教育王國

標題: Duplicated [打印本頁]

作者: bolun 時間: 11-5-21 22:32 標題: Duplicated

本帖最後由 bolun 於 14-6-20 22:23 編輯

dddfdsfdsf

作者: tanglulu 時間: 11-5-23 12:35

of course SH

作者: Lilo 時間: 11-5-23 15:45

肯係聖心啦！兩間幼稚園都可直升小學，大家都係天主教私立英文小學，聖心小學就好過st clare！

作者: sheffield 時間: 11-5-23 15:58

聖心唔保証一定真升的呀！只可以話過往記錄都收得番…又如果遇上"3年一潤"的有4班UK，咁上小學就更唔擔保…

原帖由 Lilo 於 11-5-23 15:45 發表
肯係聖心啦！兩間幼稚園都可直升小學，大家都係天主教私立英文小學，聖心小學就好過st clare！

作者: bolun 時間: 11-5-23 23:35

謝謝！2008出生率太高了！而家有時買D較熱門衫褲都難買D。更何況是學位！

作者: tszfungmama 時間: 11-5-24 09:48

提示: 作者被禁止或刪除內容自動屏蔽

作者: 02040314 時間: 11-5-24 17:06

講名氣同成績一定係SH好，但父母同小朋友一定預咗要比好多時間係功課同溫習度，校風就一樣好，睇你要求乜嘢！
仲有以中學banding, SH係band 1頭，St Clare band 1尾，睇你要求女女成績點。
我呢個懶媽咪，淨係想阿女有好品德、英文好，同輕鬆少少讀書，K1已經學位咁緊張，St clare就保証上小一，完成啱我囉，以上只是個人分享！

作者: bolun 時間: 11-5-24 19:23

始終，做父母都應為子女找條好路行。一家人試過努力過，SH行唔點，爛船斬埋都有幾分釘！再轉校也不太難！我都有朋友試過，都找到間Band1尾收番！
SH真係一間好學校啊！

連D修女都好過 XX(CWB)間。剛剛下雨，我無帶傘，工人又聽不到我電話，我唯有抱女兒回家。突然，有位件修女主動為我們打傘，仲度堅持送到我大廈內有蓋地方才走。

當然，得人恩果，我上前多謝再問其名啦。在此，我好感謝聖心的梁修女。

作者: 02040314 時間: 11-5-24 22:47

總之，兩間學校都好好，唔怕第時小學讀得辛苦d, 就揀SH.

作者: tszfungmama 時間: 11-5-25 09:38

提示: 作者被禁止或刪除內容自動屏蔽

作者: cdpen 時間: 11-5-25 20:07

Of course SH

[ 本帖最後由 cdpen 於 11-6-12 23:24 編輯 ]

作者: bolun 時間: 11-5-26 08:49

係呀！較早前接獲校方來電若再有空缺會給予小女。
有朋友女兒在聖心就讀五年級，功課每日都有六至八樣。仲要溫習；結果，朋友要辭職專一照顧女兒才勉強應付到。大人及小孩都承受壓力呢！
雖然，已有聖心Offer但按女兒性情(唔輸得)，怕她有壓力呢！
So….. 我會揀間無敢大壓力好些！唔駛Band 1頭的學校了！因此，對St. Clare都好有期望呀！

我丈夫仲寄望SPK有回音！我就唔敢望了！有得Waiting已滿足了。要收的都收咗！應該都無人會退學吧！

作者: brrbaby2007 時間: 11-5-26 09:27

原帖由 bolun 於 11-5-26 08:49 發表
係呀！較早前接獲校方來電若再有空缺會給予小女。
有朋友女兒在聖心就讀五年級，功課每日都有六至八樣。仲要溫習；結果，朋友要辭職專一照顧女兒才勉強應付到。大人及小孩都承受壓力呢！
雖然，已有聖心Offer但按女兒性情(唔輸 ...

小五要呈分自然谷d，而且日日六至八樣功課唔算多了

作者: tszfungmama 時間: 11-5-26 10:38

提示: 作者被禁止或刪除內容自動屏蔽

作者: bolun 時間: 11-5-26 10:43

我以前小學返下午，都有七、八樣功課，可能我自己資質差！晚晚食完飯八點九入房做功課，做完都差不多十一點！快的，都十點半！成日都溫到半夜十二時(其實都未熟) 便收工！

第二日朝早無政府狀態，十點幾起身便看電視了。

宜家，我為人母親實不忍心女兒又敢辛苦了。

點解，香港教育制度都無變過(Band 1好學校都較傳統)，令小朋友都不愛上學？

廿幾年前，小學生個書包重！到宜家….. 香港小學生個書包都係咁重！

書商同學校跟本利益輸送……！教育局有責任去制定課程，政府有印務局，甚至可編印課程。為何不同學校會用不同教科書？為何要家長每年就書本少量改動而又買新版書。

宜家電腦都普及化啦！D課程教育局可以直接放上網或校方(學校好多已有Programmer) 可將課程放上網啦！

現在政府怕書商從業員示威請願遊行、怕人嘈累其無飯開？

今日的學生便是我們社會的未來！香港政府在弄什麼？可能，他們自己也不知！
唔做唔錯！每年過了買書過幾日的小小新聞報導(輿論)便過骨！

香港政府高官太短視無做過長遠策劃，唔識策劃都試吓抄新加坡等地呀！香港學生中、英都半筒水！成日做調查、什麼專責小組……全部結果都是政府就自己政策而度身訂做。

Band1學校，推行小班制；不如推行活動教學呢？令學生愛上學才是最好的推動力。香港政府有否令學生愛上學……. ！我曾是一個受害者….. 讀書讀到厭(當時)，又不想增加家庭擔子，無出國留學(完成大學) ，便找工做了。

我真的，好希望政府可推行長遠教育政策！好讓我們的子女不是草草畢業，更不用漂流海外讀書。

香港政府唔好做弱勢政府，市民經常有理無理不同意的聲音日日都有。好的政策係要行，唔係拖….. 拖到高官們自己都退休，問題交予下一任。

對不起，……. 我對政治無興趣，但影響了我子女便在此呻一呻吧！

作者: w_y 時間: 11-5-26 12:00

呻完, 要靜下來想想對策. 有時隨波逐流少不免, 但要將負面影響減到最低至得.
St Clare's 係英小, 唔好低估佢地學業壓力, 只係佢地升中方面競爭無咁激烈 (咁已經好大幫忙啦!) 有時壓力唔係來自學校, 係來自家長, 唔係要名氣, 唔一定要讀BAND 1 頭學校, 有聽書, 有勤力, 一樣可以拿到好成績.
至於功課量, SH 小學返半日, 我係老師都俾多D 功課你, 費事你咁得閒係屋企無所事事呀嘛

2 間小朋友都咁乖, 求其一間有OFFER 都唔錯啦. 私校仲要交學費, 唔係人人可以/願意負担, 有得選擇都好幸運了, 你估大抽獎等運到好好玩咩, 果種壓力真係幾難受.
至於CWB頂級名氣果間呢....我無報名, 大家理念唔同.

所以無話邊間好, 揀一間合適小朋友個性和家庭需要就最好.

作者: w_y 時間: 11-5-26 12:02

學校唔谷你就驚啦.

原帖由 brrbaby2007 於 11-5-26 09:27 發表

小五要呈分自然谷d，而且日日六至八樣功課唔算多了

作者: brrbaby2007 時間: 11-5-26 12:07

原帖由 w_y 於 11-5-26 12:02 發表
學校唔谷你就驚啦.

非常同意，特別當你知道d唔係名校都成10樣功課時你就會話乜學校俾o甘小功課既，所以pressure都是來自家長多

作者: brrbaby2007 時間: 11-5-26 12:14

原帖由 bolun 於 11-5-26 10:43 發表
我以前小學返下午，都有七、八樣功課，可能我自己資質差！晚晚食完飯八點九入房做功課，做完都差不多十一點！快的，都十點半！成日都溫到半夜十二時(其實都未熟) 便收工！

第二日朝早無政府狀態，十點幾起身便看電視了。

宜家，我為人 ...

我諗個個家長都o甘諗，有邊個想仔女冇興趣追求知識ar，都有好多人揀活動教學，但上完個中學點呢，讀IB上本地大學始終有斷層，所以好多人好hestiate

作者: tszfungmama 時間: 11-5-26 14:16

提示: 作者被禁止或刪除內容自動屏蔽

作者: brrbaby2007 時間: 11-5-26 14:40

原帖由 tszfungmama 於 11-5-26 14:16 發表
"有時壓力唔係來自學校, 係來自家長, 唔係要名氣, 唔一定要讀BAND 1 頭學校, 有聽書, 有勤力, 一樣可以拿到好成績."

完全同意
我哋需要直升小一, 校風良好, 所以我哋選擇左st. clare's, 因為真係唔想再煩 ...

話時話我唔係好清楚St Clare係私小但到中學係津小，o甘小五、六使唔使呈分？點解中學可以收翻晒大部份私小生？

作者: w_y 時間: 11-5-26 19:24

因為佢地中小學係直屬關係囉! 加上小學人數少. 但唔好諗住直屬就好安樂, 萬一成績跌去Band 2 都唔係一定入得返自己中學.

作者: 02040314 時間: 11-5-26 22:20

原帖由 tszfungmama 於 11-5-26 14:16 發表
"有時壓力唔係來自學校, 係來自家長, 唔係要名氣, 唔一定要讀BAND 1 頭學校, 有聽書, 有勤力, 一樣可以拿到好成績."

完全同意
我哋需要直升小一, 校風良好, 所以我哋選擇左st. clare's, 因為真係唔想再煩 ...

Agree x2!!
想當年有幸讀band 1頭中學，讀書壓力超大，一d快樂回憶都無。相反，好懷念小學無憂無慮嘅生活，香港教育制度已死，我唔希望自己嘅小朋友細細個已經咁大壓力，我只希望佢哋健康、快樂地成長，唔想迫佢哋太緊！

作者: tszfungmama 時間: 11-5-30 09:01

提示: 作者被禁止或刪除內容自動屏蔽

作者: orsiuping 時間: 11-5-30 11:08 標題: 回覆 13# bolun 的文章

FYI - SPK is much more pressure than SH in Pri. and Sec.

歡迎光臨教育王國 (/)