教育王國

標題: 究竟出咗咩問題呀????? [打印本頁]

作者: Imouto 時間: 11-6-7 09:31 標題: 究竟出咗咩問題呀?????

巳經小四啦,成績越來越差,上課唔專心,考試前溫一大輪都係僅僅合格. 本來想平時多D溫又無時間,佢做完課太慢,做完又要溫默書,又話要休息睇下書(漫畫),就算溫到都好快好快忘得一乾二淨,都唔知點先可以改善到....我好大壓力,要迫佢溫書,但佢唔合作真係唔會吸收,而且令關係唔好(令佢話唔想咁樣生活下去)....巳經有找補習老師幫忙,但進展都係唔理想.佢好似完全無上課,考試內容十問九唔識答,只要其中一科唔合格就要留班,所以好多野溫. 我同佢好好解釋說道理,但佢始終都唔願合作,好辛苦!!!! 如果係你,你會唔會由佢留班取教訓下?
好多朋友話男仔係咁,但班中咁多男仔,又唔見人地D成績咁差? 一定有D因數....

作者: alice44 時間: 11-6-7 10:01

有一些人鍾意讀書, 有些有人唔鍾意讀書, 可能佢仲未揾到讀書的樂趣或者目的. 我阿仔小一二嗰時, 讀書都係一般, 我由小一開始就不停地洗腦式咁同佢講, 唔讀好d書, 將來會點點點..., 上堂要留心d, 就當睇劇集咁睇(我個仔好鍾意睇電視), 上堂就好似睇一套劇集咁, 要追o家, 睇少一集咪唔知劇情發展成點囉! 今集唔留心, 下一集會唔知講過d乜, 咁之後就會更無心機, 同佢講了兩年大道理之後, 阿仔到了小三開始成績有進步. 所以上堂留心係最重要.

作者: qkhui 時間: 11-6-7 11:55

照你所講, 即係佢小四之前成績都應沒有太大問題. 你有沒有問他, 為什麼今年會這樣 ? 是否太深, 他不明白 ? 還是有其他問題.
如果一科不合格便要留班, 不如今年就給仔仔留班, 因就算給他緊緊合格升上小五, 可能對仔仔也不是好事.

原帖由 Imouto 於 11-6-7 09:31 發表
巳經小四啦,成績越來越差,上課唔專心,考試前溫一大輪都係僅僅合格. 本來想平時多D溫又無時間,佢做完課太慢,做完又要溫默書,又話要休息睇下書(漫畫),就算溫到都好快好快忘得一乾二淨,都唔知點先可以改善到....我好大 ...

作者: sengayy 時間: 11-6-7 12:30

我囡小二, 學校一科唔合格要留班, 佢d數好差, 温完再温都錯, 補習都冇也作用, 好似冇教過咁! 我想同佢轉間冇咁深嘅學校, 啱返佢嘅程度, 不過衣家間學校各方面我都幾滿意, 只係亞囡追得好辛苦, 但又唔想留班讀多年, 怕一樣讀唔上, 點算??

作者: alice44 時間: 11-6-7 14:30

原帖由 sengayy 於 11-6-7 12:30 發表
我囡小二, 學校一科唔合格要留班, 佢d數好差, 温完再温都錯, 補習都冇也作用, 好似冇教過咁! 我想同佢轉間冇咁深嘅學校, 啱返佢嘅程度, 不過衣家間學校各方面我都幾滿意, 只係亞囡追得好辛苦, 但又唔想留班讀多年, ...

我估數學科, 間間都差不多, 各間出版社的都應該唔會太大出入, 所以去到邊間都應該一樣, 唔似中英文可能有出入.
比多d練習佢做, 可能會好d呢! 既然你對學校滿意就暫時唔好轉住. 睇定d先.

作者: Imouto 時間: 11-6-9 00:18

的確小四的課程明顯深咗，要求又高d，佢有進步，但係唔夠進度快，加上心散，越比壓力就越唔想面對，我心急到咩咁佢都懶懶閒，真係想佢著急下。如果我覺得佢能力唔足，我會比佢留，但而家係學習態度問題，我就好唔甘心，好希望用d方法令佢有動力，而家利用奬罰鼓勵方法，又每早都提點上課專心的重要，亦有講過其實上課學習好似game咁，要面對好多關升呢。但成效一般，因為佢無乜上進心或好勝心。

作者: cccolin 時間: 11-6-9 01:08

你的問題真是令人苦惱,,不如你試下問仔仔,他是否讀得好辛苦,是否學習上有好多吾明的地方,,問他如果讀多年打好基礎再升上五年級好嗎?我仔也是四年級,,他今次上學期成績大大退步,,令我好想他讀多一年(他是11月出生)但他原校是就算你成績好差也不會比你留班的,,所以我唯有打消此念頭,,因我仔也不想留班!他也有你仔的問題,,但比你的輕微一些,,就是他自己也想成績能好一點,將來入一間好的中學,但是他會問我,,我做人是為了什麼??因他覺得讀書都幾辛苦,但其實他再專心點應該可以一直保持住是中游分子的,,可是他好像有點壓力,我時常都認為因為他是細仔,,所以EQ沒有大仔他們高,是會蝕底一些......@@

原帖由 Imouto 於 11-6-7 09:31 發表
巳經小四啦,成績越來越差,上課唔專心,考試前溫一大輪都係僅僅合格. 本來想平時多D溫又無時間,佢做完課太慢,做完又要溫默書,又話要休息睇下書(漫畫),就算溫到都好快好快忘得一乾二淨,都唔知點先可以改善到....我好大 ...

作者: cccolin 時間: 11-6-9 01:11

一科不合格就要留班,,學校有那麼多學位嗎??

原帖由 sengayy 於 11-6-7 12:30 發表
我囡小二, 學校一科唔合格要留班, 佢d數好差, 温完再温都錯, 補習都冇也作用, 好似冇教過咁! 我想同佢轉間冇咁深嘅學校, 啱返佢嘅程度, 不過衣家間學校各方面我都幾滿意, 只係亞囡追得好辛苦, 但又唔想留班讀多年, ...

作者: cccolin 時間: 11-6-9 01:13

我也很認同qkhui的講法^^

原帖由 qkhui 於 11-6-7 11:55 發表
照你所講, 即係佢小四之前成績都應沒有太大問題. 你有沒有問他, 為什麼今年會這樣 ? 是否太深, 他不明白 ? 還是有其他問題.
如果一科不合格便要留班, 不如今年就給仔仔留班, 因就算給他緊緊合格升上小五, 可能對仔仔 ...

作者: 天瑜 時間: 11-6-9 08:57 標題: 回復 8# cccolin 的帖子

提示: 作者被禁止或刪除內容自動屏蔽

作者: Yukyuk 時間: 11-6-9 10:17 標題: 回復 10# Imouto 的帖子

Imouto,

加油! CHECK PM!

YUKYUK

作者: 兔仔得媽 時間: 11-6-9 10:55

其實去到p.4啲野係突然深晒架，對大人可能唔覺，但對小朋友真係好難適應，尤其係男仔，我都剛剛經歷完，我囝p>6啦！
千其唔好閙，試吓從佢的角度諗，從小三上黎，只係放左一個暑假姐，乜d功課深左咁多，老師要求又多左，功課又多左，有時唔係實質多左，而係要思考，諗得耐就冇時間玩，久而久之就懶散。
但又要記住每升上一級退步4-8分係正常架，咁只係表示小朋友無更加勤力，因學的東西深左，係要付出雙倍時間去溫習先會有進步，佢無懶惰。
真係要慢慢同佢解釋，我囝都要到第一次呈分後成績唔好先至醒，先至明，咁先知乜叫努力讀書，e+唔駛叫已好努力溫緊書，因今日係p.6最後一次考試，佢知道如大抽獎去唔到自己想去的學校就要叩門，所以佢好重視今次考試。
千萬唔好閙到佢無晒自信呀！小學係一定要佢學會負責的階段，唔好錯過..............

作者: Imouto 時間: 11-6-9 18:49

我無駡阿仔架,即使想駡都會忍著,儘量比心機耐性去教同溫習,又讚佢其實係聰明仔,信任佢做得到咁等等鼓勵話都有.反而係多數佢發我脾氣,話我比壓力佢,煩佢. 有時比佢谷到爆,都會駡或者走開唔再理佢生(自己都要cool down下),到我下咗火,心唸唔理又唔得,又會再氹下佢去溫.
而阿仔好少會問我d字點讀或點解,又唔肯查字典,佢唔鐘意有'我比他強'的感覺(我覺得),因為每當我教完佢時,佢都好唔服氣,甚至唔肯用我教的方法,佢要自己再諗,諗唔到又發自己脾氣. 所以造成唔識唔問,又唔肯聽我教之下,唯有不斷同佢講上堂專心的好處.
真係咩方法都用過,連佢都知我為咗要佢溫好書而不斷唸方法對付佢,佢就同我見招拆招玩對抗.

作者: tws2010 時間: 11-6-9 21:54

I am a bit scared after reading this topic though my kid is only in P.1. I feel the pressure...

原帖由 Imouto 於 11-6-9 18:49 發表
我無駡阿仔架,即使想駡都會忍著,儘量比心機耐性去教同溫習,又讚佢其實係聰明仔,信任佢做得到咁等等鼓勵話都有.反而係多數佢發我脾氣,話我比壓力佢,煩佢. 有時比佢谷到爆,都會駡或者走開唔再理佢生(自己都要cool down ...

作者: 瑩瑩老豆 時間: 11-6-9 22:28

我睇過P4 D 課本, 又真係深左好多, 特別係數學同英文.
但我又唔覺男生會差D, 相反, 我囡個班上學期頭三名都係男生.

原帖由 兔仔得媽 於 11-6-9 10:55 發表
其實去到p.4啲野係突然深晒架，對大人可能唔覺，但對小朋友真係好難適應，尤其係男仔，我都剛剛經歷完，我囝p>6啦！
千其唔好閙，試吓從佢的角度諗，從小三上黎，只係放左一個暑假姐，乜d功課深左咁多，老師要求又多左，功課又多左，有時唔係實 ...

作者: LittleKidult 時間: 11-6-10 00:05

原帖由 alice44 於 11-6-7 14:30 發表

我估數學科, 間間都差不多, 各間出版社的都應該唔會太大出入, 所以去到邊間都應該一樣, 唔似中英文可能有出入.
比多d練習佢做, 可能會好d呢! 既然你對學校滿意就暫時唔好轉住. 睇定d先. ...

唔知係咪間間一樣, 不過我仔當年比較過佢表妹(唔同區, 兩個都唔係名校區)同佢契妹(同區)既數學, 已經有出入, 佢地6年班教既, 我仔5年班已經教晒 (大家都係屋村學校)

[ 本帖最後由 LittleKidult 於 11-6-10 00:08 編輯 ]

作者: Imouto 時間: 11-6-10 00:10

書唔識可以溫，但學習態度問題真係唔知應該點處理，我點講都無乜用咁，朋友話呢d叫＂未開竅＂+"反叛期。

作者: Imouto 時間: 11-6-10 00:17

原帖由 LittleKidult 於 11-6-10 00:05 發表

唔知係咪間間一樣, 不過我仔當年比較過佢表妹(唔同區, 兩個都唔係名校區)同佢契妹(同區)既數學, 已經有出入, 佢地6年班教既, 我仔5年班已經教晒 (大家都係屋村學校) ...

好多小學都會教早半年，我阿仔都學緊5年級數同grammar，佢勉強應付到，反而中文無教快都跟得好吃力。

作者: LittleKidult 時間: 11-6-10 00:38

原帖由 Imouto 於 11-6-10 00:10 發表
書唔識可以溫，但學習態度問題真係唔知應該點處理，我點講都無乜用咁，朋友話呢d叫＂未開竅＂+"反叛期。

未算反叛期, 到左重犀利, 不過到左4~5年班就開始唔想比人煩, 之前都好想人接放學, 到4~5年班就覺得接放學會比人笑.....同埋佢同咩同學玩都有影響, 群到班肯讀書, 肯鬥成績就會好d....

作者: LittleKidult 時間: 11-6-10 00:51

原帖由 Imouto 於 11-6-10 00:17 發表

好多小學都會教早半年，我阿仔都學緊5年級數同grammar，佢勉強應付到，反而中文無教快都跟得好吃力。

試下睇多d課外書囉, 我個仔細個真係乜書都睇, 尤其睇完xx特工, 睇完學人寫偵探小說添, 不過寫左第一章冇寫, 後來迷上武俠小說, 又學人寫, 重email比個作家問寫成點.....
而且睇過幾本三國演義/西遊記等之後又對古代歷史發生興趣, 中文科同歷史到而家都唔成問題.......

作者: Imouto 時間: 11-6-10 08:52

原帖由 LittleKidult 於 11-6-10 00:51 發表

試下睇多d課外書囉, 我個仔細個真係乜書都睇, 尤其睇完xx特工, 睇完學人寫偵探小說添, 不過寫左第一章冇寫, 後來迷上武俠小說, 又學人寫, 重email比個作家問寫成點.....
而且睇過幾本三國演義/西遊記等之後又對古代 ...

自小都有睇書，但佢用耳仔聽多，d字好似唔多入腦，唔明點解成效唔同一般多睇書的小朋友。
睇書係我認為最有用又最想做到的方法，亦不斷尋找著令佢愛上的書，但現時除咗漫畫吸引佢之外，重未有喜愛的chaper書，可以令佢迷上，或者可以講，佢重係好怕睇多字的文章，唔鐘意透過文字吸收，算係閱讀能力較弱。

作者: 天瑜 時間: 11-6-10 09:08

提示: 作者被禁止或刪除內容自動屏蔽

作者: Imouto 時間: 11-6-10 09:39

[quote]原帖由天瑜於 11-6-10 09:08 發表

Imouto,

我想推介您囝囝看這本《愛因斯坦被摑了一巴》
天航著。好睇，會上癮!

好多謝介紹，人物漫畫版佢睇過，等我又比佢睇呢本下先。
仲有無其他書介紹呀？佢特別鐘意惹笑有趣的書，謝謝！

作者: 天瑜 時間: 11-6-10 10:11

提示: 作者被禁止或刪除內容自動屏蔽

作者: LittleKidult 時間: 11-6-10 11:18

原帖由 Imouto 於 11-6-10 08:52 發表

自小都有睇書，但佢用耳仔聽多，d字好似唔多入腦，唔明點解成效唔同一般多睇書的小朋友。
睇書係我認為最有用又最想做到的方法，亦不斷尋找著令佢愛上的書，但現時除咗漫畫吸引佢之外，重未有喜愛的chaper書，可以令佢迷上，或者 ...

我d仔細個(k123, P1,2)開始時睇叮噹, 簡單既偵探小說(大大隻字, 又要諗邊個係凶手呀, 點解密室殺人呀果類), 然後佢知道答案就會懶叻咁考翻我地及d同學仔, 我地扮唔識佢就覺得好叻, 就會睇多d, 後來就睇xx記者, 反而唔會睇伊索故事, 買左套10萬個為甚麼都冇掂過(不過而家佢物理科好強......), 跟著睇短篇, 成長日記, xx特工等, 跟著就三國誌, 三國演義, 倚天, 神雕等.........
不過而家大個左反而睇少左書, 只掛住打機.......

作者: frenchfries 時間: 11-6-11 14:21 標題: 回復 25# LittleKidult 的帖子

Hi Littlekidult

可否介紹一些"簡單既偵探小說"的書名

歡迎光臨教育王國 (/)