教育王國
標題: 無良的幼兒學校 [打印本頁]
作者: joannalee88 時間: 11-6-10 09:37 標題: 無良的幼兒學校
觀塘某醫院內一間幼兒學校
我個friend個仔好慘，兩歲人仔，係呢間學校讀左一個月就換來嚴重受傷，要做全身麻醉手術，又要縫針，嚴重的話，會對日後有影響，小朋友身心都受到好大好大的創傷，真係好慘 ！
件事甘嚴重，學校當時居然無送小朋友到隔離的急症室，甚至在我個friend要求下亦無做到，等我個friend趕到去，自己抱住個仔跑去急症室，呢間學校簡直離晒大譜，好明顯唔想負責任 ！
學校事後打過電話交代事件，講埋一堆前後矛盾、疑點重重的說話，仲話學校無責任要負，將責任歸究於小朋友身上，無道歉，無悔意。講真，兩歲小朋友都仲係BB，大人唔顧佢安全，唔通叫佢自己照顧自己?!
學校一直都無探過個小朋友，甚至慰問電話都無，之後見到又扮見唔到，為人師表，真係太涼薄，點去教小朋友！
由於事件交左比律師處理，我個friend暫時好多野唔講得，但佢仲怪緊自己選錯學校害左個仔！
我身為好朋友，自己又有小朋友，真係忍唔住要寫出來，唔想其他家長將自己的寶貝交比一間唔安全又唔負責任的學校！
[ 本帖最後由 joannalee88 於 11-6-10 09:50 編輯 ]
作者: joeywongmy 時間: 11-6-10 09:46
提示: 作者被禁止或刪除 內容自動屏蔽
作者: 2PGirls 時間: 11-6-10 11:08
我都認同
作者: heungboy 時間: 11-6-10 14:10
我又確得氣難平時,呻兩句無壞者!!
作者: yaulinda 時間: 11-6-10 17:11
Hi joannalee,
Linda呀!
我都知道多少事件過程,
我真是覺得學校很過份,
校長超無愛心,
好鄧囝囝痛赤,
亦覺得替我哋個friend感到不公平,
希望囝囝早日康復,
其實做家長,
除了可以用法律尋求公道,
真係好無奈
作者: joannalee88 時間: 11-6-10 17:39
Linda,你好!
聽講你當初都有in呢間野，你真聰明，無揀到，無比騙人的華麗包裝厄左入去
不過，佢地一家就慘了，我越知得多細節，就越激氣，好難想像香港都有d甘既學校校長及老師！
作者: yaulinda 時間: 11-6-10 22:58 標題: 回覆 6# joannalee88 的文章
是你囡囡的照片嗎?
很夠斤兩啊
作者: yaulinda 時間: 11-6-10 23:08
一間學校好唔好?
無事無幹你未必感受到!
針吉到肉便知痛
作者: ababymami 時間: 11-6-10 23:35
無端端唔會唱衰間學校。真是針唔咭到肉唔知痛。樓主將事件發表，可以令家長選校時多一個考慮。
作者: Gungungun 時間: 11-6-10 23:45
如果樓主講o既係事實，唔係無中生有，生安白造，我覺得無問題wor，香港好多court case在開審或判刑之前都會被傳媒報導出來，受到市民廣泛討論o架啦
樓主講出o黎，可以比家長多一些資訊，唔駛好學校就大把人講，衰學校就無人知
雖然我o地係外人，唔知內情，但齋睇話學校無主動送嚴重受傷學生去急症室，就覺得學校行政差應變差，又無將小朋友安危放在第一位，點做幼稚園呀
作者: beanean 時間: 11-6-10 23:56
我都支持樓主講出嚟....等家長選擇時可以考慮下。
作者: littlecook 時間: 11-6-11 00:23
有無報警?
算唔算疏忽照顧?
家長唔在場,小朋友又唔識講,校方又可能會隱瞞,甚至講大話...若然真有其事,都未必告得入...但起碼都盡力攞返個公道,同埋比間學校/無良校長知道,唔係推搪就可以咁容易甩身既!
原帖由 joannalee88 於 11-6-10 09:37 發表 
觀塘某醫院內一間幼兒學校
我個friend個仔好慘，兩歲人仔，係呢間學校讀左一個月就換來嚴重受傷，要做全身麻醉手術，又要縫針，嚴重的話，會對日後有影響，小朋友身心都受到好大好大的創傷，真係好慘 ！
件事甘嚴重，學校當時居然無送 ...
作者: littlebobo08 時間: 11-6-11 00:50
如果個小朋友o係學校裏面發生意外, 學校唔係有責任架咩? 始終2歲人仔點識照顧自己呢? 呢間學校真係有點涼薄
作者: hagupit 時間: 11-6-11 04:02
好彩佢冇收我個囡
作者: coming331 時間: 11-6-12 18:52 標題: 回復 1# joannalee88 的帖子
可唔可件將件事講出黎或pm 給我？因為我也有小朋友將會入讀此校，已經交學費及訂了校服，現在很擔心啊 
作者: joannalee88 時間: 11-6-13 12:57
joeywongmy, 2PGirls:
無錯，我都怕影響單case，所以我唔會多講，亦都絕對唔會亂講
heungboy, yaulinda, ababymami, Gungungun, beanean:
我講件事出黎，係知道每個父母都當自己仔女係寶，當見到有人將其他小朋友當係草時，相信無人會睇得過眼
作者: joannalee88 時間: 11-6-13 13:01
原帖由 littlecook 於 11-6-11 00:23 發表
有無報警?
算唔算疏忽照顧?
家長唔在場,小朋友又唔識講,校方又可能會隱瞞,甚至講大話...若然真有其事,都未必告得入...但起碼都盡力攞返個公道,同埋比間學校/無良校長知道,唔係推搪就可以咁容易甩身既!
...
你講得對，"唔係推搪就可以咁容易甩身"，小朋友仲細，唔識亦無能力自己爭取，做父母就要為佢爭取公道，雖然過程又痛苦又漫長，但我地班friend一定撐佢地
作者: joannalee88 時間: 11-6-13 13:27
原帖由 littlebobo08 於 11-6-11 00:50 發表
如果個小朋友o係學校裏面發生意外, 學校唔係有責任架咩? 始終2歲人仔點識照顧自己呢? 呢間學校真係有點涼薄
件事係o係學校發生，但學校話無責任wor
假設我o係你屋企整親好大件事，雖然我係成年人，識得照顧自己，但作為屋主，相信你都會主動送我入醫院啦，就算唔識做，我開口叫到，你都會幫我叫白車掛 ... 但佢地無囉
仲搞到要做手術甘嚴重，你可能都會覺得自己有少少責任同唔好意思掛，真心定假意都好，之後都會問候幾句啦 ... 但佢地都無囉，責任就更加話無啦
作者: hahahaking 時間: 11-6-13 14:01
I wanna know the name of the school..
作者: Sumyeema1 時間: 11-6-13 14:06
間學校管理層真系差，完全唔識危機管理。
e + 小朋友好番未？
作者: coming331 時間: 11-6-13 15:26 標題: 回覆 17# joannalee88 的文章
可唔可以將件事件經過說出？
學校絕對有責任照顧小朋友在校內的安全。
因小兒已交留位費，因此希望了解多點....
作者: joannalee88 時間: 11-6-13 17:25
原帖由 coming331 於 11-6-13 15:26 發表
可唔可以將件事件經過說出？
學校絕對有責任照顧小朋友在校內的安全。
因小兒已交留位費，因此希望了解多點....
比著我都會好擔心，我都係媽媽所以好理解，但好抱歉，我真係唔可以講太多細節，如果你地家長有機會去問學校，學校一定準備左一個"潔淨版"的故事去應付你地，但信唔信就要自己決定
總之，個小朋友係o係學校出事，之後輾轉睇左幾個醫生，做過全身麻醉手術，縫左六針，呢d係事實，而學校處理成點，就算唔講到最detail，大家都一定覺得有問題
做父母無野求，比仔女返學除咗想佢地返得開心又學到野外，安全始終放係第一位
作者: joannalee88 時間: 11-6-13 17:30
原帖由 Sumyeema1 於 11-6-13 14:06 發表
間學校管理層真系差，完全唔識危機管理。
e + 小朋友好番未？
已經過左最痛苦時期，宜家小朋友既傷痕未必一眼睇得出，但我個菲傭見左個小朋友一陣都發現到，問完我之後仲話：學校點可以甘唔小心，個BB好慘
作者: yaulinda 時間: 11-6-13 23:00
很抱歉未能PM欲知詳情的家長,
BB盡快康復就好了
作者: chickenwing2006 時間: 11-6-16 14:34
我都係交左 9 月 n 1 留位, 講真佢收 $ 3900 / 全日班都叫唔平, 心理上估可能得全校 60 人 , 各樣成本當然會貴 d 啦 !!
希望你朋友個小朋友快 d 好番, 而學校應要多加留意小朋友既安全 !!
原帖由 coming331 於 11-6-13 15:26 發表
可唔可以將件事件經過說出？
學校絕對有責任照顧小朋友在校內的安全。
因小兒已交留位費，因此希望了解多點....
作者: 麥兜媽 時間: 11-6-19 09:24
原帖由 joannalee88 於 11-6-10 09:37 發表
觀塘某醫院內一間幼兒學校
我個friend個仔好慘，兩歲人仔，係呢間學校讀左一個月就換來嚴重受傷，要做全身麻醉手術，又要縫針，嚴重的話，會對日後有影響，小朋友身心都受到好大好大的創傷，真係好慘 ！
件事甘嚴重，學校當時居然無送 ...
我知講邊間 08年我堂哥個囝就讀呢間 我堂家姐係醫院入邊做 話聽聞間學校唔錯 入咗去讀
個囝有少少語言遲緩 唔知係咪咁ge原因 對個細路好差 聽堂嫂講 似任由佢自生自滅多D 堂嫂都去學校交涉幾次 最後轉校 宜家個細路開心好多
作者: bkbkmommy 時間: 12-5-10 16:49
我幫女搵緊學校，做緊少少research呀
我見哩間學校Facebook有家長話 "又有" 小朋友受傷，又話 "好似隔年就有呢D意外, 好似09 或10年, 都有家長在baby kingdom 訴說不滿"，又叫 "請校長用愛心說誠實話"，感覺上學校成日有意外，校長無愛心又不誠實
我之後search到哩個topic，更加覺得學校同個校長都好有問題！
我想confirm下係咪基督教聯合醫務XX幼兒學校呀？
如果係，我唔敢報哩間，但附近仲有無口碑好的全日制pre-nursery呀？
作者: fiona2003 時間: 12-5-10 17:35
開一個新account，再找回陳年舊聞，其實像插人一刀無分別!如果是我，學校有疏忽照顧令兒童受傷，其實可報警/向教局投訴/向辦學團投訴最公道，由道理和法律去處理!如果四圍唱人就唔多文明了!我自己也是一個教學工作者，最怕有家長以偏蓋全，因為一些個別問題而抹殺整個團隊! 以上為個人愚見!與上述任何組織﹑人仕絕無關係。
作者: Taloon 時間: 12-5-10 17:51
回復 fiona2003 的帖子
純粹路過而已，但...
1) 此主題日期為 2011-06，一年都未夠，唔算陳年舊聞。
2) 已發生 = 歷史，家長當會引以為鑑。
3) 如此新聞屬實，就唔係單單一個教師問題，而係學校對意外發生所作出既上報機際同處理有問題。相信唔少家長既小朋友都曾經係不同學校受過傷，但處理上應未至於情況嚴重到要做手術唔理。
4) 陳述事實同四圍唱人 (誣陷事實) 應該有分別啩?
有小朋友既家長，每每見這種新聞都會感同身受。
作者: alibabah 時間: 12-5-10 22:30
本帖最後由 alibabah 於 12-5-10 22:31 編輯
原先唔係好知邊間, 但細看原文再加web search, 學校已經不出那兩三間! Support yr legal action!
作者: 11B 時間: 12-5-10 23:02
正一衰學校 
By the way, 間school 喺醫院內?我估應該獨立位置及和醫院大樓有距離 but 個人感覺not feel good!
作者: bopoJune 時間: 12-5-10 23:04
Joannalee88:
聽到你的朋友囝囝遇到這件事都心痛，何況你同你的朋友？希望小朋友早日康復，聰明伶俐！
每位家長都希望自己的子女平平安安。支持你將事件講出黎，讓家長自己去觀察同了解。
作者: 叮噹媽媽 時間: 12-5-11 09:53 標題: 回覆：無良的幼兒學校
Support legal action!! 雖然唔係自己但聽到都肉赤！讀得幼稚園即係好細個啦，小學生都未必可以照顧到自己何況係兩歲！
希望小朋友快快康復，家長可以放心。
作者: mrs.yiu 時間: 12-5-13 00:38
我個囡嚟緊會返呢個機構辦嘅學校，有點擔心
作者: cat8141210 時間: 12-5-14 10:37
希望小朋友早日康復...
我幫個女報N班果陣都有報呢間幼稚園,
後來因為我老公嫌呢間學校係醫院入面,
最終連INTERVIEW都放棄左冇去...
聽到你咁講就更加驚...
多謝你SHARE你既資料出黎.
作者: Lovely_Babybaby 時間: 12-5-15 09:08
fiona2003 發表於 12-5-10 17:35 
開一個新account，再找回陳年舊聞，其實像插人一刀無分別!如果是我，學校有疏忽照顧令兒童受傷，其實可報警 ...
都見好多家長力撐校長同讚揚老師的付出.
都係自己衡量下好.
作者: klm402 時間: 12-5-15 09:12
嘩......樓主朋友個小朋友依家點呀. 好想知道係邊間學校呀.
作者: bkbkmommy 時間: 12-5-15 11:12
談幼兒園果邊有人介紹間學校，post埋FB條link，我先入去睇咋，點知有家長爆話又有意外唧
如果知情人士/受害者無講出來，我地鬼知，而且觀塘得幾間全日N，無做research就好易中招
間幼稚園多意外，唔關學校事，唔通關風水事麼
作者: cat8141210 時間: 12-5-15 11:56
平心而論...有冇呢件事都好,
如果真係交左比律師處理既話...
照理想說...
最好就唔好再討論了...
對當事人,對幼稚園,對校長,對老師同埋對大家家長都公平...
個人意見,不喜勿插...
作者: Taloon 時間: 12-5-15 12:05
當事人當然唔好再討論，但其他家長都可以繼續傾談。
表面黎睇，一個兩歲小朋友係校園入面發生嚴重意外至要全身麻醉做手術，我個人認為已經不能接受。
作者: chinhung 時間: 12-5-27 14:51
回復 fiona2003 的帖子
老師一定幫自己友。但香港確有唔少呢D 無良校長同老師.紅磡黃埔有間幼稚園入面的校長同老師都如摟主所講無愛心，每日返校都係為兩餐。小朋友的死活。你自己攪掂。最叻就係射博。呢間叫保良局譚xxxx幼稚園。都唔駛唱衰，大家都係將自己見到的真相講出來。
作者: pingulolo 時間: 12-5-28 00:33 標題: chinhung 的帖子
保良局這間有什麼問題？因為我朋友女兒今年9月讀K1，佢返工嘅，可能唔太清楚。
作者: chinhung 時間: 12-5-28 20:12
回復 pingulolo 的帖子
講呢間袞就十年都講唔完.校長時時都笑騎騎。但你同傾完計，就會知道校長原來係蛋散，D 所謂老師更加唔駛講，Sorry 愛心 我真係睇唔到班老師有，總括而言，你要有幾袞的人版，都可以係呢間袞入面班老師同主任可以搵到和睇到及感受到。
作者: jlbb1 時間: 12-5-29 14:23
提示: 作者被禁止或刪除 內容自動屏蔽
作者: chinhung 時間: 12-6-4 19:54
請問保良局譚xxxx幼稚園d 老師/ 校長有咩問題? 我都好想小朋友入讀, 而 + 仲寫緊叩位信, 謝! ...
查看詳情»
RedBean_0509 刪除 是否你小朋友曾讀過, 親身經歷不好的事? 可否略講一二吖? ... 5 天前
是否你小朋友曾讀過, 親身經歷不好的事? 可否略講一二吖?
查看詳情»
RedBean_0509 刪除 紅磡黃埔保良局譚xxxx幼稚園 6 天前
想一次過直接公開回應兩位，衰嘢唔駛收抽呢講，都係老生常談，放學時，走去學校睇下D老師德相，信自己直覺，其實你地帶仔女面試時都應該觀察到D嘢，＂愛心＂呢様嘢係扮得一時，唔扮得一世，如果兩位係鐘情呢間衰嘢。我講到幾衰都應嚮唔到你地的選擇。再講如果兩位係老師，你會做到班衰嘢咁衰。係香港呢衰嘢入面的校長同老師都係教育界的人中之龍，眞係衰中之最，教育界之＂恥＂。
作者: MINI1601 時間: 12-6-5 16:35
我都同意樓主 post 出來比大眾家長知道, 因為學校跟急証室係超近, 抱都抱到過去啦啦隊 而小朋友係傷到要全身麻醉做手術咁嚴重, 學校都唔肯送佢去急証室,
一句講晒 : 學校點講都唔通
:
作者: Luiluichu 時間: 12-6-6 13:44
睇完後覺得學校無責任感, 最希望小朋友快D好番...
| 歡迎光臨 教育王國 (/) |
Powered by Discuz! X1.5 |