教育王國

標題: 我現在心情好唔開心.... [打印本頁]

作者: carrai 時間: 11-6-7 12:16 標題: 我現在心情好唔開心....

我囡班主任打電話來話我囡今日考中文考得唔係咁理想(我囡小五，1st程分試)，我囡話閱讀理解覺得難，所以好緊張，之後就覺得好熱，又覺得個身好痕(課室有開冷氣)，她現在心情很差。唉!....我表面就話今日都過左咯！面對跟住三日其他科d考試。但其實我心裡都好唔開心(又擔心、又唔可比表現到出來比亞囡見到)我現在上來講出我心底話

我自己個腦都亂哂！希望你們明白我講乜喇！

今日重係我生日

作者: monkey妹 時間: 11-6-7 12:32

明白做父母一定緊張小朋友成績, 加上呈分試仲緊張, 你都好叻

識氹呀囡唔好再care今天考試, 要努力面對跟住果幾日, 盡量令呀囡同你自己放鬆D, 加油呀

BTW祝你生日快樂

呀囡考得好好做你嘅生日禮物

原帖由 carrai 於 11-6-7 12:16 發表
我囡班主任打電話來話我囡今日考中文考得唔係咁理想(我囡小五，1st程分試)，我囡話閱讀理解覺得難，所以好緊張，之後就覺得好熱，又覺得個身好痕(課室有開冷氣)，她現在心情很差。唉!....我表面就話今日都過左咯！面對跟住三日其他 ...

作者: ok_ko 時間: 11-6-7 12:40

你已做得很好.

作者: carrai 時間: 11-6-7 12:53

話事話，請問各位sis如果我囡考試一緊張就有這情形？我可以點幫佢呢？(我囡一至四年班考試未發生咁樣，成績中上)

作者: 中英數常 時間: 11-6-7 13:01

carrai

生日快樂＾＾

平定心神後繼續努力，明天會更好>.^

作者: 中英數常 時間: 11-6-7 13:10

原帖由 carrai 於 11-6-7 12:53 發表
話事話，請問各位sis如果我囡考試一緊張就有這情形？我可以點幫佢呢？(我囡一至四年班考試未發生咁樣，成績中上)

carrai

囡囡似乎對升中呈分試有壓力，家人是否不知不覺間給予很多壓力呢？還是她自己對自己有要求而產生大壓力呢？相信對正下葯會有效得多呢！

作者: Kittymummy 時間: 11-6-7 13:15

我個女呢個星期四開始, 我打算係 ~ 問都唔問佢. 唔想比壓力大家.

作者: ydoris 時間: 11-6-7 14:06

以前阿女都係咁架,一到考試就發燒TIM~~後來因為某D原因轉左校,起初成績吾係咁理想架,BUT佢考試就再無病啦..人大個左,成績跌過,開始受得起.容易過到關...

作者: abc... 時間: 11-6-7 14:30 標題: 加油....生日快樂

carrai
加油....生日快樂

作者: alice44 時間: 11-6-7 14:49

我都識過阿仔初小時, 英文其中一份卷做唔晒, 我就同佢講, 之後的兩科一定要攞高d分嚟補翻條數.
我個仔上年呈分試之前我就同老公講, 千其唔好提呈分試, 唔好叫個仔要點樣點樣小心, 盡量唔比壓力佢, 其實個仔點會唔知呈分試重要吖! 學校都時時提, 如果我地再提, 佢會有雙倍壓力.

不過第一次呈分試, 家長的確係好緊張, 我當時都係咁, 不過第二次又會好d, 第三次就已無咁緊張.

[ 本帖最後由 alice44 於 11-6-7 14:51 編輯 ]

作者: 黃巴士 時間: 11-6-7 14:49

咿!今日考中文, 老師咁快打俾你報RESULT. 似乎老師都有俾期望(化成壓力)小朋友喎!!
其實都考左啦, 考完灑至公佈成績都唔遲. 如果仲有幾日考, 會好影響小朋友及後其他科目的臨場表現喎.

都係果句, 要谷, 都唔係考個幾日前. 不如放鬆少少, 睇一陣TV/報紙, 散吓步, 做些少SPORT, 跟著再REVIEW書本一陣, 休息吓.
切吓生日蛋糕, 吹吓CANDLE好過. 你唔開心, 佢仲以為自己做錯左D咩添???

作者: alice44 時間: 11-6-7 14:53

原帖由 黃巴士 於 11-6-7 14:49 發表
咿!今日考中文, 老師咁快打俾你報RESULT. 似乎老師都有俾期望(化成壓力)小朋友喎!!
其實都考左啦, 考完灑至公佈成績都唔遲. 如果仲有幾日考, 會好影響小朋友及後其他科目的臨場表現喎.

都係果句, 要谷, 都唔係考個 ...

Total agree.
咁快打嚟就真係唔係咁好, 咁仲大壓力.

作者: 已刪除用戶 時間: 11-6-7 15:23

我女都係小5, 考緊呈分試, 好彩佢有直升中學, 我都無眼睇佢, 唔打算考第2間了
我明你感受喇, 自己細個都有考過試, 其實都講天時地利人和, 小朋友又唔係無盡力, 怪佢都無用, 向前看啦, 希望之後既科目會順利D
生日快樂呀!

作者: qkhui 時間: 11-6-7 15:43

我仔老師直情在佢考緊常識時同佢講, 佢考數唔係太好. 嚇到我仔死死下.
我仔話好彩當時佢巳做完份卷, check 埋卷, 老師先行去同佢講, 唔係真係咩都唔記得晒

作者: pris626 時間: 11-6-7 15:46

希望在明天！

作者: cwclsh 時間: 11-6-7 16:00

你帶她一齊去食杯雪糕, 好好咁過今日生日, 事情都發生了, 唔好再放在心! 只要你放得到, 你女女都可以, 小孩比大人善忘, 你的壓力佢感受到的. 生日快樂!!

作者: overview 時間: 11-6-7 17:05

一到呈分個個小朋友都會有壓力, 因為知道考得唔好會影響升中. 就算家長唔push, 學校都會不停叫佢地努力.

口就緊係話盡晒力便算, 唔洗理結果, 但心裡緊係唔舒服, 因已盡最大努力, 幾年來都好好成績, 臨埋門一腳失手, 真係唔憤氣, 點都好, 我覺得好多時考試又真係睇彩數, 今次唔得, 唯有博下兩次好d.

呈分試多數都唔會太難, 如果真係遇著一d唔識, 唯有叫小朋友skip去下一題, 唔好陣腳大亂, 提佢一,二條唔識都係扣幾分, 只要其他做對一樣可以拿高分, 最緊要唔好被嚇窒.

原帖由 中英數常 於 11-6-7 13:10 發表

carrai

囡囡似乎對升中呈分試有壓力，家人是否不知不覺間給予很多壓力呢？還是她自己對自己有要求而產生大壓力呢？相信對正下葯會有效得多呢！ ...

作者: carrai 時間: 11-6-7 17:33

好感動

多謝你地!!

係啊！今日學校班主任係放學時候特登打電話比我問我係咪接亞囡放學(平時她自行放學)，然後就話比我聽這個消息，之後就叫我同佢傾下。

作者: carrai 時間: 11-6-7 17:40 標題: 回覆 2# overview 的文章

明白！我會教囡囡點應付跟住d考試！唔該哂！！

作者: alice44 時間: 11-6-7 17:50 標題: 回覆 17# overview 的文章

我阿仔嗰間學校頭兩次呈分試的中英文閱讀理解超難, 數學識做嗰D學生就話易, 唔識做嗰D學生就話難. 我之前都以為呈分試會容易, 點知原來唔係o家!

作者: overview 時間: 11-6-7 18:05 標題: 回覆 1# alice44 的文章

其實易仲死, 因為唔係咁叻d學生都追上前, 反而唔小心大意就死緊. 我都鍾意出深d, 起碼分數唔洗扯得咁高.

作者: 黃巴士 時間: 11-6-7 19:47 標題: 回覆 2# alice44 的文章

是否合共3次呈報都咁難???

黃巴士

作者: do-re-me 時間: 11-6-7 20:34

原帖由 carrai 於 11-6-7 12:53 發表
話事話，請問各位sis如果我囡考試一緊張就有這情形？我可以點幫佢呢？(我囡一至四年班考試未發生咁樣，成績中上)

你告訴囡囡這些現象只是'濕濕碎',有d小朋友一考試就大病（我女就係）,有d會胃抽筋痛到要打針,有d會嘔,有d會肚痾,肚痛,頭痛,牙痛...所以囡囡個d現象只係好輕微,叫囡囡唔洗理佢

作者: symfen 時間: 11-6-7 21:35

我有1個補習既學生都有同樣情況出現架
不過我氹下佢,又同佢用傾計既方法黎溫習,佢接收到知識之餘,都無咁緊張,加油呀!!!

by the way, happy birthday 呀!
Symphony

作者: S.S. 時間: 11-6-7 23:29

真係知易行難,梗唔想比壓力小朋友,但唔提又唔得喎,希望佢唔好太差就得，始終來日方長，我相信大個Ｄ就會識諗Ｏ架喇！
依幾日夜晚返來都係同佢一齊追劇,等佢沒咁緊張, 點都好,考埋聽日就收工,真係好！
你地要加油，努力呀　！

作者: alice44 時間: 11-6-8 08:01 標題: 回覆 22# 黃巴士的文章

第三次就易d, 但第一二次係要見自行呢! 出嚟d分數太低會唔著數.

作者: 黃巴士 時間: 11-6-8 10:10 標題: 回覆 1# alice44 的文章

ALICE 44, THANK YOU!!

樓主: 我咁唸--- 始終是第1次呈分, 小朋友&大人+上縮班, 緊張是在所難免. 到了2&3次呈分, 小朋友好快會適應.
係有實力的, 唔會咁易诐打倒, 俾多些信心俾小朋友.

作者: 黃巴士 時間: 11-6-8 14:39

原帖由 overview 於 11-6-7 18:05 發表
其實易仲死, 因為唔係咁叻d學生都追上前, 反而唔小心大意就死緊. 我都鍾意出深d, 起碼分數唔洗扯得咁高.

AGREED!! 份卷"易", 我仲驚.

作者: tws2010 時間: 11-6-8 18:12

Yes, agreed. 好難分出高低, 係人都識, 對真正努力温書的人不太公平, 而且一兩分出入, 競争更大

原帖由 黃巴士 於 11-6-8 14:39 發表

AGREED!! 份卷"易", 我仲驚.

作者: cccolin 時間: 11-6-9 01:35

睇到你的文章,真係連我都吾開心埋一份呀!!
放鬆D啦,希望你和囡囡都有滿意的成果^^
加油呀^^我們做媽媽的都好明白你的心情的,,支持你呀^^
P.S.明年到我緊張,,亞囝升小五啦!!

原帖由 carrai 於 11-6-7 12:16 發表
我囡班主任打電話來話我囡今日考中文考得唔係咁理想(我囡小五，1st程分試)，我囡話閱讀理解覺得難，所以好緊張，之後就覺得好熱，又覺得個身好痕(課室有開冷氣)，她現在心情很差。唉!....我表面就話今日都過左咯！面對跟住三日其他 ...

歡迎光臨教育王國 (/)