教育王國

標題: 要不要打電話給老師要求重考 [打印本頁]

作者: heiB 時間: 11-5-31 11:04 標題: 要不要打電話給老師要求重考

我仔今年小五,昨天考音樂唱歌部份，原本是逐個逐個考唱歌的,考了10個，老師說不夠時間考,其餘的要二個一齊唱一首歌,老師要求小朋友要大聲唱，同我仔一同唱的同學唱得好大聲,我仔受佢影响,因而打亂了,不敢大聲唱.佢話唱得好差,佢問我可不可以重考.我真係唔識答佢,好不好問老師呢?

作者: Carmen2004121 時間: 11-5-31 11:25

原帖由 heiB 於 11-5-31 11:04 發表
我仔今年小五,昨天考音樂唱歌部份，原本是逐個逐個考唱歌的,考了10個，老師說不夠時間考,其餘的要二個一齊唱一首歌,老師要求小朋友要大聲唱，同我仔一同唱的同學唱得好大聲,我仔受佢影响,因而打亂了,不敢大聲唱.佢話唱得好 ...

您可嘗試 , 但機會吾高 .

作者: hyto 時間: 11-5-31 11:34

原帖由 heiB 於 11-5-31 11:04 發表
我仔今年小五,昨天考音樂唱歌部份，原本是逐個逐個考唱歌的,考了10個，老師說不夠時間考,其餘的要二個一齊唱一首歌,老師要求小朋友要大聲唱，同我仔一同唱的同學唱得好大聲,我仔受佢影响,因而打亂了,不敢大聲唱.佢話唱得好 ...

如果就算重考,預左老師一定不會給你仔高分...
但我不明白老師叫學生2人合唱
我認為...唔夠時間,每個學生唱一半就stop
總好過合唱吧...
因為其實唱歌呢d野,一開聲就大概知道水平,
除非尾段有一段超難高音要用來分高下...

作者: yy13 時間: 11-5-31 11:47

如果其他年級
我會由佢
但P5 要呈分
我會搵老師傾下先
問番當時情況
睇下老師點講

作者: heiB 時間: 11-5-31 11:56 標題: 回覆 3# Carmen2004121 的文章

我同阿仔商量過都是好似你咁唸,機會吾高.我是想問番當時情況的,但係我仔又怕我煩老師,既然無用,好似打電話學校就係得個講字,唔知我的諗法有沒有錯呢!

作者: Carmen2004121 時間: 11-5-31 12:29

原帖由 heiB 於 11-5-31 11:56 發表
我同阿仔商量過都是好似你咁唸,機會吾高.我是想問番當時情況的,但係我仔又怕我煩老師,既然無用,好似打電話學校就係得個講字,唔知我的諗法有沒有錯呢! ...

您阿仔怕既野我當然明白 . 因我都有個小五女 . 很多時她在學校遇到這類問題 . 我也是像您一樣想找老師了解了解 .但她都會像您阿仔一樣 . 說多一事不如當冇事 . 因她們在同學之間已學識這道理 . 如我們找老師了解 . 當然老師會應酬我地 . 但之后她們多是感到或聽到一些尾聲 .

我認為如您平時都有與這老師聯絡 , 您也可試試 . ( 不過首先您要想清楚是找班主任 OR 音樂老師了解 . )

作者: heiB 時間: 11-5-31 12:43 標題: 回覆 1# Carmen2004121 的文章

我只是同他的班主任聯絡了二次.印象中他的班主任什麼都不太清楚,因為中文和數學都不是佢教.
你講得對老師會應酬我地 . 但之后她們多是感到或聽到一些尾聲,因為上次我提議中文老師快些派課文的問題給小朋友温習,老師也在班上告知所有同學知.
今次如果問一定是問音樂老師,但係我是從來沒有同佢聨絡過的.

作者: alice44 時間: 11-5-31 12:57

d老師真係會比說話佢地聽o架! 我阿仔同學的mama時時都會打電話比d老師問嘢, 又時時吹人派呢樣派嗰樣溫習. 個英文老師就當眾同個小朋友講, 你mama時時打電話嚟煩住我, 我現在要煩噃你.

作者: overview 時間: 11-5-31 13:16

一係就算吧, 因唱歌只係音樂考試其中一part, 大多老師都好鬆手比分.

原帖由 heiB 於 11-5-31 12:43 發表
我只是同他的班主任聯絡了二次.印象中他的班主任什麼都不太清楚,因為中文和數學都不是佢教.
你講得對老師會應酬我地 . 但之后她們多是感到或聽到一些尾聲,因為上次我提議中文老師快些派課文的問題給小朋友温習,老師 ...

作者: heiB 時間: 11-5-31 13:25 標題: 回覆 1# alice44 的文章

我仔中文課本的課文問題答案,學校會教完派給小朋友温習的,考試會問番.點知呢個中文老師,教完每課都不派,上次在考試前一周才派,我仔都無什麼時間温.Easter後咪叫老師每教完一課書,就派答案,佢竟然同全班同學講是我要求佢教完一課就派答案的,但係就講得好取考,把日就讚,但係暗裏就是另一個意思.

作者: heiB 時間: 11-5-31 13:27 標題: 回覆 2# overview 的文章

同意.費事阿仔難做.

作者: 五歲仔 時間: 11-5-31 14:32

原帖由 heiB 於 11-5-31 13:27 發表
同意.費事阿仔難做.

沒有內聯網可以和老師溝通嗎? 我覺得打電話比老師真係幾煩, 因為唔知佢當時做緊mud, 所以我通常係用內聯網或寫紙仔比老師, 老師幾時回覆也可以

作者: Carmen2004121 時間: 11-5-31 17:09 標題: 回覆 1# 五歲仔的文章

所以米話 E + D 學校模式是辦學多過教學羅 , 老師工作又忙 , D 時間用晒泥忙爭取課外獎項多過教書 . 如果吾係都吾洗聽到個個小學生都要補課啦 . 現在 D 細路一定比我們以前聰明 . 但係放學回家就乜都話吾識做 . 加埋補習都未必羅到高分 . 原先以為讀政府學校可省D錢 . 但科科都話要補 . 加加埋埋幾千蚊個月 . 吾補又吾夠人高分 . 成個教育制度遊戲就係更玩 . 玩到上中學上大學 . 到佢地玩完 . 我地尼班父母都無晒力啦 . ( 到時人又老錢又冇

)

作者: cccolin 時間: 11-5-31 17:31 標題: 回覆 6# alice44 的文章

是的,我仔學校也時有聽到家長說，如果你有乜事都搵老師的話,,了解個囝的情況還可以,,但如果你有不滿或要求的話,,有d老師真係會上堂時大大聲講,,,係亞邊個的家長要求的......會講一d悔氣說話,,最後只會令小朋友難受........而家為人師表已經同我地以前的老師不一樣了...........

作者: babybear 時間: 11-5-31 22:37

唱歌比分係會好主觀。
如果重考，老師可能會比分比得更嚴緊!

作者: do-re-me 時間: 11-5-31 23:21

原帖由 babybear 於 11-5-31 22:37 發表
唱歌比分係會好主觀。
如果重考，老師可能會比分比得更嚴緊!

六年級仲要考多一次呈分試,如果果位音樂老師係麻煩人,你就唯有接受,唔好煩佢了

作者: 黃巴士 時間: 11-5-31 23:44

我會打電話俾老師了解, 唔會一講就話要重考. 其實同老師傾多兩句, 都知老師會想點. 一唔對路, 都唔洗提出重考啦.
如果老師NICE, 咪試吓講吓囉. 我覺得去請教老師點做, 好過去REQUEST老師點做?? 因為有些老師都幾要面子, 佢當中難處, 可能又唔方便同家長講.
ANYWAY, 點到即止& 執生囉.

歡迎光臨教育王國 (/)