教育王國
標題: 無人同仔仔玩 [打印本頁]
作者: 我係女仔 時間: 11-5-23 19:34 標題: 無人同仔仔玩
小朋友唔識同人溝通, 公園D小朋友都唔理佢, 我個仔有時行埋去D小朋友度, D小朋友就叫佢行開
D EE問仔仔幾大, 我只好答佢岩岩2歲,他個子又SHORT, 樣又BB, 如果同人講佢真實年紀一定比人話唔似,一個知成村人都知, 真係好怕比人笑佢..有少少覺得仔仔好慘
[ 本帖最後由 我係女仔 於 11-5-23 19:54 編輯 ]
作者: chlohong 時間: 11-5-23 22:35
我仔現在1歲10個月大, 但只有6個月大BB的能力, 我住沙田, 若不介意, 可以約出黎玩呀
作者: Capricorn2521 時間: 11-5-24 10:45
三九吾識七，有d大d或叻d嘅小朋友真係吾睬你，叫你走。通常去到公園都係我同仔仔玩，一起sir滑梯，一起攀高攀低，或磅住佢玩。
記得有一次幾個5-6歲男仔在滑梯底玩"爆旋佗攞"，我個仔走賣去想攞個爆旋佗攞，我就同佢講：不可以攞架！我地企响道睇哥哥點玩呀！然後我就在旁旁述d哥哥做緊mug野。之後佢又想去sir滑梯度想落黎，我又話：哥哥玩緊呀，不好sir住，去果度玩呀！之後仔仔都冇再走近，只在滑梯上面望落去，睇人玩。
我又試過叫仔仔同一個6歲的姐姐講hello，當時仔仔正準備sir滑梯，個姐姐排第2，點知佢個妹(排第3)(5歲)响後面話：走啦！我仔仔當然吾知發生咩事，我就叫佢sir落黎。
有時都冇辦法，自己果個lee方面弱，唯有在旁多d教佢。睇吓邊d小朋友可以同佢有交流，找機會教佢。
原帖由 我係女仔 於 11-5-23 19:34 發表 
小朋友唔識同人溝通, 公園D小朋友都唔理佢, 我個仔有時行埋去D小朋友度, D小朋友就叫佢行開D EE問仔仔幾大, 我只好答佢岩岩2歲,他個子又SHORT, 樣又BB, 如果同人講佢真實年紀一定比人話唔似,一個知成村人都知, ...
作者: someoneelse 時間: 11-5-24 11:18
好難講...依家香港呢個社會，教育出大部份比較自我 (or 自私) 的孩子？！
人家孩子無問題，好多家長都不認為 (or 不知道) 正常而健康既社交有幾重要？！
孩子有背景，我們一般比較敏感，咩都想孩子做到最適當...但世間上無論人或事都根本唔容許我們去追求“完美”？！
凡事盡力而為好了...有時響言語上是會吃點虧的 (例如人家說話無禮，但我們不可能這樣教育/縱容自己孩子)，不過，一切一切，但求無愧於心好了？！
永遠相信今日播的種，他日一定會開花結果！
作者: Capricorn2521 時間: 11-5-24 11:57
其實都有d正面嘅經驗嘅.....
記得又有一次，仔仔讀緊公園嘅英文字，有個都係3-4歲嘅男仔走近，跟住仔仔讀字，仔仔就好開心，然後佢兩個你一言我一話，哈哈大笑。仔仔走開，佢又跟住我個仔走，好似想同佢玩咁....
見到呢d情形，我就最開心啦。不過so far都係試過3次...
作者: 我係女仔 時間: 11-5-24 12:01
但有D小朋友行埋D都比佢話, 仔仔又無搞佢D野喎, 只係睇咋麻
作者: Roseyuen 時間: 11-5-24 12:52
原帖由 我係女仔 於 11-5-24 12:01 發表
但有D小朋友行埋D都比佢話, 仔仔又無搞佢D野喎, 只係睇咋麻
而家香港好多小朋友都係咁, 都唔知係唔係獨仔獨女, 定係家庭教育差! 如果有其他小朋友叫我地的小朋友走啦or唔好搞我地d野等, 我會同佢講 "唔可以咁樣同人地講野架" "唔好咁緊張, 我地都冇搞你d野" 雖然我冇權話人地的小朋友, 但真係會睇過眼! 有時d小朋友用左個sir滑梯來玩爆旋佗攞, 我都會同佢地講, 你地咁樣會左住其他小朋友玩架!
作者: bbricky 時間: 11-5-24 13:16
原帖由 Roseyuen 於 11-5-24 12:52 發表
而家香港好多小朋友都係咁, 都唔知係唔係獨仔獨女, 定係家庭教育差! 如果有其他小朋友叫我地的小朋友走啦or唔好搞我地d野等, 我會同佢講 "唔可以咁樣同人地講野架" "唔好咁緊張, 我地都冇搞你d野" 雖然我冇權話人 ...
作者: ttlucky0303 時間: 11-5-25 15:51
我會同我小朋友帶一0的玩具去玩, 例吹波波OR 皮球, 可以用呢0的玩具同同齡既小朋友玩, 我小朋友都有被大佢2,3歲既小朋友, 我同個小朋友講佢係慢少少, 個小朋友就冇介意仲主動同佢玩. 我個女都有睇小朋友玩爆旋佗攞, 係度指手畫腳好開心, 我就同0的小朋友傾計, 有0的較百厭既小朋友成日走黎走去, 推到我個女, 我特意唔理, 就有0的小朋友保護佢, 拖住佢坐係佢隔離
我覺得唔好怕, 反而我地可以主動多0的, 等小朋友都可以主動, 我小朋友而家都會主動同人玩, 不過同人講有內容既話題仲未好得, 同埋講得較簡單...要人地guide住佢講就得...
作者: BeBe媽媽 時間: 11-5-29 01:10
一般小朋友都唔會點同細BB玩架!佢地自己又可能有朋友仔一齊....我仔果時都係得我同佢玩! 除非我攞單車/波呀呢D....其實人就會走埋嚟玩(你個玩具!)
而家我仔番左成年N班,識左好多同學...追住跑佢就會一齊玩,但有時人地同佢講野(溝通),我仔都係唔多理,自己有自己跑.....=_=
作者: Geni 時間: 11-5-29 11:20
我就咁睇，被拒絕都係學社交嘅其中一環，小朋友有小朋友自己嘅溝通方式，非必要(打交）我都唔會出聲，由得佢地用自己嘅方法去同人玩，爸爸媽媽成人跟住佢係唔會有進步的。
另外，我覺得冇必要刻意唔俾人知自己小朋友嘅真實年齡，細粒咪細粒囉，有乜嘢問題？我都有好幾個朋友嘅仔女都係細細粒的，我唔覺得好笑，個小朋友都有好多朋友呀！我反而諗係咪媽媽你自己介意個仔唔夠人高大呢？
作者: Charlotte_mom 時間: 11-5-30 14:36
我仔讀N班時, 老師都講過類似既COMMENT, 聽到我都好心痛(無人同仔仔玩)
無計啦, 自己小朋友溝通係弱D, 的確會令佢地比較難融入一D遊戲裡面, 譬如人地玩ROLE PLAY, 我仔真係完全跟唔上亦無興趣, 咁情況下, 可以"介紹"自己小朋友去一D無咁複雜既遊戲, 例如SIR滑梯, 一齊TUM TUM轉等, 等佢地有得一齊玩但仔仔又唔會跟唔上, 如果可以的話, 你陪住佢, 同佢一齊向小朋友分享(分享小食啦, 遊戲啦, 或者搵到既有趣既樹葉都可以)
另外, GENI講得岩, 現實世界總唔同既人, 被人拒絕都係學習既一部分, 就算正常既小朋友都有被拒絕既時候, 睇開D!
| 歡迎光臨 教育王國 (/) |
Powered by Discuz! X1.5 |