教育王國

標題: 眼淚在心流 [打印本頁]

作者: 0529滔媽媽 時間: 11-3-9 14:35 標題: 眼淚在心流

仔仔現在 22 個月大,剛診斷為自閉傾向,語言得1歲,他會發ba ba ,ma ma,音,其餘就係太空話,語言理解就15個月,簡單指令都明白,不會用手指指野,只會捉大人的手去.他亦有自我刺激行為,自轉,最麻煩係撞頭,每次發脾氣,大聲,陌生人話佢,佢就會訓地,撞頭.真係好心痛.另一樣亦令我不知所措係佢差不多 18 個月先行,識行後一路用腳尖行路,在家或公園都會自己行,但係在街一定唔行,要抱,如果唔抱就放軟個身訓低.真係無佢佢辨法

.現在評估後需要排 I , E 位,另外要職業治療及言語治療.

職業治療上左一堂,初部發現1.聲音敏感,因他對大聲好抗拒,會失控,2.平衡差,成日跌 3.追求關節感,腳尖行路.大小肌肉約 16個月到.

言語治療未開始!

我幫佢報左9 月份返 N 班,唔知佢讀唔讀得到!另我仲可以點做好呀?

作者: jjcow 時間: 11-3-9 15:00

唔好咁啦，我都係剛剛確診，比你嚴重，要排 S 位，但我只係喊咗一個禮拜，真係多得互聯網，打個 keyword，有好多正能量，我覺得我地係有希望嘅，我依家已經可以同人笑住咁講個仔喇...

強烈推介：《我的淚水和孤獨－－只為聽見你》

我就嚟睇完喇，個心定好多，加油

作者: Olympian 時間: 11-3-9 15:51

你的小朋友和我囝囝的情況好相似。囝囝兩歲做評估，排E+S位。囝囝做完評估後，我就替他找及輪候"密集式訓練"的課程。當時囝囝正在讀幼兒園。直到協康會的課程有空缺，我就立即讓囝囝讀。

兩歲時囝囝極害怕陌生人。返左一個月幼兒園經已好左，而家仲好鐘意熱鬧，越多人越開心。

囝囝上了半年的課程，現在已懂得指東西，或用語言表達，不再只拉我的手或大叫。

語言都有進步。初時只懂約十個單字，現在會雙詞和講"食餅餅"這類型的短句。會講BB話係個好好的現象，是發音的開始。

囝囝也是比較大才會行和用腳尖行路，行得不穩陣。可是比起半年前已有進步，平衡改善了，手腳也靈活了，少了腳尖行。不過，在街都係唔肯行或拖手，會放軟個身。我也不明白，但認為他不是純粹不願行，可能也是和他的肌肉發展有關。下次都要問一下導師原因。

囝囝都有一些自我刺激的行為，導師都有教我用什麼方法Handle，唔駛咁無助。

其實越早訓練效果會越好，你小朋友未夠兩歲就做了評估，有較多時間追上。所以要盡早讓小朋友參加針對性的訓練，把握時間。

作者: 0529滔媽媽 時間: 11-3-9 16:37 標題: 回覆 3# 0529滔媽媽的文章

密集訓練排緊，約5月有位，但學費好貴!都5知可以付擔到幾多個月，又唔知政府要排幾耐！

作者: kelvin_hmlau 時間: 11-3-9 17:59

哥迪奧拿係昨晚歐聯的賽後評論：『事實上，你唯一成長的方式，就是反思自己。』

好多表面問題都會得到解決: 自轉, 撞頭, 腳尖行, 低張...言語...,

但係A 仔 (無論資優的亞氏保加仔), 問題的核心就係欠缺 "反思能力".

如果你能幫他重建 mindset, 他就可以不用稱為 "A 仔" 了. 或許可以改稱: "發展遲緩".

作者: pipi331 時間: 11-3-9 22:41

提示: 作者被禁止或刪除內容自動屏蔽

作者: autunmbb 時間: 11-3-10 03:57

原帖由 0529滔媽媽 於 11-3-9 14:35 發表
仔仔現在 22 個月大,剛診斷為自閉傾向,語言得1歲,他會發ba ba ,ma ma,音,其餘就係太空話,語言理解就15個月,簡單指令都明白,不會用手指指野,只會捉大人的手去.他亦有自我刺激行為,自轉,最麻煩係撞頭,每次發脾氣, ...

不要太傷心，我個仔要排s位仲煩，我地做媽咪都要加油，你可以睇下台灣這個a仔爸爸部落，加番d正能量~~~~
http://blog.nownews.com/article.php?bid=20908&tid=1299276

另外，如果你住新界區，SP可以申請下協康的「童言希望」，佢地好似5月開始training。

作者: 0529滔媽媽 時間: 11-3-10 08:54 標題: 回覆 1# autunmbb 的文章

多謝各位的支持，我住九龍，我現在會收拾心情，收集多些知資，希望仔仔會有進步啦！

作者: manman2228 時間: 11-3-10 09:50

你仔仔既情況同我仔仔既情況超級相似, 不過我仔仔就已經25個月大. 都係只發到爸爸,公公呢d音,但冇咩意識既. 其餘都係講太空話. 同埋唔識用手指指野, 又唔識點頭或"令"頭. 同你仔仔一樣都係拉住大人隻手去拎佢想要既野. 去到果個位佢就推你隻手上去拎. 問佢係咪要,佢都冇反應. 如果唔比佢,佢就即時發皮4,爬晒地,大叫..

你而家同仔仔去做訓練係咪政府架,定出去c+度自己比錢做?

原帖由 0529滔媽媽 於 11-3-9 14:35 發表
仔仔現在 22 個月大,剛診斷為自閉傾向,語言得1歲,他會發ba ba ,ma ma,音,其餘就係太空話,語言理解就15個月,簡單指令都明白,不會用手指指野,只會捉大人的手去.他亦有自我刺激行為,自轉,最麻煩係撞頭,每次發脾氣, ...

作者: 0529滔媽媽 時間: 11-3-10 10:46 標題: 回覆 1# manman2228 的文章

我仔仔好鍾意食嘢，我用食物引佢，問佢要不要，佢都識點頭！仔仔5月會返私人s位,睇下進展如何，9月份可能讀n班，因為負擔唔到私人咁多個月 !另外仔仔早產，33週出世，醫院有跟進，現在會同醫生傾下，睇下有無服務比仔仔！你小朋友現在點跟進！

作者: jezzyuen 時間: 11-3-10 21:45

我個仔又係呀, 一模一樣....不過我仔細D, 我仔而家21個月..我好灰心喇....

原帖由 manman2228 於 11-3-10 09:50 發表
你仔仔既情況同我仔仔既情況超級相似, 不過我仔仔就已經25個月大. 都係只發到爸爸,公公呢d音,但冇咩意識既. 其餘都係講太空話. 同埋唔識用手指指野, 又唔識點頭或"令"頭. 同你仔仔一樣都係拉住大人隻手去拎佢想要既 ...

作者: jezzyuen 時間: 11-3-10 21:48

請問係邊度既密集訓練, 可以PM我嗎?

原帖由 0529滔媽媽 於 11-3-9 16:37 發表
密集訓練排緊，約5月有位，但學費好貴!都5知可以付擔到幾多個月，又唔知政府要排幾耐！

作者: 0529滔媽媽 時間: 11-3-11 17:28

原帖由 jezzyuen 於 11-3-10 21:48 發表
請問係邊度既密集訓練, 可以PM我嗎?

己 PM 比你!!

作者: Torres 時間: 11-3-13 00:13

滔媽媽

我阿仔細個時都有經常撞頭,每次發脾氣,到陌生地方,佢就會訓地,撞頭, 之後上了感統治療, 治療師說他有前庭過敏, 成日都要上下擺頭(即係用頭向地撞)去自我剌澈, 他幫我地同阿仔衝破怕打鞦韆的恐懼, 之後我平時又成日同佢去公園盪鞦韆, 過了一排阿仔真係沒有了撞頭! 所以你都可以找治療師了解下, 而且多D同佢去下公園玩下, 無論盪鞦韆, 滑梯都係最平既活動+感統訓練! 加油!

作者: wonghuen 時間: 11-3-20 23:01

我都是同路人，各位mami加油！！
我時常都是喊幾日、震作起來，繼續努力吧！

歡迎光臨教育王國 (/)