教育王國

標題: 仔女有做髗骶骨0既家長... [打印本頁]

作者: owl_2046 時間: 11-3-21 10:06 標題: 仔女有做髗骶骨0既家長...

我仔做親個頭都喊得好慘, 你地仔女做緊時會唔會喊?

作者: szeszes 時間: 11-3-21 10:17

我仔細時有肌肉班斜頸症, 其實應該好似你所講既 "髗骶骨" 治療, 我仔果時係將 bb 平放係治療床, 之後物理治療師拉 bb 頭, 之後扭, 扭到鼻頂指向地下, 大約110-130度左右

當時我仔由滿月開始就做, 做到識行 ... 果時次次都大喊 (不過好快就收聲), 其實小朋友越大就應該越喊得勁

p.s. 我仔而家6歲, 都被心理醫生評為有自閉傾向 (主要係影響左語言發展問題)

作者: FoEE 時間: 11-3-21 10:33

yes but only for the first few times. after that he is very calm.

作者: nokia6300 時間: 11-3-21 11:42

my son start this training few months, no cry even 1st time wor

作者: blutack 時間: 11-3-21 12:25 標題: deleted

提示: 作者被禁止或刪除內容自動屏蔽

作者: olima 時間: 11-3-22 12:19

咁你地覺得孩子是否有進步﹖在那方面﹖大肌/協調是否也有進步﹖

原帖由 blutack 於 11-3-21 12:25 發表
有喊, 做左十幾次依然..但現在主要是做口時比較淒厲, 其他部位可以..不過次次都同佢唱下歌, 講下野分散下咁囉..

作者: ikebukuro 時間: 11-3-23 00:15

提示: 作者被禁止或刪除內容自動屏蔽

作者: owl_2046 時間: 11-3-23 13:55

我個仔做左5堂, 頭半個鐘都好開心好舒服, 但一夾實佢做頭殼頂就喊到拆天, 不過都係好快收聲.

作者: owl_2046 時間: 11-3-23 14:09

個仔雖然有喊, 但只限於做頭殼頂, 因為佢個頭好敏感, 唔肯戴帽, 個治療師要亞仔伏係張床夾住佢做.
治療師話一星期一之已足夠, 佢重話其實亞仔都會幾辛苦喎.
有冇進展? 剛剛亞仔學校有騎馬活動, 我都有一齊出席, 我都估唔到佢肯戴帽, 重騎得好開心喎.
另外感到亞仔大肌好左, 落樓梯開始可以一步一級, 同我地比佢既指令(言語)聽得明左及專注力長左, 我同佢做訓練可以坐足半個鐘, 以前佢係坐一陣就走開.
我唔知係咪關事, 但事實上佢呢個月明顯好左.

原帖由 ikebukuro 於 11-3-23 00:15 發表
Hi owl_2046,

唔好意思先，因pm又short咗，所以睇到你嘅message，但覆唔到你，過兩日睇吓pm好番時，再詳細D覆你，sorry!
你仔仔最近點呀？見你講話做頭部時好喊，咁咪做唔到或者嘥咗D時間囉？so far有D人話做幾堂就見功效，你認為有無見 ...

[ 本帖最後由 owl_2046 於 11-3-23 14:10 編輯 ]

作者: manman2228 時間: 11-3-23 14:42

可都想比我仔仔試下. 可以PM資料比我嗎 ? 另外想知幾錢1次? THX

作者: wong503041 時間: 11-3-23 23:09

我想了解一下这方面的資料，可以EMAIL DETAILS俾我嗎？ Thanks a lot!
email add.: [email protected]

作者: owl_2046 時間: 11-3-24 13:50

$750/50mins

原帖由 manman2228 於 11-3-23 14:42 發表
可都想比我仔仔試下. 可以PM資料比我嗎 ? 另外想知幾錢1次? THX

作者: milk323 時間: 11-4-18 17:32

我個仔會訓覺.....

作者: owl_2046 時間: 11-4-18 21:06

亞仔呢兩次做個口同脷底, 喊到呼天搶地.
今次係老公帶亞仔去做, 老公都話治療師好踏實, 又聽佢傾訴, 好似心理醫生.
治療師話亞仔搵到我地做佢父母係亞仔福氣, 佢一定會盡力幫亞仔.
好感動!

作者: olima 時間: 11-4-28 08:53 標題: 回覆 1# owl_2046 的文章

你老公好好好，我都好感動。

我囝囝都做了四次(不是你介紹那間)，一開始已做足一個小時舌底，呼天搶地及頭暈，第二次開始只做半小時舌底，另半小時做頸及頭等。

佢話阿囝的口肌已鬆了很多，他的恐懼也減少了...

我覺得阿囝整體上活潑了一點(他是比較dull的那種A仔)，其他暫時不知是否奏效。

作者: owl_2046 時間: 11-4-29 14:21 標題: 回覆 1# olima 的文章

係呀, 我老公重睇得開過我, 有佢係度我真係樂觀及積極左好多.
我個仔做左8次左右, 明顯跳少左好多, 最重要係對我地比佢既指令明白左好多.
一齊努力!

作者: olima 時間: 11-5-2 09:31

owl_2046,

我想問下你囝囝做口肌時及做完時會否有好多分泌物﹖治療師如何解釋這些分泌物﹖

原帖由 owl_2046 於 11-4-29 14:21 發表
係呀, 我老公重睇得開過我, 有佢係度我真係樂觀及積極左好多.
我個仔做左8次左右, 明顯跳少左好多, 最重要係對我地比佢既指令明白左好多.
一齊努力! ...

作者: nokia6300 時間: 11-5-3 14:21 標題: 回覆 15# olima 的文章

HI Olima,

你小朋友都有恐懼嗎?我仔都系,可否多一虐分享

作者: owl_2046 時間: 11-5-7 18:52

今日問過治療師, 佢話做口時剌激到佢D口肌所以跟住果幾日口水會勁D.

原帖由 olima 於 11-5-2 09:31 發表
owl_2046,

我想問下你囝囝做口肌時及做完時會否有好多分泌物﹖治療師如何解釋這些分泌物﹖

作者: owl_2046 時間: 11-5-7 18:55

我仔真係喊到C去活來.
搭車見到係SOGO落車已經喊.

作者: muimui5 時間: 11-5-11 12:02

owl_2046:

可以給我治療師的資料嗎？
Thanks!

作者: olima 時間: 11-5-11 14:13

owl_2046,
謝謝回覆。

nokia6300,
囝囝第一次做治療已做口肌，治療師放手指進舌底，就話囝囝好驚，他說他不知道原因，但就檢查到他很驚，做完差不多50分鐘的口肌治療，有好多分泌物出來，他說是他的驚恐。他也問過我囝囝一些童年經歷，結論是可能最大的驚恐來自早產住在氧氣箱的10天...

第二次也做了近半小時口肌，治療師說檢查到他很「受委屈」，也問及我他跟家人的關係，但期後我想將「受委屈」改為負面思想也幾切合，因我囝囝(6歲)沒有一般孩子的童真，好老積，思想好負面，個人真是很驚青同「蛇瓜」，見一些經常見的姑娘也只是很靦腆地打招呼，以前以為是感統問題(大聲之類)及缺乏信心，但發覺並非一般治療可以解決...

囝囝已做了五次髗骶骨，人是活潑了，胆子好像也大了一些，但情緒仍是反反覆覆，治療師最近一次檢查口肌，說發現不到他好驚，但仍充斥很多負面情緒。

作者: ikebukuro 時間: 11-5-11 16:12

提示: 作者被禁止或刪除內容自動屏蔽

作者: olima 時間: 11-5-11 21:59

不算一面倒的差，而是反覆一點，時好時壞咁...

原帖由 ikebukuro 於 11-5-11 16:12 發表
請問各位做完口肌嘅頭三兩次後，小朋友會否脾氣及情緒都變得差咗？

作者: nokia6300 時間: 11-5-11 23:06 標題: 回覆 22# olima 的文章

hi olima,

謝謝你回覆!我仔做了幾個月了,不過發現恐懼呢樣野系呢近排的事,當我提出了幾次唔同情況下,阿仔會出現一虐唔應該咁驚既情況比治療師後,佢系佢身上做了一些野已然發現到,而且系幾多,不過我又覺真系有好轉,口肌都有做,雖然阿仔識講野,不過唔系太清,但因同時阿仔都有st跟進,所以同期既進步都唔sure系邊方面既 output

不過治療師有提到,阿仔既恐懼會影響佢學習,呢樣我好buy的,所以同時我又同學校溝通多d希望比多d機會阿仔,加強佢自信

祝大家既小朋友都進步啦~

作者: nokia6300 時間: 11-5-11 23:08 標題: 回覆 23# ikebukuro 的文章

我仔冇呀,不過會發現多左d較深層次既溝通

作者: olima 時間: 11-5-12 09:09 標題: 回覆 1# nokia6300 的文章

你是否也是在owl_2046那間做﹖

我囝在油麻地那間做，個治療師話囝好輕微，做10幾次就會好番，但願如此。

作者: nokia6300 時間: 11-5-12 11:01 標題: 回覆 27# olima 的文章

不是,我仔在 heep hong 做緊的,同時配合埋健腦操,so far,樣樣都有進步~

作者: sunnybee 時間: 11-5-12 13:37

hi olima

可否 PM 治療師的資料給我嗎? 謝謝!

原帖由 olima 於 11-5-12 09:09 發表
你是否也是在owl_2046那間做﹖

我囝在油麻地那間做，個治療師話囝好輕微，做10幾次就會好番，但願如此。

作者: ikebukuro 時間: 11-5-12 23:31

提示: 作者被禁止或刪除內容自動屏蔽

作者: olima 時間: 11-5-13 13:01

ikebukuro,

我囝囝剛六歲，我不敢說「效果」十分理想，初期真有些反覆，但現在情緒較穩定，連大肌也有顯著進步，從前他左腳單腳跳只有兩三下，但突然跳到10下，還會自動自覺去做(不知是否成功感使然)，不用去迫；拍波也由從前四、五下去到10下以上，連老公都話進步不少。

sunnybee,

pm you already.

大家齊齊努力。

作者: ikebukuro 時間: 11-5-14 12:10

提示: 作者被禁止或刪除內容自動屏蔽

作者: eerr 時間: 11-5-16 07:14

提示: 作者被禁止或刪除內容自動屏蔽

作者: nokia6300 時間: 11-5-16 10:34 標題: 回覆 30# ikebukuro 的文章

Hi Ikebukuro,

其實本身阿仔語言都追回年齡,近來見佢理解力好左,一般唔系太深既字,詞語等,都唔需要刻意去學便自己懂得運用,如"不如","因為.....所以",呢d都已經用得好恰當了,多左好多假設性技巧,可以自己up下up下一d短姑事.....

阿仔既進步,我覺得系overall 系brain gym+髗骶骨既效果,幫佢去除一些我地看不到的障礙,所以平日學習時比以往順暢多了,雖然佢motor skill仍是有距離,但聽pt說,始終是一個低張小孩,呢樣野系冇野去改善,只要一直keep住做運動幫佢,打後日子應該沒很大問題

作者: sunnybee 時間: 11-5-16 13:39

hi olima

已收到PM了, 資料很詳細, 謝謝!
大家一齊加油吧!

原帖由 olima 於 11-5-13 13:01 發表
ikebukuro,

我囝囝剛六歲，我不敢說「效果」十分理想，初期真有些反覆，但現在情緒較穩定，連大肌也有顯著進步，從前他左腳單腳跳只有兩三下，但突然跳到10下，還會自動自覺去做(不知是否成功感使然)，不用去迫；拍波也由從前四、五下 ...

作者: owl_2046 時間: 11-6-7 13:51

星期六見番四個月冇見既親戚(在國內)
佢地都話我個仔進步不少, 由其人與人情感表達/反應
大肌好左, 可以一步一級落樓梯, 之前係兩步一級/用pet pet "鄧"落去.
大家一齊努力.
但個仔每次都喊得好勁, 而家有出街恐懼症, 一坐車就驚我帶佢去做, 係車上好唔開心

點算.

作者: muimui5 時間: 11-6-8 11:04

我個囡遲啲都會開始做髗骶骨治療，我都好擔心佢掙扎。個治療師suggest我在囡囡午睡的鐘點做，先鬆鬆啲肌肉使佢瞓着才攪佢髗骶，我希望依個安排行得通啦。

原帖由 owl_2046 於 11-6-7 13:51 發表
星期六見番四個月冇見既親戚(在國內)
佢地都話我個仔進步不少, 由其人與人情感表達/反應
大肌好左, 可以一步一級落樓梯, 之前係兩步一級/用pet pet "鄧"落去.
大家一齊努力.
但個仔每次都喊得好勁, 而家有出街恐懼 ...

作者: owl_2046 時間: 11-6-9 12:48

我個仔都係午睡時間去, 但點都放鬆唔到, 每次出去都好似"C過番生"好慘

原帖由 muimui5 於 11-6-8 11:04 發表
我個囡遲啲都會開始做髗骶骨治療，我都好擔心佢掙扎。個治療師suggest我在囡囡午睡的鐘點做，先鬆鬆啲肌肉使佢瞓着才攪佢髗骶，我希望依個安排行得通啦。

...

作者: ikebukuro 時間: 11-6-10 00:02

提示: 作者被禁止或刪除內容自動屏蔽

作者: owl_2046 時間: 11-6-10 14:58

我個都好鐘意合埋眼, 個身同我個仔貼得好埋, 有時又要我攬住個仔, 跟住係我背脊及亞仔背脊"發功"但我就冇懷疑佢會瞓著, 因我個仔不停喊,不過見佢睜番大對眼個樣又真係好似剛剛瞓醒

我個仔做口時都咬過佢手指幾次(咬住唔放) 但佢都重好積極面對, 抵讚

原帖由 ikebukuro 於 11-6-10 00:02 發表
我個仔而家多數都會做做吓訓着覺，同時我又覺得個治療師都訓着埋，因有幾次見佢個頭越中越低，我專登咳兩聲，佢個頭即刻彈番高啲，十足我哋搭車恰眼訓咁，我又唔想做做吓轉第二個治療師，點算呢？唔通叫佢唔好尾埋對眼做咩?!
你哋啲 ...

作者: 溥溥 時間: 11-6-11 21:57

我都想了解一下这方面的資料，可以PM俾我嗎？非常感謝！

作者: owl_2046 時間: 11-6-12 17:46

唔知你係咪想我PM比你? 你參考下.

原帖由溥溥於 11-6-11 21:57 發表
我都想了解一下这方面的資料，可以PM俾我嗎？非常感謝！

作者: ikebukuro 時間: 11-6-13 02:32

提示: 作者被禁止或刪除內容自動屏蔽

作者: owl_2046 時間: 11-6-13 12:49

點解會喺你背脊發功？係咪教埋你點幫個仔做呀？
治療師叫我合埋眼抱住亞仔, 佢就一手係我另一手係亞仔背脊"發功"佢話有時小朋友太喊係好須要媽咪支持及比"正能量"我只知道佢按完後有一股"氣"係我背脊唔散...髗骶骨唔同其他3T, 可以自己教, 佢有教我一D簡單按摩及穴位按壓.

你覺得其實你個仔咸得勁係因為佢唔鍾意俾人襟住吖，定係因為治療師按中部位而有大反應？（即係好似腳底按摩按中穴位咁！）
兩樣都有關係, 亞仔瞓/座係度, 都係比佢壓住, 但我仔反抗得唔會太勁, 加上每次都有我/爸爸/工人幫佢鎮定情緒...另外個治療師每次唔係攪我個仔個頭就係個口, 呢兩個都係佢死穴, 點會唔喊得勁.

咬到手指?乜個治療師無預防咩？
最初兩次亞仔唔比佢隻"介子"入口, 佢就冒險唔帶以致比我個仔咬到.

咁而家係咪仲有做口呀？
近來開始都主力做口.

有無話做幾多堂？
我無問過佢, 但我會比個仔繼續.

我嗰個差唔多次次主要做口，為咗避免治療師訓覺，唯有連阿仔都唔俾佢訓，訓定覺先去.
其實個治療師真係冇咩可能會瞓著, 因你見到佢隻手係活動緊. 你個仔做口冇喊咩? 你個仔點會瞓著?

開始無乜信心！同埋治療師從來都無叫我幫手襟住阿仔喎！
你係邊間做緊? 其實我個治療帥都冇叫我禁住, 只係叫我拖住個仔隻手支持佢.

[ 本帖最後由 owl_2046 於 11-6-13 12:50 編輯 ]

作者: ikebukuro 時間: 11-6-14 02:17

提示: 作者被禁止或刪除內容自動屏蔽

作者: bestrongyes 時間: 11-6-17 02:34 標題: 回覆 1# ikebukuro 的文章

Can you PM 治療師的資料給我嗎 ?

[email protected]

作者: owl_2046 時間: 11-6-17 22:15

你果個係男定女?
我仔個治療師講, 按口係好痛, 因好似一下一下錐落個口度. 我又唔明你個仔咁好野, 按口都瞓得著 ~_~

原帖由 ikebukuro 於 11-6-14 02:17 發表
我咪喺你嗰間做囉，不過係另一個治療師啫嘛！
頭兩次我個仔都無訓，第三次左右，佢做到一半就訓着咗，之後我就約一D佢午睡時間嚟做，結果真係每次都訓着，因為頭兩次佢喊到死去活來咁，見到好心噏，所以我咪諗住訓咗都好，一來佢唔駛喊爆 ...

作者: candycycy 時間: 11-6-20 21:02

我朋友個仔做又係喊得好慘好大聲……

原帖由 owl_2046 於 11-3-21 10:06 發表
我仔做親個頭都喊得好慘, 你地仔女做緊時會唔會喊?

作者: ikebukuro 時間: 11-6-22 16:53

提示: 作者被禁止或刪除內容自動屏蔽

作者: BKVIP 時間: 11-6-29 10:27

Olima, owl_2046

請問可以俾d資料我嗎？我都想俾我仔試下。

作者: 大食怪 時間: 11-7-1 23:43

提示: 作者被禁止或刪除內容自動屏蔽

作者: owl_2046 時間: 11-7-5 17:44

以下兩位我已PM左比你地.

另外想提下, 我個仔做左髗骶骨後, "touch wood" 體質都改善左, 由其以前的超級鼻鼾都已消失得7788

[ 本帖最後由 owl_2046 於 11-7-5 17:55 編輯 ]

作者: BebeDede 時間: 11-7-10 16:50

owl_2046 :

Hi, owl_2046, I would like to know more about this treatment, can you send me the related ilnformation to my email address: lihongfei.tracy@gmail.com, thank you so much!

作者: Kei0122 時間: 11-7-12 17:38

can you please pm me, wanna know more
[email protected]

作者: bestrongyes 時間: 11-7-17 08:48 標題: 回復 8# owl_2046 的帖子

Dear owl_2046,

可否告知髗骶骨治療的資料給我..

thanks

Be strong

作者: bestrongyes 時間: 11-7-17 08:57 標題: 回復 29# olima 的帖子

HI olima,

有沒有做口呢 ? 你的仔仔有沒有哭 ?

作者: ikebukuro 時間: 11-7-17 22:32

提示: 作者被禁止或刪除內容自動屏蔽

作者: ALmonmon 時間: 11-7-17 23:57

Dear owl_2046,

I would like to try this therapy for my son, would you mind PM the address of the therapist for me please? Thank you very much!

Almonmon

作者: olima 時間: 11-7-19 12:36

我囝囝做了12次，做多2次package會完，我會暫停一下。

整體而言，進步是有的，但不算顯著，我主要針對兒子三大問題︰1)恐懼、驚青；2)負面情緒；3)體能。以前街上有人派傳單給我囝囝，我囝囝會好驚，有時會發脾氣，「點解要派俾我﹖」等巴士有人跟我或他傾偈，他又會很不自在，表現成惶成恐，我囝是高功能a仔，同佢解釋一些事情他大多明白，但唯獨這些東西他就是說極都...做了髗骶骨治療後，這些情況有改善，連帶一些負面情緒也好了，大肌也有少許進步，小便次數也多了(從前很少次)，但他最近參與兩次表演(他一直很怕表演)也未算成功，這也令我有點失望。

治療師說，我囝情況不算嚴重(相比他一些客人如患腦麻痺)，做10幾次就ok，10多次治療中，約有一半有做口肌，治療師說做口就像窒息一樣，很辛苦，但屬必然過程，要他釋放自己，其餘時間就是按頭、頸及腰椎，這些位置緊，有抑鬱的可能(頭及腰椎)，同時可能專注力不好(頸)。我說我囝囝專注力都ok，治療師說我較好彩。

做髗骶骨前，做父母的必須有足夠的心理準備(做口肌)，但也有些手法較溫和。有位NGO的PT跟我說，我囝做的治療師手法過激，他希望小孩能有所突破，曾經有學生做完後讀寫障礙改善了，但就出現行為問題，在課室裡走來走去。那PT說，她會建議用較溫和的手法做治療。

我囝的治療師(在YMT)也很FULL，過去10幾次我都沒有一個固定的时間表，另他跟這裡有幾位媽咪做的另一間(在CWB)也有一點關係。他說是他治好了CWB那間店的老闆娘，然後那老闆娘才開設一間治療中心，也請了另一些治療師及他師妹(出自同一個師傅)等，所以我囝治療師跟CWB店子的部份手法會相若。

希望以上資料可以幫到大家。

作者: chlohong 時間: 11-7-19 23:45

olima,
我都想帶BB去試, 可以PM治療師的資料給我嗎? 謝謝.

作者: owl_2046 時間: 11-7-23 17:48

以下幾位唔好意思, PM壞了, 我會再試

作者: ALmonmon 時間: 11-7-30 01:30

Dear owl_2046,

Would you mind PM the address of the therapist for me please? Thank you very much!

Almonmon

作者: owl_2046 時間: 11-8-6 20:31

我巳PM晒俾你地啦!
我唔肯定髗骶骨療程對你地小朋友有冇幫助,但對於我個仔真係有明顯改進,
正如治療師話,試得六至八次都冇明顯效果就要試另一種,無謂浪費金錢.

作者: macjackie 時間: 11-8-10 18:08

你好,owl_2026,你可唔可以pm資料比我呀,thxthx

原帖由 owl_2046 於 11-8-6 20:31 發表
我巳PM晒俾你地啦!
我唔肯定髗骶骨療程對你地小朋友有冇幫助,但對於我個仔真係有明顯改進,
正如治療師話,試得六至八次都冇明顯效果就要試另一種,無謂浪費金錢. ...

作者: minako 時間: 11-8-12 21:28

對專注力不足的小朋友, 呢種治療得唔得?
可不可是PM 醫生資料

作者: xixi1218 時間: 12-5-22 11:56

有沒有人知道有沒有溫和手法的髗骶骨？

作者: olima 時間: 12-5-22 13:11

回復 olima 的帖子

協x會...

歡迎光臨教育王國 (/)