教育王國

標題: 英皇同學會2校 [打印本頁]

作者: 1g2bmum 時間: 11-6-6 17:49 標題: 英皇同學會2校

中西區英皇同學會2校好嗎? 會否寫第一志願?

作者: Anpanmama 時間: 11-6-6 18:44

我唔响11網，但之前考慮搬過去, 睇咗好幾間中西區小學。
英皇2絕對係首選，校長係一個好強嘅人, 好有態度，開放日我坐禮堂睇佢介紹學校同辨學理念, 無講稿無貓紙，即問即答, 分析得好詳細。

我响禮堂等參觀tour, 有老師主動approach話, 等多幾個家長或者要耐少少, 不如帶我行唔洗等(啱啱去咗一班家長, 另一批聽緊校長講嘢未起行)，覺得老師好主動唔懶！
印象勁好！

後尾我因留番响12網, 但我响甲部都選咗佢做跨區第3志願！
我唔識人响呢間讀, 唔知一啲真正嘅實况，可以試問吓一啲讀緊嘅家長！

作者: Lilo 時間: 11-6-7 12:27

有朋友個仔讀緊呢間二年級，校長真係想有一番作為，佢講到明唔係要間學校出名。而係要好好好好出名！佢地學生唔係好多，每班約只有20人，老師同學生關係好好，不過功課多同深(要係中西區打出頭，呢個係必然)，例；小一常識課外題，中華人民共和國成立以後，毛主席第一個外訪國家係邊個?我話係蘇聯，不過個答案係蘇維埃共和國！咪講話小一生，家長都未必會答！

作者: 1g2bmum 時間: 11-6-7 17:47 標題: 英皇同學會2校

多謝LILO & ANPANMAMA 的珍貴回應。
你們不是這學校家長，亦願意將所見所聞分享，實在感激!但不明白為什麼很少有這學校的分享和為什麼這學校收生率這麼低。(明明每班可收30人?)

作者: shootingstar 時間: 11-6-7 18:17

我睇小學概覽, 見到這校小四至小六係普通話教中文, 這點你ok嗎? 這校我都覺得唔錯, 但普教中這點就令我卻步. 我知有人好鐘意普教中, 覺得係優點, 但我就麻麻地.

作者: hiellen 時間: 11-6-7 18:58

其實揀英皇2校都唔小，不過通常d人揀聖彼德，還有唔係個個人都喜歡這個校長，因為佢成日話自己係名校長，邊度有人話自己係名校長。

原帖由 1g2bmum 於 11-6-7 17:47 發表
多謝LILO & ANPANMAMA 的珍貴回應。
你們不是這學校家長，亦願意將所見所聞分享，實在感激!但不明白為什麼很少有這學校的分享和為什麼這學校收生率這麼低。(明明每班可收30人?) ...

歡迎光臨教育王國 (/)