教育王國

標題: 仔仔N1俾人打 [打印本頁]

作者: hungredred11    時間: 11-5-26 13:44     標題: 仔仔N1俾人打

仔仔2.5yrs, 事發星期一放學搭校車返屋企, 落車之後我見佢右邊面好紅, 就問佢係學校發生咩事, 佢答我話俾“哥哥打”, 因為我仔係12月出世既超仔b, 班裏面個個都大個佢, 所以佢先叫人哋哥哥, 點打動作都做一次俾我睇。

第期二我打去問老師, 但係老師話仔仔係學校無咩特別,  所以我就覺得可能係搭校車返嚟既時間枕住個頭瞓覺壓到紅晒。

到咗星期三我同佢傾計, 問返佢係學校點, 佢又答我話俾哥哥打, 我問佢有無話俾老師聽,佢話無,咁俾人打有無咸,佢又話無,我問左幾次佢都係咁答我, 又重覆做返人哋點打佢既動作。之後我同佢講如果下次再係咁一定要話佢老師知。

各位, 我應該點處理呢?再打俾老師問清楚?定係轉校好呢?
作者: pipi331    時間: 11-5-26 13:51     標題: 回覆 1# hungredred11 的文章

提示: 作者被禁止或刪除 內容自動屏蔽
作者: someoneelse    時間: 11-5-26 19:35

究竟係響學校定響校車俾哥哥打呀?!

原帖由 hungredred11 於 11-5-26 13:44 發表
仔仔2.5yrs, 事發星期一放學搭校車返屋企, 落車之後我見佢右邊面好紅, 就問佢係學校發生咩事, 佢答我話俾“哥哥打”, 因為我仔係12月出世既超仔b, 班裏面個個都大個佢, 所以佢先叫人哋哥哥, 點打動作都做一次俾我睇 ...

作者: hungredred11    時間: 11-5-27 09:46     標題: 回覆 2# pipi331 的文章

因為佢係中途插班, 唔知唔會有影響, 因為病左兩日, 今日返左學啦, 琴晚我同仔仔講, 已經退左燒聽日可以返學,  佢竟然話xxx(自已個名)返學會俾人打, 咁真係要搵老師傾下。
作者: hungredred11    時間: 11-5-27 09:47     標題: 回覆 3# someoneelse 的文章

我有問呀, 佢講左好多次都係話學校
作者: someoneelse    時間: 11-5-27 15:50

咁家長快 d 返學校問下老師喇!有時可能係誤會也好,但求一清二楚嘛!

原帖由 hungredred11 於 11-5-27 09:47 發表
我有問呀, 佢講左好多次都係話學校

作者: hungredred11    時間: 11-6-1 13:08

問左啦,老師幫我留意咗幾日,佢話班上有個好活躍既男同學,有時真得整到我個仔都唔知。唔該晒各位媽咪。




歡迎光臨 教育王國 (/) Powered by Discuz! X1.5