教育王國

標題: k1 3yrs 4mths 開始講大話,有何對策? [打印本頁]

作者: 余魚媽 時間: 11-4-16 07:17 標題: k1 3yrs 4mths 開始講大話,有何對策?

順口開河, 眼都唔眨.
例子:
當日上完畫班, ma ma放工問: 頭先有無畫畫呀?
答:無呀.

有何對策?

作者: A-Mum 時間: 11-4-16 19:08

會唔會唔係講大話？樓主講嘅例子，小朋友無 gain 喎。
有時小朋友時間觀念未成熟，隔耐咗或瞓醒晏覺就當係第二日都唔奇。

作者: 小曳人 時間: 11-4-16 21:15

包唔包括要同恐龍仔結婚呀？！

btw, 我嗰個都係亂噏嘢嘅，我會同佢講，有就有~ 無就無，我地唔會亂講嘢架！

作者: TKma2010 時間: 11-4-19 19:47

我果個仲衰，明明聽住佢＂呠呠呠＂放屁，問佢係咪放屁屁，佢眼都唔眨，話＂無呀，係咪你呀，媽媽？＂激死！唔知點教！

作者: cckidsmm 時間: 11-4-25 13:19

我個細女都有呢d情形,為有不停同佢講小朋友要講真說話先啱.可能有d用掛.

作者: ccling69 時間: 11-4-29 14:04

首先, 你們問的問題, 小朋友是否唔係好明或明知故問? 頭先即係幾時? 小朋友太細未有時間觀念, 同埋可以問下佢點解咁答你, 再解釋一下講事實的目的, 點解媽媽要知道事情的真相.

作者: Christi 時間: 11-4-29 21:16

同意.

對小朋友嚟講,[頭先],乜嚟架?
我都問過一個3yrs妹妹,你今朝食咗乜野早餐?佢答:豬扒.笑死我.之後佢媽媽話,佢最鍾意食豬扒,今朝佢係食面包.於是我明白[今朝]呢個term佢未理解得到.而[早餐]就是a kind of eating,於是佢答我食咗豬扒.

所以未必係刻意講大話,只係佢地有佢地條channel,我地有我地條channel.

原帖由 ccling69 於 11-4-29 14:04 發表
首先, 你們問的問題, 小朋友是否唔係好明或明知故問? 頭先即係幾時? 小朋友太細未有時間觀念, 同埋可以問下佢點解咁答你, 再解釋一下講事實的目的, 點解媽媽要知道事情的真相. ...

作者: Christi 時間: 11-4-29 21:21

又例如,我有個朋友同佢個囡囡(未夠3yrs)講,如果你乖,我會畀啲時間你再玩既(當時佢囡玩緊玩具).佢囡就問佢,乜野係[時間]丫?於是我朋友又明白,原來囡囡將[我會畀啲時間你玩]呢句=[我會畀啲玩具你玩]咁去理解.搞到我朋友唔識答佢乜野係時間.

作者: 魚兒小寶貝 時間: 11-5-1 15:40

我囝囝五月滿3歲, 佢同大家既小朋友都差唔多, 對自己做過既事有時認有時唔認, 問佢點解, 佢又淨係識答"係呀!" 或轉移話題, 我又唔覺得佢係刻意"講大話"既.

我覺得有陣時可能係佢未有時間觀念, 有陣時佢亦會記錯人物, 時間, 地點...

我亦睇過一本育兒書, 講幼兒普遍唔承認自己做過"壞事", 因為佢地唔認為自己係"壞孩子"! (哈! 好可愛!)

所以, 現階段唔駛咁緊張, 佢並唔係好似我地d大人咁"講大話眼都唔斬!" 既. hahaha... 我諗佢地再大個d, 時間觀念好d, 而且經你好好既灌輸同引導, 漸漸會識分辨架喇!

作者: coupcoup 時間: 11-6-30 23:40

通常佢地未太理解問題, 著重字眼而答問題, 所以佢地會答左D唔關係既野都唔出奇, 答D佢地識既野都唔出奇, 大大下就會明白問題多一D, 答中POINT多一D

佢地係無心講大話的, 亦都未必知道你唔在場就唔知道

歡迎光臨教育王國 (/)