教育王國

標題: 請問中文你地點同小朋友溫書? [打印本頁]

作者: happysmileha 時間: 11-6-3 10:53 標題: 請問中文你地點同小朋友溫書?

我小朋友不嬲最弱係呢科, 我都唔知點樣可以改善, 請指教..

作者: Evolution6 時間: 11-6-3 23:25

我個小朋大都係....中文係最差的一科, 宜家只係小一....但我每晚返到屋企巳經好似個癲婆咁, 勞氣到拍枱罵....唉.....我唔想罵佢, 但係真係頂唔順...............

作者: justin2003 時間: 11-6-3 23:44

我仔小一時d中文都係唔得, 可能少睇書, 所以上學期測驗閱讀理解滿分22分俾人扣足18分, 後來小一下學期開始多左睇書(揀d佢有興趣ge書, 真係會唔使叫就攞來睇), 下學期個中文好左勒 (雖然唔係好左好多, 但起碼閱讀理解唔使俾人狂扣分), 其他語文應用部份都好左.

自小一下學期開始, 佢每日會睇30mins書, 語感都好左, 另外，盡量每天都有3-4 pages 語文 / 閱讀理解練習(except sat & sun), 因我覺得語文要浸呀, 由其而家d學校程度深左，只係睇多d書未必應付到d暗示題 (對我仔學校來講)

請問其他家長仲有冇方法？ (做人父母真係邊做邊學呢！)

作者: Johorma 時間: 11-6-4 23:47

me too..搞到我頭都大埋...

原帖由 Evolution6 於 11-6-3 23:25 發表
我個小朋大都係....中文係最差的一科, 宜家只係小一....但我每晚返到屋企巳經好似個癲婆咁, 勞氣到拍枱罵....唉.....我唔想罵佢, 但係真係頂唔順............... ...

作者: symfen 時間: 11-6-7 21:44

我有個補習學生同你地既小朋友一樣情況,不過努力左一個學期,由60幾分去到依家80幾90分喇 ^^
加油呀!!

作者: HappyHelena 時間: 11-6-8 10:13

提示: 作者被禁止或刪除內容自動屏蔽

作者: 已刪除用戶 時間: 11-6-8 10:45 標題: 回覆 6# HappyHelena 的文章

課外書真係要睇, 我仔認字真係SUPER! 但我從來無特別TRAIN佢的, 佢自己閱讀理解都普遍攪得掂(仲有數學文字題), 我都好意外

我自己睇法, 唔好迫小朋友睇D佢唔鐘意既書, 我仔小一, 最鐘意係睇吉羊羊漫畫同黑貓白貓漫畫, 可以自己睇幾個鐘都唔悶, 我由佢睇, 最緊要佢肯睇, 其實我知佢程度可以自己睇老鼠記者, 即連續幾十版文字果D, 間中我都會叫佢睇下(最好就陪讀TIM啦)

作句係有幫助的, 咩天馬行空都可以寫一餐, 寫得多, D字自己就記得喇

作者: YolandaTam 時間: 11-6-8 17:54

同意! 我囡而家睇緊喜羊羊漫畫同小說, 仲有"嘩, 我懂了", 叫佢自己睇佢淨係睇漫畫, 其餘兩本就叫佢讀, 唔識嘅字就教佢讀(佢小一), 睇睇吓就得架啦! 做練習都要嘅,可以俾佢熟悉答題技巧.

原帖由 Charlotte_mom 於 11-6-8 10:45 發表
課外書真係要睇, 我仔認字真係SUPER! 但我從來無特別TRAIN佢的, 佢自己閱讀理解都普遍攪得掂(仲有數學文字題), 我都好意外

我自己睇法, 唔好迫小朋友睇D佢唔鐘意既書, 我仔小一, 最鐘意係睇吉羊羊漫畫同黑貓白貓漫 ...

作者: cccolin 時間: 11-6-9 01:20

睇書真係好方法^^
反而我想請教下,點樣至可以令亞仔對英文有信心和冇咁討厭英文呢??

原帖由 happysmileha 於 11-6-3 10:53 發表
我小朋友不嬲最弱係呢科, 我都唔知點樣可以改善, 請指教..

作者: HappyHelena 時間: 11-6-9 09:37

提示: 作者被禁止或刪除內容自動屏蔽

作者: 已刪除用戶 時間: 11-6-9 11:11

哎, 我自己都成日叫學PHONICS, 話有用, 但反而個仔就無學過(因為佢細個太坐唔定, 又SPEECH DELAY, 我都唔敢俾佢去上D咩班)
到而家升小2, 終於的起心肝俾佢去TST YMCA學(因為朋友話好WOR, 快靚正9個月學晒, 所以忍痛過海都要帶佢去), 希望有進步啦
佢都算肯講肯睇(叻就無份架喇), 希望上完呢個班可以改善D

原帖由 HappyHelena 於 11-6-9 09:37 AM 發表
我仔由細讀PHONICS, 可能佢上堂上得好開心, 所以好鐘意英文, 同埋PHONICS真係對佢既默書同埋READING好有幫助架(而家已經學完成套, 所以學緊WRITING...) 如果你個仔仔吾鐘意英文, 有無JOIN D有外國人教既英文COURSE ...

作者: 已刪除用戶 時間: 11-6-9 11:17

仲有, 可能由於我仔係需要特別"關照", 所以我都慣左"人釘人"策略
而家英文, 我都買左LONGMAN本WEEKLY FUNDAMENTAL????本GRAMMAR EXERCISE陪佢做, 當佢太無聊攪攪震時我就整版佢嘆, 由於佢仲係小一, 好多字都未必自己認得, 所以我都會陪做, 讀俾佢聽, 順便MAKE SURE佢明個RULE, 效果都唔錯的
我唔算迫佢, 我成日覺得, 如果小朋友已經努力完成左果日功課, 個阿媽見有時間就順便叫佢做補充練習, 好殘忍姐, 長時間落去, 小朋友都唔會做咁快啦(做完都無好結果), 所以我都係間中至要佢做一版喇(做完至放佢去玩至得架, 唔可以渣到咁盡架)

作者: alice44 時間: 11-6-9 12:32

交比補習老師(上門單對單).

作者: TinHay 時間: 11-6-17 11:24

No short cut, 日日要佢睇書啦.

作者: maywongsky 時間: 11-6-17 13:45

提示: 作者被禁止或刪除內容自動屏蔽

作者: BBTWIN 時間: 11-6-17 15:05

我兩個女今年9月先小一, 不過都頭痛緊點樣train佢地中, 英閱讀理解. 我想問邊個出版社的練習有用d????

作者: prettygirls 時間: 11-6-17 15:15

中文閱讀理解邊本出版社練習好呀？

作者: Charlie1978 時間: 11-6-17 16:17 標題: 我要佢多d睇同做架...

唉，我之前都好頭痛呢...後來聽老師講要佢多d睇圖書，我無比阿仔睇漫畫，同埋佢鍾意打機，我要佢上網做中文練習lor!

歡迎光臨教育王國 (/)