 對不起...
我覺得如果係囡囡, 都會比較容易決定既...

如果係仔仔呢? 我仲未可以好肯定會選邊一間...
我只可以話, "經濟負擔"真係一個重點...當好認真地想選軒小時, 又怕會浪費左入讀好似宣小咁好既學校... ...

其實男仔讀軒小的目標很清晰:皇仁書院,經濟負擔確是揀私校的考慮因素,不過很多中產囝囝仍然是揀讀軒小,皆因想讀皇仁.當然讀軒小也不能保證一定升讀皇仁.

作者: goodmama2003 時間: 11-6-13 17:22

提示: 作者被禁止或刪除內容自動屏蔽

作者: ok_ko 時間: 11-6-13 17:34

還是艱難的選擇。

歡迎光臨教育王國 (/)