教育王國

標題: 個仔搞個女 [打印本頁]

作者: angel_laam 時間: 11-5-23 11:51 標題: 個仔搞個女

我個仔就黎9歲, 個女而家2歲半, 前日工人姐姐同我講個仔經常係妹妹面前除褲, 刻意露出私處比妹妹睇。跟住個仔又趁妹妹沖完涼未著衫時衝入房用手搞妹妹下面。姐姐說搞左一次, 叫左個仔唔好,個仔同距講"我鐘意呀!"跟住繼續再用手搞, 姐姐話就趕左阿哥出去, 姐姐就係第二日當住我同我兩夫婦同個仔面講件事出黎。
我好嬲, 好煩, 心又好亂, 呢件事要好好處理, 我個仔好反叛的, 我同左距講左道理, 距唔知聽唔聽, 好多野距可以唔聽, 呢樣野我係唔可以再容量再發生, 因為我一定要保護個女。想問媽咪有無意見, 我可以點做。因為距地兩個同一屋簷下, 好怕個仔出於好奇心做左一d彌補唔到既事,又無理由分開距地兩兄妹。
想問係唔係可以去一d地方找專家去教我個仔性知識, 我叫我老公同距講, 距話唔知點講。希望各位媽媽可以比d意見, 幫下我,thx!

[ 本帖最後由 angel_laam 於 11-5-23 13:16 編輯 ]

作者: CPLau129 時間: 11-5-23 19:48

處理得唔好會幾嚴重.問吓學校社工,有冇方法或可轉介,提供專業意見.

作者: 小曳人 時間: 11-5-24 17:27

家計會有一套教材可以用嚟同小朋友講~
好似講故事咁~

作者: angel_laam 時間: 11-5-24 19:49

原帖由 小曳人 於 11-5-24 17:27 發表
家計會有一套教材可以用嚟同小朋友講~
好似講故事咁~

你好, 想問下套教材係唔係直接去問家教會就有, 係唔係同距地買?

作者: justin2003 時間: 11-5-25 12:06

你睇下呢條link對你有冇用？

http://www.sexedonline.tv/sexedonline_aca_story.html

同意你一定要搵社工，都問埋佢點樣利1用以上呢個網站

作者: angel_laam 時間: 11-5-25 19:40 標題: 回覆 5# justin2003 的文章

唔該晒, 我睇緊個網站, 星期六都會去家計會問教材, 我會係性教育方面放多d時間, 問題要正視, 亦都要面對同解決。
學校社工我又唔太敢搵, 因為一驚動到學校我怕個仔會好唔開心, 怕老師會當距怪獸甘看待。想問除左學校社工, 仲有無其他地方可以找社工問架呢?

作者: justin2003 時間: 11-5-25 20:49

我未試過搵校外社工，不過見到呢個POST:

http://www.baby-kingdom.com/foru ... ead&tid=3452939

希望幫到你！

作者: yoyo321 時間: 11-6-22 19:14

你個仔早熟....
比d恐懼佢..:loveliness: :loveliness:

作者: annie40 時間: 11-6-24 13:00

Angel,

大家都是妈妈!  对你的担忧和恐惧很明白!  各网友已提供的议见都很好!

不知是否食品收污染或其他各类原因, 今天的孩子是太早熟了! 情况有机会如一个十六岁男孩或女孩的生理时针错放在九岁的孩子身上, 以九岁的心智真的好难明白太多道德和社会法规.  不要太怪责自己或孩子.

长远的健康发展可同时考虑从注意饮食和运动.
* 不吃或减少吃高荷爾蒙食品如牛奶, 肉类
* 避免吃快餐,零食,加工食品
* 多吃水果, 蔬菜, 菇类, 天然堅果
* 另外多参于各种群体运动, 如足球,篮球, 棒球, ruby,童军训练, 总之要晒到黑麻麻, 汗流浃背, 气乎如牛的一种. 精力有渠道发泄.  (本来学martial arts佷好, 但今天的场地的全天侯的冷气馆, 玩足两小时都无汗水流, 可惜!).

以上未必是原来的生活模式, 但父母原意调节, 孩子一定做得到,

祝福大家身心健康!

annie

原帖由 angel_laam 於 11-5-23 11:51 發表
我個仔就黎9歲, 個女而家2歲半, 前日工人姐姐同我講個仔經常係妹妹面前除褲, 刻意露出私處比妹妹睇。跟住個仔又趁妹妹沖完涼未著衫時衝入房用手搞妹妹下面。姐姐說搞左一次, 叫左個仔唔好,個仔同距講"我鐘意呀!"跟住 ...

作者: WowWow 時間: 11-6-24 16:05 標題: 回復 9# angel_laam 的帖子

我覺得你可以先同佢講吓先, 了解吓佢點解咁做, 9歲係學校已經學過男女孩子的分別和要專重別人的身體! 佢可能知你地唔鐘意佢咁做,而特登做吸引大人注意, 要了解佢諗乜先再找辦法解決!

作者: angel_laam 時間: 11-7-3 21:19 標題: 回覆 10# WowWow 的文章

問左仔仔點解要甘做, 距話都唔知點解。我覺得距係出於好奇同想引人注意。事件發生左之後我好凝重甘同距講甘樣係犯罪行為, 等同性侵犯, 我都無比距地兩個獨自留自相處, 同時我比左d性教育資料距去睇。上個月個仔考完試而家開始放暑假, 多兩日我會去家計會到問姑娘意見, 順便睇下有無社介紹囉。其實我自己一直以為小朋友大概十歲以上先要性教育, 都係我錯忽略左, 學校性教育不合時宜, 而家小朋友係早熟左。

作者: talknwrite 時間: 11-7-3 23:05

到處都有不良資訊, 看得多就有樣學樣

作者: angel_laam 時間: 11-7-4 11:28 標題: 回覆 12# talknwrite 的文章

電腦我放係廳, 平時晚上只會比距上一陣網, 我同先生都會留意住距睇d咩, 應該唔會係網上吸收番黎, 唔知係唔係同學方面學。

作者: angel_laam 時間: 11-7-7 08:26

上左去灣仔家計會, 係8樓有個性教育圖書館, 入面有好多教才同圖書, 有性教育全套教才同埋VCD賣, 亦都可以比50蚊做兩年會員借書睇, 另外都可以帶埋小朋友上去睇書。我同我老公STAY左一段時間買左幾本書覺得都幾好, 姑娘話只要我地睇多D性教育既書, 就可以一步一步甘自己去教。我睇過D書好詳細, 什至連教老師點同學生上性教育既書都有,一問一答形式去引導小朋友。我買左幾本書, 遲D都會帶埋個仔一齊上去參觀下。

作者: 北京狗 時間: 11-7-8 22:53

睇到個post,令我諗起我自己,我細個俾阿哥搞過,嗰時大家都細,最早有呢d記憶係幼稚園直到p.5,佢大我8年,呢個陰影跟到我今時今日,我中學時一次同阿媽鬧交中講咗呢件事俾佢聽,之後同同學傾計時都同同學講咗,佢話咗俾學校社工知,我阿媽覺得好無面,話係我發姣,抵死,仲講咗好多難聽說話,講真我好恨佢,因為佢係我阿媽,居然吾保護我之餘仲要講野傷害我e.g.姣東,爛東(粗口)好多好多,到而家佢都要我同個同學講無發生過,係我亂講,有時諗起都喊,講俾你聽,係希望你做好防範措施,佢地少機會獨處吾代表無可能發生,要留意下個女,等佢大d,試下佢記唔記得有咁既事,如果記得一定要好好開解佢,萬一將來再有咁既事,記住保護個女,最緊要俾個女知道,無論咩事,父母都會保護佢,希望你女女俾我好彩la

作者: prticicacdveina 時間: 11-7-11 16:45

提示: 作者被禁止或刪除內容自動屏蔽

作者: angel_laam 時間: 11-7-11 22:48

原帖由 prticicacdveina 於 11-7-11 16:45 發表

聽你講感觸都幾大個，所以對小朋友的性教育一定要早早開始，至於點樣教我諗都系搵啲專家聽下意見，唔知香港系邊度可以搵到關於小朋友性教育的專業人士？？？ ...

香港政府一直都無正視性教育問題, 我個仔已經小三升小四, 學校係性教育方面跟本就好少(近乎0)。我係家計會問過唔會有社工亦唔會有專家。我係網上SEARCH過好多資料都唔見政府有提供, 連基本既性教育講座都無。家計會話性教育應該由父母自己去學習然後教子女, 我覺得都可以接受, 但我希望可以雙管齊下, 家教同時亦可以尋求專家協助。出左呢個POST之後有私人機構PM我, 介紹距地公司有專業人士提供性教育, 但我跟本就唔知可唔可信, 距地既專業又有幾專業? 而且費用唔平, 如果再搵唔到好既就試下搵果D囉。不過好唔明點解連性教育都要花甘多錢去搵人去教, 唔通屋企無錢就唔可以接受性教育

作者: 愛貓 時間: 11-7-18 16:52

應可跟學校社工有保密協議, 事件只讓社工跟進而不用知會校內老師.

如果問題解決不了, 怕受影響的不只是妹妹, 更是其他同學仔.

作者: 小吉梨 時間: 11-7-20 15:32

提示: 作者被禁止或刪除內容自動屏蔽

作者: fa_fa 時間: 11-7-20 16:41

大部分人都將焦點放在哥哥身上，
其實也可開始教導妹妹，
教導她什么是私處，
只可誰摸、、、、
我亦是這樣教個女，
願主祝福你早日解决問題！

作者: 小吉梨 時間: 11-7-20 17:02

提示: 作者被禁止或刪除內容自動屏蔽

作者: 小吉梨 時間: 11-7-20 17:21

提示: 作者被禁止或刪除內容自動屏蔽

作者: angel_laam 時間: 11-7-26 08:51 標題: 回復 21# 小吉梨的帖子

小吉梨多謝你既建議, 其實果件事發生左之後, 我有幾次都耐心甘同個仔傾過, 距都應該好明白, 亦都同我講出距甘做有咩唔0岩。知道事件之後我無即時責罰距, 只係一直尋找幫到距地既方法, 家計會圖書館既書真係幾有用, 可以從兄妹二人性教育方面入手, 一步一步甘去教, 暫時我個仔無再做d唔專重妹妹既行為, 其實我都相信個仔係出於好奇, 反判, 引人注意既心理。距知道事情既嚴重, 同時我都有買d教材比距認識清楚, 解開距既疑惑。我相信問題唔會即時解決, 我每日都會細心觀察兩兄妹, 小朋友一日一日長大, 需要既知識都唔同, 路仲係好漫長, 我自己都會係呢方面睇多d書同搜集多d資料, 同小朋友一齊成長。

作者: angel_laam 時間: 11-7-26 08:55 標題: 回復 22# 小吉梨的帖子

我星期六都已經去左書展, 今日last day都會去多次, 亦都會去家計會個counter睇下,希望有收獲啦, 我早幾個星期已經係家計會圖書館買左批書, 今日去同職員交流下傾下都好。

作者: fishh322 時間: 11-8-2 09:37

提示: 作者被禁止或刪除內容自動屏蔽

作者: vincher 時間: 11-8-5 23:15 標題: 個仔搞個女

溫馨提示:準備部署把2人分房睡
開始兒子可能是引你們關注/貪玩，但隨著年齡大了，男孩子會對女孩子有好奇……

歡迎光臨教育王國 (/)