教育王國

標題: 培僑的學生 [打印本頁]

作者: kakagilbert 時間: 11-3-28 01:08 標題: 培僑的學生

1)請問有內向的小朋友能考入培僑嗎？
如有，小朋友能否變得比前外向些？

2)培僑的學生是否都愛閱讀呢？

3)需補習嗎？

作者: lfcdhsbc 時間: 11-3-28 17:23

培僑的學生

1) 過去集體面試的模式, 外向的小朋友一定佔優, 內向的小朋友考入培僑書院的機會較微, 除非識XXX. 內向小朋友能否變得比前外向些, 可能要問兒童心理學家.

2) 每天都最少四五樣功課做幾個鐘 (數學在作業課冊和TSA的練習幾十條, 看一兩本小英文書(如bookmax)或一兩課Junior Novel英文書, 普通話朗讀數百字課文一至三遍, 每週要作文一中一英, 二三週一次中文背默錯了改三至五次, 每週詞語一寫五共十多個, 語文練習一週約一兩次人幫很難完成, 間中LAB及英文工作紙, 每月做些只有父母或補習老師幫忙才能做的project, 簡中要學生以普通話背幾首唐詩或某段課文, 每天寫幾十字Day Book, 每週英文串字默書, 還沒計算定期和不定期的評估...), 愛閱讀也難有時間按照喜好閱讀. 幸好學校提供的課外活動少之又少, 否則...

3) 有過半數學生要有補習, 但找需合適補習老師也不易, 因為中英文課程並不傳統.

作者: A-Mum 時間: 11-3-28 21:45

1)請問有內向的小朋友能考入培僑嗎？
有，我個仔！
不過多數培僑孩子都是活躍或超活躍的。

1b）如有，小朋友能否變得比前外向些？
都變咗好多喇，不過同佢D同學比，仲係幾唔同；始終崗山易改，品性難移。我信性格無得改，但行為可以變。

2)培僑的學生是否都愛閱讀呢？

3)需補習嗎？

作者: A-Mum 時間: 11-3-28 21:48

2)培僑的學生是否都愛閱讀呢？
只能說學校很鼓勵閱讀，係咪個個都鍾意好難知喎。

3)需補習嗎？
中英數都聽過有人補，多唔多就唔知。

作者: NormalGuy 時間: 11-3-29 12:20 標題: 回覆 3# lfcdhsbc 的文章

lfcdhsbc,
我是培僑高小的家長, 請問你的孩子是那一個年級? 功課聽來實在太多了, 與往年比較是否很不同? 我想我的孩子是高小才會突然增加了功課量, 又或許是新校長的指引. 他常強調他甚麼都沒做, 人家郤說功課量多了很多, 但他每次談話的內容都集中講成績, 雙快學習等, 已給了老師們很明顯的指引.
令我歎息的是從前培僑強調教育是 "育人的工作" 這種文化和氛圍給糟蹋了, 現在是求學=求分數. 其實培僑是一條龍教育, 何需這麼急進?

[ 本帖最後由 NormalGuy 於 11-3-29 15:08 編輯 ]

作者: NormalGuy 時間: 11-3-29 12:46 標題: 回覆 5# kakagilbert 的文章

kakagilbert,

1)小朋友能否變得比前外向些？
人與人之間所產生的化學作用是很難預計的, 通常近朱者赤, 如果能跟其他同學有良好關係的話, 孩子變得較外向的機會應該較高. 不過性格內向也是有優點, 老師會覺得他們較聽話, 容易維持課堂的秩序．

2)培僑的學生是否都愛閱讀呢？
凡事無絶對, 總不會每個人都是一樣的.

3)需補習嗎？
也是無絶對的, 就像搶鹽一樣, 是否真的有需要, 見仁見智. 功課上總有不懂的地方, 問問爸媽都可以了, 始終只是小學課程罷. 至於上網做project, 是需要有成人協助的, 因為網上的文字不淺. 我過往都有協助孩子找資料, 但不會太注重成效, 總不能把功課做到像成年人的水平, 而且大人都有工作和需要休息. 久而久之, 孩子上網找資料的能力比我還高, 只是很多時不能抗拒網上其他資訊的誘惑.

學習是需要時間來培育的, 如果家長一開始就希望孩子成為超班馬, 當然要狂谷, 就像填鴨一樣, 那麼, 傳統學校會較配合這種想法, 入了培僑, 可能會覺得太散漫, 心裏不安.

[ 本帖最後由 NormalGuy 於 11-3-29 12:55 編輯 ]

作者: kakagilbert 時間: 11-3-29 18:51

多謝A-Mum,lfcdhsbc,NormalGuy的分享,

我本身喜歡培僑是因為它的教育理念~

開心的校園生活
恒常的家課
鼓勵閱讀

前校長說過不需補習的及大多數家課都能在校內完成,換校長後學校的教學方針已變質了嗎?如此多功課量,真的很嚇人..

培僑會是一間求學只是求分數的學校嗎?

作者: A-Mum 時間: 11-3-29 19:41

Hi lfcdhsbc! 你的孩子在G1嗎？
我們去年G1時也足足用了一年去適應；到了G2，語文底子好些，做事爽快些，現在一星期有幾日晚飯前可以做完功課，可以捉吓棋喇。
如果依家太辛苦，有無咩ECA可以暫停？適應定再加番啦。

作者: A-Mum 時間: 11-3-29 20:01

Hi kakagilbert!

"前校長說過不需補習的及大多數家課都能在校內完成,換校長後學校的教學方針已變質了嗎?"

就算上年羅校長在的時侯，我地都無幾何係學校做晒功課...

不過我同英華個朋友仔比較過，真係少D架喇，淨係少D測驗考試都好好多。

又試過老師叫＂Write 3 sentences about..." 阿仔寫咗10句，老師會讚；我借過朋友DGJS D 功課睇，同樣情況，老師扣分。

一個鼓勵學習，一個強調跟規矩？

作者: cookieng 時間: 11-3-29 22:34

Hi A-mum :

我囡囡將升讀小一, 你小朋友今年小二, 想請問你中英文默書的次數,及功課量是多少, 我都預左用一個學期去適應,

作者: kakagilbert 時間: 11-3-29 22:37

通常要用幾多時間完成功課呢？
小朋友喜歡返學嗎？老師是否友善？

作者: bodadami 時間: 11-3-29 22:46

"前校長說過不需補習

的及大多數家課都能在校內完成,換校長後學校的教學方針已變質了嗎?"

同意 就算上年羅校長在的時侯，我地都無幾何係學校做晒功課...

根本不是那個校長的問題, 如果家長英文不好, 就幫不到小朋友, 如果家長無時間有能力, 都幫不到小朋友, 而絕大部分家長的普通話都乏善可陳, 也幫不到小朋友. 數學不深, 應不用幫, 或者家長都一定可以幫到, 問題唔大.

我同接放學的家長和傭人甚至小朋友都經常傾, 超過一半學生要補習, 當年羅校長的話就算gimmick, 但家長同學生都慣咗. 好似新校長講, 中國人的父母都想孩子成績好入大學, 所以雖然部分家長有被騙感覺, 但仍喜歡學校.

其他學校有無更差的老師, 我不理. 但這裡都有小部分老師嚴厲地強調跟規矩, 小朋友也不好受, 就讓他們早點接受現實的社會狀況.

但整體而言, 英文老師絕大多數都很好, 中文老師有大部分很好(如姓陳的...), 數學老師就...有小部分很好(如某姓郭好好, 某姓陳就唔... )

好彩數學主要是小朋友天份, 老師好唔好關係唔大. 唔知係咪因為數學老師要係大陸請流利PTH的老師, 能否教數就沒有計較咁多了.

作者: A-Mum 時間: 11-3-29 23:14

我記性唔好，大約咋：

上年一年班：
上學期中文學拼音，一星期默一次
下學期中文正式默書，一個月一次

題外話... 佢地有一 part 叫＂創意默書＂，例如＂花名＂。鼓勵小朋友多學習，能力高的孩子可以默多些，攞多D分。可以有百幾二百分架！

英文跟 phonics 默，一星期一至兩個音。都係有 bonus question 的。我覺得幾好，阿仔真係會唸吓有咩字係老師無教，但係嗰個音，好過死串字。

作者: A-Mum 時間: 11-3-29 23:21

＂通常要用幾多時間完成功課呢？
小朋友喜歡返學嗎？老師是否友善？＂

•做功課時間講咗喇...
•小朋友萬二分鍾意返學
•老師，間間學校都有好有唔好喎。So far 4個班主任都 ok 嘅。

作者: T_Eva 時間: 11-3-30 09:46

公平D講, 三年級的小朋友比較乖和勤力, 可能一般女孩子都這樣, 比多少功課都照單全收沒怨言又無欠交, 但有D初子家長就覺得今年變化好大, 壓力唔小。
不過有一點要讚學校, 以前孩子有什麼功課家長都唔知, 同X副校講完佢聽咗就算, 五年都無改善, 所以小朋友返屋企就算有功課都話無功課, 學業荒廢都無人知, 以前行政混亂到不堪, 健力士大全都入到, 宜家好咗好多。家陣班主任睇手冊迫住小朋友寫, 校網又有每日功課列出, 家長先知道有幾多功課。我唔理其他家長點唸, 但我個女就無問題, 做多D都無所謂。早輪生日會見到其他家長, 有少部分家長就有微言, 話比人欺騙, 但都只係微言, 大部分都應為今年好過以前五年。
今年頭幾個月有幾個活動如設計比賽, 目的應係鼓勵學生備課、準時交功課、專心學習…, 都係好好既活動(起碼好過成日籌款本末倒置攞嚟搞), 但我懷疑有D老師陽奉陰違, 因為初小既姪仔設計咗一份幾唔錯既口號海報, 老師就無同全班學生收, 孩子太細所以唔敢主動去交, 宜家都過咗期。陽奉陰違的老師不如早D離開, 好過大家都唔開心。
早幾日睇咗六十分鐘時事集誌, 講美國某小學D老師一唔掂就吵, 如果學校行呢套, 嗰D濫竽充數既老師就要拜拜。
聽返家長講, 學校最好的老師都係英文老師, 唔單止口音好, 而且有心有力。但有個姓???的女中文老師被家長鬧咗幾年都總係度教緊。數學老師有一個都好離奇, 學生A+B+C一次過做佢話錯, 硬要學生A+B得到答案再+C, 莫明奇妙。另外有一個數學老師就話要計算四個煎雙蛋早餐有幾隻蛋要 4 x 2 而唔係 2 x 4, 否則就算答案係8隻都要扣分, 我問過一個中大數學教授, 佢話這樣的教法有兩個後果, 一是窒礙學生創意思維, 二是打擊學生自信心。聽家長講有一個更好笑, 唔比學生在課本旁空位淺淺地做草稿, 嫌課本不乾淨, 其實課本旁空位做草稿雖然不整潔, 但老師就可以看到學生的工作方法和思維過程, 有什麼不好？難道單單寫個答案不做草稿就好嗎？單寫個答案只會讓學生抄功課時容易點, 但有潔癖的人也許就改不了。我有朋友個女, 上年小一下學期(重係羅校長個陣)已覺功課稍增, 到小二就明顯多咗, 用“倍增”兩字都不為過, 有家長嘈到家教會, 其後兩三個月功課量又明顯減少, 最近一兩個月又回到“倍增”狀態。宜家同家教會某某講, 佢地都話無符, 仲話『敏感時期, 少D出聲。』我聽極唔明問多兩句, 佢又話『太政治化, 唔好講』, 你話死唔死。有邊個家長點會想搞政治, 但家長係講功課、講老師都話唔得, 你話仲有勿嘢講。
你話新校長講雙快(勤快、愉快)學習, 我地家長都認同佢, 但老師攪對抗我地無計, 唯有希望攪對抗既人幾個月後無得續約, 但我又唔知新校長一年未到能否大開殺介, 能的話我舉手舉腳支持, 最好炒埋處理行政既高層。
我有你相同既嘆息, "育人工作"以前做不好因為主導行政的人做到亂七八糟, 令到學校政令不能下達, 而今年新校長就家課要求和培養學習習慣兩點均十分正確, 但下面有組織性的扺抗力量不小, 傳聞這力量的統籌者是極高級的行政人員, 真要撥開雲霧見朝霞, 可能要先消滅…

作者: bjdadishe 時間: 11-3-30 13:06

原帖由 T_Eva 於 11-3-30 09:46 發表
公平D講, 三年級的小朋友比較乖和勤力, 可能一般女孩子都這樣, 比多少功課都照單全收沒怨言又無欠交, 但有D初子家長就覺得今年變化好大, 壓力唔小。
不過有一點要讚學校, 以前孩子有什麼功課家長都唔知, 同X副校講 ...

改革的阻力不可能消滅, 但會會慢慢消退, 我小朋友話今年課室內紀律和學習氣氛都有好大改善, 第六年的培僑比前五年都進了一大步.

作者: ptherbal 時間: 11-3-30 13:15

原帖由 bjdadishe 於 11-3-30 13:06 發表

改革的阻力不可能消滅, 但會會慢慢消退, 我小朋友話今年課室內紀律和學習氣氛都有好大改善, 第六年的培僑比前五年都進了一大步.

什麼阻力我不懂, 但課堂紀律和學習氣氛不錯是進了一大步, 今年第63屆香港學校音樂節, 我們學校的表演又如所說進了一大步, 有時間上eClass睇下, 得獎名單都幾頁紙.

作者: NormalGuy 時間: 11-3-30 14:07

學校是需要不斷改革的, 但好的部份是需要保留.大家能在這裏放膽的討論, 真的太好了, 起碼對收料收得好些.

從前沒有把功課上網通知家長
可能我在聽學校的小一簡介會時都已明白學校的方針是學生由學校教, 不希望家長參與太多, 否則功課變成由家長或補習老師代勞, 而且學校經常做評估(如測驗等), 怕家長太渴求分數而不斷操練學生. 其他奉行教育改革的學校都有同樣的理念, 如蔡繼有, 國際學校如漢基等. 既然家長不知道有甚麼功課, 何需要補習? 好處是老師能準確地評估學習進度及成效，因才施教及改善教學手法,適合在職父母或沒有能力教導孩子功課的家長. 缺點是有些家長因無法掌握事情的進展, 缺乏安全感, 忐忑不安.

有老師攪對抗
這次是温校長第三次空降做校長, 每次校長在台上講話, 他都憶述過去兩次空降的經驗, 說他去到一間學校, 跟老師們開會, 說出他要對學校作出的改變,staff都說不行, 他力排眾議, 後來學生的水平提升了.
做事要成功, 需配合天時地理人和. 今次他的手法一如既往, 沒有注意"人和"這個要素, 不單是對同事, 對家長和學生也如是, 沒有人抗拒才怪. 你會相信學生水平提高是他一己的力量嗎? 你有沒有聽過他把成果歸功於與他共事的團隊呢?
培僑已有5年的歷史, 建立了一定的價值觀和文化, 學校有很多老師是開荒牛, 當年響應梁錦松和教育署教育改革的目標,希望改善舊模式旳各種弊病(實際上香港的教育制度一直都為人詬病, 才有千禧年代的直資學校), 共同創立新的教育方向, 突然來了一位對學校認識不深的校長, 要用自己的法方來行事, 其他人只許跟隨! 從來要了解一個機制先要了解其背後的理念和文化, 奈何要了解這些無形的概念是需要時間的.
假設家長和校長是學校的老闆, 如果員工有不滿, 而且要用到對抗的方法來表達, 我想我們需要正視他們所持的理據和困難, 檢視成因及找出改善的方法. 這學年還未完, 老師的合約還生效, 教得不開心, 學校每一員都受苦. 就算明年一次過換大批老師, 新人也是需要時間適應環境, 亦未必唯校長之命而行, 問題不會就此得到解決.
相反, 培僑已有一貫的運作模式 (先不說好不好), 光是温校長離開, 對學校的沖擊可能還要輕微. 當然, 如果校長和老師能和睦相處是最理想的.

家課要求和培養學習習慣
這當然讚成, 從前到現在都有這樣的要求. 如果能在學校完成大部份的功課和培養學習習慣不是更好嗎?至少不用放學後到補習社或請補習老師, 家長的英語和普通話口音又未必好. 我同意從前的方法未能徹底達到成效, 那可否根據這麼理念再做好些?
有一點值得注意的, 也是很多有子女在培僑就讀不同年級的家長告訴我, 培僑對學生的要求每年都在提升, 這是從功課的深淺度和教學的速度比較出來. 他們的想法是培僑收取的學生的質素不斷提升, 所以因才施教. 有時學生的水平不夠, 再好的教學方法也要遷就一下, 始終是育人的工作, 不應太功利. 相信培僑學生的公開試成續會按年提升.

[ 本帖最後由 NormalGuy 於 11-3-30 17:46 編輯 ]

作者: MillieMa 時間: 11-3-30 15:43

我小朋友是今年9月小一入學，請問如果父母英文好差，咁只是依靠學校得唔得？唔補習得唔得？有甚麼課外活動可以參與？有無第三種外語學？
如果比各位家長考慮請問你們會選擇：
1)培僑(小朋友活躍，我怕再入培僑後更無皇管，品德教育唔知得唔得？車費貴車時長，我住得遠),
2)黃錦輝
3)深水聖瑪加利, (語言環境好，有4種語言學，交通方便)
4)高主教小學
各位家長可否幫幫忙比的意見，謝謝！

作者: kakagilbert 時間: 11-3-30 16:18

我也想知到父母普通話差,靠學校教得唔得,還是小朋友需要再請普通話老師?

作者: NormalGuy 時間: 11-3-30 18:12

我發覺父母不懂的孩子也能在學校學懂. 不論是英文還是普通話, 舉個例, 就算學法文, 日文, 德文, 電腦, 樂器...也不一定要找補習老師. 我們的上一代教育水平普遍都比較低, 我們不是光靠學校的老師教導嗎? 不過, 的確有些學校是要求學生回家才學會的, 甚至只收有全職母親的學生. 有些名校的老師是這樣回應學生的問題的:"你不明白的, 回家就會明白."
培僑不是這些名校.

[ 本帖最後由 NormalGuy 於 11-3-30 18:18 編輯 ]

作者: bjdadishe 時間: 11-3-30 18:52

原帖由 NormalGuy 於 11-3-30 14:07 發表
學校是需要不斷改革的, 但好的部份是需要保留.大家能在這裏放膽的討論, 真的太好了, 起碼對收料收得好些.

從前沒有把功課上網通知家長
可能我在聽學校的小一簡介會時都已明白學校的方針是學生由學校教, 不希望家長 ...

我是你的擁躉, 但今次你有D太激,
你話 "如蔡繼有, 國際學校如漢基等. 既然家長不知道有甚麼功課, 何需要補習

? 好處是老師

能準確地評估學習進度及成效，因才施教及改善教學手法,適合在職父母或沒有能力教導孩子功課的家長. 缺點是有些家長因無法掌握事情的進展, 缺乏安全感, 忐忑不安."
首先, 有其他學校做的, 不一定要抄. 第二, TRUST SHOULD BE EARNED BUT NOT DEMANDED.

你話 "今次他的手法一如既往, 沒有注意"人和"這個要素, 不單是對同事, 對家長和學生也如是, 沒有人抗拒才怪." 你唔係內幕人仕就係老師..., 可能你也有份抵抗.

你話 "這當然讚成, 從前到現在都有這樣的(家課要求和培養學習習慣)要求. 如果能在學校完成大部份的功課和培養學習習慣不是更好嗎?" 這是五年來學校所講而又做唔到的. 我們不能再幫那些不能落實學校政策的管理人員繼續辯護.

作者: ptherbal 時間: 11-3-30 20:05

原帖由 NormalGuy 於 11-3-30 18:12 發表
我發覺父母不懂的孩子也能在學校學懂. 不論是英文還是普通話, 舉個例, 就算學法文, 日文, 德文, 電腦, 樂器...也不一定要找補習老師. 我們的上一代教育水平普遍都比較低, 我們不是光靠學校的老師教導嗎? 不過, 的確 ...

"我們的上一代教育水平普遍都比較低, 我們不是光靠學校的老師教導嗎? "

照你咁講, 讀官準就得啦, 洗多幾千讀直資做也?

作者: ptherbal 時間: 11-3-30 20:08

原帖由 MillieMa 於 11-3-30 15:43 發表
我小朋友是今年9月小一入學，請問如果父母英文好差，咁只是依靠學校得唔得？唔補習得唔得？有甚麼課外活動可以參與？有無第三種外語學？
如果比各位家長考慮請問你們會選擇：
1)培僑(小朋友活躍，我怕再入培僑後更無皇管，品德教育唔知 ...

培僑活躍的小朋友已唔少, 品德教育是不錯的, 但要把活躍的小朋友變到文靜就無可能哇.

作者: ptherbal 時間: 11-3-30 20:10

原帖由 kakagilbert 於 11-3-30 16:18 發表
我也想知到父母普通話差,靠學校教得唔得,還是小朋友需要再請普通話老師?

唔洗再請普通話老師, 培僑教普通話最出名, 英文老師好, 但英文課堂節數唔夠中文多, 要補不如找英文補習.

作者: ptherbal 時間: 11-3-30 20:17

原帖由 NormalGuy 於 11-3-30 14:07 發表
相反, 培僑已有一貫的運作模式 (先不說好不好), 光是温校長離開, 對學校的沖擊可能還要輕微. 當然, 如果校長和老師能和睦相處是最理想的. ...

"相反, 培僑已有一貫的運作模式 (先不說好不好), 光是温校長離開, 對學校的沖擊可能還要輕微. 當然, 如果校長和老師能和睦相處是最理想的."

終於從你呢句話裡睇清楚, 你就算唔係攪對抗的老師, 都應係佢地一分子, 即係話T_Eva說的有組織地攪對抗的情況的確存在, 而且很??張.

我地做家長, 只想學校的理念可以由上至下地傳達和執行, 攪對抗對誰都無好處.

作者: A-Mum 時間: 11-3-30 21:57

溫校長說話是有點倔，不過看他的經驗，似是可以帶學校更進一步。
坦白說，如果會考成績來年沒進步，幼稚園家長就會卻步。又這樣想，我見同班同學不少都有很好的語文底子，人又醒目；這些孩子如果入不到大學，我會覺得很詫異。期望老師教好他們，會做人亦會學問，不為過吧。

羅校長採放鬆/放任政策，溫校長要找緊來看，有不適應的老師要走，恐怕是避不了。只希望換血換朝可以盡快完成，不要影響學生。

作者: A-Mum 時間: 11-3-30 22:02

Quote: 我也想知到父母普通話差,靠學校教得唔得,還是小朋友需要再請普通話老師?

爸媽不懂中文的鬼妹仔都攪得掂喎。

作者: ptherbal 時間: 11-3-30 22:14

QUOTE: 羅校長採放鬆/放任政策，溫校長要找緊來看，有不適應的老師

要走，恐怕是避不了。只希望換血換朝可以盡快完成，不要影響學生。

羅校長掌舵不觸及細節, 而當初副校負責執行落實政策不到位, 才讓人有 "放鬆/放任" 的睇法.

如今温校長又掌舵又要執行落實政策, 老師不再無王管, 這是家長樂見的.

只要家長支持, 好老師自會留下, 學校亦只會越來越好, 一兩次的公開試成績不太重要, 而温校長就是抓成績和校譽的專家, 與以往專攪卓頭有很大分別.

作者: bodadami 時間: 11-3-30 23:17

原文 "不過有一點要讚學校, 以前孩子有什麼功課家長都唔知, 同X副校講完佢聽咗就算, 五年都無改善, 所以小朋友返屋企就算有功課都話無功課, 學業荒廢都無人知, 以前行政混亂到不堪, 健力士大全都入到, 宜家好咗好多。家陣班主任睇手冊迫住小朋友寫, 校網又有每日功課列出, 家長先知道有幾多功課。"
我非常同意!

原文 "今年頭幾個月有幾個活動如設計比賽, 目的應係鼓勵學生備課、準時交功課、專心學習…, 都係好好既活動(起碼好過成日籌款本末倒置攞嚟搞)"
我非常同意!

原文 "但有個姓???的女中文老師

被家長鬧咗幾年都總係度教緊。"
我知你講邊個, 但皇馬褂, 無法!

原文 "一個數學老師

就話要計算四個煎雙蛋早餐有幾隻蛋要 4 x 2 而唔係 2 x 4, 否則就算答案係8隻都要扣分, 我問過一個中大數學教授, 佢話這樣的教法有兩個後果, 一是窒礙學生創意思維, 二是打擊學生自信心。聽家長講有一個更好笑, 唔比學生在課本旁空位淺淺地做草稿, 嫌課本不乾淨, 其實課本旁空位做草稿雖然不整潔, 但老師

就可以看到學生的工作方法和思維過程, 有什麼不好？難道單單寫個答案不做草稿就好嗎？單寫個答案只會讓學生抄功課時容易點"
我非常同意, 希望老某些老師能更有容人之量.

原文 "同家教會某某講, 佢地都話無符, 仲話『敏感時期, 少D出聲。』我聽極唔明問多兩句, 佢又話『太政治化, 唔好講』"
我早排都聽過類似情況, 有個家教會董事話係家教會做董事要步步為營, 怕得罪權貴. 另有個家教會董事話, 如果不聽某人指示會有嚴重後果, 她說雖然不算恐嚇, 但好唔舒服, 唸個辭職. 問一個上屆董事點解今屆唔做, 佢話 "氣氛好唔和諧" 唔想講落去, 這究竟是誰之過? 唔通係劣幣驅逐良幣?

作者: kakagilbert 時間: 11-3-30 23:25

照這說法，家教會如同虛設嗎？

作者: bodadami 時間: 11-3-31 07:33

原帖由 kakagilbert 於 11-3-30 23:25 發表
照這說法，家教會如同虛設嗎？

"家教會如同虛設嗎？"

係一個義工聚會中, 有一個家長義工同我話, 以後對學校/校巴/飯堂/老師/行政有不滿的話, 直接向校長反映會更有效, 不必好似以前咁寫比寫電郵比家教會, 問佢點解, 佢話: <過去幾年家長或至老師對學校不滿都直接寫比家教會, 他們都好快有效處理, 而家由校方一員大將以雷霆萬鈞之勢接管處理家教會電郵戶口, 會唔會報喜不報憂還是如實有一說一, 自己估吓啦.>
佢重話: <家教會家長今年建議的學生活動好多都間接地比第X把手封殺, 因為拒絕提供場地. 呢個情況好多義工家長都知, 都係細細聲傳來傳好. 所以義工們都好不滿這個第X把手, 有D好似阿xx咁就返少咗學校做義工. >

作者: NormalGuy 時間: 11-3-31 12:15

原帖由 ptherbal 於 11-3-30 20:17 發表

"相反, 培僑已有一貫的運作模式 (先不說好不好), 光是温校長離開, 對學校的沖擊可能還要輕微. 當然, 如果校長和老師http://adex.baby-kingdom.com/www/delivery/avw.php?bannerid=591&cb=2115能和睦相處是最理想的 ...

我要澄清我不是老師, 怕你誤中副車, 使別人無辜受屈.
我分析了大批老師離開和温校長離開的利弊吧了. 事情總有利弊, 我們說出不同的意見,可讓大家的想法更全面.
現時人事氣氛這麼緊張, 正是我所說的欠缺 "人和", 亦是成功的阻力. 組織內有不同的立場和聲音,大家都是為學校好, 為何不向協調的方向走. 各方都要預留讓步的空間, 才能過群體生活. 我怕事情惡化, 雙方積怨太深, 最後變成對人不對事.

有關家長要租用場地被拒絶的消息我也有聽過, 不知是否屬實. 我很想知網友提及的那位X把手是誰. 此外, 你們有沒有登入家教會網頁? 家教會1和2號家長董事已於2月份已辭去委員職務, 這是否代表校董會內已沒有家長代表呢?

[ 本帖最後由 NormalGuy 於 11-3-31 12:19 編輯 ]

作者: kakagilbert 時間: 11-3-31 12:18

原帖由 bodadami 於 11-3-31 07:33 發表

"家教會如同虛設嗎？"

係一個義工聚會中, 有一個家長義工同我話, 以後對學校/校巴/飯堂/老師/行政有不滿的話, 直接向校長反映會更有效, 不必好似以前咁寫比寫電郵比家教會, 問佢點解, 佢話:
佢重話: ...

其實這情況有無人同校長反映過?

[ 本帖最後由 kakagilbert 於 11-3-31 12:21 編輯 ]

作者: bodadami 時間: 11-3-31 13:29

原帖由 NormalGuy 於 11-3-31 12:15 發表
我要澄清我不是老師, 怕你誤中副車, 使別人無辜受屈.
我分析了大批老師離開和温校長離開的利弊吧了. 事情總有利弊, 我們說出不同的意見,可讓大家的想法更全面.
現時人事氣氛這麼緊張, 正是我所說的欠缺 "人和", 亦是成功的阻力. 組織內有不同的立場和聲音,大家都是為學校好, 為何不向協調的方向走. 各方都要預留讓步的空間, 才能過群體生活. 我怕事情惡化, 雙方積怨太深, 最後變成對人不對事.
有關家長要租用場地被拒絶的消息我也有聽過, 不知是否屬實. 我很想知網友提及的那位X把手是誰. 此外, 你們有沒有登入家教會網頁? 家教會1和2號家長董事已於2月份已辭去委員職務, 這是否代表校董會內已沒有家長代表呢?

叔台不是老師真太好了!

如果真有些指鹿為馬的老師就令人失望, 幸好沒有!

剛上PTA網抄了一句下來和你的描述對比吓, 人地PTA話:
第四屆(2011年度)的家長董事陳家傑先生及鄭樹森先生由於私務理由在2月18日前向本會董事局提出請辭
叔台就話:
家教會1和2號家長董事已於2月份已辭去委員職務

反轉個PTA網都搵唔到D董事編號, 何來1和2號?

但上咗PTA網就發現咗兩個現像,
1. 今年在PTA董事局的家長只有10位，而在PTA董事局的校方代表就突增至即8位, 點解呢?
2. 五個做咗幾年的舊人唔做(兩個前主席, 兩個律師, 一個警司, 其中幾個重係常在[家書.長話]發表文章), 點解呢?

做得好地地就幾個一齊走, 出咗孭問題?

你作為內幕人仕既然有聽過租用場地被拒絶的消息, 就應不是空穴來風.

你問 "X把手是誰?" - 何家公雞何家猜! - (細過個陣有無玩何家公雞/母雞/小雞呀?)

[ 本帖最後由 bodadami 於 11-3-31 13:30 編輯 ]

作者: lfcdhsbc 時間: 11-4-4 01:49

NormalGuy係呢個欄目的文章/睇法同維基百科關於PKC的最後一句 "現任校長溫霈國 , 無論學校制度還是風氣 , 都跟前校長大大不同。" 同出一轍, 有沒有那麼湊巧?

作為家長看到和感到的, 其實學校制度是完善了, 但跟以前沒有大大不同, 而學習風氣是較前濃厚, 也沒有大大不同, 家長們的感覺是功課量大了, 也沒有大大不同. 他們隨意發表些分享, 也不必借題發揮.

有人在競爭中落敗被迫離開便開始進行全方位反擊, 可能就不懂得 {退一步海闊天空} 或 {放下屠刀}.

作者: piggybank 時間: 11-4-4 10:26

有關文章已離題, 並不是在討論培僑的學生. 希望大家留意, 互聯網是一個公開平台, 對被討論的對象可構成一定影響.

如果您對本管理操作有異議，請與我取得聯繫

歡迎光臨教育王國 (/)