教育王國

標題: 校際音樂節分級限制問題 [打印本頁]

作者: lawping 時間: 11-5-6 12:05 標題: 校際音樂節分級限制問題

各位好:

我是剛加入的, 在這裡看到好多有關幼稚園學生學琴進度 ,
有說K2~K3已考取2~3級 , 甚至4~5級 , 我亦相信事實有好多這類具天份的小朋友.
基於上述原因 , 每年校際音樂節鋼琴1~2級比賽 , 甚或更高級, 會否有不少幼稚園學生奪得冠軍, 或是幼稚園參賽者
奪冠的機會很細 , 因無年齡限制 , 評判會否知道參賽者年齡 , 比若6歲及9歲同樣水準 , 年齡會否影響評分 .

各位媽媽及鋼琴老師如有相關資料可否告知 , 謝謝

[ 本帖最後由 lawping 於 11-5-7 11:54 編輯 ]

作者: Charlotte_mom 時間: 11-5-6 22:57

無明文規定年紀細一定會鬆手d, 不過如果參賽者睇黎比其他"標準"細, 評判可能會印象好d都唔定
都係果句, 藝術呢樣野好subjective架
倒轉黎講, 如果小5,6至去參加1級比賽, 佢地都唔肯啦

原帖由 lawping 於 11-5-6 12:05 PM 發表
各位好:

我是剛加入的, 在這裡看到好多有關幼稚園學生學琴進度 ,
有說K2~K3已考取2~3級 , 甚至4~5級 , 我亦相信事實有好多這類具天份的小朋友.
基於上述原因 , 每年校際音樂節鋼琴1~2級比賽 , 甚或更高級, 會否有不 ...

作者: do-re-me 時間: 11-5-6 23:34

原帖由 lawping 於 11-5-6 12:05 發表
各位好:

我是剛加入的, 在這裡看到好多有關幼稚園學生學琴進度 ,
有說K2~K3已考取2~3級 , 甚至4~5級 , 我亦相信事實有好多這類具天份的小朋友.
基於上述原因 , 每年校際音樂節鋼琴1~2級比賽 , 甚或更高級, 會否有不 ...

評判是不知道參賽者年齡的
其實看重參賽者年齡的評判不多
但音樂始終有主觀因素的,所以以前每人可以參加兩組比較公平

作者: lawping 時間: 11-5-7 00:09 標題: 回覆 2# Charlotte_mom 的文章

但我知道有好些已考2~3級同學參與1級比賽, 目的是攞獎比較易 .
但有無途徑可知道有無幼稚園學生曾經勝出該項賽事呢 .
而我從這裡看到有成員"fcbttkw"的囝囝於5歲半時己考得4級, 未知當時有沒參賽校際呢,
如有參與 , 勝出機會應該好大 .

作者: do-re-me 時間: 11-5-7 00:23

原帖由 lawping 於 11-5-7 00:09 發表
但我知道有好些已考2~3級同學參與1級比賽, 目的是攞獎比較易 .
但有無途徑可知道有無幼稚園學生曾經勝出該項賽事呢 .
而我從這裡看到有成員"fcbttkw"的囝囝於5歲半時己考得4級, 未知當時有沒參賽校際呢,
如有參與 , ...

彈琴不是計數,不是考了3級合格就會比1級的彈得好.當然有很多幼稚園學生勝出,不是他們年紀小又高級,而是他們彈得好,有音樂感.彈琴不是愈高級愈叻的.正如唱歌不是不走音就一定好聽,跳舞都要睇姿態是否優美.不要只著重考多小級,這就是比賽與考試的分別

作者: 十月媽咪 時間: 11-5-7 08:07 標題: 回覆 5# do-re-me 的文章

好認同do-re-me既講法!

我女參加咗校際三年, 第一年參加時, 佢只係K3 (五歲四個月左右, 當時佢只係屬於初級尾至一級頭既階段), 參加一級, 第一個出場...當時好記得全場幼稚園生唔多過三個, 我女係其中之一, 又最大年紀既, 望落都有四五年級....幸運地, 當年我哋嗰場, 幼稚園生都彈得很不錯, 三個入面, 有兩個有獎, 我女係其中一個, 拎咗亞軍; 反而奇怪既係, 越大個嗰D, 唔知係咪識得驚既關係, 彈到好多甩漏, 好記得有一個高大男生, 由阿媽&細佬陪同參賽, 30秒既歌, 望住個譜足足彈咗成三分鐘(當年是可以睇譜彈的)...全場家長睇到眼突!

上年我女小一參加二級, 雖然只得個梗頸四, 但勝出既小朋友都真係彈得好好, 同埋年紀都係偏細!

今年我女小二參加四級 (報名前剛考完三級琴試), 雖然全場最細嗰個未必係佢, 但都應該係偏細嗰批, 最大既...應該都讀中學的了 (仲要唔係得一個半個), 但唔知點解, 佢哋都有個通病, 就係緊張, 上到台, 求其鞠咗個躬, 就走上櫈開始彈, 同埋唔知佢哋花咗幾多時間去練琴呢? 感覺係好唔熟首歌, 好唔流暢, 好多甩漏....(今年幸運地, 阿女得第三名)

有時我諗, 會唔會係因為年級越高, 花響學業上既精神同時間就越多, 變相練琴既時間相對地少咗呢? 加上年紀越大, 就越識得驚, 一緊張, 就連首歌點彈都唔記得咁滯...好似今年校際, 我女同校又同場有個姐姐, 佢最尾嗰個出場, 本來彈得好哋哋的, 但一甩....就緊張到唔記得晒, 加上今年無譜睇, 佢足足諗咗成分鐘, 都入唔番要入既嗰個音, 見到佢緊張到成臉紅晒, 連我做觀眾既都戥佢緊張埋一份呢! ....最後佢唯有彈埋最尾兩句就鞠躬落台了!

所以我覺得, 無話年紀大OR彈得高級D就一定著數D, 同埋年紀大D又唔一定係高級D的...反而參賽者既心理質素啦, 勤唔勤力練習啦, 音樂感啦 (真係好多人坐到好似舊木頭咁彈的), 節奏感啦...評判係睇多方面唻評分的啊!

作者: 洛婷 時間: 11-5-7 10:10

我有個朋友 , 佢小朋友今年參加一級校際 ,
佢果場冠亞季 , 全部都係幼稚園學生 ,
佢話有個望落去似四五年級既男仔彈得非常好 ,
不過最後三甲不入 !!!

我諗當一個大同一個細一齊比賽既時候 , 兩個都彈得好 ,
年紀細果個會比較有優勢 , 評判多數都會偏向細果個 !!!

作者: lawping 時間: 11-5-7 11:11 標題: 回覆 6# 十月媽咪的文章

絕對認同彈琴不是計數 , 因很多其它因素影響 , 但在正常情況下 ( 因有些同學只為興趣而不考試 ) , 級高的技巧應比低級的高 , 但偏
偏這個有國際認可考試的項目可自由地選擇降級參賽 , 而另一校際朗誦則由年齡/年級/姓別都有多種限制 , 兩個比賽有這樣的分別 ,相信一定有原因 , 但我唔明 .

我贊成小朋友參與任何比賽應與同級競爭(只是同級 , 不是年齡問題) ,一些越級挑戰就更欣賞 . 但一些已擁有較高程度考核 , 而參與較低級數賽事 , 就不太認同了 .

( 聲明 :只是討論賽制問題 , 不是為我家小孩討公道 )

作者: do-re-me 時間: 11-5-7 20:56 標題: 回覆 4# do-re-me 的文章

如果評判只是偏心年紀小的參賽者,我認為這評判很膚淺,不配做評判.

其實不是很多評判看年紀的,我眼見很多場比賽勝出者都是有大有細,即使一級也有些得獎者超過10歲,只是一般人只會對幼稚園生留下深刻印象.聽朋友說,聽老師說,或上網見到人人都說,幾歲已經多少級...
否則,超過10歲就什麼比賽也不要參加好了

至於有些幼稚園學生彈得很好,...
晚些再寫

作者: fcbttkw 時間: 11-5-7 23:46

原帖由 lawping 於 11-5-7 00:09 發表
但我知道有好些已考2~3級同學參與1級比賽, 目的是攞獎比較易 .
但有無途徑可知道有無幼稚園學生曾經勝出該項賽事呢 .
而我從這裡看到有成員"fcbttkw"的囝囝於5歲半時己考得4級, 未知當時有沒參賽校際呢,
如有參與 , ...

你嘅資料有些錯誤，阿仔冇考過4級，佢係6歲考5級！

K3第一年參加校際只得第四，冇話絕對有優勢。

講到底，參加比賽都係為攞多D經驗，得失並唔重要，最重要係小朋友從比賽過程中學到嘢!

作者: rookiemom 時間: 11-5-9 07:40

我都贊成應該是同level比賽，學冇前後，大細唔係問題，不過太多空降，比賽有點不公平。

我剛去完一個表演，才發現同我阿仔一齊比賽Grade 4的2個優勝者已是8級程度的，個人認為這是勝之不武！

作者: 音樂人長老 時間: 11-5-9 08:57

原帖由 rookiemom 於 11-5-9 07:40 發表
我都贊成應該是同level比賽，學冇前後，大細唔係問題，不過太多空降，比賽有點不公平。

我剛去完一個表演，才發現同我阿仔一齊比賽Grade 4的2個優勝者已是8級程度的，個人認為這是勝之不武！ ...

空降4級！唉，家長同老師應該清楚知道小朋友水平，仍然選擇去做，佢哋心態係點呢？學界比賽原先目標好單純，近年搞到各出其謀去爭獎，有時間應去練新技巧，為攞獎用學習時間練己經handle到樂曲，可惜呀

作者: fcbttkw 時間: 11-5-9 09:41

原帖由 rookiemom 於 11-5-9 07:40 發表
我都贊成應該是同level比賽，學冇前後，大細唔係問題，不過太多空降，比賽有點不公平。

我剛去完一個表演，才發現同我阿仔一齊比賽Grade 4的2個優勝者已是8級程度的，個人認為這是勝之不武！ ...

我都唔讚同降級比賽，勝之不武之餘，贏咗都唔光彩，對住個獎都唔開心！唔知D人點諗？

作者: wootaitai 時間: 11-5-9 09:46

提示: 作者被禁止或刪除內容自動屏蔽

作者: fcbttkw 時間: 11-5-9 10:08

原帖由 wootaitai 於 11-5-9 09:46 發表
我都有想過這問題。。

其實，有些小朋友8，9歲就有8級。不過，我想他們也不是特意降級，是想一級級上，年年也可以玩。

但係我真係見過有人已考八級，連報幾年四級校際攞獎！
喺其他比賽都有人已考5級走去報John Thompson's First Grade組!

作者: wootaitai 時間: 11-5-9 10:13 標題: 回覆 1# fcbttkw 的文章

提示: 作者被禁止或刪除內容自動屏蔽

作者: fcbttkw 時間: 11-5-9 10:25

原帖由 wootaitai 於 11-5-9 10:13 發表
連報幾年四級校際攞獎 -->我估他實力也唔會好得去邊！

講真，拿D獎有什麼用？考中學，4級好像沒有什麼用wor

我見佢攞咗兩年四級組冠軍！
都唔知為乜？

作者: busybusy 時間: 11-5-9 11:07

我也不贊成降級比賽, 這樣看不出自己實力, 只能為那獎而比賽, 何況低級獎項像你們所說, 那了也沒有什麼, 對升中, 轉校幫助不大.

作者: wootaitai 時間: 11-5-9 11:40

提示: 作者被禁止或刪除內容自動屏蔽

作者: busybusy 時間: 11-5-9 12:28 標題: 回覆 19# wootaitai 的文章

Wootaitai,

你過獎了, 其實, 女兒也是越級比賽, 今年只是運氣好而已, 能否上得去, 還要看她能否繼續努力.

上星期剛考了apa, 你呢?

作者: wootaitai 時間: 11-5-9 14:37

提示: 作者被禁止或刪除內容自動屏蔽

作者: ilovethiscow 時間: 11-5-9 19:10

提示: 作者被禁止或刪除內容自動屏蔽

作者: wootaitai 時間: 11-5-9 22:57

提示: 作者被禁止或刪除內容自動屏蔽

作者: do-re-me 時間: 11-5-10 00:39

原帖由 fcbttkw 於 11-5-9 10:08 發表

但係我真係見過有人已考八級，連報幾年四級校際攞獎！
喺其他比賽都有人已考5級走去報John Thompson's First Grade組!

咁係佢地自己無聊,一般人最多都只係降一級,等自己無咁緊張.我女去比賽果場年紀小的幾個彈得ok,但都沒有獎.

我女溜冰比賽都是無上限級數,8級都可以報1級.高級做低級動作只會容易d,唔洗練咁多,但唔會做得靚d.彈琴亦一樣,所以唔洗計較人地降幾多級,彈得有水準先係最重要.

[ 本帖最後由 do-re-me 於 11-5-10 00:45 編輯 ]

作者: fcbttkw 時間: 11-5-10 11:23

原帖由 do-re-me 於 11-5-10 00:39 發表

咁係佢地自己無聊,一般人最多都只係降一級,等自己無咁緊張.我女去比賽果場年紀小的幾個彈得ok,但都沒有獎.

我女溜冰比賽都是無上限級數,8級都可以報1級.高級做低級動作只會容易d,唔洗練咁多,但唔會做得靚d.彈琴亦 ...

人地降唔降級比賽唔關我事，阿仔喺比賽中絕少遇到！

作者: jollyma 時間: 11-5-16 22:49

我都唔明白何解不分年齡,點可能一個幼稚園同一個四五年級既小學生彈同一首歌,什麼藝術唔藝術,我就唔識分, 如果係表演賽就冇問題, 問題係要比賽,分高低,要爭奪名次,咁就應該有一個相對公平既準則,由同一班年齡range既人於同一條起跑綫出發,咁先公平,現在情況引起好多人降grade為攞奬,咁樣一d都唔專業,亦都難為個評判去作公平判斷,之前我個女嗰場咪又係比個5,6年級既女仔彈一級歌攞咗個冠軍!
唔好忘記,有些基本工的確係要日子磨練回來,大幾年就自然有較佳優勢,好現實既!

作者: 十月媽咪 時間: 11-5-16 23:36 標題: 回覆 26# jollyma 的文章

其實點解要咁肯定一個五六年級既小朋友, 一定係降GRADE去為攞獎呢?....我就響琴行見過一個中三女生, 學完八級長笛, 剛開始加學鋼琴, 佢同D四歲既小朋友一樣, 齊齊彈JOHN THOMPSON GRADE 1....如果校際佢去報一級, 而又攞獎, 難道佢又係降GRADE為奪獎嗎?

當然我唔排除有人會咁做, 但人哋勝之不武係人哋既事, 而現實中, 確係有好多年紀較大既小朋友初學琴的, 佢哋走去彈一級歌, 絕對唔出奇....

至於係咪佢哋年紀大D, 就等於佢哋能力好D & 係咪比賽一定勝算大D呢? 我覺得...無論咩年紀, 要響比賽中勝出, 除咗少許運氣外, 最重要仲係平時既努力 & 臨場既表現!

作者: ming2 時間: 11-5-17 00:09

提示: 作者被禁止或刪除內容自動屏蔽

作者: do-re-me 時間: 11-5-17 00:26

原帖由 十月媽咪 於 11-5-16 23:36 發表
其實點解要咁肯定一個五六年級既小朋友, 一定係降GRADE去為攞獎呢?....我就響琴行見過一個中三女生, 學完八級長笛, 剛開始加學鋼琴, 佢同D四歲既小朋友一樣, 齊齊彈JOHN THOMPSON GRADE 1....如果校際佢去報一級, 而 ...

我贊成十月媽咪的講法,如果分年齡,遲學的學生永遠都無機會比賽.我地d小朋友好幸福,細細個媽媽就安排好4,5歲開始學琴,但有好多家長唔識音樂,仔仔女女大個同媽媽講想學,媽媽先開始諗原來佢有興趣.

比賽唔係場場都大年紀贏or細年紀贏,證明評判唔係只睇年紀

其實年紀細的學生心無雜念,容易領略音樂的精髓,亦較容易培養音樂感

如果要分組,男女都要分,所有出色的音樂家都是男性,郎朗李雲迪都係男人,男人的手比女人大,彈到高級有d曲目女人會練得好辛苦

仲有,有人有錢跟名師學琴,有人無錢無得跟名師,咁又點樣分組

正如考大學,一般人讀完高中考,但有d人可能生病幾年,年紀大些才考,有d神童又可以早d考

作者: marcuscyrus 時間: 11-5-17 00:35

其實大個先參加低grade的組別，心理關口仲難過

作者: 洛婷 時間: 11-5-17 00:52

原帖由 十月媽咪 於 11-5-16 23:36 發表
其實點解要咁肯定一個五六年級既小朋友, 一定係降GRADE去為攞獎呢?....我就響琴行見過一個中三女生, 學完八級長笛, 剛開始加學鋼琴, 佢同D四歲既小朋友一樣, 齊齊彈JOHN THOMPSON GRADE 1....如果校際佢去報一級, 而 ...

agree !!!

我都識一個係小五先開始學琴 ,
學咗幾個月就參加一級校際 ,
難度外人以為佢又降級為攞獎 ???

作者: ilovethiscow 時間: 11-5-17 03:56 標題: 回覆 30# marcuscyrus 的文章

提示: 作者被禁止或刪除內容自動屏蔽

作者: marcuscyrus 時間: 11-5-17 09:41

原帖由 ilovethiscow 於 11-5-17 03:56 發表
但係上次kawai 鋼琴大賽... 業餘組得獎果幾個都係讀緊音樂學院的...只係隱瞞唔報

你指港區定國內?講明..我唔係認同隱瞞，但可能佢地捉緊字x..

作者: marcuscyrus 時間: 11-5-17 09:45

我仔5歲，今年都參加左，我覺得如果佢真係技不如人，咪自己再努力d囉，唔好比佢覺得因為自己細，做唔到都正常，大把人仔細細都彈得好好啦，有時d學生比完賽返黎都有講：冠軍o個個著d xxx學校o既校服架，梗係勁啦，點解唔諗下人地確實係彈得好呢?

作者: ilovethiscow 時間: 11-5-17 11:11 標題: 回覆 33# marcuscyrus 的文章

提示: 作者被禁止或刪除內容自動屏蔽

作者: Singpiano 時間: 11-5-19 04:30

AGREE!!!

原帖由 十月媽咪 於 11-5-16 23:36 發表
其實點解要咁肯定一個五六年級既小朋友, 一定係降GRADE去為攞獎呢?....我就響琴行見過一個中三女生, 學完八級長笛, 剛開始加學鋼琴, 佢同D四歲既小朋友一樣, 齊齊彈JOHN THOMPSON GRADE 1....如果校際佢去報一級, 而 ...

作者: yannie_man 時間: 16-6-7 01:39

提示: 作者被禁止或刪除內容自動屏蔽

歡迎光臨教育王國 (/)