教育王國

標題: 考到LS唔讀係唔係好傻? [打印本頁]

作者: bigcakecake 時間: 11-5-10 22:03 標題: 考到LS唔讀係唔係好傻?

今年囝囝派入了LS小一, 而SSP一間出名的私校取錄了他. 在朋友口中得知前者老師教學方法和態度的情況, 自己唔係太認同, 覺得小兒如果入讀後者的話, 可以發揮得較好, 而且他們亦有資優培訓課程. 如打算放棄LS會唔會好可惜. 想聽吓大家嘅意見.

作者: okangelmama 時間: 11-5-10 23:08

係D有可惜,不過都係要小朋友讀得開心先係一個好選擇

作者: lauerica 時間: 11-5-10 23:17

唔好做令自已後悔既事。

作者: mw7183 時間: 11-5-10 23:22

請問你系幾分考入LS?

作者: hellojl 時間: 11-5-10 23:28

我會多問幾个朋友先决定, 有冇d在LS讀緊的friend問?

作者: SuperSmallTwins 時間: 11-5-11 05:58

我估計你在SSP 的學校是天主教的一家，
我也是LS，SFA 及APS 也收了，問題是LS是政府排位，所以沒有從前的好了，所以我也不知道什麽選擇。

作者: karen55407 時間: 11-5-11 07:13

舊年都有四個成功從SFA插班入LS讀小二，可想而知，不少SFA嘅家長係target LS的。

作者: DaddyX 時間: 11-5-11 08:52

提示: 作者被禁止或刪除內容自動屏蔽

作者: thomas_dad 時間: 11-5-11 09:00

同意，每年都有不少SFA考得全級頭幾名的人希望插班入喇沙。入讀喇沙小學，將來直上喇書的機會遠遠大過在別的學校，祇要keep到約頭80-100名左右便可以，相對其他小學可能要在全級最前列才能考入喇書，在升中上已經佔了不少優勢。

另外，喇小是津小而SFA每月要交2000多的學費，相對6年來說，這筆金錢可以有更多選擇。而且，讀SFA亦不見得比讀喇小輕鬆，如果是我，寧願一動不如一靜。

thomas_dad

原帖由 karen55407 於 11-5-11 07:13 發表
舊年都有四個成功從SFA插班入LS讀小二，可想而知，不少SFA嘅家長係target LS的。

作者: cat_house 時間: 11-5-11 10:13

SFA同喇沙都係勁谷既學校﹐全級最前列既同學和家長應能應付喇沙(因為模式相同)﹐所以想由要收費既sfa轉去喇沙亦無可口非。問題係小一入學﹐如果父母不認同學校既教育理念﹐就算在喇沙就讀亦未必能夠跟上喇沙又或讀得不高興。那麼要讀6-12年就實在太辛苦了。

原帖由 thomas_dad 於 11-5-11 09:00 發表
同意，每年都有不少SFA考得全級頭幾名的人希望插班入喇沙。入讀喇沙小學，將來直上喇書的機會遠遠大過在別的學校，祇要keep到約頭80-100名左右便可以，相對其他小學可能要在全級最前列才能考入喇書，在升中上已經佔了不少優勢 ...

作者: karen55407 時間: 11-5-11 11:28

還有一樣值得考慮是SFA係勁大班教學，課程緊張，家長一般唔隨便請病假，校園又細，學校又唔公開學生患傳染病資料，容易有傳染病，我朋友今年已中招兩次(流感和病毒感染)，入埋醫院。另外，舊年有兩姊妹中手足口病，起初唔知，當皮膚病咁醫，結果腦膜炎入埋ICU，先從其他家長口中得知有幾位同學有手足口病，學校一直無公佈，家長話如果早知就唔會由細女傳比大女，連媽媽都中埋招，報紙都賣埋。SFA無疑是一間好學校，我都好鍾意，但當有LS offer時，我一定揀LS！

作者: cckidsmm 時間: 11-5-11 11:43

在我認識朋友中, 有兩個讀過ls, 其中一個小三轉了去國際學校,好似係家長唔係好認同老師既教學方法和態度. 加上小朋友好大壓力,又讀得唔開心,所以轉校.

另一個家長都覺得小朋友壓力大, 但係認同名校小朋友大多數都係有壓力,吃得鹹魚抵得喝.

作者: 小雞組 時間: 11-5-11 12:04

本帖最後由小雞組於 12-6-6 12:43 編輯

sorry, post deleted

作者: karen55407 時間: 11-5-11 12:07

年年LS都有人走，一係跟唔上，一係家長頂唔住壓力，但係揀得SFA的，就不會介意這樣了。

原帖由 cckidsmm 於 11-5-11 11:43 發表
在我認識朋友中, 有兩個讀過ls, 其中一個小三轉了去國際學校,好似係家長唔係好認同老師既教學方法和態度. 加上小朋友好大壓力,又讀得唔開心,所以轉校.

另一個家長都覺得小朋友壓力大, 但係認同名校小朋友大多數都係 ...

作者: karen55407 時間: 11-5-11 12:08

有，舊年有人公開賽游水攞牌的，成功叩入小一。係校長親揀的。

原帖由 小雞組 於 11-5-11 12:04 發表
LS有無得叩門㗎！

作者: liusks 時間: 11-5-11 13:01

SuperSmaillTwins

唔計LS, 你會選SFA定 APS呀?

原帖由 SuperSmallTwins 於 11-5-11 05:58 發表
我估計你在SSP 的學校是天主教的一家，
我也是LS，SFA 及APS 也收了，問題是LS是政府排位，所以沒有從前的好了，所以我也不知道什麽擇。

作者: Era 時間: 11-5-11 13:30

SFA冇中學,個網又唔係靚,所以好多家長都係會想插入去唔同既一條龍學校.講真,響P3,4果時,仲有幾多個資優既留響度都成問題,會仲可以開乜野資優既課程呢?就真係要等讀過既家長講下先知啦.
兩間聽聞都係勁谷,如果本身係叻既,響LS就起碼都基本都入番LS,唔鐘意既又可以去第二間.但係響SFA就要諗定想入邊間中學,再計下有冇機會啦.

作者: snowbell 時間: 11-5-12 20:23

原帖由 SuperSmallTwins 於 11-5-11 05:58 發表
我估計你在SSP 的學校是天主教的一家，
我也是LS，SFA 及APS 也收了，問題是LS是政府排位，所以沒有從前的好了，所以我也不知道什麽選擇。

當年我兒子都考到SFA, APS, 但第一輪抽到LS, 就選了LSPS, 到現在LSC都沒有後侮過.
LSPS & LSC 給予學生發展空間非常大，見識很廣，除學術外，運動、音樂、....等活動都有。

在LSPS六年時間，有苦有樂，只要父母從旁引導完成LSPS這六年課程的基本功，再接中學課程就輕鬆很多.
(今日流口水，明天流眼淚)

老師方面都盡責，有時不要看表面，老師每個做法，都會有某個原因，多回校做義工和與老師溝通，就會明白得多.

小朋友讀書開心與否，視乎父母的付出，小朋友時間分配，課外活動補習的安排.....

我兒子很喜歡LS, 有歸屬感，所以還未通街逛，
亦使他積極參加校內的活動，學業+運動+活動=無時間諗拍拖，對中學生的絕招.

論傳統學校，學術 + 運動 + 不用交學費 + LSC
真是沒理由不選LS

[ 本帖最後由 snowbell 於 11-5-12 20:42 編輯 ]

作者: snowbell 時間: 11-5-12 21:05

原帖由 cckidsmm 於 11-5-11 11:43 發表
在我認識朋友中, 有兩個讀過ls, 其中一個小三轉了去國際學校,好似係家長唔係好認同老師既教學方法和態度. 加上小朋友好大壓力,又讀得唔開心,所以轉校.

另一個家長都覺得小朋友壓力大, 但係認同名校小朋友大多數都係 ...

在LS讀到現在，學校都不會比壓力給家長和學生，而且沒有精英班制度，相比有些設精英班的小學已減壓力。

小學生就像一粒種子，慢慢施肥，令他變成茂密的大樹。就算種子放在任付肥沃的泥土裏，農夫沒有灌溉和施肥，種子就不能成長，不過農夫不會說自己沒時間去灌溉和施肥，只會說泥土差，成長不到。

作者: bigcakecake 時間: 11-5-12 21:48

好多謝大家嘅意見! 由於私有位朋友的囝囝現時在LS就讀P.4, 聽說老師上堂用好少時間教書, 有時甚至唔教就派worksheet比學生回家做, 上堂提供作業答案比學生抄, 一天可看多套ETV(係同一個老師), 功課又要家長改. 所以我朋友跟得好辛苦, 首先, 根本唔知道老師邊d有教, 邊d無教??? 作業抄咗老師提供咗d答案回家, 原來囝囝跟本唔明, 咁就煩啦. 其實, 我朋友的囝囝是一個聰明的小朋友, 如果老師真正認真地在學校教過他的話, 他是可以自己獨立處理, 但係老師用的教學方法, 導致我朋友用了更多額外的時間從新再教過小朋友,小朋友成績當然唔錯, 不過, 我覺得好浪費時間. 好似'囇'咗位小朋友, 本來朋友好想幫囝囝轉去其他學校, 但係還有兩年就上書院了, 確實有點浪費, 而且, 囝囝已和同學建立了一份友情. 所以, 他唯有繼續協助囝囝捱埋呢兩年. 他已叮囑我要想清楚才作決定.

作者: bb2 時間: 11-5-12 22:03

間間學校都有好的老師, 不好的老師, 問題係睇你遇唔遇到啫..就算去到其他學校咪又有呢個問題..又或者又有其他問題...

反正樓主仲有時間,再問多D人考慮清楚..當然最重要係睇下你小朋友本身條件同埋家庭的SUPPORT啦..希望你仔仔可以入到最適合佢的學校

原帖由 bigcakecake 於 11-5-12 21:48 發表
好多謝大家嘅意見! 由於私有位朋友的囝囝現時在LS就讀P.4, 聽說老師上堂用好少時間教書, 有時甚至唔教就派worksheet比學生回家做, 上堂提供作業答案比學生抄, 一天可看多套ETV(係同一個老師), 功課又要家長改. 所以 ...

作者: bb2 時間: 11-5-12 22:06

唔明點解好多人都話LS勁谷..我一D都唔覺喎...好多時對LS的情況D人都係以訛傳訛..之前有人仲同我講話LS讀高兩三級..嚇得我..根本就唔係咁

原帖由 Era 於 11-5-11 13:30 發表
SFA冇中學,個網又唔係靚,所以好多家長都係會想插入去唔同既一條龍學校.講真,響P3,4果時,仲有幾多個資優既留響度都成問題,會仲可以開乜野資優既課程呢?就真係要等讀過既家長講下先知啦.
兩間聽聞都係勁谷,如果本身係 ...

作者: KatMaMa 時間: 11-5-13 00:03

借個地方講兩句，我兩個小朋友係LSPS都讀得好開心，雖然細佬成績無咁好，但從未俾老師/校方叫過自己退學或其他；講到谷，同事/朋友們讀地區名校嘅小朋友辛苦過佢地好多，不過亦有朋友勁鬧學校唔掂，最終轉校，所以我覺得學校都係人夾人，自己先了解下間學校，再諗下有無時間幫個小朋友，然後先決定喇!

作者: 霖霖B媽咪 時間: 11-5-13 09:08

原帖由 snowbell 於 11-5-12 20:23 發表

當年我兒子都考到SFA, APS, 但第一輪抽到LS, 就選了LSPS, 到現在LSC都沒有後侮過.
LSPS & LSC 給予學生發展空間非常大，見識很廣，除學術外，運動、音樂、....等活動都有。

在LSPS六年時間，有苦有樂，只要父母從旁引導完 ...

聽到師兄既分享, 我就更放心. 亞仔係入面讀左近一年, 一切都適應得好好, 老師都留意到課堂上學生既小舉動. 至於谷........ 由於我係小一家長, 可能未實際體驗到. 不過我覺得學校係有支援, 所以對家長來講, 都係幫左唔少.

反之, 我大女係另一間津校讀, 名氣當然不及LS, 不過相比大家小一既功課量, 明顯大女學校係多, 可以話更谷... 最大問題係冇支援, 所以除非小朋友好自律, 否則都好辛苦.

至於教唔教書, 以亞仔小一情況, 我見佢書上有一些簡單既筆記, 如 :中文書會寫住 "第一段, 第二段", 英文故事書會寫住 " GO ==> WENT ==> GONE" 我估係老師上堂教.

呢D就係我既認知, 不過我都預左上升高小會辛苦, 不過哪間學校可以輕鬆呢???

作者: snowbell 時間: 11-5-13 13:16

原帖由 bigcakecake 於 11-5-12 21:48 發表
好多謝大家嘅意見! 由於私有位朋友的囝囝現時在LS就讀P.4, 聽說老師上堂用好少時間教書, 有時甚至唔教就派worksheet比學生回家做, 上堂提供作業答案比學生抄, 一天可看多套ETV(係同一個老師), 功課又要家長改. 所以 ...

如果你朋友遇到的老師日日是這樣，應該向校長反映，以我所知，喇沙家長遇見這樣的事，早早就去投訴.
不過我那六年就沒有遇過這樣老師，反而覺得LS的老師很盡責和用心教書。

可能每個人都有不同的要求和看法.

[ 本帖最後由 snowbell 於 11-5-13 13:41 編輯 ]

作者: gladdiesum 時間: 11-5-14 18:35

樓主, 有幾傻 ?要思索下宜家系D mud 人入, 他們的
背景和能力, 獨立思考非常重要 !

原帖由 bigcakecake 於 11-5-10 22:03 發表
今年囝囝派入了LS小一, 而SSP一間出名的私校取錄了他. 在朋友口中得知前者老師教學方法和態度的情況, 自己唔係太認同, 覺得小兒如果入讀後者的話, 可以發揮得較好, 而且他們亦有資優培訓課程. 如打算放棄LS會唔會好 ...

作者: bigcakecake 時間: 11-5-14 23:12 標題: 回覆 2# snowbell 的文章

其實我位朋友都想向學校反映, 但係怕會影響仔仔.

歡迎光臨教育王國 (/)