教育王國

標題: 細個時自傾，大個會點？ [打印本頁]

作者: wong503041 時間: 11-6-8 23:45 標題: 細個時自傾，大個會點？

想問問大家：

1.有冇細個評為自傾，大個再評就變為自閉？多唔多呢種情况？

2.有冇細個評為自傾，大個變得正常？

想聽D真實個案，CHEER UP吓！

作者: kelvin_hmlau 時間: 11-6-9 00:34 標題: 回復 1# wong503041 的帖子

2. 小兒細個被評為自閉症, 希望幾年後會評為正常!

作者: wah37 時間: 11-6-9 09:45

提示: 作者被禁止或刪除內容自動屏蔽

作者: Capricorn2521 時間: 11-6-9 11:21 標題: 回復 2# kelvin_hmlau 的帖子

6歲前被評自閉"症" ?

作者: kelvin_hmlau 時間: 11-6-9 12:09 標題: 回復 1# Capricorn2521 的帖子

係, 寫在報告中的係自閉症, 大小肌, 言語有delay, 智能正常無delay. 其實真係好感謝CAC個醫生, 沒有含糊地比自傾或發展遲緩.

作者: szeszes 時間: 11-6-9 13:37

我仔今年2月尾, 係 CAC 評估寫: 自閉特徵 (言語理度表達弱, 社交溝通弱, 狹窄興趣 - 對數字特別有興趣 [但不是數資優])

咁我3月初即比佢返言語治療, 前後剛10堂, 言語治療講, 見左我仔10次, 我仔唔會係A仔 (自閉仔), 因為我仔好有眼神交流, 一去到唔識表達時, 就立即望住治療師, 等人提答案; 同埋我仔會主動分享一些事比治療師聽; 佢地叫我等仔仔過1-2年後, 再去做評估, 出來 result 一定唔同

所以, 我從不放棄, 繼續鼓勵佢, 仲比多些活動班佢上 (一般既興趣班, 足球訓練班, 佢仲好愛踩 roller, 比多些同小朋友溝通及一齊玩)

經呢2個月既不停鼓勵, 不停同佢分享好多些, 講好多野, 佢而家好自動分享學校發生既事件比我聽, 又會分享返比助教老師聽 (我仔好驚班主任, 所以任何野都係講比助教聽)

最鼓舞既事係:
我仔仔派唔入第一志願既小學, 但係佢叩門成功, 校長即收佢

我真係估佢唔到, 因為校長對我仔既 COMMENT: -
你仔仔好精靈醒目, 對答講野好快, 不過計數仲快
校長比一些手眼協調既玩具佢玩, 快到 (校長出去校務處叫我入房既時間, 30步左右), 就已經完成; 之後校長比另一個佢玩, 佢好有耐性及 EQ 玩, 玩唔到都無發脾氣
** 成個叩門 interview, 係亞仔單獨見校長既, 係校長 confirm 收佢, 先叫我入房, 睇到佢玩緊手眼協調既玩具

作者: szeszes 時間: 11-6-9 13:45

你仔咁細都直接寫 “自閉症”

我仔5歲11個半月先係 CAC 做評估, 心理學家都係寫: 自閉特徵

但有美國既專家同我講, 總之一日未收精神科醫生既報告, 都不能確實; 因為心理學家只係按一些數據來分析, 當中係有大約 10幾個 % 誤差

雖然, 就算我仔係唔係有自閉症, 我自己都一直鼓勵佢, 比多些機會佢, 同埋專心訓練佢言語表達及溝通; 而家佢已經可以係 M記自己叫野食, 去 MTR 務票中心增值

仲有天天回家都好似發籠雀咁, 講返學校既事出來; 佢仲識同老師分享, 佢昨天先同老師講:
我可以係 XX小學讀書啦!! 校長即時收我既; 我之前失敗, 今次成功左, 好開心!

原帖由 kelvin_hmlau 於 11-6-9 12:09 發表
係, 寫在報告中的係自閉症, 大小肌, 言語有delay, 智能正常無delay. 其實真係好感謝CAC個醫生, 沒有含糊地比自傾或發展遲緩.

作者: kelvin_hmlau 時間: 11-6-9 14:25 標題: 回覆 1# szeszes 的文章

弓起喎, 係唔係之前PM 我果間心儀小學呀?

我諗你個仔都係有少少言語問題吧! 未必係自閉, 或者注意下同輩的溝通同協調.

我仔當時係中好多A仔point: 鸚鵡學舌, 固執, 自轉, 摸
牆, 睇風扇等. 評自閉症都好合理.

小兒始終起步點較後, 現在K2只可做到一問一答, 未能主動講返學校既事.

作者: szeszes 時間: 11-6-9 14:40

係呀!! 叩門入到呢一間 "心儀小學", 佢得10個叩門位, 仲即時收左我地既 "小一入學註冊証"

ic~~ 原來你小朋友比較多自閉 point

加油努力, 比多些心機及鼓勵佢地啦!! 只要係智商正常, 好多野都可以糾正

原帖由 kelvin_hmlau 於 11-6-9 14:25 發表
弓起喎, 係唔係之前PM 我果間心儀小學呀?

我諗你個仔都係有少少言語問題吧! 未必係自閉, 或者注意下同輩的溝通同協調.

我仔當時係中好多A仔point: 鸚鵡學舌, 固執, 自轉, 摸
牆, 睇風扇等. 評自閉症都好合理.

小 ...

作者: kelvin_hmlau 時間: 11-6-10 10:01 標題: 回覆 1# szeszes 的文章

好叻仔呀, 10個位都入到!!

係呀, 經過2年努力, 好多自閉野都無左. 另外E位機構評估後好多野都已經達標, 只剩言語理解比較差.

最近都有興趣同其他小孩玩, 只係社交技巧不足. 當然仍有其他核心問題處理中.

作者: ttlucky0303 時間: 11-6-11 23:31

szeszes,

可否PM我邊間小學...

作者: Ronnie1213 時間: 11-6-16 20:54 標題: 回復 2# kelvin_hmlau 的帖子

can u share what u hv done in these 2 yrs to bring the big improvement? my son is also diagnoized with autistic features recently and he is 3 yrs old.

作者: kelvin_hmlau 時間: 11-6-20 18:01 標題: 回覆 1# Ronnie1213 的文章

其實我並無妙計, 亦無幸運之神眷顧, 期望的"大大下無事"並無出現. 無助的情形同一般自閉家庭一樣: 外出吃飯成張檯面食物全掃掉起碼三次, 每日數次擲物及瞓地, 經常尖叫.

或者係我係亂打亂撞下認識左一套方法叫RDI, 對提昇自閉兒動力智能有幫助. 當佢處理到一d多變環境, 情緒亦好了很多. 不過社交技巧有待提昇.

另外努力試同ABA都值得了解一下.

作者: JJran 時間: 11-6-22 12:32

原帖由 kelvin_hmlau 於 11-6-20 18:01 發表
其實我並無妙計, 亦無幸運之神眷顧, 期望的"大大下無事"並無出現. 無助的情形同一般自閉家庭一樣: 外出吃飯成張檯面食物全掃掉起碼三次, 每日數次擲物及瞓地, 經常尖叫.

或者係我係亂打亂撞下認識左一套方法叫RDI, ...

我都報左9月份開班的努力試, 囝囝理解能力同認知力唔係幾好, 教得都幾辛苦同有時很氣餒

作者: Ronnie1213 時間: 11-6-25 20:58

thank you for yr sharing. is yr son at K2? my son is going to a social class and there is good progress for his social skills, speech and other behavior. i can PM u if u want the centre's name. it is for kids under aged 6.
on the other hand, did u join 努力試 program and how do u find it?

原帖由 kelvin_hmlau 於 11-6-20 18:01 發表
其實我並無妙計, 亦無幸運之神眷顧, 期望的"大大下無事"並無出現. 無助的情形同一般自閉家庭一樣: 外出吃飯成張檯面食物全掃掉起碼三次, 每日數次擲物及瞓地, 經常尖叫.

或者係我係亂打亂撞下認識左一套方法叫RDI, ...

作者: Capricorn2521 時間: 11-6-27 10:17

其實我都要多謝kelvin_hmlau ，他於一年前提醒我s位可能只能訓練孩子規律地聽指令，而不懂改變，不能適應其他環境，並介紹RDI。於是我就去圖書館借書，上網搵資料及去youtube睇人地點做。雖然我冇詳細研究，但我明白了RDI的理論後，觀察一下自己個仔係什麼階段，用自己的方法去做，其實我都吾知自己做得啱吾啱，但係呢個理論比咗我一個方向。

作者: kelvin_hmlau 時間: 11-6-27 14:39

Ronnie1213, 請PM 我 social class資料, 謝謝. 小兒現在N3 (即K2), 過完暑假就上N4了. 果時買左兩本"努力試" 書, 知道佢係一個比較有系統的方法, 後來社交班一個媽咪都有推薦.

Capricorn2521, 不用客氣. 從你們S位媽咪身上, 我都學到成功與否同E/I/S 位無特別關係.

作者: autunmbb 時間: 11-6-27 15:42

原帖由 Capricorn2521 於 11-6-27 10:17 發表
其實我都要多謝kelvin_hmlau ，他於一年前提醒我s位可能只能訓練孩子規律地聽指令，而不懂改變，不能適應其他環境，並介紹RDI。於是我就去圖書館借書，上網搵資料及去youtube睇人地點做。雖然我冇詳細研究，但我明白了RDI的理論 ...

有關RDI, 有冇網站或都youtube片可以介紹一下？

作者: wong503041 時間: 11-6-27 22:26

可否detail D講吓"努力試"？

作者: Capricorn2521 時間: 11-6-28 11:10

其中我最有印象的是：
1) 圖書館借來的”解開人際關係之迷”
2) Play Project
http://tw.myblog.yahoo.com/ms0901/archive?l=f&id=12
3) bk媽咪介紹的一套三十年前講自閉症的舊西片
4) Youtube 有 Jade's Son-Rise Program Journey: Autism Recovery

其實你可以在youtube打RDI/Play project/Son-rise program 去了解一下。這些都是教我們如何跟自閉孩子建立關係，從而帶他們走出自封的世界。

希望資料可給你一個方向。

原帖由 autunmbb 於 11-6-27 15:42 發表

有關RDI, 有冇網站或都youtube片可以介紹一下？

[ 本帖最後由 Capricorn2521 於 11-6-28 14:19 編輯 ]

作者: wcbaby 時間: 11-6-28 11:45

我個仔而家3歲多, 係舊年8月左右發覺佢開始有問題EG,唔講野, 唔望人, 同人玩會咬人,
比左佢番私人S位大半年, 講到簡單短句, 開始同同輩玩, 老師提議佢可以番出去D幼稚園, 而家佢就番緊N班, 9月會番I位都係個間幼稚園, 而家我仲有比私人ST佢上, 都係抱住希望佢大D就會好D既心態.....

CAC醫生都唔肯確定佢係唔係A, 張個波拋比精神科處理,而家仲排緊, 不過係唔係都好, 我地都會一樣咁愛佢

:

大家一齊ADD OIL !!!!!!!!!!

作者: purplechung 時間: 11-7-12 17:06

原帖由 wcbaby 於 11-6-28 11:45 發表
我個仔而家3歲多, 係舊年8月左右發覺佢開始有問題EG,唔講野, 唔望人, 同人玩會咬人,
比左佢番私人S位大半年, 講到簡單短句, 開始同同輩玩, 老師提議佢可以番出去D幼稚園, 而家佢就番緊N班, 9月會番I位都係個間幼稚 ...

我個囡2.5歲評估左有自閉傾向, e+返緊普通學校N1, 老師都有投訴亞囡咬人, 都唔知點做好?
可否告訴我你囝囝返邊間私人S位? 讀成點? Thanks!

作者: lokjoan 時間: 11-7-13 01:13

我囝囝今年升k2，語言和認知沒問題，但非常固執，脾氣很大，成日明知故問，要你答佢，又會鸚鵡話，社交差，唔乜睬人，坐唔定，陌生人望住佢會警。請問應該上什麼training啱佢？謝謝！

[ 本帖最後由 lokjoan 於 11-7-13 01:16 編輯 ]

作者: wcbaby 時間: 11-7-13 10:37

purplechung,

你女女講野點AR, 我覺得係因為佢表達唔到先去用咬人來處理, 仔仔而家少左好多, 但間唔中都有1,2次老師打黎, 佢講野同表達都遲人地半年-9個月, 好多野都唔識表達, 行為就自然差啦....

佢之前係番耀能...

lokjoan,

你仔仔番緊k2, 有無排緊i位e位呀???

作者: purplechung 時間: 11-7-13 11:36

原帖由 wcbaby 於 11-7-13 10:37 發表
purplechung,

你女女講野點AR, 我覺得係因為佢表達唔到先去用咬人來處理, 仔仔而家少左好多, 但間唔中都有1,2次老師打黎, 佢講野同表達都遲人地半年-9個月, 好多野都唔識表達, 行為就自然差啦....

佢之前係番耀能. ...

亞囡只係肯講bye, thankyou.
爸爸, 媽媽, 大小便都未肯講, 鐘意自己玩, 唔望人 ... ...
耀能一個月都唔平, 唔知點解政府唔興建多d呢類學校幫助下有需要既小朋友, 等佢地可以快d追返d進度.
妳咁快排到位啦! 社工話要等一年, 亞囡評估完都要去排精神科, 都係等一年, 應該係用黎做統計紀錄, 津貼就批左3年.

作者: wcbaby 時間: 11-7-13 15:54

purplechung,

佢入耀能之前係唔肯講野架, 入左去之後, 開始有少許句子, 所以我都覺得幫到佢........
佢係舊年排i位, 黎緊會入i位幼稚園k1喇, 而家佢仲有上緊st........

btw精神科都係排到出年要有得睇.....

作者: lokjoan 時間: 11-7-14 01:15 標題: 回復 3# wcbaby 的帖子

今年派到i位，嚟緊八月返學，但擔心i位無乜用，因為一個老師要對咁多學生。

作者: wcbaby 時間: 11-7-14 10:45

lokjoan

擔心實有架喇, 到時睇情況再見步行步啦

add oil!!!!!!!!!!

歡迎光臨教育王國 (/)