教育王國
標題: 各位家長可否分享一下子女放洋後有咩轉變 [打印本頁]
作者: bp123 時間: 11-5-30 17:36 標題: 各位家長可否分享一下子女放洋後有咩轉變
我個女15+YRS過左去年幾, 之前係香港都好小同同學去街, 無乜反叛, 好多時都會聽我哋講. 每晚都要我同佢傾一陣計先訓.
如果放學有事晏返一定會通知我, 佢仲同我講D同學話佢同阿媽講電話講電話好似同朋友講咁(
咁好聲氣).
不過我覺得佢有D自私同 唔係好理別人感受.
過左去之後, 起初同之前分別不大,
不過就差不多每晚都會打電話比我, 如果星期六日, 有時會傾一,兩個鐘.
前一次放假返來我覺得好似有D唔同左,
思想成熟左, 開朗左, 好多嘢都無所為.
仲會得閒無事攬下我.
有一日佢本來約左去姑姐教會做義工, 點知果朝阿女見到我問我做乜唔返工, 我話肚唔舒服, 跟住收到姑姐電話, 我聽到佢講
“我今日都係唔到喇, 阿媽唔舒服無返工, 我要係屋企陪佢” , 我當時實在好感動
上一次返來, 我話要一家人去行山, 阿女非常唔鐘意, 但最後都有去, 佢話算啦一家人互相遷就囉.
果一剎那我覺得阿女真係大個左, 懂得體諒別人.
我同老公嗌交佢仲會做和事老, 叫我哋一人少句, 冷靜D, 真係比佢吹脹
But anyway I think I had made a right decision to let her study aboard.
How about you? Any sharing?
作者: teresat 時間: 11-5-31 18:54
首先恭喜妳有一個懂事成熟的女兒!
對於送女兒去外國讀書,我有如下的分享:
1.
如妳一樣,我認為當初送我的兩個女兒,到英國讀書,是一個十分正確的決定。
2. 親子教育最終目的,是希望子女可以有健康發展,能夠享受人生,最重要當然是活得開心快樂。而我認為我的大小女兒,在英國的生活均可算達到上述目標。
3. 大小女兒生活得開心快樂是有例證的:譬如她們之前在香港讀中學,均對香港的教育制度、填鴨式教育方式,以及只側重成績的「學科教育」十分不滿,對學校老師的教導方式及同學之間的不和諧及過份的競爭氛圍感到失望;而到了英國之後,大小女兒均覺得上述情況得到「解放」;例如大女兒主動願意在自己的部落向他人推介英國的教育制度及學校生活,又常向師弟師妹述說個人學習心得;這些都是她們在英國極之享受的明證;尤其作為父母,最喜歡聽見她們說:"在學期末尾時,很想快些回香港見我們";而在暑假將完結時,又會說:"很掛念那些英國鬼妹鬼仔同學",很想快些回到學校!
4. 至於離開香港,遠渡重洋到英國,在性格發展上有何改變得着?大女兒曾說:在英國要懂得學會與寂寞相處,要懂得享受寂寞;千萬不要因為怕寂寞而不停去胡亂結交朋友及不停上街尋樂;這樣下去,會成為一個「怕寂寞」的生活奴隸,更可能會為怕沒有人陪而倉卒找一個結婚對象,結果離異收場。另外,大女兒又會說,若真要學懂獨立,首先要學懂照顧自己,其中最重要一環是要學懂煮食物,這一關不能過,又怎可算是真正獨立!
這兩點令作為家長的我們感受最大,而這亦是到英國留學所帶來的性格發展結果。
希望上述分享大家會覺得有用!
賈安娜爸爸
作者: Yanamami 時間: 11-6-1 08:44
It's so encouraging to hear two very successful examples!
作者: redkoni 時間: 11-6-1 10:16
有些家庭就算遭遇過一些經歷,也會改善或者破壞父母子女的關係,子女到外國留學,"在家千日好,出外半朝難",唔捨得家人,珍惜陪家人的時間是很自然的事,反而我認為如果子女能夠有機會真正開拓自己眼界,對普世價值觀(universal value)有更深切的領悟,才是更大的受益者.
作者: supertrex 時間: 11-6-2 15:11 標題: 各位家長可否分享一下子女放洋後有咩轉變
兒子離開香港往英國差不多一年了(讀中3),有些都可以分享:
- 思想成熟了,會考慮別人感受
- 差不多每天都有電話,談兩句生活瑣事
- 回港在家時會收拾自己房間,用完廚房會洗碗,洗煲
- 成績改善了,知道自己的缺點,明白自己要用功。
各位家長,兒女不在身邊,在異地他們都要靠自己,做父母的只能多多鼓勵, 希望他們更獨立和自己解決問題
要明白他們一下子的生活完全變了,包括天氣,語言,食物,朋友,同學,課程。。。。
家長要接受每年只會見幾次,和接受兒女越是獨立就越有自己意見,會報喜不報憂的種種事實
最重要家長要學會“let go”
這整個成長過程裏,對父母與子女,雙方都有好處。
歡迎光臨 教育王國 (/) |
Powered by Discuz! X1.5 |