教育王國

標題: 求教：家長唔識彈琴，如何陪子女練琴？ [打印本頁]

作者: Sumyeema1 時間: 11-6-8 16:30 標題: 求教：家長唔識彈琴，如何陪子女練琴？

我自己唔識彈琴，見到五線譜就頭都暈。女女開始學琴，老師要求她練琴。

問題系，我都唔知女女彈得岩唔岩。

請教各位家長，你地點樣做？

作者: ok_ko 時間: 11-6-8 17:13

陪女女一齊上堂。如果可能，上堂時拍埋video。或者等女女大D先學。

作者: Sumyeema1 時間: 11-6-8 17:41

原帖由 ok_ko 於 11-6-8 17:13 發表
陪女女一齊上堂。如果可能，上堂時拍埋video。或者等女女大D先學。

我女都系 5 歲幾開始學琴。

可能真系要考慮同女女一齊學。

作者: w_y 時間: 11-6-8 19:33

我陪佢一齊上課, 不過我本身有二級程度. 一人學費二人學 . 我呢位老師無加錢, 仲極之鼓勵我入埋去一齊, 話咁樣進度快D. 同時我完全唔識小提琴, 而家都學緊, 都係為左方便遲下"監督"孩子. 總之佢要學乜樂器, 我都會"死跟"!

[ 本帖最後由 w_y 於 11-6-8 19:36 編輯 ]

作者: ilovethiscow 時間: 11-6-8 22:07

提示: 作者被禁止或刪除內容自動屏蔽

作者: Camom 時間: 11-6-8 23:34

原帖由 Sumyeema1 於 11-6-8 16:30 發表
我自己唔識彈琴，見到五線譜就頭都暈。女女開始學琴，老師要求她練琴。

問題系，我都唔知女女彈得岩唔岩。

請教各位家長，你地點樣做？ ...

我都唔識彈琴，阿囝最初喺音樂班學五線譜時，佢上堂之前我會攞佢本書嚟睇吓，備吓課；落堂之後喺屋企坐喺佢隔離陪佢練習，佢睇唔明嘅音同佢一齊喺五線譜上逐條線數番出嚟。到宜家阿囝睇譜基本上無問題，我陪佢練琴時主要係提吓佢Ｄ手型，指法，拍子﹠大細聲（根據琴書﹠老師嘅notes)，so far效果都唔錯。有時遇到Ｄ問題阿囝又唔記得老師上堂點講，咪叫阿囝寫低/記住下堂再問老師囉。

作者: 鬆弛維尼 時間: 11-6-9 00:47

上親子班啦~一起玩又可以一起學.

作者: 音樂人長老 時間: 11-6-9 09:51

樓主如果都係睇唔明琴書，可以當補習咁請個附近住彈琴大哥哥或姊姊陪練一陣先，樓主又可以偷下師，女女適應咗就自己練，到時妳只要提點下就得。

作者: miffy 時間: 11-6-9 11:41

提示: 作者被禁止或刪除內容自動屏蔽

作者: id00288 時間: 11-6-9 12:05 標題: 回復 1# miffy 的帖子

為人父母, 要我死先,我都心金情願,

作者: miffy 時間: 11-6-9 12:53

提示: 作者被禁止或刪除內容自動屏蔽

作者: w_y 時間: 11-6-9 13:34

所以咪話係"死跟"!
跳舞你想入都未必有得家長入既, 想死都唔係咁易有得死. 最多去睇下表演一齊研究下. 佢想拉我條筋我真係會死. 做父母都要識放手. 不過講緊5 歲初學琴, 有父母伴學, 效果係會好D, 進度又會快D. 老師係教學, 我地係提點下, 順便等佢有個 "對手" 學習有動力, 學到咁上下小朋友提返大人就真.

作者: ok_ko 時間: 11-6-9 14:45

我明白。但小孩大D先學就不用死。

原帖由 id00288 於 11-6-9 12:05 發表
為人父母, 要我死先,我都心金情願,

作者: daisy17772 時間: 11-6-9 15:12

It's different when talking about learning a musical instrument. The key of learning an instrument is:..............Practice. While for other subjects, e.g. languages, which they could learn it thru other means e.g. multimedia programs. To encourage more practices, one needs motivation. Certainly at small age, motivation from parents are definitely a "bonus". Practice a lot really needs one to have more endurance, encouragements, recognition. It's really long road to learn an instrument. For languages, they could just listen more and speak it more everyday. For sports, they could play it with other children.

作者: ohmygosh 時間: 11-6-9 15:26

不用過份擔心

我絕大部份學生的家長都不懂音樂﹐但如果孩子年紀真的比較小的話﹐我會建議家長陪同上課﹐可以跟緊少少﹐起碼能多認識一點﹐了解孩子學琴時會遇到的困難和解決方法﹐有助回家後小朋友練琴時在旁提點﹐學習的進度也會好一些。

不過就算家長未能陪同上課也不要緊﹐因為作為老師都一定會教到個學生明為止﹐一定會令他做到為止﹐但家長一開始都需要和孩子訂下每天練習的時間﹐並嚴格執行﹐養成良好的練習習慣﹐有助打好基礎。

原帖由 Sumyeema1 於 11-6-8 16:30 發表
我自己唔識彈琴，見到五線譜就頭都暈。女女開始學琴，老師要求她練琴。

問題系，我都唔知女女彈得岩唔岩。

請教各位家長，你地點樣做？ ...

作者: Charlotte_mom 時間: 11-6-9 15:30

你有無唸過, 幾歲人仔可以學識既野, 點解大人學唔識?

我就係一個廿四孝阿媽, 我無同個女一齊學, 但我自學樂理(買書學), 由點樣用手指公去彈MIDDLE C開始, 咩叫4拍2拍1指, 咩叫一個BAR, 我就唔信4歲學到既野, 我會學唔識
(當佢唔識時, 你話自己都攪唔掂, 叫佢下星期至問老師, 又由零開始, 好可憐姐)

有時扮下蠢, 叫佢教下你, 陪佢一路練, 直到你覺得應付唔到, 都係時候功成身退了

作者: Sumyeema1 時間: 11-6-9 16:39

Charlotte_mom, 你自學本樂理書，可以話我知書名嗎？

講真，我女 5 歲幾開始學琴，以 e+ 家長個標准，算遲。

阿女理解能力唔錯，最緊要系佢求左我好耐，我地覺得佢真系想學琴，先報名系琴行跟老師 1:1 學。 e + 岩岩完成基礎班（1）課程，仲有2 & 3, 之后可以考 G2. 我地屋企仲未買琴，e + 系琴行練琴，所以我真系要睇下阿女 d 琴書，起碼明白佢學左 d mug.

我自己學琴 -- 難 d, 一來，自己興趣不大，二來，年紀大手指都硬晒。還是陪太子讀書吧。

多謝各位。

作者: kfy 時間: 11-6-9 18:07

加油呀!你一定得架。
我都認為你不用自己去學琴，反而學D樂理仲有用，學識睇譜就得啦。
小朋友最初學琴的毛病都係姿勢同拍子不準，尤其拍子，大人會比小朋友易掌握，你唔洗識彈琴都可以提到佢架。
好多運動員身邊一定有 coach，coach 未必比運動員叻，但佢知道運動員的進度，諗下每日應該點練習，我覺得小朋友學琴都好需要一個 coach，媽媽係一個好好的 coach，如果真係唔得，可以每個星期加多一堂見老師，都有幫助的。

作者: birdbird 時間: 11-6-9 20:49

原帖由 kfy 於 11-6-9 18:07 發表
加油呀!你一定得架。
我都認為你不用自己去學琴，反而學D樂理仲有用，學識睇譜就得啦。
小朋友最初學琴的毛病都係姿勢同拍子不準，尤其拍子，大人會比小朋友易掌握，你唔洗識彈琴都可以提到佢架。
好多運動員身邊一定有 coach，c ...

agree, 家長學樂理, 學睇譜比起學琴更能有效地幫小朋友. 小幫友練琴, 家長都知道個音係o岩 or 錯, 拍子準唔準.如果想小朋友事半功倍, 最好上堂時睇住老師點教, 知道自己小朋友有咩毛病竟返屋企改正佢地. 有家長監場練琴的小朋友, 進步係會比小朋友自己一個練的為快.

作者: iantsang 時間: 11-6-9 21:07

sumyeema,

I guess you will have to try to learn at least how to read the sheet music by yourself first (you should be able to learn it online), it's no harm and really not that difficult. You probably cannot help her with the fingering unless you also learn piano yourself. But frankly, probably parents like us is a bit too old now..... (may be you are younger!)

My wife also know have zero music sense too but she attend JMC with my daughter and she has also started piano lesson recently (we are just as late but Tom Lee is more stricter on age). So far the progress is quite good as the piano teacher keep telling us she is pushing faster (we only startd 1.5 months ago). I guess my wife learn a bit basic from JMC so she can still manage to help our daughter. I never learn piano too but have grade 2 violin (hehe, almost 30 yrs ago) and played in a rock band during high school so at least reading and listening is ok. I guess nowadays we as parents are learning again with our kids!

Let's work hard!

原帖由 Sumyeema1 於 11-6-9 16:39 發表
Charlotte_mom, 你自學本樂理書，可以話我知書名嗎？

講真，我女 5 歲幾開始學琴，以 e+ 家長個標准，算遲。

阿女理解能力唔錯，最緊要系佢求左我好耐，我地覺得佢真系想學琴，先報名系琴行跟老師 1:1 學。 e + 岩岩完成基礎班（1）課 ...

作者: miss321 時間: 11-6-9 22:18

如果6歲以下學琴，有家長陪係好好多，其實家長的角色係陪伴，俾D鼓勵小朋友，睇下老師俾咩功課，提醒小朋友。不過初級書大人睇下就明，大概會知道拍子同音的概念。有個媽咪講得好岩，佢同我講要放手俾小朋友自己攪店，唔得唔識再問老師，唔可以太依賴家長，好似功課咁，要忍手唔好教，so far 佢小朋友又真係幾自律喎。

作者: Flying-Man 時間: 11-6-10 08:56

我由囡囡第一日上 piano 堂就陪佢上,坐係琴老師屋企張梳化睇住,聽住琴老師教琴,一坐就坐咗4年半.我本來完全唔識睇豆豉,數拍子,到可以應付到囡囡而家學緊嘅野(除咗做唔到落手落腳彈琴),而囡囡練琴時可以提醒佢要注意既地方.而家個囝囝學琴,我就跟得輕鬆好多,因為我已有底,囝囝既進度比囡囡當年快一倍,相信我呢個"家長"唔多唔少都有 d 功勞!

仔女係自己既,細個時唔陪佢,唔同佢經歷(無論學佢鍾唔鍾意既野,學佢識唔識既野都好),唔通等到佢牛龜咁大先陪佢咩?佢牛龜咁大都唔使你陪啦!

作者: miffy 時間: 11-6-10 09:14

提示: 作者被禁止或刪除內容自動屏蔽

作者: ling1211 時間: 11-6-10 10:52

原帖由 Sumyeema1 於 11-6-8 16:30 發表
我自己唔識彈琴，見到五線譜就頭都暈。女女開始學琴，老師要求她練琴。

問題系，我都唔知女女彈得岩唔岩。

請教各位家長，你地點樣做？ ...

其實真係唔使擔心,我自己都係對音樂乜都唔識架,開頭都好驚日日要陪佢練點攪

所以我一開始就同導師講明我真係唔識,而導師就喺每堂完後講我知今日教左乜,教我應點再教導她

我囡3y8個月開始學,而家4y半,暫時我都應付到,仲連帶我都學識睇5線譜同都弹到D歌仔架....哈哈

作者: ling1211 時間: 11-6-10 10:53

其實真係唔使擔心,我自己都係對音樂乜都唔識架,開頭都好驚日日要陪佢練點攪

所以我一開始就同導師講明我真係唔識,而導師就喺每堂完後講我知今日教左乜,教我應點再教導她

我囡3y8個月開始學,而家4y半,暫時我都應付到,仲連帶我都學識睇5線譜同都弹到D歌仔架....哈哈

作者: ahmiii 時間: 11-6-10 11:12

其實你女女都算係初學琴，如果你想學基本樂理可以找回佢學琴用的第一本書，裡面會有基本樂理，介紹五線譜，拍子，一些音樂術語。而且一路學上去，頭一兩級用ge書通常每次有一些新野學ge時候，都會有個 "tips" or explanation 係上面。呢個方法唔似樂理書咁長篇，不防一試。

不過點都好，我成日都會同家長講要用欣賞ge態度叫學生練琴，責罵得多，學生會怕，亦會減少興趣。當然老師的引導能力亦很重要。

作者: lillymarie 時間: 11-6-10 11:25

我自己本身識少少, 所以一直陪兩個囝練琴. 不過後來發現我識少少有個唔好既地方, 就係有時會比老師更嚴格, 要求更高. 老師會好過我, 因為佢教好多小朋友, 知道邊D位要嚴格, 邊D地方可以等一等. 有時理論好明白, 但要對手仔做得完美, 真的需要時間. 我自己只係聽, 但無去彈或拉, 就未必明白佢地的難處.

記得細囝有首歌, 我睇份譜就覺得好容易. 但老師就解釋我知, 首歌對囝囝來說係有挑戰性, 因為裏面有些技巧佢要去掌握.

所以, 我現在會陪囝囝上課(8歲), 幫佢記低練習重點. 陪佢練琴, 每次都提下佢"呢首歌老師要你練乜野呀?". 囝囝每拉完一次, 都會問我: 我拉得好唔好呀? 我99%都會話: 非常好!

進度真係會慢D既. 以前我執好哂佢地先去上課, 老師係100%滿意的. 當我無再跟佢地時, 有些技巧, 佢地自己的確要多幾堂時間去明白和掌握. 好似昨日, 細囝有首歌就過唔到關, 要繼續練多陣. 囝囝聽到老師話唔收貨, 都眼濕濕. 我都諗緊好唔好幫佢呢? 如果係佢自己練而被老師讚, 個種喜悅係難以形容. 每次老師讚佢拉得好, 囝囝真的笑到見牙唔見眼!

作者: daisy17772 時間: 11-6-10 13:54

原帖由 miss321 於 11-6-9 22:18 發表
如果6歲以下學琴，有家長陪係好好多，其實家長的角色係陪伴，俾D鼓勵小朋友，睇下老師俾咩功課，提醒小朋友。不過初級書大人睇下就明，大概會知道拍子同音的概念。有個媽咪講得好岩，佢同我講要放手俾小朋友自己攪店，唔得唔識再問老 ...

Side track a bit here, sorry. May I ask how do you let go your kid's homework to herself while she could still keep a good grade in her school work? AS for my girl's school, teachers just don'thave time for them to ask questions in the school, they have to submit the homework when the lessons start. So if my child doesn't know how to do it, basically parents have to teach them to do the homework , unless we never mind of the grade.

thanks

[ 本帖最後由 daisy17772 於 11-6-10 13:55 編輯 ]

作者: 音樂人長老 時間: 11-6-10 16:24

唔好意思我都嚟side-track一下，我姪仔小六，學校老師唔教課文因為知課堂時間無可能教得哂，索性只做同課文有關嘅練習冊，但考試就考課文，阿哥唯有做埋老師個份，唔通要個11歲嘅小朋友自修咩。

我負責教佢音樂都發覺最多教到一半，好彩唔係主科，老師有啲良心無教就唔考。

家長唔play part of the role點應付到而家嘅教育系統。

[ 本帖最後由音樂人長老於 11-6-10 16:26 編輯 ]

作者: ok_ko 時間: 11-6-10 16:37

E個情況,我當年讀書時,中三才出現。我其實覺得是好事。但把把這方法放在小五，就有些小問題。不是所有小五生都能自律和自學。

原帖由 音樂人長老 於 11-6-10 16:24 發表
唔好意思我都嚟side-track一下，我姪仔小六，學校老師唔教課文因為知課堂時間無可能教得哂，索性只做同課文有關嘅練習冊，但考試就考課文，阿哥唯有做埋老師個份，唔通要個11歲嘅小朋友自修咩。

我負責教佢音樂都發覺 ...

作者: Sumyeema1 時間: 11-6-10 17:51

小朋友還沒有能力管理自己的時間，我不會放手讓他/她自生自滅。

最近見過一個例子，一位P5 生考呈分試，家長竟然不知道考試范圍，我都[鄧]他擔心。

作者: 音樂人長老 時間: 11-6-10 20:04

學校為咗成績真係奇招百出，我有個小三學生，大考前會全部科目做一次mock exam，成個考試process超過3星期

，我覺得佢好似準備緊文憑試(而家無會考)不過提早咗9年。

我本身贊成小朋友要自理但都睇情況而定，當現今小學教學形式疑似一間中學時，家長無法唔扶仔女一把，循循善誘可能只係電視劇劇情

。小五有呈分試要搏命，學生上堂嘈會被老師叫去另一間房坐唔好阻住同學，中學仲簡單，完成法定規定後嗰啲會拉低學校成績或操行唔好就踢走，某區童黨橫行呢個係直接原因。

我個人意見父母做得幾多就做，仔女讀書彈琴搞唔掂唔好怕俾人笑，上嚟chat集合眾人智慧解決問題，小朋友開始上學家長就要睇實，make sure佢哋明白學咗咩嘢，小學基礎打唔好上到中學先後悔就太遲。以上說法係我個人意見，唔啱聽請見諒。

作者: kfy 時間: 11-6-11 00:48

原帖由 lillymarie 於 11-6-10 11:25 發表
我自己本身識少少, 所以一直陪兩個囝練琴. 不過後來發現我識少少有個唔好既地方, 就係有時會比老師更嚴格, 要求更高. 老師會好過我, 因為佢教好多小朋友, 知道邊D位要嚴格, 邊D地方可以等一等. 有時理論好明白, 但要 ...

我自己都係識少少啦，五級琴＋五級樂理。我好慶幸我可以幫到囡囡練琴，又可以同佢一齊合奏，又可以一齊聽 concert 聽 CD。這些是好難得的親子經驗啊。
而因為我自己識，我會比較明白小朋友的難處，分享自己的經驗。D技巧我以前都練過，知道有幾難，我本身都係好高要求，但會較有同理心。
我也有朋友說練琴和做功課一樣，是小朋友的事，她不會介入，只要小朋友考到級就得。我不是不同意，只是覺得有點可惜。
我覺得學琴唔係為左考級，音樂能陶冶性情培養氣質，練琴可以鍛鍊紀律，夾琴可以培養 teamwork精神，這些比考級重要百倍啊，反正都未必一心想小朋友將來要做音樂人，可必重視幾多張 cert 呢。
小朋友要 mark 得好緊的時間並不長，我的經驗係，佢好快就叻過我！

作者: 音樂人長老 時間: 11-6-11 09:54

同大家分享一下，認音符同節奏對年紀細小朋友唔算難事，初階每堂都重覆做，第一堂唔識，第五堂都唔識，到第十堂始終會學識，但專注力、紀律性及控制琴能力對過早學琴小朋友係個難點，家長如果選擇安排仔女好細學，無可避免要扶佢哋一把。

總有小朋友輕易解決上述問題，但人哋成績點好同你無關喎，有可能人哋每星期上兩堂呢，你又跟唔跟呀？我個人意見最緊要揾方法搞掂自己嗰個，不過而家細路好少有責任心，家長要推一把先肯盡力，只要唔過份催逼及理好親子關係，跟下進度都好應該。

作者: ilovethiscow 時間: 11-6-12 10:40 標題: 回覆 34# 音樂人長老的文章

提示: 作者被禁止或刪除內容自動屏蔽

作者: may0317 時間: 11-6-14 17:09

提示: 作者被禁止或刪除內容自動屏蔽

作者: Sumyeema1 時間: 11-6-14 17:15 標題: 回覆 36# may0317 的文章

謝謝你即正面回應。

借問聲，點解你甘快就買左琴？

作者: coco209 時間: 11-6-28 23:21

我仔4歲2個月，我都係唔識彈琴，屋企又無琴，但又好想佢去學。我應該俾佢去琴行學？搵私人上佢屋企學（不過我無介紹）?去通利上JMC?很苦惱！請給意見！謝謝！

作者: lausandy 時間: 11-7-3 18:26

你可以買個平琴俾佢試下先,先培養興趣,或者我有個好既老師介紹,佢之前都係教JMC既,係TKO區,可能俾到意見你,有興趣就PM我啦!

作者: mbball 時間: 11-7-3 18:53

我覺得 coco209 可以參考 sandylau 意見.. 找一個教個 JMC 的老師教私人, 效果應該唔錯

作者: 靚靚C9 時間: 11-7-3 22:25

原帖由 may0317 於 11-6-14 17:09 發表
我個女岩岩6歲學左2個多月琴

佢上第3堂時已經買左琴向屋企

我也是不識彈琴之人

慶幸佢每次學完番黎就即坐上琴到彈俾我聽
亦吾洗我提每天自動自學練琴
初初我都有好似樓主咁既擔心
但現在見佢有時彈d音佢自已話錯 ...

我個囡都係6歲，學咗3個月就買咗部新琴俾佢，我已經覺得自己好勇。

你個囡學咗3堂就買琴，你仲勇過我!

作者: may0317 時間: 11-7-5 12:33 標題: 回復 41# 靚靚C9 的帖子

提示: 作者被禁止或刪除內容自動屏蔽

作者: MsPWong 時間: 11-7-7 16:38

如果你的目標是讓小朋友學鋼琴，而不是純粹培養他對音樂的興趣，我相信直接開始學琴會比較實際。上JMC某程度上可以引發興趣，但事實上絕大部份學生都沒有在家練習或練琴的需要和習慣，所以轉為學琴後都不願意練琴。坦白一點說，簡直是浪費時間和金錢。況且JMC所教的音樂知識，有部分和西方音樂理論不太相同，孩子初學鋼琴可能有點混亂。相反，我認識的孩子之中，學樂器的成績和表現較好的，都沒有上過家長們趨之若鶩的JMC課程。

琴行和私人的老師都有好有壞，反而提供練習的機會更為重要。如果持之以恆，進步明顯，小朋友會學得更有興趣和信心。

順帶一提，男孩子的發展普遍比女孩子慢，有時同樣是四歲，學樂器可能對部分男孩子來說是早了一點。起初家長和老師都要多一些耐性。

原帖由 coco209 於 28-6-2011 11:21 PM 發表
我仔4歲2個月，我都係唔識彈琴，屋企又無琴，但又好想佢去學。我應該俾佢去琴行學？搵私人上佢屋企學（不過我無介紹）?去通利上JMC?很苦惱！請給意見！謝謝！ ...

作者: coco209 時間: 11-7-7 17:55 標題: 回復 39# lausandy 的帖子

would u pls pm the details to me

作者: coco209 時間: 11-7-7 17:58 標題: 回復 43# MsPWong 的帖子

MsPWong,
Thanks for your advice

作者: MsPWong 時間: 11-7-7 21:51

My pleasure!

原帖由 coco209 於 7-7-2011 05:58 PM 發表
MsPWong,
Thanks for your advice

作者: ERICBB 時間: 11-7-8 10:18

我都係唔識彈琴. 我自己就坐係佢隔離扮到fans咁倍佢練琴. 記得每日起碼每本書都要練一次. 無琴跟住學唔到好.

作者: Sumyeema1 時間: 11-7-19 10:24

睇左大家即分析，家中有琴方便小朋友練習真系好 d.

作者: scholar 時間: 11-7-20 17:09

我覺得這裡有很多怪獸家長. 子女做什麼根本不用陪.講得好聽是"陪太子讀書",但實質上是沒必要的.

家長自己想學什麼, 自己去學就可以.

我較concern的是, 女兒走出我視線範圍時, 我都要確保她安全.如一對一的老師, 關起門來, 我鬼知佢地做乜, 這時我就prefer可以一起上堂/在出面"裝"佢上堂.

作者: ilovethiscow 時間: 11-7-20 20:24 標題: 回覆 49# scholar 的文章

提示: 作者被禁止或刪除內容自動屏蔽

歡迎光臨教育王國 (/)