教育王國

標題: 說者無心....我很傷心 [打印本頁]

作者: why-me 時間: 11-3-9 16:18 標題: 說者無心....我很傷心

今日有同事傾起家事, 我冇搭傘, 但其中一句:

"同咩人爭層樓呀, 佢個大仔低能嫁, 我見過, 唔同人講野又番唔到工........"

作者: pipi331 時間: 11-3-9 22:43

提示: 作者被禁止或刪除內容自動屏蔽

作者: Isaacmommy 時間: 11-3-9 23:04

Be strong, don't give up.
God has chosen you to be your son's mother because he thinks you are a good mother.

作者: pocoyo123 時間: 11-3-9 23:55

有時行街, 聽到D90后小朋友吹水時話人家**你成日打機, 自閉呀你***呢D說話都聽到無感覺, 每次只好同自己講, 有病唔係小朋友想, 佢都好痛苦, 我要盡我所能幫佢, 話比全世界知, 成功係可后天哉培....

作者: someoneelse 時間: 11-3-10 00:16

人地都無/唔係話你...點解要自尋煩惱？！

我囝有一位私人英文老師，佢有教特殊仔經驗/專業的...我叫佢同我囝上堂 (普通堂)...每次同傾起亞囝 d 野，佢口頭禪一定會係話『呢 d細路....』...我起初都有唔甘心，但後黎發覺原來佢講起每個細路都會係咁“稱呼”的...所以話，自己無野就得了...小朋友係叻？係蠢？係靚？係醜？係好？係壞？都係自己既！父母唔嫌棄就無人有資格睇低個小朋友架喇！正所謂寧欺白鬚公，莫欺少年窮嘛！

加油！

原帖由 why-me 於 11-3-9 16:18 發表
今日有同事傾起家事, 我冇搭傘, 但其中一句:

"同咩人爭層樓呀, 佢個大仔低能嫁, 我見過, 唔同人講野又番唔到工........"

作者: owl_2046 時間: 11-3-10 10:21

冇人想自己有個咁特別既仔女, 既來之則安之, 無謂對號入座.
雖然有時難免...我自己都係

作者: kelvin_hmlau 時間: 11-3-10 10:22

第日 tune 好左個仔, 記住教佢唔好咁"講野"啦...

作者: mcdull888 時間: 11-3-10 13:14

好明白你既感受, 因我都係自閉小朋友既媽媽, 難免會對人既說話敏感起來.

聽完就算la, 唔好記係心上.

原帖由 why-me 於 11-3-9 16:18 發表
今日有同事傾起家事, 我冇搭傘, 但其中一句:

"同咩人爭層樓呀, 佢個大仔低能嫁, 我見過, 唔同人講野又番唔到工........"

作者: mcdull888 時間: 11-3-10 13:23

有一天, 同事和我吃完飯回公司, 和我說她和仔仔講若不努力讀書, 就會好似我地公司大樓既叔叔o甘幫人做開門關門的工作.

呢段說話只係普通對話, 但對於我來講, 都會好感觸, 因為唔知仔仔將來係點, 有時唸, 佢可以有份甘既工, 我已經好感恩.

有時冇辦法, 真係會對號入座.

原帖由 why-me 於 11-3-9 16:18 發表
今日有同事傾起家事, 我冇搭傘, 但其中一句:

"同咩人爭層樓呀, 佢個大仔低能嫁, 我見過, 唔同人講野又番唔到工........"

作者: jezzyuen 時間: 11-3-10 16:29

好明白你既心情....唔好唔開心...! 加油! 自閉唔係低能...佢先係低能.

原帖由 why-me 於 11-3-9 16:18 發表
今日有同事傾起家事, 我冇搭傘, 但其中一句:

"同咩人爭層樓呀, 佢個大仔低能嫁, 我見過, 唔同人講野又番唔到工........"

作者: pinkdoll 時間: 11-3-11 11:06

我哋真係要訓練下自己開解自己聽到啲嘢都真係唔好咁上心

我有個朋友佢問我大孖近來點呀? 我話ok喎番咗學追番好多呀點知佢係地鐵指住我好大聲咁話: 即係你之前冇教佢啦? 唉..我唔開心咗一排之後諗通咗根本啲人就係鐘意話人就算個仔係正正常常啲人都一樣會話你呢樣個樣架

之後佢重問我細孖點呀? 我話有進步不過慢啲囉佢又想講嘢我咪話細孖自閉嘛佢唔係成日聽我講嘢架 ...有個朋友就開始幫我口話自閉係咁架要慢慢嚟入咗佢世界先可以同佢溝通到....... 佢聽到先話:我都唔識乜嘢係自閉 .....唉所以話呢啲人根本都唔知發生乜嘢事就會多多意見批評架

重有其實唔止我哋呢啲父母有壓力架其實呢個世界好多人未生過bb 未湊過bb都好似專家口吻咁架所以真係唔好理呢啲人佢哋隨口嗡當秘笈

作者: 麻煩 時間: 11-3-11 23:40

本帖最後由麻煩於 17-6-1 10:28 編輯

.....

歡迎光臨教育王國 (/)