教育王國

標題: 升中派位 [打印本頁]

作者: MMChan 時間: 11-4-23 00:14 標題: 升中派位

各位海官家長,
小兒現就讀小五,係唔係中英數常要全A才入到Band 1?
全級頭十名的同學的中英數分數,係咪都係90分以上?
今年英中減班,入荃官的机會又少了!唔知以往大概有幾多同學入到官中呢?

作者: siuhai 時間: 11-9-10 12:24

只要中英數有2a,而沒有太多c ...基本上是band one...
學校表示頭60名是band one...可是有很多50幾最後派band two...我覺得應該首45名才是band one....
本年有10多位派官中.......但只有3位是精英班........建議妳如果是首20名,才在自行分配間官中...如低於20名,基本上只有在大抽獎,但機會很低....
本人建議:
首20名 :自行分配間官中,何傳/林胡
統一,第1官中,第2何傳
20-30名,自行分配,何傅,可風
統一,官中,何傳,可風
40-45名,自行:何風,王少
統一, 官中,王少

作者: KK168 時間: 11-9-13 12:13

恕我直言, 我卻有另一番完全唔同的見解 :

只要中英數有2a,而沒有太多c ...基本上是band one...
假設 90,90,83,69 = 332 平均分 83 =B = BAND ONE ????? 好危, 亦相信唔會, 仲有係邊科高, 邊科低先, 比個常 90, 數 69, 就死得喇, 你 90遮, 常~人地 100 有咩出奇, 數~佔分多, 而且, 高分既大把, 所以比分唔好只比自己, 要比大圍, 唔係要去盤算人地幾多分, 而係要知自己既位置 (大圍多數都係80既, 自己70幾可以接受, 大圍都90幾, 自己60幾點攪 ??) 另有個 C 點叩門 ?? 表都攞唔到, 頭次去面試中學, 人地望都唔會望下你

學校表示頭60名是band one...可是有很多50幾最後派band two...我覺得應該首45名才是band one....
公道 D 講句, 如果 Band one 尾既人被派到 band two 只係只為, 一、今年學位真係少左, 二、唔好彩, 三、係填表方面問題, 有好多人第二或第三志願都 band two 喇, 你以為人地 band two 咩, 咁,其實係第二志願喎, 正常黎講可以入到頭三志願既係可以接受既, 只不過荃灣係一個唔係好易選擇既地區, banding 分佈唔平均, 尤其我地小學其實好難楝既, 入得黎官小都係想去官中, 官中係 1A, 望住間 1A, 其他好難填, 就算比間 1 C 既, 王 XX 你, 好多都唔係好想, 但我執重既都係果句, 有無”數字上既人為錯誤” 如果 60 呢個數係正確既, 咁, Band one 去 band two 係正常既結果, 但 band one 去 band three 學校就有問題喇, 因為派學校, 係由 band one 果個格到 band two 咁派落黎既, band one 派 band three 就唔係話佢唔好彩, 而係比人 “攪錯左” 喇, 其實, 好易分別 !!, 舊年係一個派位幾好既年度, 又以 60呢個數為例, 因為舊年人少, 有 d 學校如果保守D
63-65 都只會報少 d, 怕 d 人博得濟, 咁其實 65都係 band one, 有 d 70既就去博下 law, 舊年, 好多人都博到, 名正言順band two 生派 band one 學校, 呢 d 真係博番黎的, 因為舊年少人, 但, 如果用呢個 “經驗”放落今年到, 又遇著 d 比較進取既, 就…………………..慘!慘!慘!, 真係喊死人地亞媽喇!

本年有10多位派官中.......但只有3位是精英班........建議妳如果是首20名,才在自行分配間官中...如低於20名,基本上只有在大抽獎,但機會很低....
如果你係頭三既, 第一次就”有機會”比隔離要左, 其他既, 都唔會入到, 第一 ROUND 只收 54個, 基本上, 頭三既都唔包會收你, 人地係無同你學校簽合同話頭幾多就收, 基本上大部份有聯係小學既中學都唔多 like 佢聯係小學既學生, 佢睇死你地抽都會填番佢, 而且人地係 1A
學校, 洗咩第一個 ROUND 就要你, 就如
林記都唔係好鐘意佢仁記小學 D 學生一樣, 呢 D 只係機會率既問題, 我地學校係抽多次, 同埋多人揀佢, 多人填喇, 中既機會就自然會多 D 啦, 呢D好正常遮, 與”實力”並無直接關係

[ 本帖最後由 KK168 於 11-9-13 12:18 編輯 ]

作者: KK168 時間: 11-9-13 12:14

本人建議:
首20名 :自行分配間官中,何傳/林護,統一,第1官中,第2何傳,20-30名,自行分配,何傅,可風
統一,官中,何傳,可風
40-45名,自行: 可風,王少
統一, 官中,王少

以我既愚見, 選學校不要用考第幾為大原則, (當然亦須認清自己既 BANDING), 又以 60為 Band one 數字, 其實, 1-60 都係 band one, 可填你自己最心儀既學校, 你係 “有資格” 既, 亦無話你考第 4 機會大過第 40既,(特異功能除外), 要贏就要輸得起, 我反而覺得家長不應該偏重去咩 1A 唔1A, 要搵合適你子女及 “家庭” 的, 有D人為細路選學校, 其實係響度為自己揀, 好囖, 入到間 1A 既, 光宗耀祖囖, 咁果 D 學校未埋位就已經補習喇, 仲唔係一科喎, 咁你就要睇下你地個家庭喇, 個細既, 又得唔得呢, 你比得起, 仲要佢肯 “接收”播, 如果係咁, 就搵 D 肯做既學校會好 D LAW, 無謂比一時既名聲蒙蔽了自己, 我又唔覺得你去左 D BAND TWO 學校好 D 既班, 會差得過你去 1a 學校既普通班, 呢 d 都只係名聲問題, 面子問題
要睇你個小朋友既 “潛力” , 有 d細路係有
能力既, 不過總係發揮唔到出黎, 呢 d 黑馬, 就算你今日名次後 d亦不彷同佢睇高 d, 後勁凌厲, 好多人都係大定左, 先黎發力, 依家小六既所謂名次, 何須睇得咁重
但, 如果你依家都已經出盡力, 有既都 “dum” 曬出黎啦, 都係咁上下, 咁又無謂再斗纏下去喇, 大家都辛苦, 退一步為上, 減少親子間既磨擦反更加減少一次離家出走既機會

學習是長途賽, 太早發力去到中段就會慢下來

以上只是個人的愚見, 我亦不是辯論比賽既反方, 如有冒犯之處, 諒 !!!

[ 本帖最後由 KK168 於 11-9-13 12:21 編輯 ]

作者: Lovely媽咪 時間: 11-9-14 13:41

原帖由 KK168 於 11-9-13 12:14 發表
本人建議:
首20名 :自行分配間官中,何傳/林護,統一,第1官中,第2何傳,20-30名,自行分配,何傅,可風
統一,官中,何傳,可風
40-45名,自行: 可風,王少
統一, 官中,王少

以我既愚見, 選學校不要用考第幾為大原則, (當然亦 ...

十分之認同你的睇法......
我識既好多第二位已經填band2既學校,一方面學校建議(為了可以入首三志願既比率高啲),另一方面亦是比較保險的做法.因事實真係首3志願都填得進取既(即全選band1)都派得比較後.班主任講過名次只能作為一個參考,佢地只可以講上幾年這名次約派咗咩學校,加上今年因減班,band 1位亦變得緊張,所以若屬於band 1尾,選一間校風好的band2亦是不錯的選擇.
kk168講得好啱係與其勉強入一間band1的普通班,其實同入一間band2入精英班根本冇咩分別,一樣全部科目都係用英文教,好似我仔既同學,好明顯之前成績好啲個幾個(考全級3x-6x)都入到英文班,當然一開始佢地都只睇住官中入,但依家讀落佢地都覺得根本同讀band 1冇分別,仲讀得好開心.
第一round真係要睇實力,你係呢間學校係最top,但唔代表你係荃灣區最top,山外有山,人外有人,呢個我係選完校到派完後最深既感受,有啲家長成日以為自己個小朋友已經好叻,冇理由入唔到官中,但入唔到就入唔到,官中有得選點解唔選啲更加top既呢......到大抽獎時就要加埋運氣好唔好.
其實今年既派位令到好多學校收生既banding都升咗,因band1唔夠位,所以好多band1都入咗band2,而band2入咗band 3,你地選校前真係盡量去聽吓學校既講座,聽吓佢地既辦學理念,因有啲學校講明會谷學生,有啲會因才施教,有啲著重體藝.......選一間適合小朋友既學校重要過只選學校既banding.

歡迎光臨教育王國 (/)