教育王國

標題: 上午返私人S位，下午返主流幼稚園，大家點睇？ [打印本頁]

作者: Olympian 時間: 11-4-6 18:21 標題: 上午返私人S位，下午返主流幼稚園，大家點睇？

大家好，我囝囝今年九月就3yr-old，現在返私人S位，九月份想安排他下午返主流幼稚園。

我經已為他報了名。該幼稚園離私人S位20分鐘路程，就在我家樓下。私人S位12點放學，而幼稚園就下午1:15上課。

想大家比下意見咁的安排好唔好？

我好擔心佢辛苦，但係又想佢可以多D社交的機會，有多些正常小朋友的刺激比佢。

唔知有冇家長咁樣做緊，可否分享下？

作者: szeszes 時間: 11-4-6 20:30

嘩~~ 咁細過, 早上返完學, 下午都要午睡一陣, 而家食飯又趕, 又無得午睡一陣

我個人認為這樣對一個3歲小朋友來說, 太辛苦; 成個大人返工咁, 差不多朝9晚5

正常既小朋友, 唔夠訓都發脾氣啦!!!

作者: jjcow 時間: 11-4-6 20:43

同埋訓多D腦部發育好D喎... 依家我個仔只係訓一覺，夜晚又訓唔超過十個鐘，所以我都好緊張佢晏晝個覺訓得好唔好，長唔長...

作者: angels'mom 時間: 11-4-6 21:03

原帖由 Olympian 於 11-4-6 18:21 發表
大家好，我囝囝今年九月就3yr-old，現在返私人S位，九月份想安排他下午返主流幼稚園。

我經已為他報了名。該幼稚園離私人S位20分鐘路程，就在我家樓下。私人S位12點放學，而幼稚園就下午1:15上課。

想大家比下意見咁的安排好 ...

我個仔而家都係咁返，一月頭才開始，已經3個月了。

最初下午上課中途有些眼瞓，但好快已習慣。我覺得係就係辛苦D，不過希望盡量争取時間啦。

作者: overcomer 時間: 11-4-6 23:06

要"佢可以多D社交的機會，有多些正常小朋友的刺激比佢。" 駛乜一定要下午返3小時主流幼稚園, 可以俾佢午睡後, 再去返興趣班/小組PLAYGROUP。不少興趣班係4:30或5:30PM開始, 等D學生放學去上。上一小時。一小時足夠啦, 主流3小時, 好多時間去咗食茶點, 去TOILET, 排隊等, 真係學嘢咪大約一小時。睡足, 學乜都事半功倍, 疲累就事倍功半。仲有帶佢返教會都得, 上兒童主日學。

作者: someoneelse 時間: 11-4-7 00:30

絕對同意！

咁谷法，都未必吸收到喇？！有反效果時仲得不償失？！

原帖由 overcomer 於 11-4-6 23:06 發表
要"佢可以多D社交的機會，有多些正常小朋友的刺激比佢。" 駛乜一定要下午返3小時主流幼稚園, 可以俾佢午睡後, 再去返興趣班/小組PLAYGROUP。不少興趣班係4:30或5:30PM開始, 等D學生放學去上。上一小時。一小時足夠啦, ...

作者: Olympian 時間: 11-4-7 17:04

其實佢下午要睡3小時。晚上十點再睡。每日放學我都會帶佢去公園玩。午睡後我會同佢斷斷續續做不同的練習直到佢訓覺。如果返左幼稚園，佢一定好累唔做練習同冇時間去公園玩。同埋下星期六開始會帶佢試下託管兩個鐘，睇下佢鐘唔鐘意。諗緊星期日帶唔帶佢去主日學，因為我唔係教徒....

作者: jjcow 時間: 11-4-7 17:54

我自己覺得如果係為咗佢有社交而返教會，咁唔係咁好...

原帖由 Olympian 於 11-4-7 17:04 發表
其實佢下午要睡3小時。晚上十點再睡。每日放學我都會帶佢去公園玩。午睡後我會同佢斷斷續續做不同的練習直到佢訓覺。如果返左幼稚園，佢一定好累唔做練習同冇時間去公園玩。同埋下星期六開始會帶佢試下託管兩個鐘，睇下 ...

作者: worry-mom 時間: 11-4-8 01:22

反而我覺得應該考慮下小朋友既程度, 如認知,言語,情緒行為等. 上了私人s位幾耐? 仲有5個月, 如果小朋友進度理想, 可以到時再下決定.

作者: szeszes 時間: 11-4-8 11:58

我自己覺得, A仔既最好老師, 就係父母

你比佢去左返主流幼稚園既話, 少左自行訓練, 講真主流幼稚園既老師 - 師生比率係一對九人 (老師唔可以只針對你既小朋友來訓練, 佢會一大班一齊教)

因為我仔都係有自傾, 由 N1 至而家 K3, 佢係 N1 及 K1 時, 老師跟本就無辦法教到我仔, 只係比我仔獨個人係到睇圖書, 間中叫佢同同學玩下, 玩唔夠幾分鐘, 亞仔又一個人係到睇圖書, 仲有... 老師間中會問下我仔問題, 不過我見過 D 老師跟本唔明我仔講咩 (因為我果日有參加觀課, 我自己都唔知亞仔講咩), 只見老師 "哦!!" 咁樣回應

你想訓練佢社交, 其實可以比佢返下社交班既訓練, 有些社交班都有幾位小朋友一齊上既

我仔係明顯 K3 好左好多, 無咁怕羞, 同埋言語好少少, 可以同人傾下計, 玩下, 講下自己所需

原帖由 Olympian 於 11-4-7 17:04 發表
其實佢下午要睡3小時。晚上十點再睡。每日放學我都會帶佢去公園玩。午睡後我會同佢斷斷續續做不同的練習直到佢訓覺。如果返左幼稚園，佢一定好累唔做練習同冇時間去公園玩。同埋下星期六開始會帶佢試下託管兩個鐘，睇下 ...

作者: anan3388 時間: 11-4-8 12:31

值得一試, 但俾定心理準備開頭會難捱d, 同埋真係試唔到時就 quit 幼稚園, 但唔好灰心, 到 ready 時又再試過.

so far 我見兩者都上/都上到既, 進步得快 d 既. 當然要個小朋友程度有返咁上下.

同埋同幼稚園好好溝通, 若小朋友那日好累, 就唔好迫佢返, 寧願返少一兩日.

同埋夜晚早 d sleep, 試下佢可否唔午睡而改為夜晚早睡

作者: pipi331 時間: 11-4-8 13:23

提示: 作者被禁止或刪除內容自動屏蔽

作者: Olympian 時間: 11-4-8 15:31

其實佢上左半年私人S位，另一方面等政府S位。估計政府S位排1.5年。

到九月份的時候，私人S位課程重覆，所以想佢返堆主流學唔同野。一有S位我就會比佢讀。

作者: pipi331 時間: 11-4-8 18:27

提示: 作者被禁止或刪除內容自動屏蔽

作者: angels'mom 時間: 11-4-8 20:59

原帖由 someoneelse 於 11-4-7 00:30 發表
絕對同意！

咁谷法，都未必吸收到喇？！有反效果時仲得不償失？！

我兒子的午睡明顯地影響他晚上入睡的時間，晚上要半小時以上才能入睡，後來連午睡也要半小時以上才能入睡，所以我才不讓他午睡，也剛巧為入讀幼稚園作好準備。

現在他晚上可以早點睡，日間也有足夠精神應付上下午的課堂，我很慶幸可以在剛剛好的時候調節到他的作息時間。

但也不是完全沒有犠牲的，犠牲的是私人S位由一星期五天減至兩天，然後專注力差了，不是下午，是上午的專注力差了

作者: Olympian 時間: 11-4-9 17:07

佢而家幾點訓架?

平日仲有冇時問同佢玩下?

作者: angels'mom 時間: 11-4-12 23:35

原帖由 Olympian 於 11-4-9 17:07 發表
佢而家幾點訓架?

平日仲有冇時問同佢玩下?

而家大約9時多瞓，早上8時前要起床，好似唔係好夠咁，不過即使在星期日不叫他起床，他多數在8時多都醒的了，所以應該OK吧。

平日當然有時間玩啦，不過我們亦要儘量加入訓練元素，包括認知及大小肌，所以有動態亦有静態的，好彩他都有興趣做

作者: ikebukuro 時間: 11-4-14 17:48

提示: 作者被禁止或刪除內容自動屏蔽

作者: powersuit 時間: 11-4-15 11:03

請問您小朋友入哪一問中心，我兒子今年九月會入s位我也考慮祇讓他讀半天S位,下午to普通幼稚園,

謝謝!

作者: jackelmama 時間: 11-4-15 11:11

提示: 作者被禁止或刪除內容自動屏蔽

作者: Olympian 時間: 11-4-15 16:23

我都聽過有有小朋友係咁，跟住家長佢轉返私人S位。

請問你個仔幾大個？返左幾耐Ｓ位才學到壞習慣？

排左咁耐先放棄個S位好可惜咁。

原帖由 ikebukuro 於 11-4-14 17:48 發表
如果返緊政府S位，但係越返越差（不停學咗D怪動作，如撞頭、fing頭、轉圈、斜視，未返S位時係無嘅），咁你哋會否考慮轉E位+下午普通幼稚園，定係繼續原校讀S位（淨返上午，已問中心ok!）+下午普通幼稚園？（需則亞仔仲係坐唔定，未必一定跟到普 ...

作者: jackelmama 時間: 11-4-15 20:57

提示: 作者被禁止或刪除內容自動屏蔽

作者: ikebukuro 時間: 11-4-16 02:27

提示: 作者被禁止或刪除內容自動屏蔽

作者: ikebukuro 時間: 11-4-16 02:31

提示: 作者被禁止或刪除內容自動屏蔽

作者: Olympian 時間: 11-4-17 15:58

點解怪怪呢？

作者: 我係女仔 時間: 11-4-17 17:27

原帖由 ikebukuro 於 11-4-16 02:27 發表
我個仔三歲幾喇！返咗一個月左右，就學衰嘢喇！都唔知係咪佢現正處於模仿階段，不過，好嘅又唔見佢學，衰嘢就一大堆！就係見佢成日人做乜，佢做乜，所以先至想嘗試俾佢返普通幼稚園，就算跟唔到大班，都睇吓會唔會模仿到少少好嘢返嚟！
...

我仔仔岩岩3歲, 佢都係模仿階段,但佢又唔知人地做緊咩學人D野好叻呀,總之人地做佢又做, 但佢成日無反應同講野得幾粒字, 所以無法先入S位, 我仔仔而家都讀緊屋村幼兒園, 8月入S, 排左咁耐入左先算

[ 本帖最後由我係女仔於 11-4-17 17:31 編輯 ]

作者: ikebukuro 時間: 11-4-18 01:20

提示: 作者被禁止或刪除內容自動屏蔽

作者: 我係女仔 時間: 11-4-18 11:18

原帖由 ikebukuro 於 11-4-18 01:20 發表
咪就係人做乜，佢做乜囉！見人哋沖埋去撞牆，佢又學人走去周圍撞，佢以為係玩之嘛，又唔會識分好與壞，凈係覺得又幾得意喎，攪到我成日嘥時間去糾正番，佢學就用一分鐘唔駛，叫佢改就要用超過一個月時間，呢個都只係其一例子，仲有學人大叫 ...

我仔仔正係同你仔仔情況一樣呀

我仔仔去公園玩佢既行為仲比人問有無兩歲添, 因為佢亂咁跑黎跑去, 鐘意搞下東, 搞下西, 但又唔咪真係去玩果樣野喎, 例如xx轉,佢上去企唔夠幾秒鐘就落反黎, 即係人地幾個小朋友上去玩, 佢又上去湊下熱鬧咁羅

作者: overcomer 時間: 11-4-18 13:03

我親戚個仔讀政府s位, 佢就讀得幾好, 佢仔仔冇學到壞習慣, 進步很快, 佢覺得全面過私人s位添。其實讀乜學校, 都可以學到壞習慣要學壞習慣的話去邊都學到, 普通學校都有特殊需要學生, 也可能有人尖叫,坐唔定等, 有好多應該入s位o既, 因父母接受唔到, 咪又繼續在主流浪費時間, 終日遊魂和有怪行為。老師都執唔到佢地。

作者: kelvin_hmlau 時間: 11-4-18 14:19

其實都係分兩派, 有d 阿媽話讀S位好好, 有d 就話學到壞習慣.

係社交班我發現話S位好果個小孩係屬於冷淡型, 唔會受其他同學影響. 話S位唔好果個小孩, 係會同另外一個小孩玩到 high high 地唔識停. 我唔知分別係唔係呢度.

作者: overcomer 時間: 11-4-18 14:52

我親戚個仔係會模仿其他小朋友o架, 又會跟著人跑和做一些動作, 但如果佢有唔好o既行為, 就立即制止佢, 罵他, 叫佢唔好學洩o既小朋友, 跟著佢就冇染上壞習慣。對特殊小朋友都係要管教和灌輸正確觀念。

可能你話好難教, 其實就好似一般小朋友咁, 佢地讀主流, 有些會學壞, 有些唔會, 有些聽人教, 有些唔聽人教, 特殊小朋友都係咁。

作者: ikebukuro 時間: 11-4-18 22:46

提示: 作者被禁止或刪除內容自動屏蔽

作者: overcomer 時間: 11-4-19 00:49

"從來無提過點幫助", 咁你有冇直接問老師有什麼方法呀? 你試吓直接同老師講你的憂慮, 你話見仔仔學到壞習慣, 所以諗緊好唔好退學, 睇吓老師點講。你又可向學校申請去主流試讀, 搵間收生不足O既主流學校讀。應可試讀3個月, HOLD住個S位, 3個月後你覺得OK就轉校, 唔OK就返去S位。 (不過收生不足O既學校, 一定唔少特殊小朋友, 收生好的學校又冇乜位了)

有普通主流幼稚園學生, 返學後學到流利粗口, 媽媽調查後發現, 原來那小朋友係從校車司機學到粗口的, 不過全車小朋友, 大部分都冇學講粗口, 係有人特別容易學到。去到邊都有唔好O既壞榜樣, 唯有盡力灌輸正確嘢俾小朋友, 盡力解釋佢聽點解唔好學, 我知你已盡力, 小朋友唔容易教, 唯有繼續努力。

作者: pocoyo123 時間: 11-4-19 01:27

我都讚同在呢個社會, 一定有好同壞之分, 就算睇電視, 佢見到有人做左d壞行為, 佢會問我, 媽咪, 點解呢個哥哥咁做呀, 咁唔啱呀, 差人做咩唔拉佢等...........最記得, 以前佢能力差時, 成日去玩, 唔識排隊, 唔識分享, 我成日教佢, 教識佢后, 去到出面, 有d所謂正常小朋友, 虾佢, 打尖, 玩完又玩唔比佢, 佢問我點解d小朋友咁嘅, 佢地咁做無人閙嘅, 佢一路哭, 我一路講, 呢個社會有d人會做d壞行為, 我地係要去用腦袋思考邊樣錯邊樣啱, 人地啱我地就讚佢, 人地唔啱你就唔好學, 話比大人聽, 知唔知
呢d野我由細已不停同佢講, 好以過馬路, 有人紅燈過, 佢就會問點解人地過我地唔過, 跟住有一次我同佢紅燈過馬路, (因交通燈壞左),佢立即話我做錯, 我同佢講媽咪錯係可以原諒, 因為壞燈,呢d 都係要慢慢教, 我想講係我地係要教個小朋友分辨是非, 不是一定在學校, 有時生活上發生的, 會令佢更快知乜野可以學, 乜野可以唔學

歡迎光臨教育王國 (/)