教育王國

標題: 值得為讀基灣而令屋企有咁大變化嗎？ [打印本頁]

作者: flowerw88 時間: 11-4-13 19:12 標題: 值得為讀基灣而令屋企有咁大變化嗎？

solved, thx~

值得為讀基灣而令屋企有咁大變化嗎？

我對基灣不熟悉，究竟基灣是否好出名？

很煩惱，請給我意見。

[ 本帖最後由 flowerw88 於 11-5-14 16:55 編輯 ]

作者: lauerica 時間: 11-4-13 20:19

梗係唔值得啦，你咪傻啦，其實你自已都好清楚問題所在，根本配合唔到。

作者: stellalau 時間: 11-4-13 22:59

其實有宗教分，會唔會有近D嘅選擇?

作者: cmchang0927 時間: 11-4-13 23:07

基灣約90%以上能派BAND ONE 中學, 值唔值就見仁見智了

作者: whywhywhywhy 時間: 11-4-14 00:50

我要講番有90%個間係愛蝶灣基灣，唔係西灣河基灣！當然西灣河基灣都係好學校！我想提醒樓主，唔係你入左一間有90%band 1學生的小學，你的小朋友便會變成band 1生，重有10%係未達標，有更多係中途受不了自己轉校的！
講番你關心的問題，如果你轉到西灣河基灣，你要有心理準備，一係你有時間教你小朋友溫書做功課，一係你小朋友好叻好聽話自己可以攪掂。否則你老遠搬過來讀，結果可能令你失望。東區大部份人都知兩間基灣都係有要求的學校！通常每星期都有中、英文默書，曾經試過一星期中默、英默、同小測。每天功課唔算多，可以接受。但測驗同考試次數都好密。
所以係這樣情況下，如果你唔能夠自己教，個小朋友又唔能夠獨立，你可能只可以靠補習。
但我看你上班下班要四個鐘，我想你教到你的小朋友的時間真的有限。所以你更加唔好想愛蝶灣基灣，因為那一間應會更深更多野做！世上沒有免費午餐，有咁高band 1一定有付出！
希望我的資料幫到你！

作者: stellalau 時間: 11-4-14 00:58

你要留意如果爸爸係上午校舊生，就可以報愛蝶灣基灣，如果係下午校舊生，就會係西灣河基灣。
至於升中派位，愛蝶灣基灣會好D，不過近幾年都冇90%以上 band one，大約只有70-80%。所以如果係西灣河基灣，就更加唔值。
其實佢派位好，家長同小朋友都要付出好大努力，如果可以付出咁大嘅努力，我相信讀任何一間小學都會係 band one。

作者: flowerw88 時間: 11-4-14 09:38

謝謝你地，好有用的意見。

老公當年是下午班，係西灣河基灣。
佢自己和當年的同班同學都派去英中，如張祝珊....有D小學同學做了醫生tim...

所以他覺得基灣是一間很好的學校，而仔仔又不用參加大抽獎，唔洗博都入到。我自己讀的小學在屯門，是村校，不出名。

如果唔讀基灣，又唔知讀邊間好。天水圍好多新移民，怕仔仔大抽獎時，中左D村校

其他地區(如全灣、屯門、元朗)出名的小學，只靠宗教分，入到的機會都少，因為多是有歷史的學校，聚了不少校友。

我地仲為成日為呢件事煩。都唔知點算.....

作者: 仔仔錫錫你 時間: 11-4-14 09:39

小朋友能否讀好書，學校都是其次，父母陪伴玩讀才是重點。沒有父母的back up,入喇沙都只係等死

作者: easybring 時間: 11-4-14 10:30

小朋友真的不能長途跋涉回校, 一定要搬, 而你也要轉工, 最好不上班, 全職+耐性+方法去教小朋友 (呢d講就容易). 雖然困難, 我支持你去試, 搬屋+留家教小朋友.

作者: panbaby 時間: 11-4-14 10:39

學校在小孩成長佔了一個重要的階段, 同學仔學習風氣都好重要, 如果唔係孟母三遷的故事唔會傳誦千古...

你細佬入小學已經有6-7 大了, 在某個程度上婆婆唔駛用咁多時間照顧細佬, 再加上你有工人, 返小學又全日, 會唔會已可搞掂?

住西灣河雖然你辛苦了, 但你老公卻適服了, 不過其實可唔可以住九龍唔住西灣河? 例如觀塘, 油塘或九龍某地可以三個返工返學都方便又或近東隧而又有車直接返天水圍, 咁每人包括細佬都可得益, 唔駛淨你一個辛苦? 細佬可能返學冇西灣河咁方便, 但如近東隧又可能用不了太多時, 而且你有工人接送...

這只是我小小意見.

原帖由 flowerw88 於 11-4-14 09:38 發表
謝謝你地，好有用的意見。

老公當年是下午班，係西灣河基灣。
佢自己和當年的同班同學都派去英中，如張祝珊....有D小學同學做了醫生tim...

所以他覺得基灣是一間很好的學校，而仔仔又不用參加大抽獎，唔洗博都入到。我自己讀 ...

[ 本帖最後由 panbaby 於 11-4-14 10:41 編輯 ]

作者: hophopbunny 時間: 11-4-14 11:21 標題: 回覆 1# panbaby 的文章

提示: 作者被禁止或刪除內容自動屏蔽

作者: miffy 時間: 11-4-14 13:39

提示: 作者被禁止或刪除內容自動屏蔽

作者: fanwong29 時間: 11-4-14 13:53

我哋上年都出現這個情況,幫小朋友報考直資/私校,諗住試吓報間香港區男校,最後真喺被取錄咗,其他最心儀嗰間又未公佈結果,我都喺住新界區,當時都有諗過煩過,如讀香港嗰間就要差不多所有嘅嘢都要轉變,重新再適應過,我好明白妳的心情。

作者: Mat_Dad 時間: 11-4-14 13:57

我太太也在天水圍教小學, 學生質素:( ... 如有好選擇, 搬

作者: hohoho36 時間: 11-4-14 14:32

比著我, 經濟許可下, 搬, 唔好放棄好既學校, 我覺得係好值得既!

作者: flowerw88 時間: 11-4-14 14:51

咁仔仔點返學？

原帖由 miffy 於 11-4-14 13:39 發表
搬喇, 想近天水圍, 搬去西鐵沿線: 荃灣、荔景

作者: flowerw88 時間: 11-4-14 14:53

咁你到最後點呀？

原帖由 fanwong29 於 11-4-14 13:53 發表
我哋上年都出現這個情況,幫小朋友報考直資/私校,諗住試吓報間香港區男校,最後真喺被取錄咗,其他最心儀嗰間又未公佈結果,我都喺住新界區,當時都有諗過煩過,如讀香港嗰間就要差不多所有嘅嘢都要轉變,重新再適應過,我好 ...

作者: flowerw88 時間: 11-4-14 15:01

我最不捨得是娘家的support。我返工都好忙，無時間、無心機去煲下湯水、涼茶、「鄧」野。現在，我媽為我家買送，伙食無得頂。

我媽在天水圍有好多朋友，佢唔會跟我搬屋。而奶奶是不懂煲湯水、涼茶、「鄧」野，佢地家晚餐次次都出街食，我老公細細個已經是這樣。

我又唔係D咩勁人，年紀又唔細，轉工真係無信心話轉就轉到。可能兩、三年都未轉得成！

原帖由 hophopbunny 於 11-4-14 11:21 發表
同意！同埋，你可以搵過第份工嗎？

我直D講，天水圍D工，有什麼高薪厚職不能放棄？市區搵唔返？

我估其實最大原因你不捨得你娘家

[ 本帖最後由 flowerw88 於 11-4-14 15:04 編輯 ]

作者: flowerw88 時間: 11-4-14 15:11

我份工接近二萬尾(連津貼)一個月。
好難放棄份工，現在唔做，好大機會找唔返。
而且放棄左份工，供港島的樓就會變得好辛苦。

原帖由 easybring 於 11-4-14 10:30 發表
小朋友真的不能長途跋涉回校, 一定要搬, 而你也要轉工, 最好不上班, 全職+耐性+方法去教小朋友 (呢d講就容易). 雖然困難, 我支持你去試, 搬屋+留家教小朋友. ...

作者: panbaby 時間: 11-4-14 15:22

咁你不如想想如你細佬在一個壞學校環境下長大, 黃, 賭, 毒, 嫖, 飲, 吹之下風氣下長大又如何, 你娘家的湯水的代價會不會太大?

今天的家長為了給子女找好學校連吃奶的力都出了, 你覺得看到你的細佬在一個健康成長有學習氣氛下成長下不好? 又如孩子學壞了, 父母回心一想, 原來當年我是可以選一個好學校環境給他的,...

小孩入一間好學校健康成長與娘家生活上的支持, 唔通真的咁難選?? 我見你文筆都唔錯, 箇中利害真的想不通? 住東隧九龍那邊有沒有可能?

原帖由 flowerw88 於 11-4-14 15:01 發表
我最不捨得是娘家的support。我返工都好忙，無時間、無心機去煲下湯水、涼茶、「鄧」野。現在，我媽為我家買送，伙食無得頂。

我媽在天水圍有好多朋友，佢唔會跟我搬屋。而奶奶是不懂煲湯水、涼茶、「鄧」野，佢地家晚餐次次 ...

[ 本帖最後由 panbaby 於 11-4-14 15:27 編輯 ]

作者: flowerw88 時間: 11-4-14 15:27

我地呢幾個地區，真係好難就。觀塘搭車返學，對小一生都唔近，我唔想，寧願自己辛苦D。

其實全日小學幾點放？若我每天8點半返到家，才幫仔仔睇功課，會唔會唔夠時間？

原帖由 panbaby 於 11-4-14 10:39 發表
學校在小孩成長佔了一個重要的階段, 同學仔學習風氣都好重要, 如果唔係孟母三遷的故事唔會傳誦千古...

你細佬入小學已經有6-7 大了, 在某個程度上婆婆唔駛用咁多時間照顧細佬, 再加上你有工人, 返小學又全日, 會唔 ...

作者: HIN2003 時間: 11-4-14 15:36

原帖由 flowerw88 於 11-4-14 15:01 發表
我最不捨得是娘家的support。我返工都好忙，無時間、無心機去煲下湯水、涼茶、「鄧」野。現在，我媽為我家買送，伙食無得頂。

我媽在天水圍有好多朋友，佢唔會跟我搬屋。而奶奶是不懂煲湯水、涼茶、「鄧」野，佢地家晚餐次次 ...

你第一個POST又話搬屋不是問題. 但而家又唔捨得湯水&份工.
如果西灣河太遠, 咁可以考慮吓荃灣ge官/津小學, or考私校&直資.
小朋友是你自己, 有捨才有得. 別人幫不到你.

作者: panbaby 時間: 11-4-14 15:39

你在BK 問一問, 藍田觀塘等去西灣河算不算遠? 我相信大把人遠過這個路程好多好多...你呢個途程只是小意科. 所以我提議你去東隧九龍出口住...

全日幾點放學大約3-4 點, 功課呢個問題你要咁諗, 如果基灣在屯門, 你一樣會遇到同樣問題, 唔通叫娘家全部搞掂? 如沒有時間, 補習少不了, 如果有一間學校細佬回到家輕鬆沒功課沒測驗, 可以狂打機, 你願意俾佢讀嗎? 你呢個問題是全港在職媽咪的問題, 不止是天水圍去西灣河的問題.

原帖由 flowerw88 於 11-4-14 15:27 發表
我地呢幾個地區，真係好難就。觀塘搭車返學，對小一生都唔近，我唔想，寧願自己辛苦D。

其實全日小學幾點放？若我每天8點半返到家，才幫仔仔睇功課，會唔會唔夠時間？

...

作者: anteater 時間: 11-4-14 15:43

當然係搬啦,最多住細D,你轉工啦,而家香港經濟又唔太差,當然可能要搵番1.5萬人工就容易D,你唔係打算呢十年一家人都在天水圍???

作者: stellalau 時間: 11-4-14 15:43

放學後可以到補習社做功課+溫習，基灣好多學生都係咁，不過補習社只可大約留到8點。

作者: hophopbunny 時間: 11-4-14 15:45

提示: 作者被禁止或刪除內容自動屏蔽

作者: stellalau 時間: 11-4-14 15:48

如果住九龍東，搭地鐵都好方便，我識有D住將軍澳返愛蝶灣基灣。

作者: easybring 時間: 11-4-14 16:06

叫你搬的bk媽媽都係為小朋友好既媽媽.  當然, 天水圍也有好學校/好學生, 睇你想係咩環境生活.  抽獎信唔過!!! 只是絕沒有可能要囝囝長途跋涉由天水圍到愛蝶灣上學.  我見將軍澳是有小朋友到基灣和其他港島學校上學, 但也不是輕鬆的, 還可以吧.

我囡囡學校剛有一名同學退學了, 原因係住得太遠, 深井到九龍都捱左大半年,  媽媽車出車入, 小朋友放學一上車都倦到講了半句話便睡了.

其實, 觀塘區也有很多1.5-2萬的工.  full time mami 煲湯, 教小朋友功課咪仲好.

[ 本帖最後由 easybring 於 11-4-14 16:09 編輯 ]

作者: stellalau 時間: 11-4-14 16:44

我識得好多基灣(愛蝶灣)媽咪最後要放棄工作，我都係其中一個，但係為咗小朋友真係冇辦法!
返番你最初嘅問題"基灣係唔係好出名?"，我覺得佢只係一間校風好、學習氣氛好嘅地區"好"學校，並唔算好出名。
其實你嗰區有冇一D好嘅直資/私校?

作者: fanwong29 時間: 11-4-14 16:49

原帖由 flowerw88 於 11-4-14 14:53 發表
咁你到最後點呀？

西鐵南昌站附近嗰間收咗囝囝,所以我可一切照舊,因搭西鐵可一程車出入都好方便。

作者: Pertra 時間: 11-4-14 21:01

提示: 作者被禁止或刪除內容自動屏蔽

作者: cmchang0927 時間: 11-4-14 23:30

我識一些在kei wan 畢業的朋友, 品德和公開試成績不錯的1. 朋友的家姐- kei wan - St Marks - 港大教育糸 - 中學副校長
2. 暑期工朋友 - kei wan- 真光- 理大放射性治療學- 醫院x光師
3. 大學朋友細妹 - kei wan- 張祝Shan - 中大工商管理系
4. 補習妹妹 - kei wan - 庇理羅士- F.3 考到獎學金到星加坡升學

可能因為這樣的關係, 我對基灣的印象不錯的

作者: meimeimama1 時間: 11-4-15 08:29

提示: 作者被禁止或刪除內容自動屏蔽

作者: joanho66 時間: 11-4-15 10:06

可以的話就搬屋啦, 其實本人覺得住西灣河會方便過住東九龍. 對小朋友又近, 你返工可以搭D行東廊的車去中環轉行西隧的巴士去天水圍, 其實都係一個鐘頭多D, 大人辛苦D都唔緊要啦. 好似我阿哥咁, 都係住小西灣返屯門都係咁. 你考慮下, 入到咪搬囉. 小朋友返全日, 你工人會得閒左, 咁叫佢學煲湯囉.

作者: flowerw88 時間: 11-4-15 10:58

講左咁耐，等我總結下先。

搬屋去基灣讀：

得：
好學校

失：
1. 媽媽要8點先可以幫佢溫書；無左婆婆，只得工人睇住-->解決方法是上補習班
2. 伙食差左-->無解決方法，但這不是好緊要

作者: flowerw88 時間: 11-4-15 11:01

我同意，搬就一定去西灣河。
九龍東，我唔熟，老公又唔熟，兩個人都要適應。仔仔又辛苦

原帖由 joanho66 於 11-4-15 10:06 發表
可以的話就搬屋啦, 其實本人覺得住西灣河會方便過住東九龍. 對小朋友又近, 你返工可以搭D行東廊的車去中環轉行西隧的巴士去天水圍, 其實都係一個鐘頭多D, 大人辛苦D都唔緊要啦. 好似我阿哥咁, 都係住小西灣返屯門 ...

作者: CrabPincers 時間: 11-4-15 11:04

原帖由 flowerw88 於 11-4-15 10:58 發表
講左咁耐，等我總結下先。

搬屋去基灣讀：

得：
好學校

失：
1. 媽媽要8點先可以幫佢溫書；無左婆婆，只得工人睇住-->解決方法是上補習班
2. 伙食差左-->無解決方法，但這不是好緊要 ...

失 :
可能係天水圍可以住千呎屋
係西灣河用同樣budget, 只可以租/買到幾百呎單位

作者: flowerw88 時間: 11-4-15 11:05

係呀，我真係太天真啦。
所以現在要向其他媽媽取經。

原帖由 meimeimama1 於 11-4-15 08:29 發表
有邊個媽媽唔為仔女著想
當然係自己辛苦好過小朋友辛苦
樓主未想像到一個小學生既生活係點既
又或者咁講
要成為一個band1既小學生既生活係點既
的確係要一家人幫幫手
小小羲性在所難免
大人唔睇電視/唔去街同朋友玩/ ...

作者: flowerw88 時間: 11-4-15 11:07

我都知，雖然我係住緊千呎屋，但為左仔仔讀書，住返迫D，都係小事一件。

原帖由 CrabPincers 於 11-4-15 11:04 發表

失 :
可能係天水圍可以住千呎屋
係西灣河用同樣budget, 只可以租/買到幾百呎單位

作者: flowerw88 時間: 11-4-15 11:09

good ending^^，
你就好啦，我仲有排煩呀！

原帖由 fanwong29 於 11-4-14 16:49 發表
西鐵南昌站附近嗰間收咗囝囝,所以我可一切照舊,因搭西鐵可一程車出入都好方便。

作者: easybring 時間: 11-4-15 11:12

上了小學, 全家都要好認真讀書.

原帖由 flowerw88 於 11-4-15 11:05 發表
係呀，我真係太天真啦。
所以現在要向其他媽媽取經。

作者: flowerw88 時間: 11-4-15 11:17

我個區的直資/私校應該都唔夠基灣出名。

我知間間唔同，但直資通常幾時知道收唔收？
趕及於在第一階段前？

原帖由 stellalau 於 11-4-14 16:44 發表
我識得好多基灣(愛蝶灣)媽咪最後要放棄工作，我都係其中一個，但係為咗小朋友真係冇辦法!
返番你最初嘅問題"基灣係唔係好出名?"，我覺得佢只係一間校風好、學習氣氛好嘅地區"好"學校，並唔算好出名。
其實你嗰區有冇一D好嘅 ...

作者: flowerw88 時間: 11-4-15 11:22

我既意思是搬屋不是問題，
但要犧牲6-8點這段原本可陪仔仔的時間，因要改為搭車；
及犧牲其他家庭支援，如湯水/婆婆的監察。

這是否值得嗎？

-----------------------------------------------------

原帖由 HIN2003 於 11-4-14 15:36 發表

你第一個POST又話搬屋不是問題. 但而家又唔捨得湯水&份工.
如果西灣河太遠, 咁可以考慮吓荃灣ge官/津小學, or考私校&直資.
小朋友是你自己, 有捨才有得. 別人幫不到你. ...

作者: flowerw88 時間: 11-4-15 11:25

我都怕自己好似你講咁，所以我成日提自己要以仔仔前途為先。

原帖由 hophopbunny 於 11-4-14 15:45 發表
我都覺得是樓主不能跳出自己的comfort zone

作者: flowerw88 時間: 11-4-15 11:37

其實我個人都好亂，
前日，睇返你地覆的資料，我打算唔讀基灣；
今日，就很想讀。
問老公，佢就話由我決定。

好辛苦.....但真係好多謝你地比意見我

作者: HIN2003 時間: 11-4-15 11:45

原帖由 flowerw88 於 11-4-15 11:22 發表
我既意思是搬屋不是問題，
但要犧牲6-8點這段原本可陪仔仔的時間，因要改為搭車；
及犧牲其他家庭支援，如湯水/婆婆的監察。

這是否值得嗎？

-----------------------------------------------------

...

一日未發生, 都未知是否值得, 好似我囝囝, 只係讀九龍塘2線小學, 我每晚約7:00回家,(課程唔算深, 功課量亦適中),時間都唔係好夠用, 成績就中規中矩, 但week day跟本無咩時間娛樂, 全日睇電視ge時間不足 1 hr.

我地住藍田, 咁校車來回每程約45MIN, 都有諗過轉返藍田ge小學, 但我覺得現時間學校好適合我囝囝, 囝囝都讀得好開心. 亦覺無奈

作者: panbaby 時間: 11-4-15 12:13

查你睇吓咁樣好唔好?

你仔仔是今K2, 9月才K3報讀小學, 對不? 通常開學是先考私校直資, 接者是自行, 咁不如先報吓近些的私校直資先, 如果沒好學校收, 咁就在第一階段自行先用老公個25 分先取基灣個位先, 自結果好早就知, 其實25分一定得, 取了基灣, 就去唔得大抽獎.

咁去到6月, 大抽獎完了, 官津可以叩門, 咁你可以試吓叩吓近家如天水圍, 屯門荃灣的名官津校如荃灣官小看看入唔入到.. 入到就讀, 咁又近又有好學校.

OK, 萬一叩門唔掂, 只得基灣, 在這情況下, 你已盡了力, 咁想唔出天水圍都唔都, 因為只得一間基灣給你仔仔, 唔去基灣都唔得, 你對娘家, 自己, 你仔及娘家情意結都有交代了, 個時便全心找屋, 你看行不行?

原帖由 flowerw88 於 11-4-15 11:37 發表
其實我個人都好亂，
前日，睇返你地覆的資料，我打算唔讀基灣；
今日，就很想讀。
問老公，佢就話由我決定。

好辛苦.....但真係好多謝你地比意見我 ...

作者: momama 時間: 11-4-15 12:13

No matter if you will move or not, you should train your maid to cook.  If your maid is not good and still needs your mom to check her, better find another maid.

At the same time, you have to train your son to finish all homework before dinner.  When you are home, you should do a quick review.

With the west rail line, you don't have to spend 4hrs per day on transportation.  At the same time, your husband and son will benefit a lot.  Good choice indeed.

作者: CrabPincers 時間: 11-4-15 12:29

原帖由 flowerw88 於 11-4-15 11:07 發表
我都知，雖然我係住緊千呎屋，但為左仔仔讀書，住返迫D，都係小事一件。

我住緊香港區
還要樓價貴的一區(一定貴過西灣河)
我都想住大樓
住新樓
但奈何都係為左d 小朋友返學
我媽住新界
我都要靠自己
工人煮野吾好食
無湯水
有左倚賴, 就吾識得獨立
有得, 就有失

btw, 我吾識基灣
所以你話值吾值得, 我就答你吾到
但for me, 我一定以小朋友為大前提
曾幾何時, 我係新界返工......日日車程都兩粒幾鐘

作者: HIN2003 時間: 11-4-15 12:45

原帖由 panbaby 於 11-4-15 12:13 發表
查你睇吓咁樣好唔好?

你仔仔是今K2, 9月才K3報讀小學, 對不? 通常開學是先考私校直資, 接者是自行, 咁不如先報吓近些的私校直資先, 如果沒好學校收, 咁就在第一階段自行先用老公個25 分先取基灣個位先, 自結果好 ...

這是最完善的方案!

作者: BigMac16 時間: 11-4-15 12:47

個人認為唔値得為'基灣'咁勞師動衆。因為依我經驗都係普通school啫.....所以要諗清楚

作者: w_y 時間: 11-4-15 13:29

就咁睇就唔值.
不過先用自行拎住個位, 再考直私同叩官津門, 係非常好的方案, 至少唔使擔心入左D 你唔想入既學校.

不過你整個過程真係幾痛苦. 變數多.

作者: fc1668 時間: 11-4-15 13:51

妳有咁既人工,又真係唔易搵得番新工既.
基灣好唔好我唔知,只知道陪伴小朋友既時間比任何野都重要.

就算比佢考到直資/私校,好既都係西九龍/九龍塘....妳都係要搬,不過就可以搬到荃灣荔枝Kwok, 中心點

加油呀

作者: 小曳人 時間: 11-4-15 14:04

一間再好嘅學校都無用~ 如果~ 等於失去咗同至親相處嘅時間！

我會建議樓主試吓揾工，俾幾個月時間自己，揾到嘅，減少少人工都殺！揾唔到係無得好講！唯有放棄！

作者: aryee 時間: 11-4-15 14:15

原帖由 cmchang0927 於 11-4-13 23:07 發表
基灣約90%以上能派BAND ONE 中學, 值唔值就見仁見智了

如果小朋友本身成績好，係有料之人，入band 1根本唔係咁難(當然band 1都有好多種，但基灣都唔係話90%都係top傳統band 1掛，如果係就值得去馬)，基灣有90% band 1 即係佢成績好，咁樓主小朋友本身得唔得先﹖本身係band 1材料其實讀邊都入到band 1，如果本身唔係band 1，唔使去到咁遠幫人墊果10% band 2！

我覺得，小朋友適唔適合讀基灣反而係最大concern，據聞基灣好谷，小朋友谷唔谷得先﹖基灣既教學理念、校風、其它各樣又係咪自己杯茶先﹖係既話重詳計議無所謂，孟母三遷都係咁，但如果唔係杯茶就不如飲返自己杯水！

[ 本帖最後由 aryee 於 11-4-15 14:17 編輯 ]

作者: sasa_p 時間: 11-4-15 14:38

如果係我, 我想我也會選擇搬離天水圍, 最大原因係為人父母都想搵間好學校俾小朋友, 而好學校既因素, 我覺得除了是學校本身的教學外, 最重要都係小朋友同埋家長們的質素, 當然在天水圍也有好家長、好孩子、好學校, 但相比香港區或九龍區, 水平真的相差太遠了! 出現的機會率亦相對地低!

作者: anteater 時間: 11-4-15 16:14

記得好似有人提過,在新市鎮學校的BAND 1 學生,出到去市區大都係屬BAND 2貨仔

作者: heihei媽 時間: 11-4-15 17:30

Agree.

其實有好多學校都有70-80 band 1 生, 但唔係個個都入top 既band 1 中學架.

原帖由 aryee 於 11-4-15 14:15 發表

如果小朋友本身成績好，係有料之人，入band 1根本唔係咁難(當然band 1都有好多種，但基灣都唔係話90%都係top傳統band 1掛，如果係就值得去馬)，基灣有90% band 1 即係佢成績好，咁樓主小朋友本身得唔得先﹖本身係band 1材料其實 ...

作者: flowerw88 時間: 11-4-17 08:06

謝謝大家，
我有了決定，就是用panbaby的方法

。

雖然fc1688，都講得好對：「就算比佢考到直資/私校,好既都係西九龍/九龍塘....妳都係要搬,不過就可以搬到荃灣荔枝Kwok, 中心點」。但都算係兩者中取到平衡。

原帖由 panbaby 於 11-4-15 12:13 發表
查你睇吓咁樣好唔好?

你仔仔是今K2, 9月才K3報讀小學, 對不? 通常開學是先考私校直資, 接者是自行, 咁不如先報吓近些的私校直資先, 如果沒好學校收, 咁就在第一階段自行先用老公個25 分先取基灣個位先, 自結果好 ...

歡迎光臨教育王國 (/)