教育王國

標題: 紀律訓練 [打印本頁]

作者: csir3290 時間: 11-3-26 12:06 標題: 紀律訓練

過去嘅兩星期，日本發生地震之後所發生嘅事，真係好值得香港人反省一吓。我唔評論中國人或者香港有部份人嘅質素喺咪有問題，我只係想講吓災難之後日本人嘅表現。

日本人唔會突然間變得咁守秩序同為人着想，一定係從細個開始就教，先至可以令佢哋習慣守紀律。其實香港嘅學校都有教吖，亦都好注重紀律訓練，點解好似香港人嘅紀律感會冇咁高呢？人哋日本嘅學生讀書嘅考試壓力咪又係咁大，隨時仲大過香港。人哋家庭咪又係得一兩個小朋友，好似香港咁，但點解人哋可以訓練到咁有紀律呢？其實守紀律同為人著想要做到係一種習慣先至可以好似日本人咁！要做到好似習慣就要自小訓練，有時係唔可問點解嘅，總知有條規則喺度就要遵守。好似唔同學校都有校規，小朋友喺學校學習遵守學規，養成守規則同有紀律嘅習慣，咁將來自然就會喺一個守法嘅人。做家長嘅就要配合學校先可以事半功倍。至於要子女學為人著想，成年人就真係要檢討吓有冇喺有意無意間灌輸咗啲錯誤觀念俾小朋友，中國人幾大「至理名言」- 執輸行頭，慘過敗家！事不為己己不勞心同各家自掃門前雪等！

日本呢次災難俾咗一個好好嘅機會去反思吓究竟我哋對紀律嘅重視是否足夠呢！

全文 http://hk.myblog.yahoo.com/csir3290/article?new=1&mid=1628

歡迎光臨教育王國 (/)