教育王國

標題: 小心荃灣某間無責任的畫室 [打印本頁]

作者: maktszching 時間: 11-4-15 20:00 標題: 小心荃灣某間無責任的畫室

小女响依間畫室學咗1年多,一向都覺得OK(雖然有好多人話佢哋攪得越嚟越差),而且阿女學得幾開心,不過琴日發生咗1件事,所以令我對此校失望。
我琴日想幫阿女請假,點知聽電話嗰個人一聽完我講乜乜名想請假就立刻cut我線,連bye bye都無講,其實當時我想約埋補堂,然後我再打去,嗰個人接咗電話又唔出聲,跟住等咗幾秒,我一出聲佢又cut我線,然後我再打多2次去都係無人聽,於是我打去佢哋另一間分校問發生乜事,點解會咁,那位女士很好,慢慢聽我講晒成件事,然後立刻揾總校嘅負責人聯絡我,不過那位負責人真係超搞笑,起初佢堅持我打電話去嗰個時間係絕對唔會有人係畫室,因為D老師都會出晒去食飯唔會有人,咁我同佢講唔通我撞鬼呀!佢話唔好咁講,不過嗰段時間畫室真係無人架,或者等我再了解吓,過咗一陣佢打嚟話應該係D學生玩電話,一定唔係老師接,咁我話你D學生咁叻架,一拎起電話就識講乜乜畫室架,我話唔係掛,你個答案都幾搞笑,第1我唔會相信,第2你哋點何能將D小朋友放係畫室,然後所有老師都出晒去食飯,簡直無可能接受,佢仲答我佢哋會檢討,我話當我自己撞鬼好過。到今日我去畫室想攞返阿女貼堂嘅畫,嗰位負責人又話琴日個電話係老師接,嗰個老師今日認咗喇,响e件事上面,我唔係想講佢哋D老師無禮貌,而係如果佢哋真係會留低D小朋友出晒去食飯,咁就大件事喇!!除咗無責任心之外,如果畫室突然發生意外咁點算啊!!!

作者: coco513 時間: 11-4-15 23:19

係唔係愉景都有分校個間呀?

作者: maktszching 時間: 11-4-15 23:41

係呀!本來都無諗過轉第二間學,而家就一定轉,荃灣區有無好介紹~

作者: seven仔 時間: 11-4-17 15:14

我小朋友係南豐中心10樓學左一年,都唔錯,你可以上去睇下比較一下^^

作者: maktszching 時間: 11-4-19 01:18

Thank you!

作者: niki5202 時間: 11-4-20 19:21

我諗你講果間都係我女以前學果間...
我衣家都轉左去第2間.雖然係細間D,但果度D老師對小朋友耐心好好多...
係南豐15樓...卓瑩

作者: world309 時間: 11-4-21 15:04

可否pm我係邊間？我個女都係荃灣學畫畫

作者: skyliner 時間: 11-4-26 08:32

我個女都係O係卓瑩學緊, 幾好.

作者: ^_^chowsyan 時間: 11-5-1 23:14

提示: 作者被禁止或刪除內容自動屏蔽

作者: world309 時間: 11-5-10 14:06

愉城有兩間bor
邊間呀?

歡迎光臨教育王國 (/)