教育王國

標題: A仔只識講bb話... [打印本頁]

作者: manman2228 時間: 11-4-26 16:14 標題: A仔只識講bb話...

你地知唔知道係咪有d A仔只識講bb話. 跟住一直到成人 ?

作者: bbricky 時間: 11-4-26 16:26

我諗只要有足夠訓綀,A仔講不到句子也可講到一d詞語

作者: szeszes 時間: 11-4-26 20:32

經過訓練, 最少都可以講到詞語或簡單句子的

作者: pocoyo123 時間: 11-4-26 23:51

如典型自閉, 係唔識用語言溝通, 佢可能都識講話, 但只是自言自語,講一些無溝通意識的言語或是重複別人的話

原帖由 manman2228 於 11-4-26 16:14 發表
你地知唔知道係咪有d A仔只識講bb話. 跟住一直到成人 ?

作者: manman2228 時間: 11-4-27 09:25

啫係bb話係說話既開始啦...因為有次針灸既時候見到一個6歲既小朋友都講野, 連bb話都冇tim. 跟住個爸爸話我知,佢仔仔2歲既時候都有講過爸爸媽媽同好多BB話,但到2歲半-3歲開始就咩都冇晒...直到而家6歲連開口都唔開!

作者: EKME 時間: 11-4-27 12:08

真的???????

作者: szeszes 時間: 11-4-27 16:21

比信心自己啦!! 你同佢講多些野, 用言語刺激下佢, 慢慢來啦!! 呢班 A 仔, 好靠身邊既人訓練及關心
[總之一句, 唔好氣餒, 希望在明天]

我仔4歲前, 佢只會答下褓姆野 (即係好, 唔好或食包包呢D字); 其他人一律唔講, 唔答 (連我係佢亞媽都唔多野同我講), 我果時好衰, 成日叫佢做 "啞巴"

到左5歲, 佢突然主動同我地溝通, 好喜歡分享心事, 同埋最識投訴 (投訴人地撞到佢; 爸爸同佢玩咩咩玩具等等)

而家6歲, 係屋企或佢識既人面前, 不停咀講野, 雖然句子短些, 但大家都明白他說什麼, 同埋係真正有溝通
(我昨天先好安慰, 因為仔仔終於會自動打 TEL 比我, 同我傾計, 佢係有心機講果只, 唔係求其答果 D)

原帖由 manman2228 於 11-4-27 09:25 發表
啫係bb話係說話既開始啦...因為有次針灸既時候見到一個6歲既小朋友都講野, 連bb話都冇tim. 跟住個爸爸話我知,佢仔仔2歲既時候都有講過爸爸媽媽同好多BB話,但到2歲半-3歲開始就咩都冇晒...直到而家6歲連開口都唔開! ...

[ 本帖最後由 szeszes 於 11-4-27 16:23 編輯 ]

作者: fatpam 時間: 11-4-27 18:00

可否分享你在家中做過什麼類型訓練?

原帖由 szeszes 於 11-4-27 16:21 發表
比信心自己啦!! 你同佢講多些野, 用言語刺激下佢, 慢慢來啦!! 呢班 A 仔, 好靠身邊既人訓練及關心
[總之一句, 唔好氣餒, 希望在明天]

我仔4歲前, 佢只會答下褓姆野 (即係好, 唔好或食包包呢D字); 其他人一律唔講 ...

作者: szeszes 時間: 11-4-27 21:40

我自己係不停對住佢講野, 而仔仔一向好聽褓姆話, 係褓姆長期要佢講野, 如仔仔想出街, 都要佢出聲講 (我仔成5歲11個月先係 CAC 做評估, 為自閉特徵)

2歲前要講 "街街"
3歲講 "去街"
4-5歲講 "去飲茶" 或 "去公園" 或 "去冒險樂園"
而家6歲就講 "媽媽我想去冒險樂園玩波波池"

中間係有氣餒過, 如叫佢講, 佢話 "唔識" 或 "唔講啦", 咁我地第2日又來, 直到而家6歲, 明顯唔再抗拒我地教佢 "延長句子" 講野, 咁我仔成5歲11個月先去做 "私家言語治療", 做左1個半月, 明顯好似有多左信心講野 (就連佢班主任都話仔仔, 開始講多左野 - 我仔一向返主流幼稚園)
[言語治療師話我仔有一個優點係 ... 記性好, 好快就記到要講既句子; 我仔返完言語治療, 唔洗花3次練習就背晒句子; 但係我會係生活中, 改一改句子, 等佢明白用法]

我仔以前既 A仔特徵係:
固執 (印象最深係我姐夫係我仔2歲大時, 要佢行唔准抱, 我仔係街企定定, 大喊足1小時, 喊到聲都沙埋), 抗拒去新環境, 抗拒改佢既日常 schedule, 適應力低, 唔多同人有眼神接觸, 唔多語言溝通 (唔問亞仔野, 佢可以一天都唔出聲), 自理能力差, 大小肌肉差
[touchwood, 我仔暫時無過渡活躍, 無專注力不足, 無感統問題既重覆動作]
__________________________________

經我地天天要佢改變, 如要佢用不同路線回家, 用其他野引佢, 如有時去另一條路線, 中途買野食比佢食

比佢返多些集體既興趣班 (我仔有學跳舞 - 好似 dancer 果 d), K1 時, 頭幾堂係唔郁, 唔跳, 只係望住人地郁, 無任何反應; 今年跳左3年, 而家係 leader 仔咁, 好快就跟到 [不過, so far 都唔會在家係我地面前跳, 迫佢跳, 都係跳幾下就收工; 我地只係外出公開表演時, 我地先見到佢既成果]

成日玩對望遊戲, bb 時, 我已經好喜歡佢訓係床, 我爬係佢上面, 同佢講野, 玩.... 眨下眼等等; 而家就成日同佢玩, 扮鬼面, 伸利, 單眼等等, 佢會跟我一齊玩 (最近佢愛上打乒乓球, 呢樣野佢一定要望住對方先得)

語言就多數褓姆幫手, 次次要佢出聲講, 我仔成5歲先主動多野講下; 以前真係好似 "啞巴" 咁, 連 bb 話都無; 最叻係講數目字, 國家名 (比國旗佢睇, 佢識晒講), 英文溝通為主

自理就天天都要佢去做, 以前唔肯, 到5歲後, 開始理解多左, 先肯做 (我多數用條件交替)

小肌肉及大肌肉, 我比佢去學畫畫, 要佢天天回家拿剪刀剪圖案; 而學校要求寫既字都幾深 (如: 醫生, 警察, 謝謝你)

講真, 好多 A 仔或自傾既小朋友, 都需要經過好長時間去訓練, 總之一句唔氣餒, 練好 d 自己既 EQ (以前既我, 好大脾氣, 而家脾氣好到不得了), 同埋我理解力都幾高, 亞仔有時講既野, 唔詳細, 好多 mami 會唔明, 但我就好明白亞仔講咩, 咁我教佢或引導佢講詳細些

總之一句, 唔明就教到佢地明, A 仔係比其他小朋友係要花多些心機, 我地天天回家時, 就算褓姆同佢做晒功課, 我自己都會再教一次或跟返功課自己另外比佢做下

原帖由 fatpam 於 11-4-27 18:00 發表
可否分享你在家中做過什麼類型訓練?

[ 本帖最後由 szeszes 於 11-4-27 21:48 編輯 ]

作者: CPLau129 時間: 11-5-1 21:32

其實每個小朋友case都唔同. 我仔1歲講爸爸媽媽拜拜,点知講咗3日,第4日忽然唔識.最後3歲3個月先再講媽媽,係有眼神,我開心到喊.在中間係冇講嘢,只係哝哝呀呀. 之後開始單字,但冇句子.慢慢越來越多詞語,好似幼兒園老師所說,他聽咗,而家ready就講.
阿仔而家11歲,讀特殊學校,今年開始嘗試說句子,見佢好努力,眼睛轉轉吓,雖然係慢,但見佢有進步,我就開心.
其實訓練好重要,我要多謝老師和老公,没有放棄

作者: EKME 時間: 11-5-4 13:30

thanks for sharing

歡迎光臨教育王國 (/)