教育王國

標題: 蕭亞姨回憶錄... [打印本頁]

作者: silvia_ng 時間: 11-3-24 22:39 標題: 蕭亞姨回憶錄...

藍色字是3月26日新補回上去的，皆因我腦退化...唸唸下又再補充返多D。
不過我要提醒各位，以下都只是我家小妹的面試經過，並不是大家都會有相同結果/遭遇，只作參考。

面試小總結︰
1. 每次面試皆只有我一人帶妹妹前往，爸爸一次都冇去過的。
2. 填寫問卷時，我總是用中文填寫，因我覺得用中文才能"我手寫我心"。所有答案都是由衷而答的。
3. 每次面試時，都會帶些圖書+糖果給小妹，水反而沒有帶。圖書 - 解悶，糖果 - 誘惑(完成才給)，不帶水 - 不想面見途中要求去廁所，所以完事後才帶她去選購自己喜歡的飲品。
4. 沒有迫她完成面試時馬上告訴我發生經過，反而回家後再慢慢引導她說出。

以下面試內容，皆由一個5歲小妹妹把口所講，講返佢上年面試既過程，媽媽記錄。所以大家唔好信哂呀!
1ST INTERVIEW

SMC - 聖瑪加利
一行6個小朋友, 入課室面試。共有5張台, 問不同既問題。
1ST TABLE - 英文
讀一篇野, 串字(約8個詞語)
2ND TABLE - 體能
行平衡木
3RD TABLE - 數學
順數
4TH TABLE - 常識
看SIGN說是代表什麼
5TH TABLE - 中文
拼中文字
**當時人話見到自己有一個"X", 其他都係TICK, 但由於當時人患有經常性九唔搭八, 因此未能盡信!!!!

GH - 德望
一行6個小朋友, 入房畫圖畫。提供的畫紙上有黑色DOT DOT, 供當時人發揮創意。當時人供稱, 利用DOT DOT點連起來, 做成一個三角型, 再化為人樣。
老師用英文問小朋友紫色英文係咩, 再問BROWN係邊個色。
[26/3/11補充] 只有一次INTERVIEW, 家長在外面填寫問卷。問題包括有什麼課外活動，考到之後會做什麼。不用見家長及只可一個家長入內。
最後妹妹結果 - WAITING

KTS - 九龍塘
先去第一間房畫四格漫畫既最後結局。頭三幅係話有個男仔拖狗, 之後見到一個女仔行過, 跟住個男仔用隻腳踢隻狗。而當事人話佢第四幅畫了一隻兩隻眼都"X_X"的狗喎...(我聽到都想兩眼XX)
最左第一PART, 去了另一間房, 入面有4個小朋友+4個老師, 單對單問問題。
首先, 佢叫當事人解釋幅畫。又問佢爸爸做咩, 媽媽做咩, 住係邊。英文問圖畫係咩黎 - 佢答DRIVER。中文讀字 - 但當事人只識個"我"字。數學 - 7-2=?

DGJS - 女拔 (要求英語面試)
一行18人, 入到房老師叫小朋友讀故事書。但此故事書只有7頁, 因此只有7個小朋友有機會讀。當事人話有兩個老師都選佢叫佢讀而唔係舉手要求讀。之後有一張WORKSHEET, 聽老師指示, 係圖畫上加老師要求既野。如: 係男仔玩緊既波內, 寫個 B 字。女仔既左鞋畫個三角型等等...

LMC - 林文燦
小朋友一齊入房唱歌, 係投射銀幕出歌詞。唱既係"WE ARE ONE"。但家長係外面仲要填一份非常詳盡既問卷: 例 - 你自己覺得"愛"和"溺愛"的分別。
[26/3/2011補充] 問卷有成兩版，都花很多時間填寫。會問平時邊個照顧小朋友，考左幾多間學校，小朋友遇到挫折時會點，對小學生活期望，學術期望，家中管教方法。

TSL - 陳守仁
一行8人入房 (特別的是我遇到了兩個BK識既0508小朋友, 由此可見, 好大可能係分月份INTERVIEW)
1. 看電視, 由NET TEACHER MS. OXFORD講英文故事: WODDY SURROUND MAMA, 之後問問題, 都係環繞果個故事的, 小朋友係圖畫上指出答案。一對一問, 其他小朋友要先取圖書看。
2. 跟老師做動作
3. 找不同形狀
4. 重組句子:
中文 - A) 我愛媽媽; B) 我去公園玩
英文 - A) My cat likes eating fish; B) The boy is playing with a beach ball. C) I take an umbrella. D) My mother bakes a cake.
[26/3/2011補充] 只比一個家長帶小朋友入去。面試安排非常順暢。

[ 本帖最後由 silvia_ng 於 11-3-27 00:06 編輯 ]

作者: silvia_ng 時間: 11-3-24 22:43

希望各位唔好死記所有家長問卷，因為我地唔係為左"儲學校"而填，而係應該好OPEN咁對學校答你心入面既答案，從而讓學校了解你同你小朋友，咁樣先可以為小朋友安排一間"合適"既學校。比你作到D假答案咁又點呢? 勉強冇幸福，到時小朋友入到去先知唔適合，辛苦大人細路仔，最後不歡而散(轉校甚至犧牲親子關係), 值得嗎? 我寫D問題出黎，係希望大家先想一想，自己有冇唸過當中既原因，從而了解下自己。咁到時就可以IN少D學校，大人細路都冇咁辛苦，又唔洗怕撞期了。(我女有一日試過走3場...趕得我呀...)

2ND INTERVIEW

SMC (要見家長)
妹妹先入MEETING ROOM見副校長，問了以下問題︰
屋企有咩人? 爸爸做咩? 媽媽做咩? 哥哥係邊度讀書? 平時邊個照顧佢? 邊個同佢做功課? 星期六日家人同你去邊?
之後到我入去見家長，副校長覆述妹妹的答案，問我係唔係。我要再補充，但期間妹妹勁百厭，掉書，周圍走，大大力同我DUP骨。
[26/3/11補充] 我女講答案時講得唔清唔楚，攪到副校長以為佢要去補習。其實係哥哥係屋企做補習老師，每星期收返我5蚊補習費咋。因此，係呢個時候，有咩要CLARIFY就記得要講啦。BTW, 我直覺如副校長同你講學校課程等安排，就= 半隻腳入左了。最後小妹獲此校取錄。

DGJS (不用見家長)
妹妹在等候室看圖書，並同坐隔離的小女孩一齊睇書。點知之後同呢個女仔一齊INTERVIEW。(兩人一組)
上到校長室外等左一陣, 之後校長出來接佢地入去, 佢地兩個繼續手拖手入校長室。不用猜拳決定先後，校長先叫女兒坐下答問題。
妹妹話校長用英文問了以下問題︰
今日邊個同佢黎? 咁爸爸同哥哥呢? 佢叫咩名? 之後拿了一張紙, 是有5隻老鼠在慶祝生日。問妹妹生日蛋糕上有什麼(THERE IS SOME FRUITS AND SOME STRAWBERRIES)? 其中一隻老鼠在做什麼? (IT HOLDING A CUP AND HAVING SOME WINE)
之後換第二個女仔去答問題, 這女孩子用中文INTERVIEW的, 問題是校長一直問她︰蘋果如何吃? 香蕉如何吃? 西瓜如何吃?
[26/3/11] 兩公婆可以一齊入，但我老公NO SHOW，佢話明知我係考黎玩下，唔好浪費佢時間喎, 嘻嘻。仲有，你係估唔到同邊個小朋友一組IN, 所以係WAITING既時候輕鬆D, 唔好有D唔係你死就我亡既感覺，小朋友係會FEEL到架。最後小妹被REJ。

TSL (不用見家長)
填色, 係填一隻老虎, 但佢見唔到有啡色筆, 問埋老師, 但老師叫佢自己搵搵, 不過佢最後都搵唔到, 所以只填了老虎眼睛的顏色是紅色。而其他小朋友有啡色筆囉>"<

之後:
第一張台 - 呀女話要搵錯處(5個), 但佢只搵得3個。

第二張台 - 搵一個圓圈可以分滿哂佢 - 呢個我唔係好明佢講咩? (最後根據BK網上消息, 係問有幾個杯入面有不同數量的波子,而水位一樣, 咁邊杯多D水)

第三張台 - MATCHING + 排次序 - 有5張圖片, 3句英文及2句中文, MATCH完要讀句子出黎。我女中文句子應該唔係幾OK, 因為佢話我知果陣勁口語化。

第四張台 - 老師單對單傾計, 問佢叫咩名, 有幅圖畫比佢睇, 問佢見到D咩, 我個女就係咁講I SAW A BOY, A GIRL, SOME TREES, SOME HOUSE....

每個小朋友都有張PLAY CARD, 完成一個就會有一個CHOP, 4個CHOP就會有糖食(我估其實個CHOP應該係比老師紀錄小朋友去左邊張台, 邊個未去)

她還說有12個小朋友一齊, 6個老師係入面喎...
我個女經常性九唔搭八, 唔知係唔係真喎...

家長問卷︰
1. Comments on the application procedure
2. Comments on the arrangement for the interview day
3. Reasons for applying to our school for your child.
4. Your expectation for your child's primary school.
5. Ways to fulfill your expectations.
[26/3/11] 都係得一個家長入，我老公照舊冇出現。有家姐呀哥係度讀都唔係必收，我已經聽到好多CASE係咁，所以要考既話，都要唸定第二個有可能唔會收。最後小妹被取錄。

LMC (要見家長)
我GROUP A見校長。不過入到去好似我講多過校長講添，唔知校長會唔會話我煩呢。校長都係問下我點解選佢呢間學校，但我反而問了好多問題，攪到校長問我有冇興趣轉埋哥哥去果邊讀。

另囡囡話去左4間房, 第一間同小朋友玩大富翁, 第二間房同一個印度小朋友合作玩LEGO, 要BUILD A HOUSE, 第三間房老師單對單同佢傾計, 第四間房就4個小朋友答問題(TAKE TURNS)。有一題問A BIRD FLYING WHERE ? 囡囡話隔離同學仔答了 IN A CAR, 但囡囡幫佢補答了IN THE SKY。

我地第一LOT好似都OVER RUN, 之後D小朋友同家長好似等好耐。我個FD等左差不多兩個鐘先走得呢。
[26/3/2011] 呢間係我第二鐘意既學校，其實我個人覺得妹妹可能會比較適合添。呢點我亦都有同校長講過。不過因方便，都會睇埋陳守仁收唔收先再決定。(我係咪好老實呢!) 最後妹妹WAITING, 但過左陳守仁放榜後一兩日, 我已經收到LMC電話，話收佢讀了。所以老實唔一定係壞事黎架!

KTS (要見家長)
仲要只問家長，小朋友坐埋一邊睇書。當日得我一個去，老公冇去。老師一坐落已經問爸爸做咩唔黎了。之後兩個老師輪住盤問我，一個人答兩把咀，真係有少少招架不住既感覺。
[26/3/2011] 呢間妹妹被REJ。應該衰係我手上!

[ 本帖最後由 silvia_ng 於 11-3-27 00:23 編輯 ]

作者: Christi 時間: 11-3-24 22:53

thanks for sharing.
難得你願意花時間,對我等後輩(指子女入學時間)而言真是獲益良多!!!!!

路人甲

作者: w_y 時間: 11-3-24 22:56

唉....點解你住九龍......

作者: kitty23205 時間: 11-3-24 23:07

Thank you!!

作者: yypapa 時間: 11-3-24 23:23

咩類型父母出咩類型子女......... 明白晒 !!

作者: Cheeriohero 時間: 11-3-24 23:25

Thank you for sharing!

作者: silvia_ng 時間: 11-3-24 23:40

原帖由 Christi 於 11-3-24 22:53 發表
thanks for sharing.
難得你願意花時間,對我等後輩(指子女入學時間)而言真是獲益良多!!!!!

路人甲

唔好客氣，我只係有MARK係FACEBOOK個網誌比自己老左睇返(你話我幾無聊)，又見呢排D K2家長開始搵料，咪POST返出黎囉。

BK好多好好既人都幫過我，我都係幫返人JE。 ^^

作者: silvia_ng 時間: 11-3-24 23:41

原帖由 w_y 於 11-3-24 22:56 發表
唉....點解你住九龍......

呵呵.....遲D可能有一個家長係香港果邊/新界果邊既, 出返D問題比你地參考呢。

作者: silvia_ng 時間: 11-3-24 23:42

原帖由 yypapa 於 11-3-24 23:23 發表
咩類型父母出咩類型子女......... 明白晒 !!

咪就係無聊囉...所以我兩個仔女都咁無聊囉...

你咁夜都未訓呀? 呀女溫好哂書未呀? 我仔唔溫呀! 我一檸轉背就同個妹玩又或者閃去睇圖書，激到我就快打仔架啦!

作者: wing 時間: 11-3-24 23:48

樓主你囡囡好叻呀....咁而家係邊間讀呀 ??

我本來都想幫細女考TSL, 但佢D英文真係唔係好掂 ><

作者: silvia_ng 時間: 11-3-25 00:01

原帖由 wing 於 11-3-24 23:48 發表
樓主你囡囡好叻呀....咁而家係邊間讀呀 ??

我本來都想幫細女考TSL, 但佢D英文真係唔係好掂 >

客氣了...佢只係好運而已。佢而家仲係K3, 到9月會讀TSL。
如果你真係想考TSL, 我覺得完整句子既英文係必須。我女女2 IN時冇啡色筆，佢自己有主動用英文同老師講，所以我唸呢樣都會有分加比佢。否則隻啡老虎變白老虎照計係應該會出事。同埋IN之前幾個月，已經同佢洗腦，不停提佢有禮貌，答問題要用個口而唔係用個頭。呢D都唔可以臨急抱佛腳架!

作者: 考考2008 時間: 11-3-25 01:17

多謝妳呀!咁有心機去幫助別人

需則我囡囡現在只是n班

，但如果人人都好像蕭亞姨咁有心，世界就真係更美好啦!!

直得一贊

直得更多贊

作者: wing 時間: 11-3-25 02:15

恭喜你囡囡入到TSL呀~ 你囡囡小一時我大女啱啱畢業, 無機會見到你地添

原帖由 silvia_ng 於 11-3-25 00:01 發表

客氣了...佢只係好運而已。佢而家仲係K3, 到9月會讀TSL。
如果你真係想考TSL, 我覺得完整句子既英文係必須。我女女2 IN時冇啡色筆，佢自己有主動用英文同老師講，所以我唸呢樣都會有分加比佢。否則隻啡老虎變白老虎照 ...

作者: MyFriends 時間: 11-3-25 07:58

Thank you, silvia_ng, for your sharing ...... GREAT WORK!!!!!

原帖由 silvia_ng 於 11-3-24 22:43 發表
2ND INTERVIEW

SMC (要見家長)
妹妹先入MEETING ROOM見副校長，問了以下問題︰
屋企有咩人? 爸爸做咩? 媽媽做咩? 哥哥係邊度讀書? 平時邊個照顧佢? 邊個同佢做功課? 星期六日家人同你去邊?
之後到我入去見家長，副校長覆 ...

作者: angeemama 時間: 11-3-25 08:35

Thank you sooooo much for your detail explanation. It really helps in how to prep my girl for interview this year.

I just want to ask during the interview with DGJS, you said that you had requested for interview in Eng. Do you requested in advance when you submit your application form? Would the school judge differently with interview conduct in Eng or Chi?

作者: silvia_ng 時間: 11-3-25 09:18

原帖由 wing 於 11-3-25 02:15 發表
恭喜你囡囡入到TSL呀~ 你囡囡小一時我大女啱啱畢業, 無機會見到你地添

呵呵...呀仔其實係tsl讀p2啦! 或者有機會見到呢 :p

作者: silvia_ng 時間: 11-3-25 09:20

原帖由 angeemama 於 11-3-25 08:35 發表
Thank you sooooo much for your detail explanation. It really helps in how to prep my girl for interview this year.

I just want to ask during the interview with DGJS, you said that you had requeste ...

係填表時已寫要求英文interview。我唔知到時係咪會group interview時有分別，不過當日我的確見到同我女一組果d爸爸媽媽仲好出力咁迫緊個細路讀英文書+勁用英文同小朋友洗腦囉。至於有冇特別加分就唔知啦。

作者: ziyi 時間: 11-3-25 10:10

你是BK裡好主動幫人的家長

原帖由 silvia_ng 於 11-3-24 22:43 發表
2ND INTERVIEW

SMC (要見家長)
妹妹先入MEETING ROOM見副校長，問了以下問題︰
屋企有咩人? 爸爸做咩? 媽媽做咩? 哥哥係邊度讀書? 平時邊個照顧佢? 邊個同佢做功課? 星期六日家人同你去邊?
之後到我入去見家長，副校長覆 ...

作者: Mat_Dad 時間: 11-3-25 10:18

Thanks for sharing!

作者: fanwong29 時間: 11-3-25 11:01 標題: 回覆 4# silvia_ng 的文章

Thank you for sharing, release positive energy!

作者: kitmantsoi 時間: 11-3-25 11:37

多謝晒!

作者: bb@wonderland 時間: 11-3-25 12:40

Thanks so much for your detailed sharings. It really helps!!

作者: Kalongmama 時間: 11-3-25 13:35

原帖由 w_y 於 11-3-24 22:56 發表
唉....點解你住九龍......

係啦,我地果區無咩人分享....

你真好人

作者: wh0709 時間: 11-3-25 15:55

You are great!

作者: misshongkong 時間: 11-3-25 16:14

Thanks a lot!

作者: Geni 時間: 11-3-25 16:31

你咁樣, 我好難唔將你........置頂o個喎~~~

Thanks~~~

作者: fc1668 時間: 11-3-25 17:16

妳無私既分享

妳既仔仔女女都好醒,我對TSL都好有興趣,

唔知佢對我小朋友有無興趣姐

不過英文係佢最大既問題...仲有幾個月,大家努力!!

作者: TOKIN 時間: 11-3-25 17:21

蕭亞姨,

你實在太好人啦 ! 你小朋友真係好叻, 可以記得 d 問題話返比你知.

唔好介意, 有些少補充, 希望可以幫到其他家長.

德望 : 亞女去 interview 同時, 家長要填問卷 : 對子女期望, 上什麼興趣班等題目.無 second-in.

KTS second-in : 未見家長前, 小朋友要分批入房, 一行大致十人, 要看完片后, 做番 d 動作出來.

作者: QtieBB 時間: 11-3-25 23:53

好多謝你既分享~!

作者: silvia_ng 時間: 11-3-26 09:13

原帖由 ziyi 於 11-3-25 10:10 發表

你是BK裡好主動幫人的家長

你都係成日幫人啦! 不如你都整理下你in過果d啦, 到時我放埋係下面, 分返1st in同埋2nd in囉。呵呵...

作者: silvia_ng 時間: 11-3-26 09:14

原帖由 Geni 於 11-3-25 16:31 發表
你咁樣, 我好難唔將你........置頂o個喎~~~

Thanks~~~

太客氣了......

作者: silvia_ng 時間: 11-3-26 09:17

原帖由 TOKIN 於 11-3-25 17:21 發表
蕭亞姨,

你實在太好人啦 ! 你小朋友真係好叻, 可以記得 d 問題話返比你知.

唔好介意, 有些少補充, 希望可以幫到其他家長.

德望 : 亞女去 interview 同時, 家長要填問卷 : 對子女期望, 上什 ...

yes yes....你話我幾大懵...呀女記得既野仲多過我...你唔講都唔醒起GH有果份問卷。我記得有一條問, 收左之後會做咩...

THANK YOU!

作者: fc1668 時間: 11-3-26 11:43

原帖由 silvia_ng 於 11-3-26 09:17 發表

yes yes....你話我幾大懵...呀女記得既野仲多過我...你唔講都唔醒起GH有果份問卷。我記得有一條問, 收左之後會做咩...

THANK YOU!

收左之後會做咩?咪一家大細食餐勁既慶祝囉

講下笑姐

作者: silvia_ng 時間: 11-3-27 00:25

原帖由 fc1668 於 11-3-26 11:43 發表
收左之後會做咩?咪一家大細食餐勁既慶祝囉講下笑姐

不過真係會有人咁答的...

因為你要填三個答案 (要做的三件事)。

作者: silvia_ng 時間: 11-3-27 00:30

各位有需要人士，我在第一版增加了一些補充，希望你地再細讀一下。

原本只因無聊+有時間，便整理了一下，輕輕鬆鬆的心情來公諸同好。不過希望大家不要太上心，只作參考便好了。

小朋友考學校，天時地利人和均重要。
當日小朋友BAD MOOD - 大件事!
塞車遲到 - 大件事!
GROUP INTERVIEW遇到D好SHARP / 唔出聲(唔會同你個仔/女互動) - 大件事!

所以...大家要放輕鬆D面對。越早了解小朋友既缺點，越早改善吧! 加油! 祝大家好運，各人都能入到各自心儀的學校!

[ 本帖最後由 silvia_ng 於 11-3-28 16:38 編輯 ]

作者: fc1668 時間: 11-3-28 15:23

正

作者: ziyi 時間: 11-3-29 14:08

等我回憶下先

但我囡囡申請的,都不是熱門的居多

原帖由 silvia_ng 於 11-3-26 09:13 發表

你都係成日幫人啦! 不如你都整理下你in過果d啦, 到時我放埋係下面, 分返1st in同埋2nd in囉。呵呵...

作者: ziyi 時間: 11-3-29 18:24

ICQM
小朋友分組約8個左右
以遊戲為主,由老師再分小朋友一部份負責唱歌, 一部份負責動作, 聽指令做, 考協調
跟著,俾小朋友畫畫
再問簡單的數學,看圖英文
沒有考普通話
同一時間,另外一些老師跟家長面談,問的都是家長對小朋友的祈望,對學校的祈望,對學校的了解

HKUGAP
第1輪第1part - 小朋友分組玩遊戲,約半小時接返小朋友
第1輪第2part - 小朋友約5個一起見校長/副校長玩老師話/畫畫/問一些簡單問題,另外會在佈署此下一輪的,考小朋友的記憶,所以小朋友要有禮貌外,也要有好奇心
第2輪 (400人左右)
家長跟小朋友一起見校長,約15分鐘
會問小朋友
- 跟上次見面時校長室有什麼不同(找不同)
- 叩小朋友去校長室另一處選東西後問為什麼選這個,處景問題 (考小朋友的心理及對答,如何處理問題,不只一題的)
- 問家長對小朋友對學校的祈望,跟小朋友的相處
重點是小朋友要主動,有禮,有探索精神

作者: crystalwsm 時間: 11-3-29 20:52 標題: 回覆 39# ziyi 的文章

多謝你哋嘅資料

作者: bobo_wong2006 時間: 11-3-29 21:55

Sylvia, thanks indeed. I think your summary is very helpful to working mom like us.

作者: Christi 時間: 11-3-29 23:16

蕭亞姨+ziyi:

大謝 !
3年後如果小女有幸入到心儀學校,一定不忘兩位無私的幫助...

作者: ziyi 時間: 11-4-1 15:21

LOGOS
我只有去第1輪,而第2輪因已經注冊了其他DSS,沒有去
1. 每組大約20人
2. 而分組是按照報到排隊 - 隨機的
3. 如果剛好同組有認識的小朋友,將會拆散
4. 入到課室再按不同的題目,再細分去玩
5. 面試時以遊戲為主,走迷宮,掉豆袋等,亦有考數學
6. 有老師問問題
面試約40分鐘,家長不可以陪同,除非小朋友哭得很利害
而第2次面試是家長跟小朋友一起的,面試的次序是按照第1輪的成績由高至低約見,是面對邱校長,而且是即時知道成績

EC
小朋友一組6個,會考普通話,認字,英文
同一時間,家長在另一課室見另外老師,回答問題
P.S.通常會問的有"小朋友申請得DSS,應逐不只申請EC,那你會怎樣選擇",而之前的年度,包括我囡囡的那一年(2011/12),會有2天的面試,但切記一定要選第1天,學校剛在網頁上改善,說會按照選擇面試日期的人數按比例分配學額
但要記得學校是採用11月前完成收生的,而在剛過去的面試安排,第2天的日期跟教育局規定截止收生(教育局規定DSS只可在11月前收生或在11月底自行成績公布後收生,11月份是不可處理及提出offer)只有約1個星期
所以,在這情況下,第2天是會比較蝕底
建議一定選第1天比較好一些

作者: kat0318 時間: 11-4-3 11:01

我都係咁話....

原帖由 Christi 於 11-3-29 23:16 發表
蕭亞姨+ziyi:

大謝 !

作者: bchi 時間: 11-5-4 12:58

嘩 !!! 呢個回憶錄掂啦 , 比d 新手見到真係執到金咁開心啊衰鬼

作者: leunter 時間: 11-5-4 13:49

蕭亞e,

想問你阿囡有無考返TT ? 我想知tt會考的咩呀?

我阿女而家本身都讀緊tt...一心升上小學唔再搵架啦.

作者: silvia_ng 時間: 11-5-5 14:53

原帖由 leunter 於 11-5-4 13:49 發表
蕭亞e,

想問你阿囡有無考返TT ? 我想知tt會考的咩呀?

我阿女而家本身都讀緊tt...一心升上小學唔再搵架啦.

我地冇考返TT, 但聽聞好似要帶顏色筆去, 填色的。小學會優先收返幼稚園學生, 但亦聽過有幼稚園學生考唔到。不過唔洗擔心, 大部份都OK既。

作者: car817ho 時間: 11-5-27 13:21

謝謝分享喔..今年到我大仔考呀..佢比較內向都有d 擔心佢既表現

作者: 2boysmami 時間: 11-6-9 12:32 標題: 陳守仁第二輪面試

蕭亞姨:

請問你知唔知陳守仁第二輪面試的形式係點呀? 會唔會同上次第一輪一樣呢?

或者請問有冇過來人可以解答呢? 謝謝!!

作者: miaooo 時間: 11-6-11 22:00

wanna know it too

作者: silvia_ng 時間: 11-6-12 00:26

原帖由 2boysmami 於 11-6-9 12:32 發表
蕭亞姨:

請問你知唔知陳守仁第二輪面試的形式係點呀? 會唔會同上次第一輪一樣呢?

或者請問有冇過來人可以解答呢? 謝謝!!

唔好意思, 呢樣真係唔知, 亦唔係好覺有人SHARE過出黎。今年同上年既2ND PHASE人數差唔多, 聽聞大約1X個位左右, 7X多人爭一個, GOOD LUCK!

作者: LHKHMum 時間: 11-6-16 01:40

想問TSL的家長問卷是英文問，但你是否都用中文作答，咁樣會不會被降分?

作者: silvia_ng 時間: 11-6-16 15:51

原帖由 LHKHMum 於 11-6-16 01:40 發表
想問TSL的家長問卷是英文問，但你是否都用中文作答，咁樣會不會被降分?

唔見得! 我兩個小朋友當時考學校, 我都係用中文答, 咁我小朋友都考到呀!

作者: rositacmy 時間: 11-6-21 13:51

請問今年陳守仁幾時開始派表報2012-2013 (p1)

作者: ziyi 時間: 11-6-22 11:15

年年都是網上報名,跟住去學校查文件
通常在8月份開始啦
如果你有去他的簡介會,那會有很清楚的schedule
他的安排是很有效率的

原帖由 rositacmy 於 11-6-21 13:51 發表
請問今年陳守仁幾時開始派表報2012-2013 (p1)

作者: 度峰山 時間: 11-6-28 14:20

唔好意思，新手有幾個問題：

1) 蕭阿姨，請問你女兒在哪裡讀幼稚園 (不想公開可 PM)？她的英語一定很掂！有其他方法補英文嗎？你跟她在家說英語嗎？

2) 似乎你試那些學校，大多數都會以英語 interview? 看來有些環節是用廣東話，對嗎？有沒有用普通話的？

3) 是可漁翁撒綱式報直資嗎？這會影響統一派位的中獎機會嗎？一般私小及直資學校的 interview 及放榜的時間表是怎樣的？

先謝！

作者: silvia_ng 時間: 11-6-29 12:45

1) 蕭阿姨，請問你女兒在哪裡讀幼稚園 (不想公開可 PM)？她的英語一定很掂！有其他方法補英文嗎？你跟她在家說英語嗎？
[答] 呵呵...其實上bk上得耐既都知我兩個小朋友讀咩幼稚園, 所以都冇咩所謂公開唔公開囉...我小朋友崇真小學暨幼稚園的上午主流班

2) 似乎你試那些學校，大多數都會以英語 interview? 看來有些環節是用廣東話，對嗎？有沒有用普通話的？
[答] 廣東話一定有, 係多定少je。普通話反而好似冇乜。

3) 是可漁翁撒綱式報直資嗎？這會影響統一派位的中獎機會嗎？一般私小及直資學校的 interview 及放榜的時間表是怎樣的？
[答] 魚翁撒網報直資是可以的, 只要出錢+花時間去interview就得。但如果有一間直資比位你, 而你又要左的話, 你就冇得再參加大抽獎(即統一派位)了。
私小直資都係小朋友讀高班時的9-10月開始報名, 10月-11月面試。但有d勁早, 好似音小/優才果d, 讀緊k2時既6月左右已經開始interview了。如果你有考呢d直資, 而接受左佢比你既學位, 咁你就連第一次計分既自行分配學位都唔洗唸了。反之, 私小就要自己問清楚仲可唔可以參加大抽獎。
至於公佈結果, 有d學校遲, 有d學校早, 但好多都會大約係11月政府公佈自行分配果位左右就出成績。

先謝！
[答] 唔洗客氣! 有咩再問, 呢樹好多人肯答你的! ^^

作者: 度峰山 時間: 11-6-30 15:08

蕭阿姨，謝謝你回答！

想再問多一點點：

1) 你所報的直資及私小面試是否多數發生於星期六？

2) 你沒有報 TT 的國際或主流班小一？？會 recommend 嗎？TT 幼稚園主流班英文都那麼好？有沒有再補？

3) 明白了，即係你一開始便決定了行直資或私小路，沒有玩政府的派位遊戲？

謝！

作者: silvia_ng 時間: 11-6-30 15:48

想再問多一點點：

1) 你所報的直資及私小面試是否多數發生於星期六？
[答] 1st interview印象中係好多星期六, 而且上年10月有個星期六係公眾假期, 所以好多都谷埋同一個星期六, 好彩時間冇撞囉。

2) 你沒有報 TT 的國際或主流班小一？？會 recommend 嗎？TT 幼稚園主流班英文都那麼好？有沒有再補？
[答] 我冇報, 因為太貴, 兩個小朋友要成萬蚊, 不如供樓好過供佢讀私校 :p 。不過我都十分之喜歡崇真小學的, 語言環境一流! 主流幼稚園都係net teacher教的, 冇係外面補習/學英文, 但屋企都會講/聽+閱讀。

3) 明白了，即係你一開始便決定了行直資或私小路，沒有玩政府的派位遊戲？
[答] 我有玩的, 第一輪自行派位我都有交form架。不過之後直資收左, 而我又接受offer, 就唔需要同政府玩落去了。

作者: goldenbaby 時間: 11-7-10 00:49

提示: 作者被禁止或刪除內容自動屏蔽

作者: 度峰山 時間: 11-7-11 11:54

tks so much for sharing! you guys are wonderful!

作者: ahhlunnn 時間: 11-7-30 20:14

提示: 作者被禁止或刪除內容自動屏蔽

作者: kenkao 時間: 11-7-31 12:52

提示: 作者被禁止或刪除內容自動屏蔽

作者: rowenahui 時間: 11-8-1 00:38

"""主流幼稚園都係net teacher教的, 冇係外面補習/學英文, 但屋企都會講/聽+閱讀。""""

蕭亞姨, 當年都係因為你的寶貴意思, 我個囡都順利入到TT, 你還給我一些方便呢, 真的很感激你!!

話咁快, 現在又差不多要準備考小一, 因為TSL係我屋企樓下, 口啤又好, 所以我都會報, 但知道佢要用英文IN, 我就有點"歉".....

你在上面提及主要係自己係家裡講/聽+閱讀, 可以分享多一點嗎?
因為囡囡沒有太大興趣看英文書,每次想講英文書, 佢便
同我講數, 要我講中文.... 有時心情不佳, 個面已立刻SHOW出來....

講方面, 始終自己英文不是强項, 所以雖然這半年開始我嚐試多左同佢講, 但效果距離用ENGLISH INTERVIEW相信還有很遠...

你仔女有沒有讀TT的全方位英語班的?

下年K2, 我都要諗清楚策略, 希望不用到K3時救不來呢!

作者: fishh322 時間: 11-8-1 17:00

提示: 作者被禁止或刪除內容自動屏蔽

作者: silvia_ng 時間: 11-8-1 21:58

原帖由 rowenahui 於 11-8-1 00:38 發表
"""主流幼稚園都係net teacher教的, 冇係外面補習/學英文, 但屋企都會講/聽+閱讀。""""

蕭亞姨, 當年都係因為你的寶貴意思, 我個囡都順利入到TT, 你還給我一些方便呢, 真的很感激你!!

話咁快, 現在又差 ...

我兩個小朋友都冇參加全方位課程的。如果你想知多少少有關我兩個小朋友學英文及其他學習上既分享，可以留意9月崇真開學時既資優課程既刊物，因為之前我同佢地做左訪問，到時會有我比較多既分享。不過先旨聲明，佢兩個應該都唔係資優的

，所以我講既野, 平時非資優既小朋友都可以做到架! ^^

作者: rowenahui 時間: 11-8-4 22:35

原帖由 silvia_ng 於 11-8-1 21:58 發表

我兩個小朋友都冇參加全方位課程的。如果你想知多少少有關我兩個小朋友學英文及其他學習上既分享，可以留意9月崇真開學時既資優課程既刊物，因為之前我同佢地做左訪問，到時會有我比較多既分享。不過先旨聲明，佢兩個應該 ...

明白, 謝呀!

作者: c1234 時間: 11-8-4 23:35 標題: 回覆 2# silvia_ng 的文章

請問到時可否PM 崇真妳同佢地做的訪問，讓我可以學習妳的教育心得？謝謝！

作者: silvia_ng 時間: 11-8-5 09:11

原帖由 c1234 於 11-8-4 23:35 發表
請問到時可否PM 崇真妳同佢地做的訪問，讓我可以學習妳的教育心得？謝謝！

小女已畢業，恐怕冇咁快手可得到此份刊物。黎緊某育兒雜誌會黎我地度做訪問，應該十月出街，但我未知佢詳細會問乜(只知有關幼稚園選校), 到時有問本人心得的話再通知。

不過唔洗學我既教育心得, 當一個故事睇下就算啦! 盡信書不如無書

[ 本帖最後由 silvia_ng 於 11-8-5 09:14 編輯 ]

作者: truthmr99 時間: 11-8-5 16:40

Sylvia mama,

can you still remember the exact date of Good Hope interview last year?
many thanks.

作者: silvia_ng 時間: 11-8-6 00:30

原帖由 truthmr99 於 11-8-5 16:40 發表
Sylvia mama,

can you still remember the exact date of Good Hope interview last year?
many thanks.

上年係10月2日(星期六)面試, 只得一日。收到RESULT既郵CHOP係11月5號。

作者: truthmr99 時間: 11-8-8 14:41

Thanks a lot, Sylvia mama.

作者: chicken 時間: 11-8-8 17:28

請問GH收唔收超大女(e.g. Oct )2005或細女(e.g. Dec 2006)?

作者: yipbebe 時間: 11-8-11 12:43

想請教蕭阿姨，TSL同LMC是否兩所相近似的學校？
我對LMC的認識不多，只知道它是一間着重兩文三語並以活動教學模式來上課的學校，為什麼蕭阿姨當初覺得LMC更適合囡囡呢？

作者: silvia_ng 時間: 11-8-11 22:35

原帖由 chicken 於 11-8-8 17:28 發表
請問GH收唔收超大女(e.g. Oct )2005或細女(e.g. Dec 2006)?

SORRY, 唔知。但聽聞佢鐘意收有錢人/公務員子女...

呵呵...聽聞ONLY...不喜勿插, 我心靈好脆弱架咋。

作者: silvia_ng 時間: 11-8-11 22:42

原帖由 yipbebe 於 11-8-11 12:43 發表
想請教蕭阿姨，TSL同LMC是否兩所相近似的學校？
我對LMC的認識不多，只知道它是一間着重兩文三語並以活動教學模式來上課的學校，為什麼蕭阿姨當初覺得LMC更適合囡囡呢？ ...

同是保良局學校, 是有點相似的。
不過呢兩間都唔係活動教學的, 要留意哦!但功課應該兩間都比較少。
LMC學第三種語言係ECA模式, 同TSL要課堂學+考埋試+測埋驗, 有唔同。可以選擇既語言亦都係唔同。
我當日覺得LMC比較適合呀女, 係因為佢係一個好介意人地點睇佢既人, 而佢亦會好努力表現自己比人睇。所以LMC校舍分初小同高小, 咁自然比小朋友既機會亦都較多。例如︰風紀, 每間校舍總要有, 咁係初小校舍, 小三可能已經可以做風紀了。TSL要突出既學生先可以參加ANNUAL CONCERT表演(或入左音樂方面既校隊), 但LMC好似唔洗的。太DETAILS我都唔係好記得...但總括黎講, LMC呀妹會少D COMPETITION, TSL就可能會捱得辛苦少少囉(因為佢學術上唔係太OUTSTANDING, 人際關係就好好既 - 世界女是也)。

作者: yipbebe 時間: 11-8-11 23:49

明白晒，多謝蕭阿姨！
我係新手媽媽，阿仔嚟緊升K1，睇黎都要做下功課，深入了解下邊間學校適合阿仔。
蕭阿姨可以再請教你多一個問題嗎？以你所見，TSL喜歡收哪一類型的學生呢？

作者: kenny131369 時間: 11-8-17 09:07 標題: 小一面試

提示: 作者被禁止或刪除內容自動屏蔽

作者: silvia_ng 時間: 11-8-17 20:18

原帖由 yipbebe 於 11-8-11 23:49 發表
明白晒，多謝蕭阿姨！
我係新手媽媽，阿仔嚟緊升K1，睇黎都要做下功課，深入了解下邊間學校適合阿仔。
蕭阿姨可以再請教你多一個問題嗎？以你所見，TSL喜歡收哪一類型的學生呢？ ...

我個人覺得TSL收比較鐘意表現自己，活潑好動既小朋友。睇仔仔既同學仔, 十個有8個都ACTIVE的。

作者: yipbebe 時間: 11-8-18 17:13

收到，唔該晒！

作者: wing 時間: 11-8-21 01:15

樓主 ... 睇咗你D回顧 ... 開始覺得細女考得入TSL既機會好低LA .... 佢D英文除咗單字OK外, 要佢用英文對答真係唔識 .. .唉 ....
想問下LMC IN時係咪都注重英文??

作者: silvia_ng 時間: 11-8-24 11:02

原帖由 wing 於 11-8-21 01:15 發表
樓主 ... 睇咗你D回顧 ... 開始覺得細女考得入TSL既機會好低LA .... 佢D英文除咗單字OK外, 要佢用英文對答真係唔識 .. .唉 ....
想問下LMC IN時係咪都注重英文?? ...

lmc都係in英文架, 不過1st in都係唱歌(英文歌), 2nd in先會有英文問題。

作者: angeemama 時間: 11-9-15 09:00

Thanks for your sharing and tips.

I would like to ask when your girl have interview with DGJS, she had used English, right?  How did you request to do so?  I don't remember there is a place where you can choose your language preference for interview.

My daughter is 0612 small bebe and I understand alot of school will prefer to have "big" kids.  I hope she can perform well during the interviews.

作者: silvia_ng 時間: 11-10-2 21:04

原帖由 angeemama 於 11-9-15 09:00 發表
Thanks for your sharing and tips.

I would like to ask when your girl have interview with DGJS, she had used English, right? How did you request to do so? I don't remember there is a place where y ...

報名表上有得選擇的, 所以我幫女女選英文。

作者: pkfat 時間: 11-10-26 11:51

蕭亞姨
好多謝你唧分享..幇咗我地好多呀!

你最後選咗tsl嗎?
為何呢?
smc同tsl都差唔多, 但smc有中學喎...

作者: silvia_ng 時間: 11-10-26 17:07

原帖由 pkfat 於 11-10-26 11:51 發表
蕭亞姨
好多謝你唧分享..幇咗我地好多呀!

你最後選咗tsl嗎?
為何呢?
smc同tsl都差唔多, 但smc有中學喎...

係, 我女而家讀緊TSL啦。

我唔覺得SMC既中學吸引我, 而且TSL既派位都好好呀! 我唔怕中學要再選過架。SMC我有三個朋友係入面讀, 但其中兩個(一個小學, 一個中學)為某些原因最後轉了校, 所以亦都令到我會扣分囉。(當然呢D都係個別例子, 唔係個個都咁好彩/唔好彩遇到)

再者, SMC既ACCEPTANCE LETTER入面有幾個POINT令我不安, 所以連留位都冇比就放棄左學位。

作者: pkfat 時間: 11-10-26 17:55

吓......點樣個別事件而drop out呀??
咁tsl 你有冇唔滿意嫁?

作者: silvia_ng 時間: 11-10-26 21:01

原帖由 pkfat 於 11-10-26 17:55 發表
吓......點樣個別事件而drop out呀??
咁tsl 你有冇唔滿意嫁?

我廢事公開講朋友既事, 不過竟然係個別事件, 就每間學校都有可能發生, 不必太放在心上。

我唔滿意TSL既校車公司, 所以今年冇坐。

作者: pkfat 時間: 11-10-27 08:55

咁多謝你唧分享...及so good that you found the right school for your kids!

作者: mamamummy 時間: 11-11-1 22:27

Hi Silvia

Thank you so much for your sharing!! You are so kind and generous.

I am also very busy and nervous these days.  I would like to ask your advice on P1 things later.  Hope u can help me.

You are a very good mum and I believe your kids are very lucky and happy.

Wish you and your beloved family all the best!!!

作者: khashley 時間: 11-11-5 00:35 標題: 回覆 2# silvia_ng 的文章

想問一下當年妳個女去考女拔是否頭一批？ thx

作者: silvia_ng 時間: 11-11-7 09:50

原帖由 khashley 於 11-11-5 00:35 發表
想問一下當年妳個女去考女拔是否頭一批？ thx

頭一批 = ?

2nd in較頭既時間?

作者: khashley 時間: 11-11-7 17:26

日期，十一月頭，中或尾。

作者: silvia_ng 時間: 11-11-7 20:33

原帖由 khashley 於 11-11-7 17:26 發表
日期，十一月頭，中或尾。

上年呀女11月5號。好似TOTAL有13日, 由11月1號開始。

作者: khashley 時間: 11-11-7 23:21

謝分享，見你個女都好叻，唔明女拔點解唔收

作者: blueblueclub 時間: 11-11-19 14:50

蕭亞姨，謝謝你無私的分享。我相信TSL 的英文很強，但中文程度如何呢？想請教你TSL 的中文科是用廣東話/普通話授課，又有沒有加入普通話拚音課在正規課程呢？

作者: silvia_ng 時間: 11-11-19 22:51

原帖由 khashley 於 11-11-7 23:21 發表
謝分享，見你個女都好叻，唔明女拔點解唔收

唔收都係一件好事, 費時呀女大過問我做咩人地收左佢唔比佢讀, 所以都係上天安排好d啦, 哈哈! 我好鐘意tsl架!

作者: silvia_ng 時間: 11-11-19 22:53

原帖由 blueblueclub 於 11-11-19 14:50 發表
蕭亞姨，謝謝你無私的分享。我相信TSL 的英文很強，但中文程度如何呢？想請教你TSL 的中文科是用廣東話/普通話授課，又有沒有加入普通話拚音課在正規課程呢？ ...

中文都深架, 但大部份入去既小朋友都係英文強, 中文弱, 所以考出黎既成績會係中文差d囉。
小二開始全普通話授課, 小一開始已要學拼音。

作者: hoihoima 時間: 11-11-20 23:16 標題: 回覆 1# silvia_ng 的文章

蕭亞姨, TSL Primary 1 Chinese-English stream 的中文科是用廣東話? Thanks a lot.

作者: hoihoima 時間: 11-11-20 23:36 標題: 回覆 1# hoihoima 的文章

蕭亞姨, one more question - how many NET does TSL has? Thanks.

歡迎光臨教育王國 (/)