教育王國

標題: 翠茵(坑口)vs學之園(康城)學前班 [打印本頁]

作者: sweetorange 時間: 11-4-2 14:44 標題: 翠茵(坑口)vs學之園(康城)學前班

囡囡0901小朋友, 翠茵(坑口)收了am國際班, 學之園(康城)收了pm粵英班, 兩間也只打算讓她讀一年然後再報讀一條龍k1, 咁應如何選擇呢? 請大家比d意見.
謝謝！

作者: 榛子果仁 時間: 11-4-2 14:57

我的CASE一模一樣, 學之園剛收咗, 而翠茵今年年頭已收插班. 但我無去讀. 因為下午, 而去咗另一間全日班.

學之園同翠茵, 梗係揀學之園, 因為我小朋友母語係廣東話小朋友需要母語去發展佢地的認知能力(要有一個鞏固的語言俾佢地去發展邏輯思維及提升智能), 但我又想要英文, 最好不過就係, 日日都一半時間廣東話, 一半時間英文, 係自然環境學好母語加英文.

你的小朋友在眾多小朋友中脫穎而出, 學之園的機會難能可貴. 再諗諗. 同埋一定幫到你考K.1一條龍, 因為我都係咁做. 就算考唔到, 學之園都係一間可以放心讀4年的學校.

個人愚見, 希望幫到你~!

作者: sweetorange 時間: 11-4-2 15:14

但係我又好想囡囡讀am班, 作息比較好及易於安排課外活動, 理想的話出年又會轉去其他一條龍讀k1, 所以非常煩惱!

作者: 榛子果仁 時間: 11-4-2 15:23

我理解你的情況, 因為當初我唔揀翠茵係因為下午, 上午班作息係緊要, 但我的興趣班係安排星期六, 所以, 無影響架.
除咗作息.

同埋你會諗, 出年一條龍, 如果係上午班咪亂哂龍...但我不如咁問你, 一條龍如果收咗你下午班, 你諗都唔諗會去讀啦係咪.

同埋小朋友大咗, 適應能力都會高咗, 我會先1. 寫信去學之園求轉AM, 最後唔得, 先調適小朋友午睡時間. 最後先諗去翠茵讀. (呢個係我自己的選擇).

又係個人愚見... (你囡囡係大囡,讀PN都2歲8個月, 唔會太難搞呀)

作者: sweetorange 時間: 11-4-2 15:37

聽你的意見, 你真的認為學之園的學前班真的比翠茵優勝得多嗎? 謝謝!

作者: 榛子果仁 時間: 11-4-3 03:19

我的行動反影了我的選擇嘛.我已經放棄10年1月插班翠茵.讀咗第二間的全日班(因為我下午班我跟本無可能返到,因為我無工人, 我日日湊個囡返咗學我先返工). 學之園係我一直首選, 但10年1月無插班, 我才等到依家. 我依家反而好煩. 我湊到個囡返學因為唔夠時間返工. 我可能要請工人. 我反而諗, 如果考到一條龍.因為車程遠,我反而唔駛請工人. 依家當務之急就係要解決朝早湊返學的問題...

真係睇你要乜嘢, 你想入乜嘢小學. 我自己睇重中文同英文. 絕對唔會輕視中文. 所以, 學之園乎合我的要求. 同埋其他分校有口碑. 下年又可以再考一條龍, 咪讀一年, 睇下點, 再轉囉學校唔啱心水. 你轉走就易, 想入就好難啦, 你睇今年咁多人考就知啦...

都係我個人愚見, 同埋我係揀咗學之園既, 睇下有無人放棄學之園而揀翠茵的意見, 相信仲中肯多啲呀~

作者: baby_sasa 時間: 11-4-3 17:43

大家好呀！我平時好少發言，但見呢個topic，都想分享吓。
小女喺0905出世的，住近坑口，翠茵、綠茵都留咗am位，但我其實target學之園，都收咗am，毫不猶豫揀LH!
有朋友的仔讀過，非常好的comment，個人都認為無論課程環境都比較其餘兩間抵讀。

作者: elainesugar 時間: 11-4-3 22:46

我都係同你哋一樣, 翠茵(新都城)收咗我個女am, 學之園就pm; 學之園係我首選, 因為住喺附近唔駛搭車; 但宜家變咗有啲upset & 懊惱, 因為係pm session, 唔知時間點安排...

作者: sweetorange 時間: 11-4-4 10:25

原帖由 baby_sasa 於 11-4-3 17:43 發表
大家好呀！我平時好少發言，但見呢個topic，都想分享吓。
小女喺0905出世的，住近坑口，翠茵、綠茵都留咗am位，但我其實target學之園，都收咗am，毫不猶豫揀LH!
有朋友的仔讀過，非常好的comment，個人都認為無論課程環境都比較其餘兩間 ...

請問學之園如果是收了你女女pm你又會如何選擇呢? 謝謝!

作者: sweetorange 時間: 11-4-4 10:28

原帖由 elainesugar 於 11-4-3 22:46 發表
我都係同你哋一樣, 翠茵(新都城)收咗我個女am, 學之園就pm; 學之園係我首選, 因為住喺附近唔駛搭車; 但宜家變咗有啲upset & 懊惱, 因為係pm session, 唔知時間點安排... ...

請問你有何打算, 可以分享多些嗎?

作者: JCMickey 時間: 11-4-6 13:47

我係翠茵(坑口)收了pm國際班, 學之園(康城)收了am, 其實, 無論係上午定下午班, 我都會揀學之園, 學費差唔多但語言環境應該學之園會優勝D, 我有朋友讀緊都話佢地老師好好, 小朋友讀得好開心...

作者: BrianHaywood 時間: 11-4-6 14:46

Hi All,

My case exactly the same as yours.
1) 翠茵(坑口)收了am國際班
2) 學之園(康城)收了pm粵英班

I like 學之園, but it seems AM class is better for my BB. How to chose ?? (Big Headache)

作者: sweetorange 時間: 11-4-6 16:34

現在仍在煩惱中, 手上有翠茵及綠茵的am班, 除了作息問題, 也打算替囡囡於一至六報些興趣班, 希望能轉到學之園am啦, 現在還等緊km放榜.

作者: baby_sasa 時間: 11-4-7 03:03

原帖由 sweetorange 於 11-4-4 10:25 發表

請問學之園如果是收了你女女pm你又會如何選擇呢? 謝謝!

如果是pm, 也會讀學之園，學費跟其餘兩間差不多，但比較喜歡學之園，個人相信課程比較豐富，可能因為曾讓女兒上翠茵（本打算如入不到學之園會讀翠茵的）的playgroup，但上了一個月感覺有點失望，學得如果n1也是如此的話就不太值得咁貴學費了…因此替女兒轉回kids playhouse的英語playgroup，比較認真許多。
個人學得上午或下午並不太重要，不會為此放棄入讀好學校的機會。

作者: 榛子果仁 時間: 11-4-7 12:31

我為咗囡囡讀學之園, 將會請工人添呀, 因為半日班入園係8:45最早, 我再湊唔到佢之後先返工.

過五關, 斬六將先入到一間好學校, 諗得好清楚先放棄呀.

下年, 又係一場激戰, in K.1, 今年in N班都會係同一班小朋友, 仲有啲係無讀n班的小朋友... 下年諗唔到會係點, 如果下年全戰敗, 我仲有學之園放心讀4年~!

進可攻, 退可守~!

LP學之園, 因為將軍澳區, 仲有N班, 只會越來越多人讀. 同埋佢新校, 一定唔會做衰個口碑, 唔係佢開到康城咁遠, 搵邊個去讀?

試轉AM先, 又係個句, 呢度好多人等繄SPN, 到時一定有位放(至少, 我係am LP, 我考到SPN第一時間會放返個AM位), 如果唔得, 先諗PM班點安排啦.

作者: sweetorange 時間: 11-4-7 14:51

原帖由 榛子果仁 於 11-4-7 12:31 發表
我為咗囡囡讀學之園, 將會請工人添呀, 因為半日班入園係8:45最早, 我再湊唔到佢之後先返工.

過五關, 斬六將先入到一間好學校, 諗得好清楚先放棄呀.

下年, 又係一場激戰, in K.1, 今年in N班都會係同一班小朋友, 仲 ...

多謝大家的意見呀! 而家為有見步行步, 希望可以轉到am啦.

還有繼續等劍鳴的好消息, 不過好似等緊六合彩咁.

作者: cycream 時間: 11-4-8 14:32

原帖由 sweetorange 於 11-4-7 14:51 發表

多謝大家的意見呀! 而家為有見步行步, 希望可以轉到am啦.
還有繼續等劍鳴的好消息, 不過好似等緊六合彩咁.

If I were you, I will choose LH. my son studied in GV last Nov, then move to KM from Dec. He is now studying at KM. I don't think GV can compare with LH/KM.

You are not sure your kid can get good K1 offer, but LH definately a good choice even you can't get it. So, I recommend you to take LH. May be you can get KM offer. Good luck!

[ 本帖最後由 cycream 於 11-4-8 14:33 編輯 ]

作者: ting-ma 時間: 11-4-8 15:47

提示: 作者被禁止或刪除內容自動屏蔽

作者: cycream 時間: 11-4-11 10:39

原帖由 ting-ma 於 11-4-8 15:47 發表

Just 有少少好奇, 點解KM 比offer 你小朋友插班, 唔係開學時一齊番???

明白gv 名氣一定及LH/KM 呢d 名校, 但想知道你囝囝讀左一個月GV , 學校/老師令你不滿意嗎?? 有什麼問題?? ...

km係2010-2011年度n1仲係收細仔. 10底有1個讀緊既小朋友withdraw, 我個仔就12月插班入咗. 我唔係好唔滿意gv, 講真如果係區內, gv係幾好. 只不過compare km, 就講唔出gv有咩優勝地方啫!

作者: sweetorange 時間: 11-4-11 12:10

原帖由 cycream 於 11-4-8 14:32 發表

If I were you, I will choose LH. my son studied in GV last Nov, then move to KM from Dec. He is now studying at KM. I don't think GV can compare with LH/KM.

You are not sure your kid can get g ...

Thank you for your sharing!

作者: tb2009 時間: 11-4-11 13:14

各位媽咪,
如果翠茵(metro city)國際班am同york(月底interview)比較，那一間好些呢 ?
住tko, 翠茵可行10mins左右返學，而york要坐校車45mins，2間英文都好好，不過york好似強d, 考好多公開試....
可否俾意見 !
tks a lot

作者: ting-ma 時間: 11-4-11 22:52

提示: 作者被禁止或刪除內容自動屏蔽

作者: 小玲 時間: 11-4-11 23:32

講開翠茵，其實我之前都有join 啲discussion,但開始招生嗰牌就討論得熱烘烘，完咗interview之後(其實應該未完interview,因為呢間學校係興14個月到就才interview),就好靜。
初初我對佢地印象唔差，亦係我心儀學校首選，但由交留位費開始，就覺得佢哋其實麻麻。尤其係(新寶城)嗰間係清潔程度同綠茵有距離。兩間我都是早上9點鐘in,綠茵是有好似綠水的味道而新寶城無之餘仲頗為唔乾淨，唔知佢哋係8點鐘就有playgroup還是加早就有呢?
所以選擇學校就係要身體力行，缺一不可。

作者: sweetorange 時間: 11-4-12 11:51

如果單單比較綠茵同翠茵(新寶城), 我就比較喜歡翠茵, 我和囡囡上過他們的pg, 綠茵上了1個月, 翠茵上了3個月, 感覺無論環境, 老師及流程都是翠茵好些.
整體上綠茵比較求其, 老師給我的印象麻麻, 課堂流程欠佳. 而翠茵可以說是ok, 但又不是特別好.
以上只是對他們pg的個人感受, 不知pn班的師資及課程會是如何, 所以才想聽聽大家有關翠茵(坑口)vs學之園(康城)學前班的意見.

歡迎光臨教育王國 (/)