教育王國

標題: 請問你們是憑什麼特徵懷疑小朋友有自閉而帶他去評估? [打印本頁]

作者: gigiwin888 時間: 11-4-13 09:16 標題: 請問你們是憑什麼特徵懷疑小朋友有自閉而帶他去評估?

想請教你們, 本來我從沒有懷疑小朋友有自閉, 但因上網資訊太多, 觀察小朋友後就懷疑小朋友有自傾, 小朋友23個月, 但會有與人眼神接觸(不短暫), 見到小朋友會走去抱抱, 但又有以下例子(懷疑自傾行為) :

(1) 喜歡望抽氣扇, bb車車輪
(2) 好喜歡行牆(會斜眼望)
(3) 只識十個單字(仲要係發音不太準), 但認知ok, 問咩都知
(4) 鐘意玩門(櫃門, 大門), 玩門太約玩2分鐘左右
(5) 有時叫佢唔踩人

咁我係咪需要帶他去評估, 問左2間都要成5千幾元, 真係好貴, 請問有無邊幾間比較好, 可否pm我, 唔該晒

作者: szeszes 時間: 11-4-13 11:05

講真一句, 除非小朋友本身真係有好明顯既問題, 如果唔係心理醫生都係問家長問題, 有什麼自閉特徵, 就會介定是否 "自閉" 或 "自閉傾向", 其實, 真係好難介定, 好似我仔為例, 佢一直有言語發展問題, 怕羞, 對陌生人望佢, 佢會顯得比較緊張 (一般人眼中覺得亞仔文靜, 乖及細膽)

咁我仔一直係健康院跟進言語發展至3歲半, 之後 close 左 file; 直至亞仔升 K3 (5歲半) 班主任話亞仔言語仍然 delay 好多, 所以再搵健康院轉介至 "政府兒童發展中心", 見完心理醫生就話亞仔有 "自閉特徵 - 一般人叫係自閉傾向", 而仔仔係有正常人既智商 (心理醫生 report 寫住, 言語發展延緩, 社交弱及狡窄興趣)
- 言語治療師都講: 言語發展延緩既小朋友, 就會社交弱, 因為佢地用好限制既言語同人溝通, 對方都唔明, 就自然會社交弱

- 狡窄興趣, 4歲半前對數字好敏感, 一見到就會不停講, 但係我仔數學又不錯, 唔洗點教就會識 (但係專家又話亞仔唔係數資優, 所以就認為係狡窄興趣)

你問我仔係唔係有自傾, 講真一句, 我唔識分, 因為連我朋友及家人都唔覺佢有問題, 仲好鍾意人多, 一多人去玩就好開心, 又會同人講野及識得玩合作性既玩具 (識得輪候及分享), 只係講野比較短句子; 2歲幾就識分, 好親既人會錫咀, 無咁親既就錫下面, 唔識既人叫佢錫, 佢會話唔錫得

你想了解多些自閉症, 可以去呢個台灣專訪睇下, 其實呢個專訪講, 每1000個人入面就有6個 (即係差不多係150個人入面有1個, 其實真係叫做好普遍, 有些好輕微既, 可以用一些方式去糾正及教導, 就可以融入社會)

http://tw.movie.yahoo.com/autism/

[ 本帖最後由 szeszes 於 11-4-13 11:13 編輯 ]

作者: szeszes 時間: 11-4-13 11:42

其實, 我覺得未有言語既小朋友 (約1歲半), 可以利用眼神及表情來睇; 就算小朋友未識講野, 佢見到玩具時, 會否望一望父母, 笑一笑, 佢個心好似想同你分享緊; 而唔係眼定定唔理旁邊既人

你可以留意下我提供既 website, 有一輯係講: 自閉症之迷, 有個專家就係講我所講以上既野

你話你小朋友好喜歡睇轉既野或玩櫃門時, 你有沒有試下去令佢轉移視線, 如果可以被你轉移到, 而唔係麻目去睇 (可以試用食物引開佢), 個人覺得唔算係, 有些小朋友係好明顯, 你係完全轉移唔到佢, 同埋你強行唔比佢做, 佢就會大發脾氣

p.s. 我唔係專家, 只係仔仔被心理專家評估為自閉特徵, 所以, 我自己不斷去找尋呢方面既資料, 希望儘量幫仔仔糾正及改善
(同埋, 老公一直唔認同呢個評估報告, 所以, 佢成日會搵呢方面資料, 想推翻呢個 result)

作者: pollybell 時間: 11-4-13 15:46

其實自閉症評估係兒科醫生做還是臨床心理學家決定????網上資料都唔一致,唔同既私人臨床心理學家睇法亦有所不同,私人機構就更加商業化,因為背後太多利益既售後服務,評估其實都係估,唔係一除定陰,我見好多資優果邊都誤當亞氏保加症,某私人機構既專業評估既人事曾經講過如果有自閉症既特徵而無語言遲緩就可以LABEL為亞反保加,我覺得都幾謊膠.........真係攪唔清楚所謂既評估有幾可信.

作者: pollybell 時間: 11-4-13 15:50 標題: 回覆 1# gigiwin888 的文章

你打去健康院,大約等半年就可以做評估,你小朋友還細,咁早做評估都唔太準,等半年都係兩歲半建議你返健康院跟進.起碼有服務跟進.

作者: Capricorn2521 時間: 11-4-13 16:28

我覺得可以看看孩子的行為，態度，性格會不會很影響及阻礙他/她的日常生活，發展及學習，而決定是否要跟進。

作者: pinkdoll 時間: 11-4-14 00:32

非常贊同

原帖由 Capricorn2521 於 11-4-13 16:28 發表
我覺得可以看看孩子的行為，態度，性格會不會很影響及阻礙他/她的日常生活，發展及學習，而決定是否要跟進。

[ 本帖最後由 pinkdoll 於 11-4-14 00:36 編輯 ]

作者: pipi331 時間: 11-4-14 13:39

提示: 作者被禁止或刪除內容自動屏蔽

作者: szeszes 時間: 11-4-14 16:23

我仔就係被評估為 "自閉特徵", 我曾被呢個名令我喊過好多次, 又擔心過好耐, 連續失眠, 同老公關係唔好 (因為成日太好擔心, 動不動就發脾氣)

見過幾個治療師, 佢地都係話, 見小朋友那方面弱就做邊方面既訓練 (就好似一般小朋友咁, 佢果科科目唔叻, 咪去補習咁), 只不過我地呢班小朋友, 好多係出現言語 delay, 同埋社交弱 (之但係最近我發現, 當我仔仔不斷有言語刺激及訓練後, 相對就能令佢既社交力提升)

作者: gigiwin888 時間: 11-4-14 16:32

原帖由 szeszes 於 11-4-14 16:23 發表
我仔就係被評估為 "自閉特徵", 我曾被呢個名令我喊過好多次, 又擔心過好耐, 連續失眠, 同老公關係唔好 (因為成日太好擔心, 動不動就發脾氣)

見過幾個治療師, 佢地都係話, 見小朋友那方面弱就做邊方面既訓練 (就好 ...

請問你去左邊間評估?可唔可以pm我

作者: szeszes 時間: 11-4-14 20:14

我係政府兒童中心做既, 唔係私人機構, 等到5個月左右 (由健康院推介)

原帖由 gigiwin888 於 11-4-14 16:32 發表
請問你去左邊間評估?可唔可以pm我

作者: jackelmama 時間: 11-4-15 10:32

提示: 作者被禁止或刪除內容自動屏蔽

作者: 貓貓豬vv 時間: 11-4-15 12:09

提示: 作者被禁止或刪除內容自動屏蔽

作者: 貓貓豬vv 時間: 11-4-15 12:11

提示: 作者被禁止或刪除內容自動屏蔽

歡迎光臨教育王國 (/)