教育王國

標題: 發脾氣&掟野，點處理？ [打印本頁]

作者: wong503041 時間: 11-3-30 23:13 標題: 發脾氣&掟野，點處理？

請教各位媽咪，當你地既仔仔/囡囡發脾氣系都要趴地時，你地系點處理架？

當佢系都要掟野落地下，你地又會點處理？

作者: meilo 時間: 11-3-31 00:06

我會同佢講佢點扭都無用,我唔會理你,佢掉既係玩具既話,我會同佢講佢唔要我會掉左佢,佢都唔停既話,我真係會掉左佢d玩具(我會預備一個淨係掉佢玩具既乾淨垃圾桶,因為佢多數都會驚,會去執番,嘻~)
總之佢不停扭/趴地,鬧完佢都無作用既話,我會唔理佢唔望佢,繼續做自己嘢,佢扭到咁上下知我都唔理佢,佢多數都會自己知衰,走埋嚟拍番我話會乖,同錫番我一啖...

跟住先慢慢同佢講道理,佢就會好聽話咁咩都答知道~

作者: autunmbb 時間: 11-3-31 10:24

原帖由 wong503041 於 11-3-30 23:13 發表
請教各位媽咪，當你地既仔仔/囡囡發脾氣系都要趴地時，你地系點處理架？

當佢系都要掟野落地下，你地又會點處理？

我個仔都喜歡係個商場入面扒地，我㑹係一個安全距離的環境睇住佢同佢say byebye，開頭㑹喊等等，現家佢扒一陣就㑹起身。佢之前返屋企個lift又㑹扒地，我現家用佢鐘意開門呢樣野，每次入lift都問「邊個要開門」，同時取出鎖匙，佢㑹好開心咁取鎖匙，一開lift門就飛咁快咁返屋企。現家我用一個筆袋入住條鎖匙，佢要開拉鏈先取鎖匙，可以順便訓練佢小肌肉。

佢通常都係掟佢的玩具落地，掟一件就byebye一件，跟住放係佢見到又好高佢取不到的地方，佢㑹發一陣皮四，唔埋佢一陣又無野，最近佢真係掟少左野。

不過佢就開始玩望唔理我，理完一樣又有一樣，真係好煩。

作者: szeszes 時間: 11-3-31 13:21

我仔1歲半至2歲前, 一大發脾氣時就係咁

我會當睇唔到, 如果再唔起身, 我就會數 1,2,3 ... 同埋同佢講, 好污穢

係街試過一次, 我直程指住佢, 叫人來睇下一個咁曳訓地下 (上次直程有街外人和應), 以後就不敢

anyway, 政府兒童中心都係評估左我仔有自閉傾向, 不過, 佢係超潔癖, 同埋怕事及害羞

作者: wong503041 時間: 11-3-31 23:10 標題: 回覆 3# meilo 的文章

MEILO，好羡慕你呢！真不知道何时何日我仔仔先會明白我感受啊！

作者: wong503041 時間: 11-3-31 23:11

我都有試過對我仔仔講，地地糟糟，唔好訓地，佢自己都會講地地糟糟，但就系要訓.
大發脾氣時又訓，一唔順佢意時又訓～～訓地好似成為咗佢每日指定動作。
我仔仔趴地時如果冇喊既話，佢會過一陣自己起身，但如果趴地時&有喊咁就訓好耐地下都唔起身，唉～～
我個仔又系返屋企出lift前又㑹趴地，以前我都用過钥匙氹佢，以前WORK，但而家完全唔WORK，冇辦法唯有抱佢出LIFT，以免阻住人地用LIFT，點知到咗屋企門口，有時手上攞住野，唯有放低佢先可以攞钥匙開門，點知佢就發脾氣，即刻趴地，唉，真系唔知道點教！

作者: vickybb 時間: 11-3-31 23:47

發脾氣,趴地,要係安全0既情況下唔好理佢,當佢冇到,過一陣佢見你唔理佢佢會自己起身0架,之後你要當冇事發生,呢個方法我兩個仔都work,但大仔依家k2,就唔可以用呢個方法,依家大仔一發脾氣,我會叫佢去冷靜,叫佢坐系張椅度,唔可以去睇佢,唔好俾佢走,唔同佢講野,直到佢冷靜為止,當然一開始佢都系系度發脾4,但發完之後佢會過黎同我講,媽咪我冷靜左啦,咁我再問番佢頭先做咩事,系咪唔啱,會認錯,

歡迎光臨教育王國 (/)