教育王國

標題: 你地重會唔會用籐篠架！ [打印本頁]

作者: goodenough 時間: 11-3-30 16:13 標題: 你地重會唔會用籐篠架！

小朋友已經6年級，有陣時我都唔明點解我重用籐篠！
小朋友叫我唔好打手腳，因為有痕，會比老師發覺，我會比人告，甚至要坐監，佢重叫我要打就打手板，唔會比人發現，又痛。睇到佢咁識諗，我本來好高興才對，但有時又真係好曳，道理又講過，罰佢冇得玩又試過，唔知有乜野好方法。你地會用甚麼方法？

作者: ken9989 時間: 11-3-31 07:38

提示: 作者被禁止或刪除內容自動屏蔽

作者: Yanamami 時間: 11-3-31 08:04

我用烏蠅拍!

打pat pat籮. 但P6已大個, 打唔係辦法. 屋企有無人佢驚架?

原帖由 goodenough 於 11-3-30 16:13 發表
小朋友已經6年級，有陣時我都唔明點解我重用籐篠！
小朋友叫我唔好打手腳，因為有痕，會比老師發覺，我會比人告，甚至要坐監，佢重叫我要打就打手板，唔會比人發現，又痛。睇到佢咁識諗，我本來好高興才對，但有時又真係好曳，道理又講過，罰佢 ...

作者: yuenwa 時間: 11-3-31 12:56

我細個時比爸爸打到死, 通常都係因為成績唔好. 但我兩個妹讀書仲差過我, 佢就好聲好氣同兩個妹講慢慢來, 唔好急, 讀唔識就留班啦.

我冇覺得佢偏心, 只感到佢對我有期望. 但可惜佢只對我有期望而冇行動去栽培. Anyway, 而家論學識/事業, 我好過我兩個妹好多, 所以都多謝我爸爸當日對我恨恨"邊察".

不過樓主個仔知衰仲肯受罰, 我覺得你冇需再打, 可以用其他處罰方式.

作者: kikiboy 時間: 11-3-31 13:02

小朋友已6年級了, 藤條用了好幾年了吧, 後果如何? 效果又如何?

作者: KK 時間: 11-3-31 13:35

原帖由 goodenough 於 11-3-30 16:13 發表
小朋友已經6年級，有陣時我都唔明點解我重用籐篠！
小朋友叫我唔好打手腳，因為有痕，會比老師發覺，我會比人告，甚至要坐監，佢重叫我要打就打手板，唔會比人發現，又痛。睇到佢咁識諗，我本來好高興才對，但有時又真係好曳，道理又講過，罰佢 ...

哈哈！難得佢講得幾有道理，有時真是幾勞氣，莫講話籐條，拿起咩隨手就想“fit”過去！
不過，佢已經大過了！打得幾多？打左可能傷大家感情！所以，我為有發功：冷靜下來，跟佢講下道理！最重要係聆聽下佢的感受，可能換轉係我，都會洩都唔奇！
大左就不可以用命令式or細細過的教法。
所以，大家一路成長，一路學習！

作者: skate 時間: 11-3-31 13:45

小朋友已經6年級,唔好用籐篠la!
聽落妳小朋友都好懂事, 平心靜氣跟她坐下傾吓妳對她做錯件事的看法.
我會問佢,如果你的小朋友咁樣做,佢會點睇,點處理?

作者: strongboymama 時間: 11-3-31 13:47

提示: 作者被禁止或刪除內容自動屏蔽

作者: fc1668 時間: 11-3-31 14:00

唔會,唔贊成打,因為打左結果都可能係一樣,所以打左都只係傷到大家既感情.

作者: Camom 時間: 11-3-31 14:08

原帖由 goodenough 於 11-3-30 16:13 發表
小朋友已經6年級，有陣時我都唔明點解我重用籐篠！
小朋友叫我唔好打手腳，因為有痕，會比老師發覺，我會比人告，甚至要坐監，佢重叫我要打就打手板，唔會比人發現，又痛。睇到佢咁識諗，我本來好高興才對，但有時又真係好曳，道理又講過，罰佢 ...

如果我聽到小朋友這樣說，我會很難過。。。

作者: 小木偶媽咪 時間: 11-3-31 14:09

冇,從來都冇

作者: wynma 時間: 11-3-31 15:46

我唔敢買籐篠呀, 我驚我自己會控制唔到打傷佢, 都係用手打吓佢pat pat同手腳算喇!但打完都十分之內疚和心痛架! 又覺得自己好無用, 唔識敎佢, 又擔心同佢嘅關係唔好, 又擔心打佢會影响佢嘅心理發展及自信, 總之做人父母甚艱難啦!

作者: 恩林 時間: 11-3-31 19:18

我會用間尺, 仲要係鐵個隻.....
不過都係用長鐵尺打落d枱同櫈,
點知有次裝修, 兩把長鐵尺都唔見左(我覺得有人有心整唔見~) 我就改用左長膠尺, 我發覺用膠尺好危險, 一打落枱就爆開(把間尺)....
所以我宜加改用手...隻手打落枱, 只有一個字..........痛...!! =______="

作者: do-re-me 時間: 11-3-31 19:35

原帖由恩林於 11-3-31 19:18 發表
我會用間尺, 仲要係鐵個隻.....
不過都係用長鐵尺打落d枱同櫈,
點知有次裝修, 兩把長鐵尺都唔見左(我覺得有人有心整唔見~) 我就改用左長膠尺, 我發覺用膠尺好危險, 一打落枱就爆開(把間尺)....
所以我宜加改用手... ...

我用手或佢本手冊打佢個頭（腦）
其實我好想'dull'巴星佢

作者: tws2010 時間: 11-3-31 22:13

I always say "I will beat you" but in fact my kid knows very well that I just say it but don't mean it. I never beat her up

原帖由 do-re-me 於 11-3-31 19:35 發表

我用手或佢本手冊打佢個頭（腦）
其實我好想'dull'巴星佢

作者: mingmingba 時間: 11-4-1 02:16

提示: 作者被禁止或刪除內容自動屏蔽

作者: goodenough 時間: 11-4-1 03:17

因為麻麻太種了，沒辦法下的辦法。
我覺得效果是有，因我打他不是青蜓點水的，下下到肉，而家唯一佢最驚的就是我罰佢，可能我要求高，但我睇得出佢係有心想做好我要求佢做的事。
記得佢細個做錯野，麻麻總是說他重係細個，慢慢教，放學回家d校服總要人跟佢手尾，我覺得我唔趁早教好佢，當既成習慣時便很難改，雖然而家都難難地。
至於傷感情，好彩而家佢都好buy我，可能我唔係無理取鬧，我比到一個好清晰的guideline。
不過我好佩服你地可以用講道理的方式。我見好多小朋友會用好多野來同父母交換聽話或讀書。

作者: Mat_Dad 時間: 11-4-1 10:02

有冇諗過你小朋友同你咁講, 其實佢已經接受咗體罰, 而佢更加覺得你打完佢之後, 佢曳冇問題, 只要比你打完又可以再曳過.

作者: goodenough 時間: 11-4-1 12:55

原帖由 Mat_Dad 於 11-4-1 10:02 發表
有冇諗過你小朋友同你咁講, 其實佢已經接受咗體罰, 而佢更加覺得你打完佢之後, 佢曳冇問題, 只要比你打完又可以再曳過.

佢係好驚和怕痛。佢之前做任何事都唔經大腦，最緊要有得威，踢波成日鬧人地差，同學問佢功課又鬧人煩。

係學校又多朋友，攪到佢好心散，好似有過度活躍症，成日坐唔定，總言之有得傾計，有得玩就得，上堂又唔舉手爭住答問題，老師又投訴過。又成日唔寫家課冊，如果唔係佢成績幾好，可能記左缺點好耐。而家我好驚佢自己返學放學過馬路時唔專心掛住玩，呢樣野冇take two架，我唔會比佢出錯。
加上而家佢d同學成日掛住講邊個同邊個拍拖，好多同學已經變晒質。最後一次呈分試好多同學都冇心機考，諗住已經無關痛癢，如果佢地係我的小朋友，我一定好痛心。
好彩小朋友知到我的底線，我話左我唔係唔比佢玩fb，但首要條件係做好功課，溫好習，佢知我要求，佢唔咁亂來。
到左今日佢好多野懂得自動自覺，讀書啦，執好d校服啦，執書包啦，最明顯就係會寫家課冊啦，我睇到佢係同其他同學唔同。但最遺撼就係我要用籐篠才能教好佢。

歡迎光臨教育王國 (/)