教育王國

標題: 請問係咪揀咗直資就唔可以參加大抽獎呢？ [打印本頁]

作者: jj511 時間: 11-5-1 23:03 標題: 請問係咪揀咗直資就唔可以參加大抽獎呢？

如題，thx！

作者: cow 時間: 11-5-1 23:12

註冊咗直資就唔可以參加大抽獎.

作者: jj511 時間: 11-5-2 14:10

唔該哂先！咁即係我只係申請咗直資未註冊都仲可以參加大抽獎？

作者: mcheung 時間: 11-5-2 17:45

right..........申請咗直資未註冊都仲可以參加大抽獎

原帖由 jj511 於 11-5-2 14:10 發表
唔該哂先！咁即係我只係申請咗直資未註冊都仲可以參加大抽獎？

作者: jj511 時間: 11-5-2 18:51 標題: 回覆 4# mcheung 的文章

唔該哂你！

作者: Charlotte_mom 時間: 11-5-2 22:00

唔止大抽獎, 應該係"無論政府派位去到咩階段都要即時放棄" (除左叩門)

原帖由 jj511 於 11-5-2 06:51 PM 發表
唔該哂你！

作者: jj511 時間: 11-5-2 23:05 標題: 回覆 6# Charlotte_mom 的文章

Thx!

但點解有啲家長又話要諗清楚行邊條路（幼稚園），因為會影響讀邊類小學嘅？咁如果兩樣都揀得咪唔洗咁快要決定囉？right?

其實我而家頭痛緊應該讀國際學校嘅n班定係迦南呢類學校呀？因為真係兩類嘢，但又唔想咁快限死一定讀直資，始終幾年後嘅經濟能力又話唔埋嘅！

作者: Charlotte_mom 時間: 11-5-3 10:35

我相信佢地意思唔係津貼vs直資, 而係傳統vs活動咁解
有人覺得, 幼稚園都要讀得深d, 去考名小學至有著數, 或者派入名津小, 都要底子打得好要得
有人就覺得幼稚園應該係happy learning, 小學亦唔一定揀傳統教法

原帖由 jj511 於 11-5-2 11:05 PM 發表
Thx!

但點解有啲家長又話要諗清楚行邊條路（幼稚園），因為會影響讀邊類小學嘅？咁如果兩樣都揀得咪唔洗咁快要決定囉？right?

其實我而家頭痛緊應該讀國際學校嘅n班定係迦南呢類學校呀？因為真係兩類嘢，但又唔想咁快限死一定讀 ...

作者: evacalbee 時間: 11-5-3 13:12

即係話你讀國際幼稚園就通常會讀國際學校小學，因為個模式較近似。
無論讀咩幼稚園，你都可以考直資和參加大抽獎。

作者: jj511 時間: 11-5-3 15:10

唔該哂兩位！

作者: 七點半 時間: 11-5-4 09:19

不過, 我見有d直資學校係參加大抽獎前已公佈結果, 要家長即刻決定是否註冊及不參加大抽獎...

原帖由 mcheung 於 11-5-2 17:45 發表
right..........申請咗直資未註冊都仲可以參加大抽獎

作者: Charlotte_mom 時間: 11-5-4 10:17

呢個當然, 6月至公佈大抽獎, 我相信無一間會等到咁遲至公佈收生(除左學校個別會留返D位FOR抽獎後叩門用, 不過真係唔多)
我見舊年普遍都遲左DD, 可以睇埋自行結果至決定

原帖由 七點半 於 11-5-4 09:19 AM 發表
不過, 我見有d直資學校係參加大抽獎前已公佈結果, 要家長即刻決定是否註冊及不參加大抽獎...

作者: aryee 時間: 11-5-4 12:08

原帖由 jj511 於 11-5-2 23:05 發表
Thx!

但點解有啲家長又話要諗清楚行邊條路（幼稚園），因為會影響讀邊類小學嘅？咁如果兩樣都揀得咪唔洗咁快要決定囉？right?

其實我而家頭痛緊應該讀國際學校嘅n班定係迦南呢類學校呀？因為真係兩類嘢，但又唔想咁快限死一定讀 ...

又或者佢地係講緊第一輪(自行收生)，因為好多直資同第一輪同階段放榜(十一月中)，如果有兩offer在手，家長的確可以揀下。又或者有d有直資offer，但自行落空，都會諗下放棄直資再摶大抽獎都唔定。

作者: jj511 時間: 11-5-4 12:42

唔好意思，想問多少少，咁即係如果直資收咗，但大抽獎又未公佈，咁都要註冊咗先？但假若抽到第一志願，可以轉嗎？

作者: aryee 時間: 11-5-4 12:57

原帖由 jj511 於 11-5-4 12:42 發表
唔好意思，想問多少少，咁即係如果直資收咗，但大抽獎又未公佈，咁都要註冊咗先？但假若抽到第一志願，可以轉嗎？

好多直資都響自行放榜時同步放榜&註冊，一係就註左冊直資無得入大抽獎，一係就give up 直資去大抽獎。好少直資會響自行同大抽獎之間放榜，有都可能係zip人位，所以你個問題唔多機會存在。就算存在，咁如果你accept左直資個offer，你根本唔會再有機會抽奬(教署應該會即時抽起你個名)；咁如果你唔accept個offer，你就可以抽，咁又無轉唔轉呢個問題。

作者: jj511 時間: 11-5-4 13:44 標題: 回覆 15# aryee 的文章

清楚哂喇！Thank you so much!

歡迎光臨教育王國 (/)