教育王國

標題: 你會揀邊間呀？ [打印本頁]

作者: kabosze 時間: 11-3-27 15:51 標題: 你會揀邊間呀？

聖公會聖彼德小學同真光中學小學部，大家會揀邊間呀？

作者: kabosze 時間: 11-3-27 16:41

阿女而家讀緊西環卓基幼稚園K1, 而家堅道真光幼稚園收咗佢讀K2.
由於我細個係讀聖彼德小學, 阿女應該可以入番, 但係又擔心佢升中學. 真光可以一條龍升中學.
到底我應唔應該轉校呀??

作者: monkey05 時間: 11-3-27 16:58

原帖由 kabosze 於 11-3-27 16:41 發表
阿女而家讀緊西環卓基幼稚園K1, 而家堅道真光幼稚園收咗佢讀K2.
由於我細個係讀聖彼德小學, 阿女應該可以入番, 但係又擔心佢升中學. 真光可以一條龍升中學.
到底我應唔應該轉校呀?? ...

我係你, 會比呀女讀聖彼德, 聖彼德中學派位好好, 如成績好, 好多去到一流的中學, 如king's , 英華女子...etc. 真光雖然是一條龍升中學, 睇你有幾鐘意真光中學囉, 始終真光不是band 1 頭的中學. 你本身對小朋友的要求有幾高 ?

作者: hugub 時間: 11-3-27 17:29

真光唔係一條龍上中學架

真光KG上真光小學係100%收, 但小學上中學只係聯繫即自行只可收25%, 但小學一般都有7X%入般中學 (包括自行分配+統一派位)

聖彼得一定要 KEEP住呈分試 BAND 1 至可以入到一流中學, 其實間間小學升中,學生都要 KEEP BAND 1 成績至有機會入英中

聖彼得係津校而真光係私校,學費又係一個要考濾既問題

作者: kabosze 時間: 11-3-27 19:29

咁係咪兩間小學，如果考試成績都差唔多嘅時候，理論上都可以入到英中？

作者: kabosze 時間: 11-3-27 21:20 標題: 回覆 3# monkey05 的文章

我自己就鍾情聖彼德多d, 因為離我住嘅地方近d, 而且又係自己母校, 有親切感得多.

我又唔敢話對阿女有太高期望, 始終佢仲咁細!

我都知真光唔係band 1頭嘅學校, 但係佢升英中嘅比率都幾高.

作者: jaycee_mami 時間: 11-3-28 15:56

20分入聖彼德未必sure win架, 年年都聽到有人話20分入唔到上午校, 你要考慮埋這點.

作者: kabosze 時間: 11-4-1 12:30

我想問如果阿女小學讀真光,(校網係灣仔區), 咁到佢升中, 如果想轉返中西區校網嘅中學, 咁會唔會有問題??

作者: Lilo 時間: 11-4-1 15:17

聖彼得都算幾谷，功課多而深，特別係高小，所以派位係中西區無聯係小學中真係數一數二，但係而家仲係返半日，校舍又舊又細。真光就校舍無得頂，功課唔算太谷，又係女校，不過要比錢。

至於中學，根據有女係真光小學讀朋友講，大部份都可以直升真光中學，因為d仔會走，讀得好叻又會走，所以上真中唔難，就算真係升唔上，好多都去到英中，同埋我見佢個女真係讀得幾開心，學費又合理。如果你唔想上真中，你可以自行個part報中西區中學

作者: peter_pan 時間: 11-4-1 16:06

If I were you, I would move her to 真光幼稚園.
You can still apply to 聖彼德小學.
Bearing in mind that 20 points is not a sure win for 聖彼德小學, at least you'll have 真光小學 as a backup if anything goes wrong.

歡迎光臨教育王國 (/)