教育王國
標題: 自閉小朋友長大後會點? [打印本頁]
作者: bebebettyw 時間: 11-3-22 16:21 標題: 自閉小朋友長大後會點?
呢個問題我之前問過，但冇乜回覆。我想知道自閉証小朋友(偏輕微)長大後，有冇case(聽過或身在其中)係佢哋都算正正常常,例如讀正常學校，讀倒大學，結婚，生BB...?
有D自閉証(嚴重D)小朋友，到大個都要媽媽照顧而且對好多嘢都不感興趣包括異性。。
我知道冇人會知每個人嘅將來會係點，我只係想知有冇人聽過或知道成功case。。
萬分感激！
各位媽媽加油！包括我自已！
作者: sam/josh 時間: 11-3-22 16:50
a君,女,讀正常學校，讀倒大學，未有男朋友
b君,男,讀正常學校，讀倒大學，有女朋友
作者: mattmame 時間: 11-3-22 18:07 標題: 回覆 2# bebebettyw 的文章
你小朋友係點樣知有輕度自閉? 感你小朋友幾大?
作者: sam/josh 時間: 11-3-22 18:23
James MacDonald(Communicating Partners)翻譯: 提恩如
一個禮拜起碼有兩次,
我會聽到某個傷心害怕的父親或母親告訴我他的孩子受診為自閉症.
通常, 他們會這樣描述自己的心情, 驚惶的, 沮喪的, 困惑的,
而且, 完全不知道要做些什麼.
三十五年來, 我常常要面對並幫助這樣的父母,
在這裡我想告訴這些爸爸媽媽以下幾件事.
如果你知道任何身處這種情況的人, 也請跟他們分享我的意見.
首先, 自閉症並不是孩子發展上的死刑,
我認識許多曾經受診為自閉症的孩子或少年,
之後都長成為具社會性, 有溝通能力, 而且也具有生產力的大人.
第二, 許多自閉症的診斷,
都是在觀察到某些孩子做的"異常行為"後,
在短時間, 資訊不夠充足的情況下決定的,
小孩越小, 診斷的可靠性跟正確度就越不穩定.
第三, 受診為自閉症,
代表孩子普遍有下列三項缺失或不足:
在與人互動上有不足, 在有效使用語言跟別人建立社會關係上有缺失,
有行為異常的情形---在生活上,
孩子還不能仿傚他人做出具社會性普遍被接受的行為.
因此, 任何治療都必須以下述三點為目標,
1. 幫助孩子與他人互動, 並社會性的與他人來往及玩耍,
2. 在社交上, 幫助孩子使用語言來交談,
3. 幫助孩子在生活上調控自身內在及外在的過度敏感(或不敏感),
並達到學著仿傚他人的目的.
第四, 父母必須了解,
目前(除了使用藥物), 大多數治療自閉症的方法,
都把注意力放在教孩子做一個服從的學生這件事上,
這樣做的問題是:
自閉症孩子必須面對的主要挑戰,
並不在認知, 學業, 或服從度的發展上.
自閉症的問題在於:
孩子在融入社會及建立互屬關係發展上有困難.
因此, 你要非常小心的審視你現在為孩子計劃的療育課程,
不要只把主力放在教他一些將來學校會用到的技能,
然後認為這是孩子需要的.
許多小孩在做學生, 學習學校技能,
還有不給大多數人添麻煩上都做的不錯,
但是如果跟訓練他做一個別人希望他做的好學生之前相比,
這些孩子還是一樣自閉(社會孤立, 不適當, 不溝通, 不被接受),
自閉症是社會性上的障礙(如果不考慮它根本生理原因的話),
第一件也是最重要的療育方針是: 教導小孩跟小孩的家人,
在任何你的孩子能做到的行為上, 跟他發展建立富社會性的關係.
第五, 在幫助受診為自閉症的孩子--
面對與人溝通及建立社會關係的挑戰上,
家人是最有效的工具.
一群跑來跑去的小孩或一些陌生人,
是沒有辦法讓你的孩子漸次學會與人相屬與人溝通的,
你的孩子一開始需要的, 是跟一些他在感情,
情緒上有連繫的人一對一的建立關係.
期待一個小孩在治療課裡學到與人溝通及建立社會關係,
就像期待一個小孩靠每週一次的鋼琴課
卻每天在家不練習來學會鋼琴一樣的不實際,
同樣的, 期待孩子在一個處處要求他做一些他能力之外,
總是要跟別人比賽的環境下學會與人相屬與人溝通,
也是理想大於現實.
在幫助孩子如何一步一
步,
穩穩慢慢的學會與人溝通及建立社會關係上,
家人也在學習. 在這裡, 家庭就是答案.
專業人員所能做到最有效的角色,
就是以良師或教練的角色,
幫助父母在每天跟孩子相處的時間裡,
做孩子能力可以做到的,
對孩子所作所為做出適當的反應,
讓父母加入孩子的世界幫助孩子.
作者: bebebettyw 時間: 11-3-23 01:41
原帖由 mattmame 於 11-3-22 18:07 發表 
你小朋友係點樣知有輕度自閉? 感你小朋友幾大?
作者: manman2228 時間: 11-3-23 10:33
只係唔肯講野就係自閉症 ? 係咪都有其他古怪行為呀 ? 同埋通常3歲或以上先會確疹係自閉症, 而3歲前通常會叫做自閉傾向喎 ?!
原帖由 bebebettyw 於 11-3-23 01:41 發表
我個仔二十八個月，啱啱上個禮拜評估為自閉症。醫生話佢算係輕微或少少，而我本人亦覺因我個仔雖有自閉症行為但唔係十足,例如佢都會望人，聽同明你講嘢(但唔肯講嘢)，鐘意同其他小朋友玩，鐘意攬攬錫錫(主動）。。佢好快會開始AB ...
作者: Capricorn2521 時間: 11-3-23 11:15
Thanks for sharing ! 
原帖由 sam/josh 於 11-3-22 18:23 發表
James MacDonald(Communicating Partners)翻譯: 提恩如
一個禮拜起碼有兩次,
我會聽到某個傷心害怕的父親或母親告訴我他的孩子受診為自閉症.
通常, 他們會這樣描述自己的心情, 驚惶的, 沮喪的, 困惑的,
而且, 完全不 ...
作者: szeszes 時間: 11-3-23 12:34
其實自閉症係一個譜系, 由正常去到嚴重自閉症
由於3歲前未能做到一些智力測驗, 所以, 心理專家會先寫係 "自閉傾向"
到左3歲後, 就可以進行韋氏智力量表去評估小朋友既智力, 我仔仔當時佢寫係 "features of autism disorder, 大部份譯為自閉傾向", 而仔仔果份交 教育處果份報告係寫:
語言發展延緩, 社交發展弱, 自閉特徵 (狡窄興趣)
- 心理專家, 覺得3歲時可以背晒成個小西灣區燈柱上既
5位數字編號 及 5歲小朋友好喜歡研究巴士車身編號
與巴士型號既關係 (但係亞仔又不是數學資優)
去到3歲以上既小朋友, 心理專家係按智力測驗去評估為自閉, 多數係按小朋友語言理解, 語言表達 及 推理方面較弱, 同而係家長問題入面會得出小朋友係唔係有自閉特徵
其實, 自閉症, 自閉傾向, 亞氏保加症都係屬 自閉譜系
(而心理專家講: 自閉譜系係好似一把傘咁, 好多支骨, 而每個自閉既小朋友都會有一些特徵 及 特質, 我地只要找到小朋友既特質, 去幫助或改善佢地語言弱果方面)
而心理專家話我仔仔記性方面好好, 所以, 可以利用佢好記性去幫助訓練語言問題
原帖由 manman2228 於 11-3-23 10:33 發表
只係唔肯講野就係自閉症 ? 係咪都有其他古怪行為呀 ? 同埋通常3歲或以上先會確疹係自閉症, 而3歲前通常會叫做自閉傾向喎 ?!
作者: szeszes 時間: 11-3-23 13:00
講真一句, 如果當年我媽帶我去做評估, 我應該都會被 心理專家 當係
因為我仲文靜及細膽過我仔, 仲要好固執, 又係好喜歡數字及英文, 我係理科生, 會考成績可以升中六
而家既我, 又好動, 把口仲唔收, 轉數快, 同埋真係一言九鼎果只 ... 同埋係炮仗頸
作者: sam/josh 時間: 11-3-23 13:17
原帖由 manman2228 於 11-3-23 10:33 發表
只係唔肯講野就係自閉症 ? 係咪都有其他古怪行為呀 ? 同埋通常3歲或以上先會確疹係自閉症, 而3歲前通常會叫做自閉傾向喎 ?!
第二, 許多自閉症的診斷,
都是在觀察到某些孩子做的"異常行為"後,
在短時間, 資訊不夠充足的情況下決定的,
小孩越小, 診斷的可靠性跟正確度就越不穩定.
作者: bebebettyw 時間: 11-3-23 13:43
多謝各位寶貴意見。都係想問番我之前個疑問：有冇聽過或身在其中有自閉症小朋友長大後能夠像其他人讀正常學校，讀倒大學，結婚，生BB.....?
唔該哂！
加油各位偉大的媽媽！
作者: ttlucky0303 時間: 11-3-23 14:03
我身邊朋友/同事有自傾特徵, 好正常讀完大學, 出黎工作, 同我地交友, 食飯..完全冇問題, 可以同佢講笑話, 只係唔太主動講野,
作者: szeszes 時間: 11-3-23 14:23
其實, 真係要視乎佢既自閉病徵有幾重 (重者既, 智力都有問題, 完全唔識講野), 如果佢只屬於輕微 (語言發展不太差異), 同埋家長有心機去教 及 栽培, 佢地去到10歲左右, 就唔會太有分別
我知道亞仔有自閉傾向頭果2個星期, 自己真係好傷心, 半夜醒左會狂喊; 之後, 見到呢段野, 就自我安慰一下 (可能亞仔擁有天才既特徵, 或者佢係天生左撇子, 所以, 左腦 - 言語及推理比較差)
以下係有自閉既偉人 及 名人:
如: 科學家愛因斯坦、科學家牛頓、音樂家貝多芬、全球首富蓋茨、作家奧威爾
原帖由 bebebettyw 於 11-3-23 13:43 發表
多謝各位寶貴意見。都係想問番我之前個疑問：有冇聽過或身在其中有自閉症小朋友長大後能夠像其他人讀正常學校，讀倒大學，結婚，生BB.....?
唔該哂！
加油各位偉大的媽媽！ ...
作者: blutack 時間: 11-3-23 18:13 標題: deleted
提示: 作者被禁止或刪除 內容自動屏蔽
作者: blutack 時間: 11-3-23 18:17
提示: 作者被禁止或刪除 內容自動屏蔽
作者: sam/josh 時間: 11-3-23 18:25
原帖由 blutack 於 11-3-23 18:17 發表
儘有, 前排明報有新聞話做個調查, 原來好多醫科生係ASPERGER..我老公睇左即刻無咁"謝", 儘覺得人生滿希望嗰隻添.
兒童發展障礙增
自閉升4倍
雖然衞生署指10年期間兒童發展障礙的定義及分類有轉變，數據不宜作跨年比較，但港大兒童及青少年科學系教授黃珍妮接受本報專訪時指出，自閉症在全球均見上升，她的臨床經驗也發現本港患兒增加。
「兩年多前，一對醫生夫婦帶了9個月大的囝囝到我處，稱擔心兒子自閉，那孩子評估期間不斷揭書，
由頭到尾與護士都沒有眼神接觸，那位爸爸與我交談時，亦由頭到尾沒有望過我，聲調單一平板。」黃珍妮憶述。她後來告訴這位憂心的爸爸，孩子有自閉的風險，但9個月確診仍太小，而爸爸則懷疑有阿氏保加症，即自閉症的一種。
她稱，見過不少家長無法接受孩子有發展障礙，以為天塌下來，更曾有人要求她殺了患病的孩子！
其實不少尖子都有發展障礙，黃珍妮正對醫科學生進行阿氏保加症的問卷調查，初步結果顯示，部分醫科生是患者，稍後會發表有關數據。
父母宜調節期望
及早治療
「有些學生有ADHD（過度活躍症），不斷說話，上堂第一個搶著說，永遠不會舉手，又周身郁，我問他小時候是否如此，又是否常遺失東西？我指他是ADHD，他頓了5分鐘，眼光光望著我，有數個醫科生都是如此，他們以往只知自己怪，自己頑皮。」黃珍妮說。她解釋，輕微的發展障礙可靠孩子自己的智慧（intelligence）去克服。「我問一個疑患阿氏保加症的醫科生，他說小時候老師鬧佢，罵他為何不答問題，答問題又不望著老師，自從老師罵後，那孩子永遠都望人，自己訓練自己。」
黃珍妮說，有發展障礙應去跨越（Bypass）那個障礙（disability）。「如世衞所言，最重要不要將disability變成handicapped（殘障）。」她忠告患兒父母，要接受孩子的障礙，最佳治療是為孩子安排早期介入訓練，父母並要調節期望，發展障礙可改善，但未必可以痊癒。「時間是最佳的治療，如何難過都要過，且要全家人一起過。」（系列一）
作者: pocoyo123 時間: 11-3-23 22:13
睇完個心情好開心, 雖然唔知真定假( 亞Q精神)
我亞仔都係天生左手, 佢記性超好, 以前記埋D無謂野, 自從佢言語改善后, 發現佢記字幾好, 好多字佢都記得, 我們都係因為佢記得快, 呢兩年先進步咁多
作者: Capricorn2521 時間: 11-3-24 12:20
船到橋頭自然直.... 不用太擔心。我自己眼見老公3個外甥年幼時都係自閉傾向/發展遲緩，漸漸大了，須然不多說話，他們喜歡一起打機，又乖又聽話，讀書都ok架!
依家有咁多訓練比我同仔仔，我相信仔仔一定吾會比佢地差嘅。
希望將來找一間not pushy & caring嘅小學，令佢能夠在一個正面的學習環境中長大。
我自己都要練定d面皮要厚d，為人謙虛d，因為知道一定有不少投訴。
可以做嘅做完...問心無愧便算了。人生苦短，快快樂樂便過了。
各位加油!!
原帖由 pocoyo123 於 11-3-23 22:13 發表
睇完個心情好開心, 雖然唔知真定假( 亞Q精神)
我亞仔都係天生左手, 佢記性超好, 以前記埋D無謂野, 自從佢言語改善后, 發現佢記字幾好, 好多字佢都記得, 我們都係因為佢記得快, 呢兩年先進步咁多 ...
作者: kelvin_hmlau 時間: 11-3-24 12:41 標題: 回覆 1# Capricorn2521 的文章
我相信大部分自閉兒都會留在主流社會奮鬥, 小部分會留在院舍渡過.
我的責任都係幫助個仔係主流奮鬥. 所以我的面皮已經練到幾寸厚了.
昨天個仔主動攞起掃把叫我同佢一齊掃地, 已經足夠令我好開心了.
作者: owl_2046 時間: 11-3-24 13:48
將來話唔埋的, 只要個仔開開心心, 身體健康, 每日都有進步我已滿足.
作者: jjcow 時間: 11-3-24 19:27
除咗會俾老師投訴外，還要面對咩問題，所以要練面皮厚ｄ？
我仔未讀書，所以想有個心理準備。謝。
原帖由 kelvin_hmlau 於 11-3-24 12:41 發表
我相信大部分自閉兒都會留在主流社會奮鬥, 小部分會留在院舍渡過.
我的責任都係幫助個仔係主流奮鬥. 所以我的面皮已經練到幾寸厚了.
昨天個仔主動攞起掃把叫我同佢一齊掃地, 已經足夠令我好開心了. ...
作者: FoEE 時間: 11-3-24 19:28
將來話唔埋的, 只要個仔開開心心, 身體健康, 每日都有進步我已滿足 x2 
作者: pocoyo123 時間: 11-3-25 00:08
聽左一個講座, 其中提到一些對自閉証成年后的調查, 睇完個心都有一沉, ...
訪問人數 450人, 有工作做約7%, 同人家人住90%, 有朋友13%
總共有3個調查, 結果係差唔多, 不過呢D係外國
導師話香港都做過呢D調查, 結果係好D, 有工作的有30幾%, 但包括亞氐保加人士, 其中有一部份係同屋企打工?所以實際同外國唔差好遠
睇完個心真係一沉, 個腦不停同自己講, 亞仔將來點算,不過, 再諗下, 自閉都有輕重, 佢無講對象是哪一類, 同埋, 如現已是成年人, 即是佢地係一些80-90后小朋友, 相信當時的社會對自閉認識不深, 支援都小, 很多人沒有太多訓練..........(唯有咁諗, 否則人會顛)現在的小朋友已好好多, 希望係咁
作者: bebebettyw 時間: 11-3-25 13:08
其實自閉症小朋友長大後能否獨立生活同有家庭？（如果自閉症唔係太嚴重)
作者: szeszes 時間: 11-3-25 13:26
如果只係言語發展 delay 少許, 社交唔夠主動, 呢2方面可以訓練返來的, 比多 d 機會小朋友去返下社交小組啦!! (我自己 plan 左, 比亞仔返小童軍 及 足球訓練班)
身為一名自閉兒既家長, 要先了解小朋友本身有什麼與人不同? 有什麼比人強? 將佢最強果方面, 去補佢弱果方面
如我仔記性好, 細時記埋晒 D 無謂野, 即係幾月幾日去酒樓飲茶坐幾多號檯, 同咩人去等等; 我而家主要解釋比佢聽, 記呢 D 野係無意思既事, 轉左叫佢去記下言語句子, 中文及英文句子用法 (花左3個星期, 明顯有好大進步, 因為我仔2月尾才定為自閉傾向, 言語發展 delay 及 社交弱)
** 自閉兒既特質, 係好記性, 固執.... 你利用呢2樣野, 去補佢既弱點, 應該會見效 **
原帖由 bebebettyw 於 11-3-25 13:08 發表
其實自閉症小朋友長大後能否獨立生活同有家庭？（如果自閉症唔係太嚴重)
作者: milk323 時間: 11-3-25 14:49
我都係! 我又係3歲先開始講野, 而家大個左都正正常常. 我又係講野好直的~ 唔扮野, 忠於自己. 讀書又係幾好, 記性好過好多人
雖然我朋友唔多, 但係我覺得唔係個個人都要八面玲瓏先叫正常人的. 我唔鍾意SOCIAL, 唔鍾意同人扮FRIEND, O岩傾就做朋友唔O岩傾就BYEBYE. 而家有份正常職業, 生活無憂, 有幾個知心好友.
我個仔都幾似我, 雖然有D自閉傾向但係都醒醒目目, 所以我都唔太擔心, 佢大個照顧到自己, 開開心心就得~
原帖由 szeszes 於 11-3-23 13:00 發表
講真一句, 如果當年我媽帶我去做評估, 我應該都會被 心理專家 當係
因為我仲文靜及細膽過我仔, 仲要好固執, 又係好喜歡數字及英文, 我係理科生, 會考成績可以升中六
而家既我, 又好動, 把口仲唔收, 轉數快, 同埋真 ...
作者: xixi1218 時間: 11-4-2 15:13
原帖由 pocoyo123 於 11-3-25 00:08 發表
聽左一個講座, 其中提到一些對自閉証成年后的調查, 睇完個心都有一沉, ...
訪問人數 450人, 有工作做約7%, 同人家人住90%, 有朋友13%
總共有3個調查, 結果係差唔多, 不過呢D係外國
導師話香港都做過呢D調查, 結果 ...
是啊，有時看完類似的報告，都好沉啊，担忧和绝望。不过，正如你所说——
如現已是成年人, 即是佢地係一些80-90后小朋友, 相信當時的社會對自閉認識不深, 支援都小, 很多人沒有太多訓練..........
所以我希望做一切我们所能做的，希望他能好一些。
作者: xixi1218 時間: 11-4-2 15:15
原帖由 szeszes 於 11-3-25 13:26 發表
如果只係言語發展 delay 少許, 社交唔夠主動, 呢2方面可以訓練返來的, 比多 d 機會小朋友去返下社交小組啦!! (我自己 plan 左, 比亞仔返小童軍 及 足球訓練班)
你指的小童軍、足球訓練班哪里找？我有想過，不過他如果在一大班人中，就很難會認真聽老師課，甚至搗蛋，有時弄得別人都無法好好上課，所以我現在老是覺得他只有單對單效果才好些。哎，每樣我都要想是否要先單對單教。。。。有沒有能接納這樣的孩子或有經驗的訓練班呢？
[ 本帖最後由 xixi1218 於 11-4-2 15:21 編輯 ]
作者: elsa2004 時間: 11-4-2 17:44
很難 我個仔細過時 我都比佢學好多嘢 全都是班制 不是要他有什麼大成就 只是希望他多同人相處 但大多是失敗的 不是吡人不段投訴 就是他自己無心機上堂 試過比人叫我唔好再交學費 只有溜冰叫做最好學了六年
至於"童軍" 小學時試過報名 不過我同個leader講我個仔係A仔 佢就同我講 佢地只係義工唔識同人湊仔 我當時真的無話可說 
兩三個星期前 我朋友叫我一起報名出面果D童軍 我想都好再試吓 我便send個 email 比個童軍leader (我當然有講亞仔的情況) 同時我另外send個email幫亞女報小童軍 點知到現在亞仔果過都重未覆 亞女果過兩三日就覆咗 重叫我有時間帶亞女上去添
邊個話童軍就有愛心 (可能我唔好彩)
作者: xixi1218 時間: 11-4-2 19:34
原帖由 elsa2004 於 11-4-2 17:44 發表
很難 我個仔細過時 我都比佢學好多嘢 全都是班制 不是要他有什麼大成就 只是希望他多同人相處 但大多是失敗的 不是吡人不段投訴 就是他自己無心機上堂 試過比人叫我唔好再交學費 只有溜冰叫做最好學了 ...
非常有同感。
你小朋友学溜冰学6年？是不是几个人一起上课的？现在多大了？
作者: szeszes 時間: 11-4-2 23:36
其實, 我仔本身主要係言語發展延緩問題, 唔覺有其他特別問題, 而我仔仲係一直讀普通既幼稚園, 多數老師只係講 "言語發展延緩", 同埋比較文靜 及 唔夠主動 (我仔暫時無人投訴佢有專注力不足 或 過度活躍既問題), 係學術上無問題, 仲要我仔間學校係程度深 (讀小一既野)
我仔由3歲半開始, 就有課外活動, 有學跳舞 (似 dancer 跳果 d, 擺動下身體) - 一班二十人 及 畫畫, 我見佢係完全投入, 無人投訴, 跳舞仲可以上台表演, 完全無問題
** 講真, 兒童中心既評估話我仔有自閉傾向, 我同家人, 親友講, 佢地都話我仔完全唔似有, 多數佢地既 comment 係..... 我地兩公婆大過寵愛佢, 佢平時唔需要講出所需, 同埋唔洗佢思考去解難, 而引致亞仔有 "言語發展延緩" 及 "唔夠主動" **
足球班係未開始, 但我見 YMCA 有, 所以想同佢報; 而小童軍係要8歲要收 ... 草蜢仔 (係童軍既幼兒組) 可以由5歲開始, 但係無一個旅係近屋企, 同埋時間唔合 (夾唔到)
我見協康會 - 協康會賽馬會家長資源中心 (係筲箕灣)都有小童軍係專 for 5-7歲發展障礙兒童
原帖由 xixi1218 於 11-4-2 15:15 發表
你指的小童軍、足球訓練班哪里找？我有想過，不過他如果在一大班人中，就很難會認真聽老師課，甚至搗蛋，有時弄得別人都無法好好上課，所以我現在老是覺得他只有單對單效果才好些。哎，每樣我都要想是否要先單對單教。。。。有沒 ...
[ 本帖最後由 szeszes 於 11-4-2 23:41 編輯 ]
作者: xixi1218 時間: 11-4-3 13:19
原帖由 szeszes 於 11-4-2 23:36 發表
其實, 我仔本身主要係言語發展延緩問題, 唔覺有其他特別問題, 而我仔仲係一直讀普通既幼稚園, 多數老師只係講 "言語發展延緩", 同埋比較文靜 及 唔夠主動 (我仔暫時無人投訴佢有專注力不足 或 過度活躍既問題), 係學 ...
多謝分享，看來每個人的情況都不同。我覺得你孩子的情況算好好，如果沒有專注力問題，真是好好多啊。
作者: elsa2004 時間: 11-4-3 17:14 標題: 回覆 30# xixi1218 的文章
亞仔今年13歲 中二 以前比佢學溜冰 係因為佢個物理冶療師 話佢平行感好低 真係行平路都成日跌 學咗溜冰2-3月有明顯改善
是的他是上班制 一班6個人 個教練好好 根左六年無轉過 最後都係因為教練話佢巳學到差唔多先停 (以佢能力無得再上) 叫我唔好再浪費金錢 有時間帶佢來玩便可 以佢所學已經非常夠用 freestyle 2
作者: elsa2004 時間: 11-4-3 17:45
在囝囝上小學之前 我便帶他到評估中心做小學前評估 當時個心理學家同我講 佢剛出來做野時 做過一個case同亞仔差唔多 那個小朋友現已長大成人 大學畢業 在則師樓做畫則 朋友唔多(三兩個) 每天都在低頭苦畫
他的說話就像一道強心針 雖然亞仔做唔倒則師 (他有數學障礙) 但我相信天生我才必有用 他可能在其它範疇有他的成就
作者: pinkdoll 時間: 11-4-3 17:54
醫生有冇講你仔仔屬於边隻自閉症傾向 自閉症/自閉傾向分高功能及低功能 不過我估你仔仔應該屬於高功能 所以你搵到仔仔边方面弱 再加強個方面訓練 一定會有好大進步 你仔仔情況好樂觀呀
其實自閉症/傾向都係一個名稱 我都慣咗lu 我仔應該屬於低功能組 認知方面有障礙 認知差(冇乜概念)所以影響咗言語(家陣得啲bb話) 當然言語差連帶會影響埋社交啦 反而其他就一直有進步 例如:大小肌就有歲半至二歲 自理能力都ok已經可以自己食飯飲水 會望人對人有反應 佢冇固執行為 情緒都ok 有脾氣但可以控制到 但一講認知方面就真係差到冇朋友 好頭痕 重有一樣無意義重複性行為 佢無聊個陣會好慢咁開合對手(扮開關lift門)
我家陣發現佢認知發展有問題 都搵緊方法幫佢 有氣餒的時侯 特別st同pst叫我有心理準備 佢三歲個陣可能得一歲認知 幼兒園都提議佢repeat n1 我都作咗入s位既準備 唯有樂觀啲諗早啲入s位可以早啲出啦 我都唔敢諗"自閉症小朋友長大後會點?" 呢個問題住 處理咗現在既問題先
好似上面媽媽所講 每個小朋友都有佢自己既問題 但一定有佢強既方面 所以無論怎樣我都會好愛我的仔仔 抖起精神和他一同努力 陪著他走每段路 大家一齊努力:)
原帖由 szeszes 於 11-4-2 23:36 發表
其實, 我仔本身主要係言語發展延緩問題, 唔覺有其他特別問題, 而我仔仲係一直讀普通既幼稚園, 多數老師只係講 "言語發展延緩", 同埋比較文靜 及 唔夠主動 (我仔暫時無人投訴佢有專注力不足 或 過度活躍既問題), 係學 ...
[ 本帖最後由 pinkdoll 於 11-4-3 18:03 編輯 ]
作者: xixi1218 時間: 11-4-3 18:00
我觉得如果是阿斯伯格的长大后情况会很不错吧，应该问题不会太大吧。
所以有时会想如果是阿斯伯格，都好啊，哎。。。。
我希望我仔仔能有所长就好啦。尽力啦。不要说将来，我现在都已经不知道接下来会怎样。见步行步。
[ 本帖最後由 xixi1218 於 11-4-3 18:04 編輯 ]
作者: elsa2004 時間: 11-4-3 18:33
不要氣餒 凡事都有轉機
我囝囝差不多四歲做評估話佢語言得兩歲多D 認知得三歲 佢個語言治療師都叫我有心理準備 我就係唔信命 佢係我個仔 我無可能放棄 到咗五歲半再做評估 佢已經追倒同齡 (由輕度自閉變成高能力自閉症) 當中真的有血有淚 以我經驗4-6歲係關鍵(由其5-6歲時 發展得很快)
只要不放棄 終會有回報
[ 本帖最後由 elsa2004 於 11-4-3 20:40 編輯 ]
作者: elsa2004 時間: 11-4-3 20:33
其實醫自閉最好的醫生是 媽媽
唔計鐘 24小時全天候
作者: szeszes 時間: 11-4-3 22:31
好認同, 只要比小朋友知道, 父母好愛佢, 多些擁抱佢, 佢會好自然合作
我自己本身要返工, 仔仔係本地 ee 湊 (好彩亞仔一滿月就搵本地 ee, 唔係印印湊), 如果唔係真係追唔到, 呢個 ee 本身湊仔有經驗, 幫我 train up 左佢好多, 同埋佢好錫我仔, 所以我仔好識理人既感受 及 睇人眉頭眼額
無錯, 我仔3歲前, d 自閉傾向既特徵好明顯, 去到4歲就開始好似轉左出來咁, 追得好快; 講真, 以前真係教得好氣餒, 同埋佢成日注意晒佢數字上, 連打開故事書同佢講故事, 都會不停翻書本來睇數字, 跟本就唔比睇故事內容
相反係4歲半左右 (我仔係大仔, 3月出世), 亞仔升中班... 好彩遇到我中學同學係佢既班主任, 佢亦幫我比左好多機會亞仔去學溝通及社交; 亞仔開始知道要同人溝通才開心
原帖由 elsa2004 於 11-4-3 20:33 發表
其實醫自閉最好的醫生是 媽媽
唔計鐘 24小時全天候
作者: xixi1218 時間: 11-4-6 12:18
原帖由 elsa2004 於 11-4-3 20:33 發表
其實醫自閉最好的醫生是 媽媽
唔計鐘 24小時全天候
elsa2004
请check PM
作者: elsa2004 時間: 11-4-7 11:05
已覆please check PM
原帖由 xixi1218 於 11-4-6 12:18 發表
elsa2004
请check PM
作者: carmenkwok50 時間: 11-4-7 16:35 標題: 回覆 18# bebebettyw 的文章
前兩天睇電視才知有幾個明星都係自閉症, 如周迅, 佢地都話長大後會因應人生經驗去改變, 自閉人士都可以有成就.
作者: dada5 時間: 11-4-9 23:53
乜周迅係自閉症既咩? 邊度聽番黎架?
原帖由 carmenkwok50 於 11-4-7 16:35 發表
前兩天睇電視才知有幾個明星都係自閉症, 如周迅, 佢地都話長大後會因應人生經驗去改變, 自閉人士都可以有成就.
作者: pattsui11@yahoo 時間: 11-4-10 01:47
報導說：「感情方面，周迅曾與李亞鵬拍拖，相戀三年分手，有傳是王菲介入所致，周迅曾表示分手後自閉了近一年。」
與「自閉症」毫無關系。
原帖由 dada5 於 11-4-9 23:53 發表
乜周迅係自閉症既咩? 邊度聽番黎架?
作者: rockyng 時間: 11-12-1 12:32
提示: 作者被禁止或刪除 內容自動屏蔽
作者: BBG1 時間: 11-12-4 00:10
各位：
我家小朋友沒有自閉，但我教過有自閉的小朋友。佢地好多都好叻架！大家要努力呢！
其實我地個年代，可能都有好多3、4歲都未識講野，有自閉傾向的人呢！只不過當時無咁多評估及認識呢！
當時無咁多訓練，但好多人都會因環境及人而得到訓練，最後成為有貢獻的社會棟樑。
[ 本帖最後由 BBG1 於 11-12-4 00:13 編輯 ]
作者: Kwaifamily 時間: 12-2-20 15:53
I have an autistic son who is turning 6 next month. He has huge improvement since he was 3.
My friend's son is an autistic boy and both the parents have very high education background (Both PHD in Princeton university). The husband is very open minded and the reason is 'All the students in our classroom are autistic. They focus only on their research and didn't communicate well with others.But their life is fine. They have their favourite job at university and have their favourite peer group. I don't see any problem with them. As parents,we need to relax and lead them a happy life. Help as much as we can but worry less."
I just want to say his words inspire me something. Dear all, stay positive. Your kids can be great. I have my faith in my son. Let's add oil together.
作者: Kwaifamily 時間: 12-3-26 18:00
回復 Kwaifamily 的帖子
I am not sure but they are not paying attention to others and only focus on what they are doing.
Anyway, add oil since it's never easy to raise a special needs kids.
作者: wingwingbb168 時間: 12-4-2 23:33
我仔今日確診語言遲緩同懷疑自閉症，如只排早期會否不足夠呢
| 歡迎光臨 教育王國 (/) |
Powered by Discuz! X1.5 |